Matthew 19
19
De agoago i dagodo o de maavae
(Mark 10.1-12)
1Gai ga lava huu i de tala a Iesu muna nei, gai ia ga hano gee i Galilee ga hano gi denga mommee o Judea i de baasi gee o Jordan. 2Gai dangada soa ne daudali ange i de ia, gai ia ga hagaieiangi gilaadeu i kilaa.
3Hanu Pharisee ne loomai e hagatale ia. Gilaadeu ne ssili ange, “E heohi de maavae ange o taane gi dono bodu, e dee hilihili be se aha aana gu hai?”
4Iesu ne hai ange gi gilaadeu, “Goodou tigi daulia ange naa donu bolo de Maadua ne hai taane ma de hine i taamada age,#Gen 1.27; 5.2 5ga hagadaba, ‘Deenei ai, taane e dugu dono damana ma dono dinana gai ga hagapigi ange gi dono bodu; gai gilaau gu hai ga se angaanga e dahi’?#Gen 2.24 6Gai gilaau gu dee ni dangada dagidahi, aagai gu dahi donu huu. Deenei ai, de mee a de Maadua gu hai gi dahi, gai dangada gi dee vaaea.”
7Gilaadeu ne ssili ange hogi gi de ia, “Gai gu aha Moses gu hagadaba ai laa bolo gi gaavange de beebaa maavae ga hai ai ia gi hano?” #Deut 24.1-4; Mat 5.31
8Iesu ne hai ange gi gilaadeu, “Moses ne dugu adu goodou gi maavae ma oodou bodu i hiidinga de makaga oodou lodo. Gai e dee deenaa donu tagodo mai i taamada age. 9Au e hai adu gi goodou: be goai e maavae ange gi dono bodu, deelaa donu huu go dono dagodo haisala, ga hai bodu ange gi dahi hahine gee, gu dagodo haisala donu. [Aagai taane e hai bodu ange gi de hine gu maavae laa, gu dagodo haisala donu hogi.]” #19.9 Hanu beebaa Greek ange laa e dee daakodo ai muna i de hagaodi o de gubu nei. #Mat 5.32; 1 Co 7.10-11
10Gai ana dangada agoago ne hai ange gi de ia, “Noo deenaa tagodo o taane ma dono bodu, gai e danuaa ange donu tee hai bodu o tangada.”
11Iesu ne hai ange gi gilaadeu, “E dee go dangada alodahi e maua i de daohi muna nei, aagai go gilaadeu donu huu ne gaavange aagena. 12Go hiidinga e hanu donu dangada ne haanau mai ni eunuch, gai hanu go dangada ne haia gilaadeu ga ni eunuch — aagai hanu ne hilihili de mouli bei denga eunuch, i hiidinga o de nohoanga hodooligi o de langi. Tangada e maua i de kave muna nei, gai ia gi gaavee gi daohia.”
De hagamanuuia a Iesu denga gauligi
(Mark 10.13-16; Luke 18.15-17)
13Gai dangada ne gaamai denga gauligi vaaligiligi gi Iesu gi dugua ange dono lima gi olaadeu elunga, ma de dalodalo i gilaadeu. Gai ana dangada agoago ga hagasee gilaadeu.
14Aagai Iesu ga hai ange gi ana dangada agoago, “Dugua denga gauligi vaaligiligi gi loomai gi ogu daha, goodou aude buibuia gilaadeu, go hiidinga niiolaadeu donu de nohoanga hodooligi o de langi.” 15Gai ia ga dugu ange dono lima gi olaadeu elunga ⌊ga hagamanuuia gilaadeu,⌋ muli mai gai ia ne hano gee mai i kilaa.
Taane lava
(Mark 10.17-31; Luke 18.18-30)
16Gai tilo, dahi daane lava ne humai ga ssili ange gi Iesu, “Tangada Agoago, aahee agu hegau danuaa e hai gi maua ai e au de mouli e dee ngado mai?”
17Iesu ne hai ange gi de ia, “Gu aha gu ssili mai ai naa goe gi de au be se aha e danuaa? E dahi donu huu e danuaa. Noo koe e lodo e kave de mouli, gai koe daudali i denga hainga.”
18Taane laa ne ssili ange gi de ia, “Go hainga hee?”
Iesu ne hai ange, “Aude daia tangada gi magau, aude dagodo haisala, aude gaiaa, aude hagabaubau ina dahi i de muna hadu;#Exo 20.13-16; Deut 5.17-20 19hagadubu ina doo damana ma doo dinana, gai koe gi aloha i tangada e baa adu gi de goe bei doo aloha donu i de goe.” #Exo 20.12; Deut 5.16; Lev 19.18
20Tama daane laa ne hai ange gi de ia, “Mee naa alodahi gu odi i dogu daudali ai.#19.20 Hanu beebaa Greek ange laa e hagapuni ange mai i dogu gauligi. Gai ni aha ange tigi dohu i ogu daha?”
