Acts 21
21
De hano o Paul gi Jerusalem
1Gai dua huu demaadeu hulo gee mai i olaadeu daha, gai gimaadeu ga dele ga hulo gi Kos. De laangi i ono dua, gai gimaadeu gu tae gi Rhodes, gai ne malanga mai i kilaa ga hulo gi Patara. 2Gai gimaadeu ne gidee dahi vaga gu dai malanga e hano gi Phoenicia, gai gimaadeu ga kage ga hulo ai. 3Gai dua demaadeu gidee Cyprus, gai gimaadeu ne dele laa ono baasi ngaage ga hulo ai gi Syria. Gai gimaadeu ne tau i Tyre, ga dugu age ai denga goloa o de vaga. 4Gai gimaadeu ne too age ga ssala denga daina i kilaa, ga nnoho i olaadeu daha i e hidu laangi. Gai gilaadeu ne usuusu ange a Paul i ssauaa o de Hagasaalunga ⌊Dabu⌋ ia gi dee hano gi Jerusalem. 5Gai ga odi huu laangi omaadeu ne nnoho ai i kilaa, gai gimaadeu ga hiihidi age e hulo, gai gilaadeu alodahi ma olaadeu bodu ma alaadeu dama ne daudali mai i gimaadeu ga hulo ai gi tua de aduhale. Gai gimaadeu ne duuduli i honga de gelegele ga dalodalo. 6Gai dua demaadeu hagadau hagaboo, gai gimaadeu ga kage i de vaga, aagai gilaadeu ga aahe gi olaadeu hale.
7Gai demaadeu hanonga mai i Tyre ne ngado mai i Ptolemais, gai gimaadeu ne too age ga hagaboo ange gi denga daina i kilaa, ga nnoho ai i olaadeu daha i e dahi laangi. 8Aagai de laangi i ono dua, gai gimaadeu ne malanga ga hulo gi Caesarea; gai gimaadeu ne loage gi de hale o Philip ga nnoho ai i ono daha, ia se taane e hagadele ina de longo danuaa, gai go dahi i magavaa o denga daane dogohidu.#Acts 6.5; 8.5 9Taane nei e dogohaa ana damaa hine tigi hai bodu, gai delaadeu duuhanga hegau go de pasa pelaabisi.
10De masavaa omaadeu e nnoho ai i kilaa i hanu laangi, aagai gu humai dahi pelaabisi i Judea, dono ingoo go Agabus.#Acts 11.28 11Ia ne humai gi omaadeu daha, ga kave de beele o Paul ga nnoa ai luoono lima ma luoono vae, ga hagadaba, “E hagadaba de Hagasaalunga Dabu, ‘De gau Ssuu i Jerusalem e nnoa naa tangada niiona de beele nei, ga gaavange ia gi denga Gentile.’ ”
12Aagai ga langona huu e gimaadeu muna laa, gai gimaadeu ma dangada alodahi i kilaa ga dangidangi ange ia gi dee hano gi Jerusalem. 13Aagai a Paul ne hai mai gi gimaadeu, “Gu aha goodou gu tangi ai naa ga hagadaemaha ai ogu lodo? Au e dee baba ange donu gi dogu noodia, aagai au gu baba ange donu hogi e magau i Jerusalem i hiidinga o de ingoo o Tagi Maolunga go Iesu.” 14Gai ga dee maua huu e gimaadeu i de sui dana maanadu, gai gimaadeu ga hai ange, “Tagi Maolunga gi haia gi bei ono lodo!”
15Dua laangi laa gai gimaadeu ne hagadabena e hulo gi Jerusalem. 16Gai hanu dangada agoago mai i Caesarea ne loomai madali gimaadeu gi de hale o Mnason, go de mommee omaadeu ne nnoho ai. Mnason se daina mai i Cyprus ne hagadonusia i taamada age.
