Matthew 24
24
De tala a Iesu de oha o de temple
(Mark 13.1-2; Luke 21.5-6)
1Iesu ne sao e hano gee i de temple, gai ana dangada agoago ga loomai ga hagaago ange gi de ia denga hale i de mommee o de temple. 2Aagai ia ga hai ange gi gilaadeu, “Goodou gu gidee mee nei alodahi? Ni muna abodonu aagu e hai adu nei gi goodou: e deai naa donu se hadu daudahi e dagodo i honga dahi hadu. Gai e odi naa donu i de tili iho.”
Denga hai ngadaa ma vaivai haia
(Mark 13.3-13; Luke 21.7-19)
3De masavaa o Iesu ne hano ai ga noho i honga de Mounga o denga Olive, gai ana dangada agoago ga loomai gi ono daha i de masavaa e deai ai dangada, ga hai ange, “Daalaa mai, dee hee de masavaa e hai ai mee nei? Aagai dee hee de hagailonga o doo ahe mai aama de hagaodi o henua i lalo?”
4Iesu ne hai ange gi gilaadeu, “Goodou dagitilo gi dee daahangadia goodou. 5Gai e soa naa dangada e loomai i dogu ingoo, ga hai adu, ‘Go au go de Klisdo,’ gai gilaadeu e daahanga naa dangada soa. 6Goodou e langona naa de hai denga hebagi ma longo o denga hebagi. Gai goodou dagidiiloo gi dee manavasaa oodou lodo. Mee nei e hai naa donu, aagai tigi dae mai de hagaodi. 7Denga huaahenua e hagadau hebagi naa, denga nohoanga hodooligi e hagadau hebagi naa, gai e hai naa denga onge ma de ngalungalue o de henua i denga mommee. 8Gai mee nei e bei naa donu taamada de hai hagalangona o de hine gu dai haanau laa.
9Dangada e gaavange naa goodou e hagaduasala ma de daa goodou ga maakau, gai dangada alodahi e kino naa i goodou i hiidinga o dogu ingoo.#Mat 10.22 10Gai e soa naa dangada e daahuli gee i de laangi laa, ma de hagadau hagabaubau aama de hagadau kino. 11E soa naa hogi pelaabisi hadu muna e loomai ga daahanga dangada soa. 12Gai e deai naa se aloha i daho dangada soa, i hiidinga de laumalie de baubau. 13Aagai tangada naa huu e lodo mmahi ga dae ai gi de hagaodi, gai ia e hagamouli.#Mat 10.22 14Gai de longo danuaa o de nohoanga hodooligi o de Maadua, e tala naa i henua i lalo alodahi, gi langona ai e denga huaahenua alodahi mee nei. Aagai dua naa huu mee nei, gai gu dae mai de hagaodi.
De mee hakino gee laumalie
(Mark 13.14-23; Luke 21.20-24)
15“Deenei ai, noo gu gidee e goodou de mee hakino gee e haia laa ga ngadi dagodo de mommee, gu duu i de mommee dabu, go mee gu tala laa i daho de pelaabisi go Daniel,” (gai tangada e daulia muna nei gi donu ange),#Dan 9.27; 11.31; 12.11 16“gai dangada i Judea gi saavini gi hulo gi denga mounga. 17Tangada i tua de hale gi dee iho gi gaavee dahi mee i lo tono hale.#Luke 17.31 18Tangada i lo te veelenga gi dee ahe mai hogi gi gaavee dono malo laa daha. 19Gai e vakaa naa denga haahine hai tama, ma gilaadeu e haau alaadeu gaagaa i laangi laa. 20Deenei ai, goodou dalodalo gi dee go de masavaa hagamagalili aabe go de laangi o Sabbath, oodou e saavini ai e hulo gee i de aduhale. 21Go hiidinga e kona naa donu de vaivai haia o dangada i de masavaa laa, gai tigi ai ange donu se masavaa bee nei, mai i taamada age o henua i lalo ga dae mai ai gi iainei, gai e deai ange naa hogi se masavaa bee nei i muli mai.#Dan 12.1; Rev 7.14 22Gai noo laangi laa e dee hai gi podo, gai e deai donu se dangada daudahi e ola. Aagai laangi laa e hai naa gi podo i hiidinga o dangada gu lava laa i de hili. 23Gai noo dahi dangada e hai adu gi goodou, ‘Tilo, deenei de Klisdo!’, aabe e hai adu, ‘Deelaa ia!’, gai goodou aude hagadonusia ana muna. 24Go hiidinga denga klisdo ma pelaabisi hadu muna e ssula age naa donu, ga hai denga hagailonga ma mee hagalele mouli e daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili. 25Tilo, au gu tala adu gi goodou mee nei i mua de hai.
