Acts 8
8
De vaivai hai a Saul de nohoanga dabu
1Gai a Saul ne buni ange donu gi de magau o Stephen. Gai go de laangi laa ne daamada ai de vaivai haia o de nohoanga dabu i Jerusalem. Gai dangada alodahi gu mavaevae saele gi denga mommee i Judea ma Samaria, go de gau tala donu huu e doe. 2Gai gilaadeu gu hagadonusia laa ne kave de angaanga o Stephen ga danu ma de tangi i de ia. 3Gai a Saul ne daamada de oha de nohoanga dabu. Ia ne hagadaga i hale alodahi ga dada mai denga daane ma haahine ga tili ange gi lo te hale pono.#Acts 22.4-5; 26.9-11
De agoago o de longo danuaa i Samaria
4Gai dangada ne mavaevae saele laa ne hulo ga agoago muna a de Maadua. 5A Philip ne hano gi de aduhale go Samaria ga agoago ange ai dangada i dagodo o Klisdo. 6Gai dangada soa ne kana ange ga hagallongo mee a Philip ne agoago ange ai gilaadeu, i de masavaa alaadeu ne langona ai ma de gidee sauaa aana e hai. 7Gai denga hagasaalunga baubau ne oo ma de ssao ga hulo gee mai i daho dangada soa; ne soa hogi de gau balagelage ma de gau baagia ne ieiangi. 8Deelaa ai, dangada i de aduhale laa gu malangilangi mmao.
9Gai e dahi daane i kilaa, dono ingoo go Simon, ia se daane e haia huuhuaa mee i de aduhale laa mai i mua, ma de hai ga llele mouli o dangada i Samaria. Ia gu tala hogi bolo ia se daane maolunga. 10Gai de gau maolalo ma gilaadeu e maolunga alodahi gu kana ange ga hagallongo ana muna, ma de hagataba, “Taane nei go ssauaa donu o de Maadua e hagabinga laa bolo e Maolunga.” 11Gai gilaadeu ne daudali ange i de ia go hiidinga ia ne kave olaadeu lodo i ana huuhuaa mee i dahi masavaa daulooloa. 12Gai de masavaa huu a dangada ne hagadonu ai agoago a Philip, i dana tala de longo danuaa o de nohoanga hodooligi o de Maadua, ma de ingoo o Iesu Klisdo, aagai denga daane ma haahine gu babudaisi. 13Taane go Simon gu hagadonusia hogi; gai ia gu babudaisi, muli mai gai ia gu hano saele madali a Philip. Gai ia ne lele hogi ono mouli i dana gide denga sauaa ma mee hagalele mouli gu hai laa.
14Gai de masavaa huu a de gau tala i Jerusalem ne langona ai bolo Samaria gu kave hogi muna a de Maadua, gai gilaadeu ga hai Peter ma John gi hulo gi kilaa. 15Gai ga tae huu gilaau gi kilaa, gai gilaau ga dalodalo gi maua hogi e gilaadeu i de kave de Hagasaalunga Dabu, 16go hiidinga de Hagasaalunga Dabu tigi hano iho gi honga o dahi i olaadeu magavaa. Aagai gilaadeu ne babudaisi donu huu i de ingoo o Tagi Maolunga go Iesu. 17Gai de masavaa huu a Peter ma John ne dugu ange ai olaau lima gi olaadeu elunga, gai gilaadeu gu kave hogi de Hagasaalunga Dabu.
18De masavaa a Simon ne gidee ai bolo dangada gu kave de Hagasaalunga ⌊Dabu⌋, i de dugu ange lima o luu daane tala laa gi olaadeu elunga, aagai ia ga gaavange hanu sseene gi gilaau, 19ga hai ange, “Gaamai hogi ssauaa naa gi de au, gai be goai naa huu aagu e dugu ange dogu lima gi ono elunga, gai ia e kave hogi de Hagasaalunga Dabu.”
20Aagai Peter ga hai ange gi de ia, “Koe gi magau madali au sseene naa, go hiidinga koe e maanadu bolo koe e maua i de hagao de mee ngadi gaavange a de Maadua i sseene! 21E deai donu sau diba aabe se duuhanga daudahi mai i mee nei, go hiidinga oo lodo e dee heohi i mada luu mada o de Maadua. 22Deenei ai, koe gi dahuli oo lodo ma gi hano gee mai i oo baubau, ga dalodalo ange gi Tagi Maolunga, kana adu ia e degi adu gi maanadu dee heohi i oo lodo naa. 23Au e iloo bolo oo lodo e honu i de magiaa, ma de noodia i de baubau.”