De hano o Paul gi daho James
17Gai de masavaa huu omaadeu ne tae ai gi Jerusalem, aagai denga daina i kilaa gu malangilangi ma de abodonu mai gi gimaadeu. 18De laangi i ono dua, gai gimaadeu ma Paul ne hulo gi daho James; gai denga dagi alodahi gu i kilaa. 19Gai ga lava huu dono hagaboo ange gi gilaadeu, gai ia ga tala ange mee alodahi a de Maadua gu hai, i daho denga Gentile i dono hai hegau i olaadeu daha.
20Gai ga langona huu e gilaadeu de mee laa, gai gilaadeu ga tuhi de Maadua. Gai gilaadeu ga hai ange gi Paul: “Taina, koe e gidee bolo gu soa de gau Ssuu ne hagadonusia, gai gilaadeu alodahi e mmahi hogi i de daohi denga hainga. 21Gai gilaadeu gu langona hogi bolo koe e agoago ange de gau Ssuu alodahi e nnoho i magavaa o denga Gentile gilaadeu gi dilia hainga a Moses, ma de hai ange gilaadeu gi dee tuu dagaholiage ina alaadeu dama, aabe gi daudali i adaadeu dahulinga. 22Gai se aha ai naa adaadeu e hai? Go hiidinga gilaadeu e langona naa donu bolo koe gu dae mai gi kinei. 23Deenei ai, koe haia gi bei amaadeu mee e tala adu gi de koe. E dogohaa daane i kinei gu nnoa gilaadeu i dahi hagatoo donu.#Num 6.13-21 24Gai koe ga kave gilaadeu ga hagagilimalali goe madali gilaadeu, ma de hagao delaadeu hagagilimalali, gi maua ai e gilaadeu i de dahi olaadeu biho, gi iloo ai e dangada, bolo alaadeu longo gu langona i oo dagodo e dee ni muna abodonu, aagai koe e daudali donu i de hainga. 25Aagai gimaadeu gu sisi ingoo o denga Gentile gu hagadonusia laa, ma de hai ange gilaadeu gi dee gaina mee gu sigidaumaha ange gi denga diinonga, ma dodo, aama manu gu milo olaadeu ua, gai gilaadeu gi dee dagodo haisala hogi.” #Acts 15.29
26De laangi i ono dua, gai a Paul ne kave denga daane laa ga hagagilimalali ia madali gilaadeu. Gai ia ne hano gi lo te temple, e hagailoo ai denga laangi e hagalava ai delaadeu hagagilimalali, aama ssigidaumaha e hai i hiidinga o dahi ma dahi.
De boogia o Paul i lo te temple
27Aagai ga odi ange ai huu denga laangi e hidu laa, gai hanu Ssuu ne loomai laa i Asia ne gidee e gilaadeu a Paul i de temple, gai gilaadeu ga hai gi hellumi dangada soa i kilaa, gai gilaadeu ga poo a Paul, 28ma de hevaalogi ga hagataba, “Dangada o Israel, goodou balea mai gimaadeu! Deenei taane e agoagona ange laa dangada i mommee alodahi, gilaadeu gi hai baasi ange gi de gau Ssuu ma de hainga, aama de mommee nei. Aagai ia gu gaamai hogi hanu dangada Greek gi lo te temple, e hai ai gi dee gilimalali de mommee dabu nei.” 29(Gilaadeu ne gidee Trophimus, taane Ephesus madali a Paul i de aduhale i laangi i mua, gai gilaadeu ne maanadu bolo a Paul ne gaamai hogi ia gi lo te temple.)#Acts 20.4
30Aagai de aduhale laa alodahi gu hellumi. Gai dangada ga saavini mai ga poo a Paul ga dada gi duaahaho, ma de hagamoolau ga pono de haitoga o de temple. 31De masavaa alaadeu ne hagatale ai de daa ia gi magau, aagai tagi o de hebagi gu langona bolo Jerusalem alodahi gu hellumi. 32Gai ia ga hagamoolau ga kave hanu daane hebagi ma hanu dagi o de lau, ga saavini ai ga hulo gi de mommee iai laa dangada. Gai ga gidee huu e dangada tagi o de hebagi ma ono daane, gai gilaadeu ga tuu delaadeu hagailiili a Paul.
