Matthew 22
22
De mee hagasengasenga o taonga hagahai bodu
(Luke 14.15-24)
1Iesu ne tala ange hogi gi dangada dahi mee hagasengasenga, ga hai ange, 2“De nohoanga hodooligi o de langi e bei dagodo o dahi hodooligi e haia laa taonga hagahai bodu o dana dama daane. 3Gai ia ne hai gi hulo ono dangada hai hegau gi hagahia dangada gu ssala ange laa gi taonga, aagai gilaadeu tee llodo e loomai.
4Ia ne ahe ange hogi ga hai gi hulo hanu ono dangada hai hegau, ga hai ange, ‘Goodou hai ange gi gilaadeu gu ssala ange gi taonga: Tilo, au gu hagadabena mee e hai ai dagu daonga; au gu daa denga kaau daane ma kaau gu haangai ma gu pedi, gai gu lava mee alodahi; goodou loomai gi taonga hagahai bodu!’
5Aagai gilaadeu tee anga ange gi ana muna, gai ne hulo ga hai alaadeu hegau; dahi ne hano gi dono alahenua, gai dahi ne hano gi dono mommee hagao mee, 6gai gilaadeu ange laa ne booboo ono dangada hai hegau ga vaivai hai, ma de daa gilaadeu ga maakau. 7Gai de hodooligi laa gu kona mmao de lili. Gai ia ga hai gi hulo ono daane hebagi gi daia gi maakau de gau daa dangada laa magi duungia delaadeu aduhale.
8Gai ia ga hai ange gi ono dangada hai hegau, ‘Gu lava mee o taonga hagahai bodu, gai dangada ne saalaa e dee heohi ange aagena. 9Deenei ai, goodou hulo saalaa dangada alodahi i hesilihaginga o denga haiava, gilaadeu gi loomai gi taonga hagahai bodu.’ 10Aagai de gau hai hegau ne hulo gi honga denga haiava hugadoo, ga hagahi ai dangada alodahi alaadeu e gidee, go gilaadeu alodahi e baubau ma gilaadeu e danuaa, ga hhao ai gu honu de mommee o taonga hagahai bodu.
11Aagai de masavaa huu o de hodooligi ne ulu mai ai gi daho dangada, gai ia gu gidee dahi daane e dee gahu i malo o taonga hagahai bodu; 12gai ia ga ssili ange gi de ia, ‘Dogu soa, dee hee doo hai ne ulu mai ai naa gi kinei, gai koe e dee gahu i malo o taonga hagahai bodu?’ Gai taane laa gu dee muu.
13Gai de hodooligi laa ga hai ange gi ono dangada hai hegau, ‘Noodia luoono lima ma luoono vae magaa ia gi lo te gohu i duaahaho, go de mommee o de tangi ma de hagaida ai gauvae.’ #Mat 8.12; 25.30; Luke 13.28
14Go hiidinga ne soa dangada ne hagahia, aagai e sogoisi donu huu ne hili.”
De hagao ange taagisese gi Caesar
(Mark 12.13-17; Luke 20.20-26)
15Gai denga Pharisee ne hulo ga hagasaele ange delaadeu hai e hagahaisala ai Iesu i ana muna. 16Gai gilaadeu ne hai gi hulo alaadeu dangada agoago, ma hanu dangada mai i de hagabuulinga o Herod gi ono daha, ga hai ange, “Tangada Agoago, gimaadeu e iloo bolo koe e hai hegau i de mee abodonu, gai koe e agoago de haiava o de Maadua i de mee abodonu. Koe e dee dagi i daho dangada, go hiidinga koe e dee vae dangada. 17Deenei ai, daalaa mai dau maanadu. E alaange de hagao ange taagisese gi Caesar be deai?”
18Aagai Iesu gu iloo alaadeu maanadu vaivai daakodo, ga hai ange, “Goodou ni dangada e daahangadia dangada! Gu aha gu llodo ai naa goodou e hagatale au? 19Gaamai dahi denarius e hagao ai laa taagisese e tilo au!” Gai gilaadeu ne gaavange gi de ia dahi denarius 20gai ia ga ssili ange gi gilaadeu, “Niioai de ada ma de hagailonga iai nei?”
21Gilaadeu ne hai ange gi de ia, “Niio Caesar.”
Iesu ne hai ange gi gilaadeu, “Deelaa ai, gaavange gi Caesar mee a Caesar, gai gaavange gi de Maadua mee a de Maadua.”