24Gai Simon ga hai ange gi Peter, “Dalodalo ange gi Tagi Maolunga i ogu hiidinga gi dee tuu mai ai gi de au mee aau gu tala naa.”
25Gai ga lava huu i delaau agoago ma de tala muna a Tagi Maolunga i kilaa, gai Peter ma John ga aahe gi Jerusalem, ga agoago de longo danuaa i denga aduhale lagolago o Samaria ga hulo ai.
Philip ma de eunuch mai i Ethiopia
26Gai tangada de langi o Tagi Maolunga ne basa ange hogi gi a Philip, ga hai ange, “Hidi age hannoo gi de baasi i ngaage, gi de haiava i lodo henua e humai laa i Jerusalem ma e hano gi Gaza.” 27Gai a Philip ga hano gu gidee e ia dahi daane Ethiopia, ia se eunuch, gai se daane hai hegau maolunga niio de hine hodooligi o Ethiopia go Candace, go ia e diiloo ange sseene a de hine laa. Gai ia ne hano gi Jerusalem ga daumaha ai, 28gai gu ahe mai hogi; gai ia e noho i honga dono hada ma e dau ai de beebaa a de pelaabisi go Isaiah. 29Gai de Hagasaalunga ⌊Dabu⌋ ne hai ange gi a Philip, “Hannoo gi baa ange goe gi de hada laa.”
30Gai a Philip ga savini ga hano gi baa ange ia gi de hada laa, gai ia gu langona taane laa e dau de beebaa a de pelaabisi go Isaiah. Gai a Philip ga ssili ange gi de ia, “Koe e donu ange naa gi au mee e dau naa?”
31Taane laa ga hai ange gi de ia, “Dee hee dagu hai e donu ange ai, gai e deai donu se dangada e hagadonu ina mai mee nei gi de au?” Gai taane laa ga hai ange gi a Philip, ia gi gage age gi ono daha.
32Gai de mommee a taane laa nogo dau i de Beebaa Dabu deenei:
“Ia e bei dagodo o ssiibi e dagi laa e kave e daa gi magau,
ma ssiibi e dee dangi laa i de masavaa e duuduu ai ono huluhulu,
gai ia e dee hhanga donu dono ngudu.
33Ia ne hagangadi mee ina,
gai tee hagamodu ono muna i de heohi.
Gai goai e maua i de tala dagodo o dono aamuli?
Go hiidinga dono mouli gu kave gee mai i henua i lalo.” #Isa 53.7-8
34Gai de eunuch laa ne ssili ange gi a Philip, “Daalaa mai be goai o de pelaabisi e basa ai nei. Ia e basa nei donu huu i de ia, aabe go dahi dangada gee?” 35Gai a Philip ga daamada i de mommee aana ne dau laa, ga agoago ange ia i de longo danuaa o Iesu.
36Gai ga hulo huu gilaau ga tae gi gaogao dahi vai, gai de eunuch ga hai ange, “Tilo, deenei dahi vai! Gai se aha e buibuia dogu babudaisi?” [37Philip ne hai ange gi de ia, “Noo koe e hagadonusia i oo lodo alodahi, gai koe e maua donu.” Gai de eunuch ga hai ange, “Au e hagadonusia bolo Iesu Klisdo go Tama Daane a de Maadua.”]#8.37 Hanu beebaa Greek ange laa e dee dagodo ai de gubu nei. 38Gai de eunuch ga haganoho de hada, gai a Philip ma de eunuch ga iho ga hulo gi lo te vai, gai a Philip ga babudaisi ia. 39De masavaa olaau ne ea age ai i lo te vai, gai de Hagasaalunga o Tagi Maolunga ga kave gee a Philip, gai de eunuch laa gu dee gidee e ia a Philip. Gai ia ga hagasoe ga hano i dono haiava gu malangilangi mmao. 40Aagai a Philip gu dae gi Azotus, gai ia ga hagadaga i denga aduhale alodahi ga agoago ai de longo danuaa, ga dae ai loo gi Caesarea.
