Mark 10
10
De agoago i dagodo o de maavae
(Mat 19.1-12; Luke 16.18)
1Iesu ne hano gee hogi i kilaa ga hano gi denga mommee i Judea ma mommee i de baasi laa o Jordan. Gai dangada soa ga hagabuni mai hogi gi ono daha i kilaa, gai ia ga agoago ange gilaadeu bei ana hegau i de laa tubua.
2Gai hanu Pharisee ne loomai ga hagatale ia, gai gilaadeu ga ssili ange gi de ia, “E heohi de maavae ange o taane gi dono bodu?”
3Iesu ne ssili ange hogi gi gilaadeu, “Gai aahee muna a Moses gu tala adu gi goodou?”
4Gilaadeu ne hai ange gi de ia, “Moses ne dugu ange taane gi haia dahi beebaa maavae, ga hai ai de hine gi hano.” #Deut 24.1-4; Mat 5.31
5Iesu ne hai ange gi gilaadeu, “Moses ne sisi adu gi goodou de hainga naa i hiidinga de makaga oodou lodo. 6Aagai mai i taamada age de hai o mee alodahi, ‘Gai de Maadua ne hai taane ma de hine,’ ⌊bei de hai gu sisi ai laa i de Beebaa Dabu⌋.#Gen 1.27; 5.2 7‘Deenei ai, taane e dugu dono damana ma dono dinana, gai ga hagapigi ange gi dono bodu,#Gen 2.24 8gai gilaau gu hai ga se angaanga e dahi.’ Gilaau gu dee ni dangada dagidahi, aagai gu dahi donu huu. 9Deenei ai, de mee a de Maadua gu hai gi dahi, gai dangada gi dee vaaea.”
10Aagai denga dangada agoago ne ssili ange gi de ia dagodo o de mee laa, i delaadeu nnoho i lo te hale. 11Gai Iesu ne hai ange gi gilaadeu, “Be goai e maavae ange gi dono bodu ga hai bodu ange gi dahi hahine gee, gai ia gu haisala ange donu gi dono bodu.#Mat 5.32; 1 Co 7.10-11 12Gai de hine e maavae ange gi dono bodu gai ga hai bodu ange gi dahi daane gee gu dagodo haisala donu.”
De hagamanuuia a Iesu denga gauligi
(Mat 19.13-15; Luke 18.15-17)
13Dangada ne gaamai hogi denga gauligi gi Iesu gi dugua ange dono lima gi olaadeu elunga, aagai ana dangada agoago ga hagasee gilaadeu. 14Gai de masavaa huu a Iesu ne gidee ai de mee nei, gai ia gu bole, gai ia ga hai ange gi ana dangada agoago, “Dugua denga gauligi vaaligiligi gi loomai gi ogu daha, goodou aude buibuia gilaadeu, go hiidinga niiolaadeu donu de nohoanga hodooligi o de Maadua. 15Ni muna abodonu aagu e hai adu nei gi goodou, be goai e dee gaavee de nohoanga hodooligi o de Maadua bei dagodo o tamaa gauligi, aagai ia e dee maua donu i de ulu ai.” #Mat 18.3 16Gai ia ga buuludi ange denga gauligi ma de dugu ange dono lima gi olaadeu elunga ga hagamanuuia gilaadeu.
Taane lava
(Mat 19.16-30; Luke 18.18-30)
17De masavaa o Iesu ne daamada ai de seesee e hano gee i kilaa, gai dahi daane ne savini mai ga duuduli i ono mada i mua ga ssili ange gi de ia, “Tangada Agoago danuaa, se aha aagu e hai gi maua ai e au de mouli e dee ngado mai?”
18Iesu ne hai ange gi de ia, “Gu aha gu hagadaba ai naa goe bolo au e danuaa? E deai donu e danuaa, go de Maadua donu huu. 19Koe e iloo denga hainga: ‘Aude daia tangada gi magau, aude dagodo haisala, aude gaiaa, aude hagabaubau ina dahi i de muna hadu, aude daahangadia tangada, gai hagadubu ina doo damana ma doo dinana.’ ” #Exo 20.12-16; Deut 5.16-20
20Taane laa ne hai ange gi de ia, “Tangada Agoago, mee nei alodahi gu odi i dogu daudali ai mai i dogu gauligi.”
