Acts 18
18
Paul, Timothy ma Silas i Corinth
1Dua mee laa gai a Paul ne hano gee i Athens ga hano gi Corinth. 2Gai ia ne hedae ange gi dahi daane Ssuu, dono ingoo go Aquila, se daane mai i Pontus, gai gilaau ma dono bodu go Priscilla se goodo loomai donu huu i Italy, go hiidinga Claudius ne alualu de gau Ssuu alodahi gi hulo gee mai i Rome. Gai Paul ne hano ga hedae ange gi gilaau, 3gai go hiidinga gilaadeu alodahi ni dangada hai hale malo, gai ia ga noho ga hai hegau madali gilaau. 4Gai denga Sabbath alodahi gai Paul ne madaangudu ange i synagogue ma de usuusu ange de gau Ssuu ma de gau Greek gi daahuli.
5De masavaa o Silas ma Timothy ne tae mai ai i Macedonia, gai a Paul gu dee saohia i de agoago ma de tala hagadonu ange gi de gau Ssuu, bolo Iesu go de Klisdo donu. 6Gai de masavaa huu a dangada i kilaa ne hai baasi ange ai ma de hagabaubau ia, gai ia ga luuluu gelegele i ono malo, ga hai ange gi gilaadeu, “Doodou maakau e dau donu huu gi goodou! Au e dee haisala ai donu. Dua iainei gai au e hano naa e agoago ange denga Gentile.”
7Gai ia ga hano gee mai i kilaa ga hano gi de hale o taane dono ingoo laa go Titius Justus, se daane e daumaha ange gi de Maadua, gai dono hale e baa ange gi synagogue. 8Gai Crispus, tagi o synagogue gu hagadonusia hogi Tagi Maolunga, madali dangada alodahi i dono hale, gai gu soa hogi dangada Corinth ne hagadonusia i delaadeu langona muna a Paul, gai gilaadeu gu babudaisi.
9Gai Tagi Maolunga ne hai ange gi a Paul i de midi hagaago ange i dahi boo, “Aude madagu donu, aagai koe duudagina ina de agoago, aude hagapunidia doo ngudu; 10go hiidinga au e noho madali goe, gai e deai naa donu se dangada e maua i de hagammae aabe go de hagaduasala goe; go hiidinga e soa donu ogu dangada i de aduhale nei.” 11Gai ne dahi ngadau ma de bido o Paul ne noho ai i kilaa, ga agoago ange ai dangada i muna a de Maadua.
12Aagai de masavaa huu a Gallio ne dagi ai Achaia, gai de gau Ssuu ne hagabuni ga hai baasi ange gi a Paul, ga kave ia gi de mommee hagamodu muna, 13ga hai ange, “Taane nei ne usuusu ange dangada gi daumaha ange gi de Maadua i de hai e hai baasi ange gi de hainga.”
14Aagai de masavaa huu o Paul ne daamada ai de basa, gai Gallio ga hai ange gi de gau Ssuu, “De gau Ssuu, noo goodou ne gaamai taane nei i hiidinga ana hegau dee heohi, aabe go dana oha de hainga, gai au e maua i de golomagi ogu lodo adu gi goodou; 15aagai go hiidinga o hanu muna ma hanu ingoo aama oodou hainga donu, deelaa ai, goodou hagamodu ina donu huu ono muna; e dee go au e hagamodu ina mee naa.” 16Gai Gallio ga alualu gilaadeu gi hulo gee mai i de mommee hagamodu muna. 17Gai de gau Ssuu ga poo Sosthenes, tagi o synagogue ga hagailiili ia i gaogao de mommee hagamodu muna. Aagai Gallio e dee anga ange donu gi alaadeu mee ne hai.