26Deenei ai, noo gilaadeu e hai adu gi goodou, ‘Tilo, ia e noho i lodo henua!’, gai goodou aude hulo gi kilaa; be gilaadeu e hai adu, ‘Tilo, ia e noho i lo te aabi i lodo!’, gai goodou aude hagadonusia alaadeu muna.#Luke 17.23-24 27De uila e laba i baasi i dua ga hano ga dae gi de baasi i dai, gai e bei ai naa hogi de humai o Tama a Tangada. 28Be go hee naa huu iai dahi angaanga magau, gai go kilaa hogi e hagabuni ai denga vulture.#Luke 17.37
De ahe mai o Tama a Tangada
(Mark 13.24-27; Luke 21.25-28)
29“Gai dua naa donu huu laangi hagaduasala laa,
gai de laa gu hagagohu,
de maasina gu deai sono maalama;
gai denga heduu i lo te langi gu too iho,
gai mee mmahi i lo te langi e hagangaalue naa.#Isa 13.10; 34.4; Ezk 32.7; Joel 2.10, 31; 3.15; Rev 6.12-13
30Aagai de hagailonga o Tama a Tangada e hagasula mai naa i de langi. Gai huaabodu o henua i lalo alodahi e tangi naa, ga hagailiili olaadeu hadahada i delaadeu gidee Tama a Tangada, e humai i honga giliiga o de langi i ssauaa ma de mahamaha laumalie.#Dan 7.13; Zec 12.10-14; Rev 1.7 31Gai ia e hai naa gi hulo ana dangada de langi i de ili o de trumpet, gai gilaadeu e hagabuni mai naa ana dangada gu hili i denga madangi e haa, ma mai i dahi bido o de langi ga hano ai gi de bido ange laa.
Agoago i dagodo o de fig
(Mark 13.28-31; Luke 21.29-33)
32“Gai haia gi iloo e goodou dagodo o de fig. De masavaa naa huu e balabala ai ono laa gai gu matili age ono lau, gai goodou gu iloo bolo gu baa mai de masavaa mahanahana. 33E bei ai hogi, de masavaa naa huu oodou e gidee ai mee nei alodahi, gai goodou e iloo bolo ia gu dai humai donu, ia gu duu donu i gaogao de haitoga. 34Ni muna abodonu aagu e hai adu nei gi goodou, de atangada nei e dee lilo naa donu gai gu hai mee nei alodahi. 35De langi ma henua i lalo e llilo naa donu, aagai agu muna e dee llilo donu.
E deai donu e iloo de laangi aabe go de aoaa laa
(Mark 13.32-37; Luke 17.26-30, 34-36)
36“E deai donu se dangada e iloo de laangi aabe go de aoaa laa; e deai hogi dangada de langi e iloo, Tama e dee iloo hogi e ia, aagai go Tamana donu huu e iloo. 37De ahe mai o Tama a Tangada e bei naa dagodo laangi o Noah.#Gen 6.5-8 38Laangi i mua o tolona gai dangada ne gaimee ma de unu, ma de hai bodu aama de gaavange alaadeu dama gi hai bodu, ga dae ai gi de laangi o Noah ne ulu ai gi lo te vaga hale. 39Gai gilaadeu tee angahia donu de humai o tolona ga kave gee gilaadeu alodahi. Aagai e bei ai naa hogi de humai o Tama a Tangada.#Gen 7.6-24 40De masavaa laa gai e dogolua naa daane i lo te veelenga, dahi e gaavee naa aagai dahi e deai. 41E dogolua naa hogi haahine e mmili alaau grain i de hadu mmili, dahi e gaavee naa aagai dahi e deai.