21Gai Iesu ga haaina ia, gu aloha i de ia, gai Iesu ga hai ange gi de ia, “E dahi donu huu mee tigi dohu i oo daha: hannoo hagao ina gi daha oo goloa alodahi, ga gaavange sseene gi de gau hagaau aloha, gi hanu ai au mee i de langi. Gai koe ga humai ga daudali mai i de au.”
22Aagai taane laa gu daemaha ono lodo i muna laa, gai ia ga hano gee i kilaa gu dee baba ono lodo, go hiidinga ia se daane lava mmao.
23Gai Iesu ne galo ange ga tilo ana dangada agoago, gai ia ne hai ange gi gilaadeu, “E hai ngadaa mmao de ulu o de gau lava, i de nohoanga hodooligi o de Maadua!”
24Gai ana dangada agoago gu llele olaadeu mouli i ana muna. Gai Iesu ga hai ange gi gilaadeu, “Agu dama, e hai ngadaa mmao de ulu i de nohoanga hodooligi o de Maadua! 25E hai ngaohie ange de ulu o de gamelo i de haonga o de niila, i de ulu o tangada lava i de nohoanga hodooligi o de Maadua.”
26Gai denga dangada agoago gu kii ange donu de llele olaadeu mouli, ga hagadau ssili i olaadeu magavaa, “Gai goai ai naa donu e maua gi hagamouli?”
27Iesu ne galo ange gi gilaadeu, ga hai ange, “De mee nei e dee maua donu i de hai i daho dangada, aagai e dee hai ngadaa donu i daho de Maadua. Go hiidinga de Maadua e maua i de hai mee alodahi.”
28 Peter ne hai ange gi de ia, “Tilo, gimaadeu gu dugu mee alodahi, gai ga daudali adu i de goe!”
29Iesu ne hai ange gi de ia, “Ni muna abodonu aagu e hai adu nei gi goodou, tangada gu dugua dono hale, be go ono daina daane, be go ono daina haahine, be go dono dinana, be go dono damana, be go ana dama, aabe go ono alahenua, i ogu hiidinga ma hiidinga o de longo danuaa, 30e dee haihai naa donu ga dee kave i de mouli nei e lau ange hale, ma daina daane, ma daina haahine, ma dinana ma dama, aama denga alahenua, aama denga hagaduasala; gai ia e kave naa de mouli e dee ngado mai i de masavaa e humai. 31Aagai e soa naa gilaadeu i mua iainei e hai go gilaadeu e hagaodia; aagai gilaadeu e hagaodia e hai go gilaadeu i mua.” #Mat 20.16; Luke 13.30
De tala a Iesu dono magau i tolu hanonga
(Mat 20.17-19; Luke 18.31-34)
32Gai Iesu ma ana dangada agoago ne seesee age e hulo gi Jerusalem, gai Iesu e hano i olaadeu mada i mua, gai ana dangada agoago gu llele mouli, gai dangada e daudali adu i olaadeu dua gu maatagu. Aagai Iesu ne ahe ange ga kave tinoangahulu ma dogolua, ga daamada de tala ange gi gilaadeu mee gu dai hai ange gi de ia. 33Gai ia ga hai ange, “Tilo, gidaadeu ga loage nei gi Jerusalem, gai Tama a Tangada e gaavange naa gi de gau haimeedabu maolunga ma de gau sisi. Gai gilaadeu e hagamodu naa ono muna e daa gi magau, ma de gaavange ia gi denga Gentile, 34gai gilaadeu e doo mee naa i de ia, ma de savasavale ange gi de ia, ma de hagailiili ia aama de daa ia gi magau. Gai dua naa huu e dolu laangi gai ia e mouli age.”
Tangidangi a James ma John
(Mat 20.20-28)
35 James ma John, luu dama daane a Zebedee, ne loomai gi daho Iesu, ga hai ange, “Tangada Agoago, gimaau e llodo koe gi dugua mai demaau mee e dangidangi adu ai gi de goe.”