33Gai tagi o de hebagi ga humai ga poo a Paul ga hagadaba bolo gi noodia ia i daula baalanga. Gai ia ne ssili be goai donu taane laa, gai be ni aha aana gu hai. 34Aagai hanu dangada i magavaa o de gau soa laa ne hevaalogi i dahi mee, gai hanu ni mee gee. Gai tagi o denga daane hebagi gu dee iloo be dee hee de muna abodonu, i hiidinga de hellumi o dangada, gai ia ga hagadaba bolo gi gaavee a Paul gi de mommee o denga daane hebagi. 35Gai denga daane hebagi ga saabai a Paul, i hiidinga de kona de hellumi de gau soa laa, gai ga tae huu gilaadeu gi honga de gaagenga. 36Aagai dangada soa e daudali ange laa i gilaadeu ga hevaalogi, ga hagataba, “Daia ia gi magau!”
De basa ange o Paul gi dangada soa
37De masavaa alaadeu e kave ai a Paul gi lo te mommee o denga daane hebagi, gai ia ga hai ange gi tagi o de hebagi, “E maua nei au i de tala adu hanu muna gi de goe?”
Gai ia ga ssili ange, “Koe e basa Greek? 38E dee go koe taane Egypt ne haia laa ga hellumi dangada i hanu ngadau gu hulo laa, ma de dagi e haamano daane daa dangada ga hulo ai gi de vao?”
39Paul ne hai ange, “Au se dangada Ssuu mai i Tarsus i Cilicia, gai se dangada niio dahi aduhale dau. Au e dangidangi adu, dugua mai e basa ange au gi dangada.”
40Gai de masavaa huu a tagi laa ne dugu ange ai dono masavaa, gai a Paul ga duu i honga de gaagenga ga daodaohi ange dono lima gi dangada. Gai dangada gu dee mmuu, gai ia ga basa ange gi gilaadeu i muna Aramaic, ga hai ange:
Currently Selected:
Acts 21: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Acts 21
21
De hano o Paul gi Jerusalem
1Gai dua huu demaadeu hulo gee mai i olaadeu daha, gai gimaadeu ga dele ga hulo gi Kos. De laangi i ono dua, gai gimaadeu gu tae gi Rhodes, gai ne malanga mai i kilaa ga hulo gi Patara. 2Gai gimaadeu ne gidee dahi vaga gu dai malanga e hano gi Phoenicia, gai gimaadeu ga kage ga hulo ai. 3Gai dua demaadeu gidee Cyprus, gai gimaadeu ne dele laa ono baasi ngaage ga hulo ai gi Syria. Gai gimaadeu ne tau i Tyre, ga dugu age ai denga goloa o de vaga. 4Gai gimaadeu ne too age ga ssala denga daina i kilaa, ga nnoho i olaadeu daha i e hidu laangi. Gai gilaadeu ne usuusu ange a Paul i ssauaa o de Hagasaalunga ⌊Dabu⌋ ia gi dee hano gi Jerusalem. 5Gai ga odi huu laangi omaadeu ne nnoho ai i kilaa, gai gimaadeu ga hiihidi age e hulo, gai gilaadeu alodahi ma olaadeu bodu ma alaadeu dama ne daudali mai i gimaadeu ga hulo ai gi tua de aduhale. Gai gimaadeu ne duuduli i honga de gelegele ga dalodalo. 6Gai dua demaadeu hagadau hagaboo, gai gimaadeu ga kage i de vaga, aagai gilaadeu ga aahe gi olaadeu hale.
7Gai demaadeu hanonga mai i Tyre ne ngado mai i Ptolemais, gai gimaadeu ne too age ga hagaboo ange gi denga daina i kilaa, ga nnoho ai i olaadeu daha i e dahi laangi. 8Aagai de laangi i ono dua, gai gimaadeu ne malanga ga hulo gi Caesarea; gai gimaadeu ne loage gi de hale o Philip ga nnoho ai i ono daha, ia se taane e hagadele ina de longo danuaa, gai go dahi i magavaa o denga daane dogohidu.#Acts 6.5; 8.5 9Taane nei e dogohaa ana damaa hine tigi hai bodu, gai delaadeu duuhanga hegau go de pasa pelaabisi.