42Deenei ai, goodou dagitilo, go hiidinga goodou e dee iloo de laangi o doodou Dagi Maolunga e humai ai. 43Aagai goodou gi tonu ange gi de mee nei: noo tangada niiona de hale e iloo de masavaa o tangada gaiaa e humai ai, gai ia e dagitilo naa ga buibui gi dee oohaa dono hale.#Luke 12.39-40 44Deenei ai, haia donu hogi gi paba goodou, go hiidinga Tama a Tangada e humai naa i de masavaa oodou e dee maanadu ai bolo ia e humai.
Tangada e hai hegau i de mee abodonu ma tangada e deai
(Luke 12.41-48)
45“Goai tangada hai hegau e kana ange laa ma de heiangi, go ia a dono dangada aamua e dugu ange mee alodahi i dono hale ia gi diiloo ange, gai ia ga gaavange ai gi de gau hai hegau alaadeu gai i de masavaa heohi? 46E manuuia tangada hai hegau a dono dangada aamua e gidee bolo ia gu hagassula ana muna i dono masavaa e humai ai! 47Ni muna abodonu aagu e hai adu nei gi goodou, tangada aamua e hai naa ia go tagi o ana mee alodahi. 48Gai noo tangada hai hegau baubau laa e hagadaba i ono lodo, ‘Dogu dangada aamua e mmule naa donu de ahe mai,’ 49gai ia ga daamada de daa ono soa hai hegau ma de gaimee ma de unu madali gilaadeu e unu ga ssenga, 50gai tangada aamua o tangada hai hegau laa e humai naa, i de laangi aana e dee maanadu ai bolo ia e humai, ma de aoaa aana e dee iloo laa. 51Gai ia e hagaduasala naa donu ia ga hai gi noho madali gilaadeu e daahangadia dangada, go de mommee o de tangi ma de hagaida ai gauvae.
Currently Selected:
Matthew 24: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Matthew 24
24
De tala a Iesu de oha o de temple
(Mark 13.1-2; Luke 21.5-6)
1Iesu ne sao e hano gee i de temple, gai ana dangada agoago ga loomai ga hagaago ange gi de ia denga hale i de mommee o de temple. 2Aagai ia ga hai ange gi gilaadeu, “Goodou gu gidee mee nei alodahi? Ni muna abodonu aagu e hai adu nei gi goodou: e deai naa donu se hadu daudahi e dagodo i honga dahi hadu. Gai e odi naa donu i de tili iho.”
Denga hai ngadaa ma vaivai haia
(Mark 13.3-13; Luke 21.7-19)
3De masavaa o Iesu ne hano ai ga noho i honga de Mounga o denga Olive, gai ana dangada agoago ga loomai gi ono daha i de masavaa e deai ai dangada, ga hai ange, “Daalaa mai, dee hee de masavaa e hai ai mee nei? Aagai dee hee de hagailonga o doo ahe mai aama de hagaodi o henua i lalo?”
4Iesu ne hai ange gi gilaadeu, “Goodou dagitilo gi dee daahangadia goodou. 5Gai e soa naa dangada e loomai i dogu ingoo, ga hai adu, ‘Go au go de Klisdo,’ gai gilaadeu e daahanga naa dangada soa. 6Goodou e langona naa de hai denga hebagi ma longo o denga hebagi. Gai goodou dagidiiloo gi dee manavasaa oodou lodo. Mee nei e hai naa donu, aagai tigi dae mai de hagaodi. 7Denga huaahenua e hagadau hebagi naa, denga nohoanga hodooligi e hagadau hebagi naa, gai e hai naa denga onge ma de ngalungalue o de henua i denga mommee. 8Gai mee nei e bei naa donu taamada de hai hagalangona o de hine gu dai haanau laa.