36Iesu ne ssili ange gi gilaau, “Se aha ooluu e llodo au gi haia adu mooluu?”
37Gilaau ne hai ange gi de ia, “Haia gi maua e gimaau i de nnoho madali goe i doo nohoanga hodooligi mahamaha, dahi i doo baasi madau gai dahi i doo baasi masui.”
38Iesu ne hai ange gi gilaau, “Gooluu e dee tonu ange donu gi dooluu mee e dangidangi mai ai naa. Gooluu e maua i de unu i de ubu o taemaha oogu gu dai unu ai, be go de babudaisi i de babudaisi oogu gu dai babudaisi ai?” #Luke 12.50
39Gilaau ne hai ange gi de ia, “Gimaau e maua.” Iesu ne hai ange gi gilaau, “Gooluu e unu naa donu i de ubu oogu e unu ai, ma de babudaisi i de babudaisi oogu gu babudaisi ai, 40aagai e dee go au e hilia dangada e nnoho i dogu baasi madau aabe go dogu baasi masui. Aagai duulanga nei gu hagadabena ange gi gilaadeu gu hagamodu ange laa aagena.”
41Gai ga langona huu e tinoangahulu dangada agoago ange laa alaau muna, gai gilaadeu gu llili i James ma John. 42Iesu ne hagahi gilaadeu, ga hai ange, “Goodou e iloo bolo dagi o denga Gentile e hai gi de mahi dangada i olaadeu sauaa, gai olaadeu dangada aamua e hagahai hegau gilaadeu i olaadeu sauaa.#Luke 22.25-26 43Aagai goodou e dee hai hegau bee nei i oodou magavaa. Aagai be goai e lodo gi maolunga ia i oodou magavaa, gai ia gi se dangada hai hegau niiodou,#Mat 23.11; Mark 9.35; Luke 22.26 44gai be goai e lodo gi se dangada aamua ia i oodou magavaa, gai ia gi se dangada hai hegau niiodou. 45Go hiidinga Tama a Tangada tee humai donu hogi e hai dangada gi hai hegau ange gi de ia, aagai ia ne humai ga hai hegau ange gi dangada, ma de gaavange dono mouli e hagaola ai dangada soa.”
De hagaieiangi o Bartimaeus, taane dee gide
(Mat 20.29-34; Luke 18.35-43)
46Gai gilaadeu ne hulo ga tae gi Jericho. Gai de masavaa o Iesu ma ana dangada agoago, aama dangada soa ne ssao ai e hulo gee mai i Jericho, gai dahi daane dee gide, dono ingoo go Bartimaeus (e bei tama daane a Timaeus), e noho i gaogao de haiava ma e dangidangi ai i de bale. 47De masavaa aana ne langona ai bolo Iesu taane Nazareth gu humai, gai ia ga oo ga hai ange, “Iesu, Tama a David, lodo aloha mai gi de au!”
48Gai dangada ne hagasee ia, ga hai ange ia gi dee hagalongaa. Aagai ia ga kii ange donu de oo ga hai ange, “Tama a David, lodo aloha mai gi de au!”
49Gai Iesu ga duu ga hagadaba, “Hagahia ia gi humai!” Aagai dangada ga hagahi taane dee gide laa, ga hai ange gi de ia, “Koe gi lo taane; hidi age, Iesu gu hagaagahi mai goe.” 50Gai taane laa ga hagaui dono malo laa daha ga tili, ga hidi ga duu gi lunga ga hano gi daho Iesu.
51Gai Iesu ga ssili ange gi de ia, “Se aha aau e lodo au gi haia adu maau?”
Taane laa ne hai ange, “Tangada Agoago, au e lodo gi gide au.”
52Iesu ne hai ange gi de ia, “Hannoo, doo gai gu hagaieiangi goe.” De masavaa laa donu huu gai taane laa gu gide, gai ia ga daudali ange i Iesu i honga de haiava.