10De masavaa omaadeu e nnoho ai i kilaa i hanu laangi, aagai gu humai dahi pelaabisi i Judea, dono ingoo go Agabus.#Acts 11.28 11Ia ne humai gi omaadeu daha, ga kave de beele o Paul ga nnoa ai luoono lima ma luoono vae, ga hagadaba, “E hagadaba de Hagasaalunga Dabu, ‘De gau Ssuu i Jerusalem e nnoa naa tangada niiona de beele nei, ga gaavange ia gi denga Gentile.’ ”
12Aagai ga langona huu e gimaadeu muna laa, gai gimaadeu ma dangada alodahi i kilaa ga dangidangi ange ia gi dee hano gi Jerusalem. 13Aagai a Paul ne hai mai gi gimaadeu, “Gu aha goodou gu tangi ai naa ga hagadaemaha ai ogu lodo? Au e dee baba ange donu gi dogu noodia, aagai au gu baba ange donu hogi e magau i Jerusalem i hiidinga o de ingoo o Tagi Maolunga go Iesu.” 14Gai ga dee maua huu e gimaadeu i de sui dana maanadu, gai gimaadeu ga hai ange, “Tagi Maolunga gi haia gi bei ono lodo!”
15Dua laangi laa gai gimaadeu ne hagadabena e hulo gi Jerusalem. 16Gai hanu dangada agoago mai i Caesarea ne loomai madali gimaadeu gi de hale o Mnason, go de mommee omaadeu ne nnoho ai. Mnason se daina mai i Cyprus ne hagadonusia i taamada age.
De hano o Paul gi daho James
17Gai de masavaa huu omaadeu ne tae ai gi Jerusalem, aagai denga daina i kilaa gu malangilangi ma de abodonu mai gi gimaadeu. 18De laangi i ono dua, gai gimaadeu ma Paul ne hulo gi daho James; gai denga dagi alodahi gu i kilaa. 19Gai ga lava huu dono hagaboo ange gi gilaadeu, gai ia ga tala ange mee alodahi a de Maadua gu hai, i daho denga Gentile i dono hai hegau i olaadeu daha.
20Gai ga langona huu e gilaadeu de mee laa, gai gilaadeu ga tuhi de Maadua. Gai gilaadeu ga hai ange gi Paul: “Taina, koe e gidee bolo gu soa de gau Ssuu ne hagadonusia, gai gilaadeu alodahi e mmahi hogi i de daohi denga hainga. 21Gai gilaadeu gu langona hogi bolo koe e agoago ange de gau Ssuu alodahi e nnoho i magavaa o denga Gentile gilaadeu gi dilia hainga a Moses, ma de hai ange gilaadeu gi dee tuu dagaholiage ina alaadeu dama, aabe gi daudali i adaadeu dahulinga. 22Gai se aha ai naa adaadeu e hai? Go hiidinga gilaadeu e langona naa donu bolo koe gu dae mai gi kinei. 23Deenei ai, koe haia gi bei amaadeu mee e tala adu gi de koe. E dogohaa daane i kinei gu nnoa gilaadeu i dahi hagatoo donu.#Num 6.13-21 24Gai koe ga kave gilaadeu ga hagagilimalali goe madali gilaadeu, ma de hagao delaadeu hagagilimalali, gi maua ai e gilaadeu i de dahi olaadeu biho, gi iloo ai e dangada, bolo alaadeu longo gu langona i oo dagodo e dee ni muna abodonu, aagai koe e daudali donu i de hainga. 25Aagai gimaadeu gu sisi ingoo o denga Gentile gu hagadonusia laa, ma de hai ange gilaadeu gi dee gaina mee gu sigidaumaha ange gi denga diinonga, ma dodo, aama manu gu milo olaadeu ua, gai gilaadeu gi dee dagodo haisala hogi.” #Acts 15.29
26De laangi i ono dua, gai a Paul ne kave denga daane laa ga hagagilimalali ia madali gilaadeu. Gai ia ne hano gi lo te temple, e hagailoo ai denga laangi e hagalava ai delaadeu hagagilimalali, aama ssigidaumaha e hai i hiidinga o dahi ma dahi.