21Iesu ne hai ange gi de ia, “Noo koe e lodo gi heohi abodonu goe, gai koe hannoo hagao ina gi daha oo goloa alodahi, ga gaavange gi de gau hagaau aloha, gi hanu ai au mee i de langi. Gai koe ga humai ga daudali mai i de au.”
22Gai ga langona huu e ia muna laa, gai ia ga hano gee i kilaa gu dee baba ono lodo, go hiidinga ia se daane lava mmao.
23Iesu ne hai ange gi ana dangada agoago, “Ni muna abodonu aagu e hai adu nei gi goodou, e hai ngadaa donu de ulu o tangada lava i de nohoanga hodooligi o de langi. 24Au e hai adu ange gi goodou: e hai ngaohie ange de ulu o de gamelo i de haonga o de niila, i de ulu o tangada lava i de nohoanga hodooligi o de langi.”
25De masavaa huu a ana dangada agoago ne langona ai muna nei, aagai gilaadeu gu llele mouli, ga hagataba, “Goai ai naa e maua gi hagamouli?”
26Aagai Iesu ga galo ange gi gilaadeu, ga hai ange, “Mee nei e dee maua i de hai i daho dangada, aagai mee alodahi e maua i daho de Maadua.”
27 Peter ne hai ange gi de ia, “Gimaadeu ne dugu mee alodahi gai ga daudali adu i de goe. Aagai ni aha ai naa amaadeu e mau?”
28Iesu ne hai ange gi gilaadeu, “Ni muna abodonu aagu e hai adu nei gi goodou, de masavaa naa huu o Tama a Tangada e noho ai i honga dono nohoanga mahamaha i henua i lalo hoou, gai goodou ne daudali mai laa i de au, e nnoho naa hogi i honga e madaangahulu ma lua nohoanga, ga hagamodu ai muna o denga aamuli e madaangahulu ma lua o de gau Israel.#Mat 25.31; Luke 22.30 29Aagai tangada e dugua ono hale, be go ono daina, be go dono damana ma dono dinana, be go ana dama, aabe go ono alahenua i ogu hiidinga, e kave naa hogi mee e lau hanonga e kii ange ai, aama de mouli e dee ngado mai. 30Gai e soa naa dangada i mua e hai go gilaadeu e hagaodia, gai dangada e hagaodia e hai naa go gilaadeu i mua.” #Mat 20.16; Luke 13.30
Currently Selected:
Matthew 19: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Matthew 19
19
De agoago i dagodo o de maavae
(Mark 10.1-12)
1Gai ga lava huu i de tala a Iesu muna nei, gai ia ga hano gee i Galilee ga hano gi denga mommee o Judea i de baasi gee o Jordan. 2Gai dangada soa ne daudali ange i de ia, gai ia ga hagaieiangi gilaadeu i kilaa.
3Hanu Pharisee ne loomai e hagatale ia. Gilaadeu ne ssili ange, “E heohi de maavae ange o taane gi dono bodu, e dee hilihili be se aha aana gu hai?”
4Iesu ne hai ange gi gilaadeu, “Goodou tigi daulia ange naa donu bolo de Maadua ne hai taane ma de hine i taamada age,#Gen 1.27; 5.2 5ga hagadaba, ‘Deenei ai, taane e dugu dono damana ma dono dinana gai ga hagapigi ange gi dono bodu; gai gilaau gu hai ga se angaanga e dahi’?#Gen 2.24 6Gai gilaau gu dee ni dangada dagidahi, aagai gu dahi donu huu. Deenei ai, de mee a de Maadua gu hai gi dahi, gai dangada gi dee vaaea.”
7Gilaadeu ne ssili ange hogi gi de ia, “Gai gu aha Moses gu hagadaba ai laa bolo gi gaavange de beebaa maavae ga hai ai ia gi hano?” #Deut 24.1-4; Mat 5.31
8Iesu ne hai ange gi gilaadeu, “Moses ne dugu adu goodou gi maavae ma oodou bodu i hiidinga de makaga oodou lodo. Gai e dee deenaa donu tagodo mai i taamada age. 9Au e hai adu gi goodou: be goai e maavae ange gi dono bodu, deelaa donu huu go dono dagodo haisala, ga hai bodu ange gi dahi hahine gee, gu dagodo haisala donu. [Aagai taane e hai bodu ange gi de hine gu maavae laa, gu dagodo haisala donu hogi.]” #19.9 Hanu beebaa Greek ange laa e dee daakodo ai muna i de hagaodi o de gubu nei. #Mat 5.32; 1 Co 7.10-11
10Gai ana dangada agoago ne hai ange gi de ia, “Noo deenaa tagodo o taane ma dono bodu, gai e danuaa ange donu tee hai bodu o tangada.”