Currently Selected:
Acts 8: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Acts 8
8
De vaivai hai a Saul de nohoanga dabu
1Gai a Saul ne buni ange donu gi de magau o Stephen. Gai go de laangi laa ne daamada ai de vaivai haia o de nohoanga dabu i Jerusalem. Gai dangada alodahi gu mavaevae saele gi denga mommee i Judea ma Samaria, go de gau tala donu huu e doe. 2Gai gilaadeu gu hagadonusia laa ne kave de angaanga o Stephen ga danu ma de tangi i de ia. 3Gai a Saul ne daamada de oha de nohoanga dabu. Ia ne hagadaga i hale alodahi ga dada mai denga daane ma haahine ga tili ange gi lo te hale pono.#Acts 22.4-5; 26.9-11
De agoago o de longo danuaa i Samaria
4Gai dangada ne mavaevae saele laa ne hulo ga agoago muna a de Maadua. 5A Philip ne hano gi de aduhale go Samaria ga agoago ange ai dangada i dagodo o Klisdo. 6Gai dangada soa ne kana ange ga hagallongo mee a Philip ne agoago ange ai gilaadeu, i de masavaa alaadeu ne langona ai ma de gidee sauaa aana e hai. 7Gai denga hagasaalunga baubau ne oo ma de ssao ga hulo gee mai i daho dangada soa; ne soa hogi de gau balagelage ma de gau baagia ne ieiangi. 8Deelaa ai, dangada i de aduhale laa gu malangilangi mmao.
9Gai e dahi daane i kilaa, dono ingoo go Simon, ia se daane e haia huuhuaa mee i de aduhale laa mai i mua, ma de hai ga llele mouli o dangada i Samaria. Ia gu tala hogi bolo ia se daane maolunga. 10Gai de gau maolalo ma gilaadeu e maolunga alodahi gu kana ange ga hagallongo ana muna, ma de hagataba, “Taane nei go ssauaa donu o de Maadua e hagabinga laa bolo e Maolunga.” 11Gai gilaadeu ne daudali ange i de ia go hiidinga ia ne kave olaadeu lodo i ana huuhuaa mee i dahi masavaa daulooloa. 12Gai de masavaa huu a dangada ne hagadonu ai agoago a Philip, i dana tala de longo danuaa o de nohoanga hodooligi o de Maadua, ma de ingoo o Iesu Klisdo, aagai denga daane ma haahine gu babudaisi. 13Taane go Simon gu hagadonusia hogi; gai ia gu babudaisi, muli mai gai ia gu hano saele madali a Philip. Gai ia ne lele hogi ono mouli i dana gide denga sauaa ma mee hagalele mouli gu hai laa.
14Gai de masavaa huu a de gau tala i Jerusalem ne langona ai bolo Samaria gu kave hogi muna a de Maadua, gai gilaadeu ga hai Peter ma John gi hulo gi kilaa. 15Gai ga tae huu gilaau gi kilaa, gai gilaau ga dalodalo gi maua hogi e gilaadeu i de kave de Hagasaalunga Dabu, 16go hiidinga de Hagasaalunga Dabu tigi hano iho gi honga o dahi i olaadeu magavaa. Aagai gilaadeu ne babudaisi donu huu i de ingoo o Tagi Maolunga go Iesu. 17Gai de masavaa huu a Peter ma John ne dugu ange ai olaau lima gi olaadeu elunga, gai gilaadeu gu kave hogi de Hagasaalunga Dabu.
18De masavaa a Simon ne gidee ai bolo dangada gu kave de Hagasaalunga ⌊Dabu⌋, i de dugu ange lima o luu daane tala laa gi olaadeu elunga, aagai ia ga gaavange hanu sseene gi gilaau, 19ga hai ange, “Gaamai hogi ssauaa naa gi de au, gai be goai naa huu aagu e dugu ange dogu lima gi ono elunga, gai ia e kave hogi de Hagasaalunga Dabu.”
20Aagai Peter ga hai ange gi de ia, “Koe gi magau madali au sseene naa, go hiidinga koe e maanadu bolo koe e maua i de hagao de mee ngadi gaavange a de Maadua i sseene! 21E deai donu sau diba aabe se duuhanga daudahi mai i mee nei, go hiidinga oo lodo e dee heohi i mada luu mada o de Maadua. 22Deenei ai, koe gi dahuli oo lodo ma gi hano gee mai i oo baubau, ga dalodalo ange gi Tagi Maolunga, kana adu ia e degi adu gi maanadu dee heohi i oo lodo naa. 23Au e iloo bolo oo lodo e honu i de magiaa, ma de noodia i de baubau.”