22Gai ga langona huu e gilaadeu ana muna, gai gilaadeu gu llele mouli. Gai gilaadeu ga tili ia gai ga hulo gee mai i kilaa.
De ssili dagodo o de mouli age
(Mark 12.18-27; Luke 20.27-40)
23De laangi mau gai hanu Sadducee ne loomai gi ono daho, aanei gilaadeu e hagataba laa bolo e deai donu se mouli age. Gai gilaadeu ne ssili ange gi de ia,#Acts 23.8 24ga hai ange, “Tangada Agoago, Moses ne hagadaba, ‘Noo gu magau dahi daane dau bodu gai teai sana dama, gai dono daina daane gi hai bodu ange gi dono maa, e hai ai dahi hagadiilinga moo dono daina daane.’ #Deut 25.5 25E dogohidu hai daina daane; tama madua ne hai bodu gai teai donu sana dama gai ia gu magau, gai ia ne dugu ange dono bodu gi dono daina daane. 26Gai e bei ai hogi togolua ma togodolu dama, ga dae ai loo gi togohidu daina daane. 27Muli mai gai de hine laa ne magau hogi. 28Gai niioai ai naa de bodu go de hine laa i de masavaa o de mouli age? Go hiidinga gilaadeu alodahi ne hai bodu ange gi de ia.”
29Aagai Iesu ne hai ange gi gilaadeu, “Goodou e dee heohi donu, i hiidinga goodou e dee iloo de Beebaa Dabu aabe go ssauaa o de Maadua. 30E deai donu dangada e hai bodu aabe e gaavange gi hai bodu i de mouli age, gai gilaadeu e bei naa dagodo o denga dangada de langi i de langi laa. 31Gai dagodo o de mouli age o de gau maakau: goodou tigi dau ange naa donu muna a de Maadua gu tala adu gi goodou? Ia gu hagadaba, 32‘Go au de Maadua o Abraham, ma de Maadua o Isaac, aama de Maadua o Jacob.’ #Exo 3.6, 15 Ia e dee se Maadua niio de gau maakau, aagai se Maadua niio dangada e mouli laa.”
33Gai ga langona huu e dangada soa ana muna, gai gilaadeu gu llele mouli i ana agoago.
De hainga hagamogomogo hugadoo
(Mark 12.28-34; Luke 10.25-28)
34Gai denga Pharisee ne langona bolo Iesu gu hai ma gu dee mmuu denga Sadducee, gai gilaadeu ga hagabuni mai. 35Gai dahi dangada agoago o de hainga i olaadeu magavaa ne ssili ange dahi muna ssili e hagatale ai ia:
36“Tangada Agoago, dee hee de hainga e maolunga i denga hainga alodahi?” 37Iesu ne hai ange gi de ia, “Koe gi aloha i Tagi Maolunga doo Maadua i oo lodo alodahi, ma doo hagasaalunga alodahi, aama au maanadu alodahi.#Deut 6.5 38Deenei hugadoo de hainga maolunga ma de hagamogomogo. 39De lua hainga e bei hogi de hainga nei, ‘Koe gi aloha i tangada e baa adu#22.39 tangada e baa adu e bei go dangada alodahi e dee hilihili. bei doo aloha donu i de goe.’ #Lev 19.18 40Luu hainga nei go tagelo o hainga alodahi aama denga pelaabisi.”
De ssili be niiai tama go de Klisdo
(Mark 12.35-37; Luke 20.41-44)
41De masavaa o denga Pharisee ne hagabuni mai ai, gai Iesu ne ssili ange gi gilaadeu, 42ga hai ange, “Aahee oodou maanadu i dagodo o de Klisdo? Ia se dama niiai?”
Gilaadeu ne hai ange gi de ia, “Ia se dama nii David.”
43Iesu ne ssili ange hogi gi gilaadeu, “Gai gu aha David gu hagahi ange ai laa ia go ‘de Ia Aamua’, i ssauaa o de Hagasaalunga ⌊Dabu⌋? Ia ne hagadaba,
44‘Tagi Maolunga ne hai ange gi dogu Ia Aamua:
Noho i dogu baasi madau,
ga dae ai gi dagu hai oo hagadaumee
gi nnoho i oo lalo.’ #Psa 110.1
45Noo David e hagahi ange ‘de Ia Aamua’ gi de ia, gai dee hee ai dono hai se dama ai niiana?” 46Gai teai donu se gilaadeu ne maua i de basa ange gi dana muna ssili, gai teai ange donu se dangada ne siilia ange hanu muna gi de ia i dua de laangi laa.