Currently Selected:
Mark 10: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Mark 10
10
De agoago i dagodo o de maavae
(Mat 19.1-12; Luke 16.18)
1Iesu ne hano gee hogi i kilaa ga hano gi denga mommee i Judea ma mommee i de baasi laa o Jordan. Gai dangada soa ga hagabuni mai hogi gi ono daha i kilaa, gai ia ga agoago ange gilaadeu bei ana hegau i de laa tubua.
2Gai hanu Pharisee ne loomai ga hagatale ia, gai gilaadeu ga ssili ange gi de ia, “E heohi de maavae ange o taane gi dono bodu?”
3Iesu ne ssili ange hogi gi gilaadeu, “Gai aahee muna a Moses gu tala adu gi goodou?”
4Gilaadeu ne hai ange gi de ia, “Moses ne dugu ange taane gi haia dahi beebaa maavae, ga hai ai de hine gi hano.” #Deut 24.1-4; Mat 5.31
5Iesu ne hai ange gi gilaadeu, “Moses ne sisi adu gi goodou de hainga naa i hiidinga de makaga oodou lodo. 6Aagai mai i taamada age de hai o mee alodahi, ‘Gai de Maadua ne hai taane ma de hine,’ ⌊bei de hai gu sisi ai laa i de Beebaa Dabu⌋.#Gen 1.27; 5.2 7‘Deenei ai, taane e dugu dono damana ma dono dinana, gai ga hagapigi ange gi dono bodu,#Gen 2.24 8gai gilaau gu hai ga se angaanga e dahi.’ Gilaau gu dee ni dangada dagidahi, aagai gu dahi donu huu. 9Deenei ai, de mee a de Maadua gu hai gi dahi, gai dangada gi dee vaaea.”
10Aagai denga dangada agoago ne ssili ange gi de ia dagodo o de mee laa, i delaadeu nnoho i lo te hale. 11Gai Iesu ne hai ange gi gilaadeu, “Be goai e maavae ange gi dono bodu ga hai bodu ange gi dahi hahine gee, gai ia gu haisala ange donu gi dono bodu.#Mat 5.32; 1 Co 7.10-11 12Gai de hine e maavae ange gi dono bodu gai ga hai bodu ange gi dahi daane gee gu dagodo haisala donu.”
De hagamanuuia a Iesu denga gauligi
(Mat 19.13-15; Luke 18.15-17)
13Dangada ne gaamai hogi denga gauligi gi Iesu gi dugua ange dono lima gi olaadeu elunga, aagai ana dangada agoago ga hagasee gilaadeu. 14Gai de masavaa huu a Iesu ne gidee ai de mee nei, gai ia gu bole, gai ia ga hai ange gi ana dangada agoago, “Dugua denga gauligi vaaligiligi gi loomai gi ogu daha, goodou aude buibuia gilaadeu, go hiidinga niiolaadeu donu de nohoanga hodooligi o de Maadua. 15Ni muna abodonu aagu e hai adu nei gi goodou, be goai e dee gaavee de nohoanga hodooligi o de Maadua bei dagodo o tamaa gauligi, aagai ia e dee maua donu i de ulu ai.” #Mat 18.3 16Gai ia ga buuludi ange denga gauligi ma de dugu ange dono lima gi olaadeu elunga ga hagamanuuia gilaadeu.
Taane lava
(Mat 19.16-30; Luke 18.18-30)
17De masavaa o Iesu ne daamada ai de seesee e hano gee i kilaa, gai dahi daane ne savini mai ga duuduli i ono mada i mua ga ssili ange gi de ia, “Tangada Agoago danuaa, se aha aagu e hai gi maua ai e au de mouli e dee ngado mai?”
18Iesu ne hai ange gi de ia, “Gu aha gu hagadaba ai naa goe bolo au e danuaa? E deai donu e danuaa, go de Maadua donu huu. 19Koe e iloo denga hainga: ‘Aude daia tangada gi magau, aude dagodo haisala, aude gaiaa, aude hagabaubau ina dahi i de muna hadu, aude daahangadia tangada, gai hagadubu ina doo damana ma doo dinana.’ ” #Exo 20.12-16; Deut 5.16-20
20Taane laa ne hai ange gi de ia, “Tangada Agoago, mee nei alodahi gu odi i dogu daudali ai mai i dogu gauligi.”