24Gai Simon ga hai ange gi Peter, “Dalodalo ange gi Tagi Maolunga i ogu hiidinga gi dee tuu mai ai gi de au mee aau gu tala naa.”
25Gai ga lava huu i delaau agoago ma de tala muna a Tagi Maolunga i kilaa, gai Peter ma John ga aahe gi Jerusalem, ga agoago de longo danuaa i denga aduhale lagolago o Samaria ga hulo ai.
Philip ma de eunuch mai i Ethiopia
26Gai tangada de langi o Tagi Maolunga ne basa ange hogi gi a Philip, ga hai ange, “Hidi age hannoo gi de baasi i ngaage, gi de haiava i lodo henua e humai laa i Jerusalem ma e hano gi Gaza.” 27Gai a Philip ga hano gu gidee e ia dahi daane Ethiopia, ia se eunuch, gai se daane hai hegau maolunga niio de hine hodooligi o Ethiopia go Candace, go ia e diiloo ange sseene a de hine laa. Gai ia ne hano gi Jerusalem ga daumaha ai, 28gai gu ahe mai hogi; gai ia e noho i honga dono hada ma e dau ai de beebaa a de pelaabisi go Isaiah. 29Gai de Hagasaalunga ⌊Dabu⌋ ne hai ange gi a Philip, “Hannoo gi baa ange goe gi de hada laa.”
30Gai a Philip ga savini ga hano gi baa ange ia gi de hada laa, gai ia gu langona taane laa e dau de beebaa a de pelaabisi go Isaiah. Gai a Philip ga ssili ange gi de ia, “Koe e donu ange naa gi au mee e dau naa?”
31Taane laa ga hai ange gi de ia, “Dee hee dagu hai e donu ange ai, gai e deai donu se dangada e hagadonu ina mai mee nei gi de au?” Gai taane laa ga hai ange gi a Philip, ia gi gage age gi ono daha.
32Gai de mommee a taane laa nogo dau i de Beebaa Dabu deenei:
“Ia e bei dagodo o ssiibi e dagi laa e kave e daa gi magau,
ma ssiibi e dee dangi laa i de masavaa e duuduu ai ono huluhulu,
gai ia e dee hhanga donu dono ngudu.
33Ia ne hagangadi mee ina,
gai tee hagamodu ono muna i de heohi.
Gai goai e maua i de tala dagodo o dono aamuli?
Go hiidinga dono mouli gu kave gee mai i henua i lalo.” #Isa 53.7-8
34Gai de eunuch laa ne ssili ange gi a Philip, “Daalaa mai be goai o de pelaabisi e basa ai nei. Ia e basa nei donu huu i de ia, aabe go dahi dangada gee?” 35Gai a Philip ga daamada i de mommee aana ne dau laa, ga agoago ange ia i de longo danuaa o Iesu.
36Gai ga hulo huu gilaau ga tae gi gaogao dahi vai, gai de eunuch ga hai ange, “Tilo, deenei dahi vai! Gai se aha e buibuia dogu babudaisi?” [37Philip ne hai ange gi de ia, “Noo koe e hagadonusia i oo lodo alodahi, gai koe e maua donu.” Gai de eunuch ga hai ange, “Au e hagadonusia bolo Iesu Klisdo go Tama Daane a de Maadua.”]#8.37 Hanu beebaa Greek ange laa e dee dagodo ai de gubu nei. 38Gai de eunuch ga haganoho de hada, gai a Philip ma de eunuch ga iho ga hulo gi lo te vai, gai a Philip ga babudaisi ia. 39De masavaa olaau ne ea age ai i lo te vai, gai de Hagasaalunga o Tagi Maolunga ga kave gee a Philip, gai de eunuch laa gu dee gidee e ia a Philip. Gai ia ga hagasoe ga hano i dono haiava gu malangilangi mmao. 40Aagai a Philip gu dae gi Azotus, gai ia ga hagadaga i denga aduhale alodahi ga agoago ai de longo danuaa, ga dae ai loo gi Caesarea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.