11Iesu ne hai ange gi gilaadeu, “E dee go dangada alodahi e maua i de daohi muna nei, aagai go gilaadeu donu huu ne gaavange aagena. 12Go hiidinga e hanu donu dangada ne haanau mai ni eunuch, gai hanu go dangada ne haia gilaadeu ga ni eunuch — aagai hanu ne hilihili de mouli bei denga eunuch, i hiidinga o de nohoanga hodooligi o de langi. Tangada e maua i de kave muna nei, gai ia gi gaavee gi daohia.”
De hagamanuuia a Iesu denga gauligi
(Mark 10.13-16; Luke 18.15-17)
13Gai dangada ne gaamai denga gauligi vaaligiligi gi Iesu gi dugua ange dono lima gi olaadeu elunga, ma de dalodalo i gilaadeu. Gai ana dangada agoago ga hagasee gilaadeu.
14Aagai Iesu ga hai ange gi ana dangada agoago, “Dugua denga gauligi vaaligiligi gi loomai gi ogu daha, goodou aude buibuia gilaadeu, go hiidinga niiolaadeu donu de nohoanga hodooligi o de langi.” 15Gai ia ga dugu ange dono lima gi olaadeu elunga ⌊ga hagamanuuia gilaadeu,⌋ muli mai gai ia ne hano gee mai i kilaa.
Taane lava
(Mark 10.17-31; Luke 18.18-30)
16Gai tilo, dahi daane lava ne humai ga ssili ange gi Iesu, “Tangada Agoago, aahee agu hegau danuaa e hai gi maua ai e au de mouli e dee ngado mai?”
17Iesu ne hai ange gi de ia, “Gu aha gu ssili mai ai naa goe gi de au be se aha e danuaa? E dahi donu huu e danuaa. Noo koe e lodo e kave de mouli, gai koe daudali i denga hainga.”
18Taane laa ne ssili ange gi de ia, “Go hainga hee?”
Iesu ne hai ange, “Aude daia tangada gi magau, aude dagodo haisala, aude gaiaa, aude hagabaubau ina dahi i de muna hadu;#Exo 20.13-16; Deut 5.17-20 19hagadubu ina doo damana ma doo dinana, gai koe gi aloha i tangada e baa adu gi de goe bei doo aloha donu i de goe.” #Exo 20.12; Deut 5.16; Lev 19.18
20Tama daane laa ne hai ange gi de ia, “Mee naa alodahi gu odi i dogu daudali ai.#19.20 Hanu beebaa Greek ange laa e hagapuni ange mai i dogu gauligi. Gai ni aha ange tigi dohu i ogu daha?”
21Iesu ne hai ange gi de ia, “Noo koe e lodo gi heohi abodonu goe, gai koe hannoo hagao ina gi daha oo goloa alodahi, ga gaavange gi de gau hagaau aloha, gi hanu ai au mee i de langi. Gai koe ga humai ga daudali mai i de au.”
22Gai ga langona huu e ia muna laa, gai ia ga hano gee i kilaa gu dee baba ono lodo, go hiidinga ia se daane lava mmao.
23Iesu ne hai ange gi ana dangada agoago, “Ni muna abodonu aagu e hai adu nei gi goodou, e hai ngadaa donu de ulu o tangada lava i de nohoanga hodooligi o de langi. 24Au e hai adu ange gi goodou: e hai ngaohie ange de ulu o de gamelo i de haonga o de niila, i de ulu o tangada lava i de nohoanga hodooligi o de langi.”
25De masavaa huu a ana dangada agoago ne langona ai muna nei, aagai gilaadeu gu llele mouli, ga hagataba, “Goai ai naa e maua gi hagamouli?”
26Aagai Iesu ga galo ange gi gilaadeu, ga hai ange, “Mee nei e dee maua i de hai i daho dangada, aagai mee alodahi e maua i daho de Maadua.”
27 Peter ne hai ange gi de ia, “Gimaadeu ne dugu mee alodahi gai ga daudali adu i de goe. Aagai ni aha ai naa amaadeu e mau?”
28Iesu ne hai ange gi gilaadeu, “Ni muna abodonu aagu e hai adu nei gi goodou, de masavaa naa huu o Tama a Tangada e noho ai i honga dono nohoanga mahamaha i henua i lalo hoou, gai goodou ne daudali mai laa i de au, e nnoho naa hogi i honga e madaangahulu ma lua nohoanga, ga hagamodu ai muna o denga aamuli e madaangahulu ma lua o de gau Israel.#Mat 25.31; Luke 22.30 29Aagai tangada e dugua ono hale, be go ono daina, be go dono damana ma dono dinana, be go ana dama, aabe go ono alahenua i ogu hiidinga, e kave naa hogi mee e lau hanonga e kii ange ai, aama de mouli e dee ngado mai. 30Gai e soa naa dangada i mua e hai go gilaadeu e hagaodia, gai dangada e hagaodia e hai naa go gilaadeu i mua.” #Mat 20.16; Luke 13.30
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.