Currently Selected:
Matthew 22: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Matthew 22
22
De mee hagasengasenga o taonga hagahai bodu
(Luke 14.15-24)
1Iesu ne tala ange hogi gi dangada dahi mee hagasengasenga, ga hai ange, 2“De nohoanga hodooligi o de langi e bei dagodo o dahi hodooligi e haia laa taonga hagahai bodu o dana dama daane. 3Gai ia ne hai gi hulo ono dangada hai hegau gi hagahia dangada gu ssala ange laa gi taonga, aagai gilaadeu tee llodo e loomai.
4Ia ne ahe ange hogi ga hai gi hulo hanu ono dangada hai hegau, ga hai ange, ‘Goodou hai ange gi gilaadeu gu ssala ange gi taonga: Tilo, au gu hagadabena mee e hai ai dagu daonga; au gu daa denga kaau daane ma kaau gu haangai ma gu pedi, gai gu lava mee alodahi; goodou loomai gi taonga hagahai bodu!’
5Aagai gilaadeu tee anga ange gi ana muna, gai ne hulo ga hai alaadeu hegau; dahi ne hano gi dono alahenua, gai dahi ne hano gi dono mommee hagao mee, 6gai gilaadeu ange laa ne booboo ono dangada hai hegau ga vaivai hai, ma de daa gilaadeu ga maakau. 7Gai de hodooligi laa gu kona mmao de lili. Gai ia ga hai gi hulo ono daane hebagi gi daia gi maakau de gau daa dangada laa magi duungia delaadeu aduhale.
8Gai ia ga hai ange gi ono dangada hai hegau, ‘Gu lava mee o taonga hagahai bodu, gai dangada ne saalaa e dee heohi ange aagena. 9Deenei ai, goodou hulo saalaa dangada alodahi i hesilihaginga o denga haiava, gilaadeu gi loomai gi taonga hagahai bodu.’ 10Aagai de gau hai hegau ne hulo gi honga denga haiava hugadoo, ga hagahi ai dangada alodahi alaadeu e gidee, go gilaadeu alodahi e baubau ma gilaadeu e danuaa, ga hhao ai gu honu de mommee o taonga hagahai bodu.
11Aagai de masavaa huu o de hodooligi ne ulu mai ai gi daho dangada, gai ia gu gidee dahi daane e dee gahu i malo o taonga hagahai bodu; 12gai ia ga ssili ange gi de ia, ‘Dogu soa, dee hee doo hai ne ulu mai ai naa gi kinei, gai koe e dee gahu i malo o taonga hagahai bodu?’ Gai taane laa gu dee muu.
13Gai de hodooligi laa ga hai ange gi ono dangada hai hegau, ‘Noodia luoono lima ma luoono vae magaa ia gi lo te gohu i duaahaho, go de mommee o de tangi ma de hagaida ai gauvae.’ #Mat 8.12; 25.30; Luke 13.28
14Go hiidinga ne soa dangada ne hagahia, aagai e sogoisi donu huu ne hili.”
De hagao ange taagisese gi Caesar
(Mark 12.13-17; Luke 20.20-26)
15Gai denga Pharisee ne hulo ga hagasaele ange delaadeu hai e hagahaisala ai Iesu i ana muna. 16Gai gilaadeu ne hai gi hulo alaadeu dangada agoago, ma hanu dangada mai i de hagabuulinga o Herod gi ono daha, ga hai ange, “Tangada Agoago, gimaadeu e iloo bolo koe e hai hegau i de mee abodonu, gai koe e agoago de haiava o de Maadua i de mee abodonu. Koe e dee dagi i daho dangada, go hiidinga koe e dee vae dangada. 17Deenei ai, daalaa mai dau maanadu. E alaange de hagao ange taagisese gi Caesar be deai?”
18Aagai Iesu gu iloo alaadeu maanadu vaivai daakodo, ga hai ange, “Goodou ni dangada e daahangadia dangada! Gu aha gu llodo ai naa goodou e hagatale au? 19Gaamai dahi denarius e hagao ai laa taagisese e tilo au!” Gai gilaadeu ne gaavange gi de ia dahi denarius 20gai ia ga ssili ange gi gilaadeu, “Niioai de ada ma de hagailonga iai nei?”
21Gilaadeu ne hai ange gi de ia, “Niio Caesar.”
Iesu ne hai ange gi gilaadeu, “Deelaa ai, gaavange gi Caesar mee a Caesar, gai gaavange gi de Maadua mee a de Maadua.”