21Gai Iesu ga haaina ia, gu aloha i de ia, gai Iesu ga hai ange gi de ia, “E dahi donu huu mee tigi dohu i oo daha: hannoo hagao ina gi daha oo goloa alodahi, ga gaavange sseene gi de gau hagaau aloha, gi hanu ai au mee i de langi. Gai koe ga humai ga daudali mai i de au.”
22Aagai taane laa gu daemaha ono lodo i muna laa, gai ia ga hano gee i kilaa gu dee baba ono lodo, go hiidinga ia se daane lava mmao.
23Gai Iesu ne galo ange ga tilo ana dangada agoago, gai ia ne hai ange gi gilaadeu, “E hai ngadaa mmao de ulu o de gau lava, i de nohoanga hodooligi o de Maadua!”
24Gai ana dangada agoago gu llele olaadeu mouli i ana muna. Gai Iesu ga hai ange gi gilaadeu, “Agu dama, e hai ngadaa mmao de ulu i de nohoanga hodooligi o de Maadua! 25E hai ngaohie ange de ulu o de gamelo i de haonga o de niila, i de ulu o tangada lava i de nohoanga hodooligi o de Maadua.”
26Gai denga dangada agoago gu kii ange donu de llele olaadeu mouli, ga hagadau ssili i olaadeu magavaa, “Gai goai ai naa donu e maua gi hagamouli?”
27Iesu ne galo ange gi gilaadeu, ga hai ange, “De mee nei e dee maua donu i de hai i daho dangada, aagai e dee hai ngadaa donu i daho de Maadua. Go hiidinga de Maadua e maua i de hai mee alodahi.”
28 Peter ne hai ange gi de ia, “Tilo, gimaadeu gu dugu mee alodahi, gai ga daudali adu i de goe!”
29Iesu ne hai ange gi de ia, “Ni muna abodonu aagu e hai adu nei gi goodou, tangada gu dugua dono hale, be go ono daina daane, be go ono daina haahine, be go dono dinana, be go dono damana, be go ana dama, aabe go ono alahenua, i ogu hiidinga ma hiidinga o de longo danuaa, 30e dee haihai naa donu ga dee kave i de mouli nei e lau ange hale, ma daina daane, ma daina haahine, ma dinana ma dama, aama denga alahenua, aama denga hagaduasala; gai ia e kave naa de mouli e dee ngado mai i de masavaa e humai. 31Aagai e soa naa gilaadeu i mua iainei e hai go gilaadeu e hagaodia; aagai gilaadeu e hagaodia e hai go gilaadeu i mua.” #Mat 20.16; Luke 13.30
De tala a Iesu dono magau i tolu hanonga
(Mat 20.17-19; Luke 18.31-34)
32Gai Iesu ma ana dangada agoago ne seesee age e hulo gi Jerusalem, gai Iesu e hano i olaadeu mada i mua, gai ana dangada agoago gu llele mouli, gai dangada e daudali adu i olaadeu dua gu maatagu. Aagai Iesu ne ahe ange ga kave tinoangahulu ma dogolua, ga daamada de tala ange gi gilaadeu mee gu dai hai ange gi de ia. 33Gai ia ga hai ange, “Tilo, gidaadeu ga loage nei gi Jerusalem, gai Tama a Tangada e gaavange naa gi de gau haimeedabu maolunga ma de gau sisi. Gai gilaadeu e hagamodu naa ono muna e daa gi magau, ma de gaavange ia gi denga Gentile, 34gai gilaadeu e doo mee naa i de ia, ma de savasavale ange gi de ia, ma de hagailiili ia aama de daa ia gi magau. Gai dua naa huu e dolu laangi gai ia e mouli age.”