9Dangada e gaavange naa goodou e hagaduasala ma de daa goodou ga maakau, gai dangada alodahi e kino naa i goodou i hiidinga o dogu ingoo.#Mat 10.22 10Gai e soa naa dangada e daahuli gee i de laangi laa, ma de hagadau hagabaubau aama de hagadau kino. 11E soa naa hogi pelaabisi hadu muna e loomai ga daahanga dangada soa. 12Gai e deai naa se aloha i daho dangada soa, i hiidinga de laumalie de baubau. 13Aagai tangada naa huu e lodo mmahi ga dae ai gi de hagaodi, gai ia e hagamouli.#Mat 10.22 14Gai de longo danuaa o de nohoanga hodooligi o de Maadua, e tala naa i henua i lalo alodahi, gi langona ai e denga huaahenua alodahi mee nei. Aagai dua naa huu mee nei, gai gu dae mai de hagaodi.
De mee hakino gee laumalie
(Mark 13.14-23; Luke 21.20-24)
15“Deenei ai, noo gu gidee e goodou de mee hakino gee e haia laa ga ngadi dagodo de mommee, gu duu i de mommee dabu, go mee gu tala laa i daho de pelaabisi go Daniel,” (gai tangada e daulia muna nei gi donu ange),#Dan 9.27; 11.31; 12.11 16“gai dangada i Judea gi saavini gi hulo gi denga mounga. 17Tangada i tua de hale gi dee iho gi gaavee dahi mee i lo tono hale.#Luke 17.31 18Tangada i lo te veelenga gi dee ahe mai hogi gi gaavee dono malo laa daha. 19Gai e vakaa naa denga haahine hai tama, ma gilaadeu e haau alaadeu gaagaa i laangi laa. 20Deenei ai, goodou dalodalo gi dee go de masavaa hagamagalili aabe go de laangi o Sabbath, oodou e saavini ai e hulo gee i de aduhale. 21Go hiidinga e kona naa donu de vaivai haia o dangada i de masavaa laa, gai tigi ai ange donu se masavaa bee nei, mai i taamada age o henua i lalo ga dae mai ai gi iainei, gai e deai ange naa hogi se masavaa bee nei i muli mai.#Dan 12.1; Rev 7.14 22Gai noo laangi laa e dee hai gi podo, gai e deai donu se dangada daudahi e ola. Aagai laangi laa e hai naa gi podo i hiidinga o dangada gu lava laa i de hili. 23Gai noo dahi dangada e hai adu gi goodou, ‘Tilo, deenei de Klisdo!’, aabe e hai adu, ‘Deelaa ia!’, gai goodou aude hagadonusia ana muna. 24Go hiidinga denga klisdo ma pelaabisi hadu muna e ssula age naa donu, ga hai denga hagailonga ma mee hagalele mouli e daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili. 25Tilo, au gu tala adu gi goodou mee nei i mua de hai.
26Deenei ai, noo gilaadeu e hai adu gi goodou, ‘Tilo, ia e noho i lodo henua!’, gai goodou aude hulo gi kilaa; be gilaadeu e hai adu, ‘Tilo, ia e noho i lo te aabi i lodo!’, gai goodou aude hagadonusia alaadeu muna.#Luke 17.23-24 27De uila e laba i baasi i dua ga hano ga dae gi de baasi i dai, gai e bei ai naa hogi de humai o Tama a Tangada. 28Be go hee naa huu iai dahi angaanga magau, gai go kilaa hogi e hagabuni ai denga vulture.#Luke 17.37
De ahe mai o Tama a Tangada
(Mark 13.24-27; Luke 21.25-28)
29“Gai dua naa donu huu laangi hagaduasala laa,
gai de laa gu hagagohu,
de maasina gu deai sono maalama;
gai denga heduu i lo te langi gu too iho,
gai mee mmahi i lo te langi e hagangaalue naa.#Isa 13.10; 34.4; Ezk 32.7; Joel 2.10, 31; 3.15; Rev 6.12-13
30Aagai de hagailonga o Tama a Tangada e hagasula mai naa i de langi. Gai huaabodu o henua i lalo alodahi e tangi naa, ga hagailiili olaadeu hadahada i delaadeu gidee Tama a Tangada, e humai i honga giliiga o de langi i ssauaa ma de mahamaha laumalie.#Dan 7.13; Zec 12.10-14; Rev 1.7 31Gai ia e hai naa gi hulo ana dangada de langi i de ili o de trumpet, gai gilaadeu e hagabuni mai naa ana dangada gu hili i denga madangi e haa, ma mai i dahi bido o de langi ga hano ai gi de bido ange laa.