22Gai ga langona huu e gilaadeu ana muna, gai gilaadeu gu llele mouli. Gai gilaadeu ga tili ia gai ga hulo gee mai i kilaa.
De ssili dagodo o de mouli age
(Mark 12.18-27; Luke 20.27-40)
23De laangi mau gai hanu Sadducee ne loomai gi ono daho, aanei gilaadeu e hagataba laa bolo e deai donu se mouli age. Gai gilaadeu ne ssili ange gi de ia,#Acts 23.8 24ga hai ange, “Tangada Agoago, Moses ne hagadaba, ‘Noo gu magau dahi daane dau bodu gai teai sana dama, gai dono daina daane gi hai bodu ange gi dono maa, e hai ai dahi hagadiilinga moo dono daina daane.’ #Deut 25.5 25E dogohidu hai daina daane; tama madua ne hai bodu gai teai donu sana dama gai ia gu magau, gai ia ne dugu ange dono bodu gi dono daina daane. 26Gai e bei ai hogi togolua ma togodolu dama, ga dae ai loo gi togohidu daina daane. 27Muli mai gai de hine laa ne magau hogi. 28Gai niioai ai naa de bodu go de hine laa i de masavaa o de mouli age? Go hiidinga gilaadeu alodahi ne hai bodu ange gi de ia.”
29Aagai Iesu ne hai ange gi gilaadeu, “Goodou e dee heohi donu, i hiidinga goodou e dee iloo de Beebaa Dabu aabe go ssauaa o de Maadua. 30E deai donu dangada e hai bodu aabe e gaavange gi hai bodu i de mouli age, gai gilaadeu e bei naa dagodo o denga dangada de langi i de langi laa. 31Gai dagodo o de mouli age o de gau maakau: goodou tigi dau ange naa donu muna a de Maadua gu tala adu gi goodou? Ia gu hagadaba, 32‘Go au de Maadua o Abraham, ma de Maadua o Isaac, aama de Maadua o Jacob.’ #Exo 3.6, 15 Ia e dee se Maadua niio de gau maakau, aagai se Maadua niio dangada e mouli laa.”
33Gai ga langona huu e dangada soa ana muna, gai gilaadeu gu llele mouli i ana agoago.
De hainga hagamogomogo hugadoo
(Mark 12.28-34; Luke 10.25-28)
34Gai denga Pharisee ne langona bolo Iesu gu hai ma gu dee mmuu denga Sadducee, gai gilaadeu ga hagabuni mai. 35Gai dahi dangada agoago o de hainga i olaadeu magavaa ne ssili ange dahi muna ssili e hagatale ai ia:
36“Tangada Agoago, dee hee de hainga e maolunga i denga hainga alodahi?” 37Iesu ne hai ange gi de ia, “Koe gi aloha i Tagi Maolunga doo Maadua i oo lodo alodahi, ma doo hagasaalunga alodahi, aama au maanadu alodahi.#Deut 6.5 38Deenei hugadoo de hainga maolunga ma de hagamogomogo. 39De lua hainga e bei hogi de hainga nei, ‘Koe gi aloha i tangada e baa adu#22.39 tangada e baa adu e bei go dangada alodahi e dee hilihili. bei doo aloha donu i de goe.’ #Lev 19.18 40Luu hainga nei go tagelo o hainga alodahi aama denga pelaabisi.”
De ssili be niiai tama go de Klisdo
(Mark 12.35-37; Luke 20.41-44)
41De masavaa o denga Pharisee ne hagabuni mai ai, gai Iesu ne ssili ange gi gilaadeu, 42ga hai ange, “Aahee oodou maanadu i dagodo o de Klisdo? Ia se dama niiai?”
Gilaadeu ne hai ange gi de ia, “Ia se dama nii David.”
43Iesu ne ssili ange hogi gi gilaadeu, “Gai gu aha David gu hagahi ange ai laa ia go ‘de Ia Aamua’, i ssauaa o de Hagasaalunga ⌊Dabu⌋? Ia ne hagadaba,
44‘Tagi Maolunga ne hai ange gi dogu Ia Aamua:
Noho i dogu baasi madau,
ga dae ai gi dagu hai oo hagadaumee
gi nnoho i oo lalo.’ #Psa 110.1
45Noo David e hagahi ange ‘de Ia Aamua’ gi de ia, gai dee hee ai dono hai se dama ai niiana?” 46Gai teai donu se gilaadeu ne maua i de basa ange gi dana muna ssili, gai teai ange donu se dangada ne siilia ange hanu muna gi de ia i dua de laangi laa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.