Tangidangi a James ma John
(Mat 20.20-28)
35 James ma John, luu dama daane a Zebedee, ne loomai gi daho Iesu, ga hai ange, “Tangada Agoago, gimaau e llodo koe gi dugua mai demaau mee e dangidangi adu ai gi de goe.”
36Iesu ne ssili ange gi gilaau, “Se aha ooluu e llodo au gi haia adu mooluu?”
37Gilaau ne hai ange gi de ia, “Haia gi maua e gimaau i de nnoho madali goe i doo nohoanga hodooligi mahamaha, dahi i doo baasi madau gai dahi i doo baasi masui.”
38Iesu ne hai ange gi gilaau, “Gooluu e dee tonu ange donu gi dooluu mee e dangidangi mai ai naa. Gooluu e maua i de unu i de ubu o taemaha oogu gu dai unu ai, be go de babudaisi i de babudaisi oogu gu dai babudaisi ai?” #Luke 12.50
39Gilaau ne hai ange gi de ia, “Gimaau e maua.” Iesu ne hai ange gi gilaau, “Gooluu e unu naa donu i de ubu oogu e unu ai, ma de babudaisi i de babudaisi oogu gu babudaisi ai, 40aagai e dee go au e hilia dangada e nnoho i dogu baasi madau aabe go dogu baasi masui. Aagai duulanga nei gu hagadabena ange gi gilaadeu gu hagamodu ange laa aagena.”
41Gai ga langona huu e tinoangahulu dangada agoago ange laa alaau muna, gai gilaadeu gu llili i James ma John. 42Iesu ne hagahi gilaadeu, ga hai ange, “Goodou e iloo bolo dagi o denga Gentile e hai gi de mahi dangada i olaadeu sauaa, gai olaadeu dangada aamua e hagahai hegau gilaadeu i olaadeu sauaa.#Luke 22.25-26 43Aagai goodou e dee hai hegau bee nei i oodou magavaa. Aagai be goai e lodo gi maolunga ia i oodou magavaa, gai ia gi se dangada hai hegau niiodou,#Mat 23.11; Mark 9.35; Luke 22.26 44gai be goai e lodo gi se dangada aamua ia i oodou magavaa, gai ia gi se dangada hai hegau niiodou. 45Go hiidinga Tama a Tangada tee humai donu hogi e hai dangada gi hai hegau ange gi de ia, aagai ia ne humai ga hai hegau ange gi dangada, ma de gaavange dono mouli e hagaola ai dangada soa.”
De hagaieiangi o Bartimaeus, taane dee gide
(Mat 20.29-34; Luke 18.35-43)
46Gai gilaadeu ne hulo ga tae gi Jericho. Gai de masavaa o Iesu ma ana dangada agoago, aama dangada soa ne ssao ai e hulo gee mai i Jericho, gai dahi daane dee gide, dono ingoo go Bartimaeus (e bei tama daane a Timaeus), e noho i gaogao de haiava ma e dangidangi ai i de bale. 47De masavaa aana ne langona ai bolo Iesu taane Nazareth gu humai, gai ia ga oo ga hai ange, “Iesu, Tama a David, lodo aloha mai gi de au!”
48Gai dangada ne hagasee ia, ga hai ange ia gi dee hagalongaa. Aagai ia ga kii ange donu de oo ga hai ange, “Tama a David, lodo aloha mai gi de au!”
49Gai Iesu ga duu ga hagadaba, “Hagahia ia gi humai!” Aagai dangada ga hagahi taane dee gide laa, ga hai ange gi de ia, “Koe gi lo taane; hidi age, Iesu gu hagaagahi mai goe.” 50Gai taane laa ga hagaui dono malo laa daha ga tili, ga hidi ga duu gi lunga ga hano gi daho Iesu.
51Gai Iesu ga ssili ange gi de ia, “Se aha aau e lodo au gi haia adu maau?”
Taane laa ne hai ange, “Tangada Agoago, au e lodo gi gide au.”
52Iesu ne hai ange gi de ia, “Hannoo, doo gai gu hagaieiangi goe.” De masavaa laa donu huu gai taane laa gu gide, gai ia ga daudali ange i Iesu i honga de haiava.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.