De boogia o Paul i lo te temple
27Aagai ga odi ange ai huu denga laangi e hidu laa, gai hanu Ssuu ne loomai laa i Asia ne gidee e gilaadeu a Paul i de temple, gai gilaadeu ga hai gi hellumi dangada soa i kilaa, gai gilaadeu ga poo a Paul, 28ma de hevaalogi ga hagataba, “Dangada o Israel, goodou balea mai gimaadeu! Deenei taane e agoagona ange laa dangada i mommee alodahi, gilaadeu gi hai baasi ange gi de gau Ssuu ma de hainga, aama de mommee nei. Aagai ia gu gaamai hogi hanu dangada Greek gi lo te temple, e hai ai gi dee gilimalali de mommee dabu nei.” 29(Gilaadeu ne gidee Trophimus, taane Ephesus madali a Paul i de aduhale i laangi i mua, gai gilaadeu ne maanadu bolo a Paul ne gaamai hogi ia gi lo te temple.)#Acts 20.4
30Aagai de aduhale laa alodahi gu hellumi. Gai dangada ga saavini mai ga poo a Paul ga dada gi duaahaho, ma de hagamoolau ga pono de haitoga o de temple. 31De masavaa alaadeu ne hagatale ai de daa ia gi magau, aagai tagi o de hebagi gu langona bolo Jerusalem alodahi gu hellumi. 32Gai ia ga hagamoolau ga kave hanu daane hebagi ma hanu dagi o de lau, ga saavini ai ga hulo gi de mommee iai laa dangada. Gai ga gidee huu e dangada tagi o de hebagi ma ono daane, gai gilaadeu ga tuu delaadeu hagailiili a Paul.
33Gai tagi o de hebagi ga humai ga poo a Paul ga hagadaba bolo gi noodia ia i daula baalanga. Gai ia ne ssili be goai donu taane laa, gai be ni aha aana gu hai. 34Aagai hanu dangada i magavaa o de gau soa laa ne hevaalogi i dahi mee, gai hanu ni mee gee. Gai tagi o denga daane hebagi gu dee iloo be dee hee de muna abodonu, i hiidinga de hellumi o dangada, gai ia ga hagadaba bolo gi gaavee a Paul gi de mommee o denga daane hebagi. 35Gai denga daane hebagi ga saabai a Paul, i hiidinga de kona de hellumi de gau soa laa, gai ga tae huu gilaadeu gi honga de gaagenga. 36Aagai dangada soa e daudali ange laa i gilaadeu ga hevaalogi, ga hagataba, “Daia ia gi magau!”
De basa ange o Paul gi dangada soa
37De masavaa alaadeu e kave ai a Paul gi lo te mommee o denga daane hebagi, gai ia ga hai ange gi tagi o de hebagi, “E maua nei au i de tala adu hanu muna gi de goe?”
Gai ia ga ssili ange, “Koe e basa Greek? 38E dee go koe taane Egypt ne haia laa ga hellumi dangada i hanu ngadau gu hulo laa, ma de dagi e haamano daane daa dangada ga hulo ai gi de vao?”
39Paul ne hai ange, “Au se dangada Ssuu mai i Tarsus i Cilicia, gai se dangada niio dahi aduhale dau. Au e dangidangi adu, dugua mai e basa ange au gi dangada.”
40Gai de masavaa huu a tagi laa ne dugu ange ai dono masavaa, gai a Paul ga duu i honga de gaagenga ga daodaohi ange dono lima gi dangada. Gai dangada gu dee mmuu, gai ia ga basa ange gi gilaadeu i muna Aramaic, ga hai ange:
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.