Agoago i dagodo o de fig
(Mark 13.28-31; Luke 21.29-33)
32“Gai haia gi iloo e goodou dagodo o de fig. De masavaa naa huu e balabala ai ono laa gai gu matili age ono lau, gai goodou gu iloo bolo gu baa mai de masavaa mahanahana. 33E bei ai hogi, de masavaa naa huu oodou e gidee ai mee nei alodahi, gai goodou e iloo bolo ia gu dai humai donu, ia gu duu donu i gaogao de haitoga. 34Ni muna abodonu aagu e hai adu nei gi goodou, de atangada nei e dee lilo naa donu gai gu hai mee nei alodahi. 35De langi ma henua i lalo e llilo naa donu, aagai agu muna e dee llilo donu.
E deai donu e iloo de laangi aabe go de aoaa laa
(Mark 13.32-37; Luke 17.26-30, 34-36)
36“E deai donu se dangada e iloo de laangi aabe go de aoaa laa; e deai hogi dangada de langi e iloo, Tama e dee iloo hogi e ia, aagai go Tamana donu huu e iloo. 37De ahe mai o Tama a Tangada e bei naa dagodo laangi o Noah.#Gen 6.5-8 38Laangi i mua o tolona gai dangada ne gaimee ma de unu, ma de hai bodu aama de gaavange alaadeu dama gi hai bodu, ga dae ai gi de laangi o Noah ne ulu ai gi lo te vaga hale. 39Gai gilaadeu tee angahia donu de humai o tolona ga kave gee gilaadeu alodahi. Aagai e bei ai naa hogi de humai o Tama a Tangada.#Gen 7.6-24 40De masavaa laa gai e dogolua naa daane i lo te veelenga, dahi e gaavee naa aagai dahi e deai. 41E dogolua naa hogi haahine e mmili alaau grain i de hadu mmili, dahi e gaavee naa aagai dahi e deai.
42Deenei ai, goodou dagitilo, go hiidinga goodou e dee iloo de laangi o doodou Dagi Maolunga e humai ai. 43Aagai goodou gi tonu ange gi de mee nei: noo tangada niiona de hale e iloo de masavaa o tangada gaiaa e humai ai, gai ia e dagitilo naa ga buibui gi dee oohaa dono hale.#Luke 12.39-40 44Deenei ai, haia donu hogi gi paba goodou, go hiidinga Tama a Tangada e humai naa i de masavaa oodou e dee maanadu ai bolo ia e humai.
Tangada e hai hegau i de mee abodonu ma tangada e deai
(Luke 12.41-48)
45“Goai tangada hai hegau e kana ange laa ma de heiangi, go ia a dono dangada aamua e dugu ange mee alodahi i dono hale ia gi diiloo ange, gai ia ga gaavange ai gi de gau hai hegau alaadeu gai i de masavaa heohi? 46E manuuia tangada hai hegau a dono dangada aamua e gidee bolo ia gu hagassula ana muna i dono masavaa e humai ai! 47Ni muna abodonu aagu e hai adu nei gi goodou, tangada aamua e hai naa ia go tagi o ana mee alodahi. 48Gai noo tangada hai hegau baubau laa e hagadaba i ono lodo, ‘Dogu dangada aamua e mmule naa donu de ahe mai,’ 49gai ia ga daamada de daa ono soa hai hegau ma de gaimee ma de unu madali gilaadeu e unu ga ssenga, 50gai tangada aamua o tangada hai hegau laa e humai naa, i de laangi aana e dee maanadu ai bolo ia e humai, ma de aoaa aana e dee iloo laa. 51Gai ia e hagaduasala naa donu ia ga hai gi noho madali gilaadeu e daahangadia dangada, go de mommee o de tangi ma de hagaida ai gauvae.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.