De ahe o Paul gi Antioch
18Dua mee laa gai a Paul ne noho i Corinth i dahi masavaa daulooloa. Muli mai gai ia ne dugu hogi denga daina i kilaa, gai ia ga dele ga hano gi Syria madali Priscilla ma Aquila. Gai ia ne dahi dono biho i Cenchrea, go hiidinga ia gu hai dahi hagatoo donu soe.#Num 6.18 19Gai ga tae huu gilaadeu gi Ephesus, gai a Paul ga dugu Priscilla ma Aquila i kilaa. Gai ia ne hano gi lo te synagogue ga madaangudu ange ai gi de gau Ssuu. 20Gai de masavaa alaadeu ne dangidangi ange ia gi damaa noho ange i olaadeu daha, gai ia tee lodo. 21Aagai dono masavaa ne malanga ai e hano, gai ia ne hai ange gi gilaadeu, “Au e ahe mai naa donu gi oodou daha, noo go lodo o de Maadua.” Gai ia ga malanga ga hano gee mai i Ephesus.
22Gai dono masavaa huu ne dau ai i Caesarea, gai ia ga doo age e hagaboo ange gi de nohoanga dabu i kilaa, i mua dono hano gi Antioch. 23Dua dono noho i kilaa i hanu laangi, gai ia ne hano hogi laa Galatia ma Phrygia ga hagammahi ange ai lodo o dangada alodahi gu hagadonusia.
Apollos i Ephesus ma Corinth
24Gai e dahi daane Ssuu dono ingoo go Apollos, ia se daane mai i Alexandria, gai gu humai gi Ephesus. Ia se daane heiangi i de basa i honga o dangada gai ia e iloo de Beebaa Dabu. 25Gai ia ne agoago i dagodo o de haiava o Tagi Maolunga, gai se daane lodo mmahi, gai ne heohi dana hai ne tala ai ma de agoago ange ai dangada i dagodo o Iesu, gai go de babudaisi donu huu a John aana e iloo. 26Gai ia tee madagu i de agoago i lo te synagogue. Gai de masavaa huu a Priscilla ma Aquila ne langona ai ana agoago, gai gilaau ga kave ia ga agoago ange, gi kii ange ai dono donu ange gi dagodo o de haiava o de Maadua.
27De masavaa huu o Apollos ne lodo ai e hano gi Achaia, gai denga daina ga hagammahi ange ia gi hano, ma de sisi ange dahi leda gi denga daina i Achaia, gilaadeu gi abodonu ange gi de ia. De masavaa o Apollos ne dae ai gi kilaa, gai ia ne bale danuaa ange gilaadeu gu hagadonusia i de abodonu e dohu ange laa gi gilaadeu. 28Gai ia ne hai ga dee mmuu de gau Ssuu i madamada o dangada alodahi, i dana tala hagadonu mai i de Beebaa Dabu bolo Iesu go de Klisdo.
Currently Selected:
Acts 18: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Acts 18
18
Paul, Timothy ma Silas i Corinth
1Dua mee laa gai a Paul ne hano gee i Athens ga hano gi Corinth. 2Gai ia ne hedae ange gi dahi daane Ssuu, dono ingoo go Aquila, se daane mai i Pontus, gai gilaau ma dono bodu go Priscilla se goodo loomai donu huu i Italy, go hiidinga Claudius ne alualu de gau Ssuu alodahi gi hulo gee mai i Rome. Gai Paul ne hano ga hedae ange gi gilaau, 3gai go hiidinga gilaadeu alodahi ni dangada hai hale malo, gai ia ga noho ga hai hegau madali gilaau. 4Gai denga Sabbath alodahi gai Paul ne madaangudu ange i synagogue ma de usuusu ange de gau Ssuu ma de gau Greek gi daahuli.
5De masavaa o Silas ma Timothy ne tae mai ai i Macedonia, gai a Paul gu dee saohia i de agoago ma de tala hagadonu ange gi de gau Ssuu, bolo Iesu go de Klisdo donu. 6Gai de masavaa huu a dangada i kilaa ne hai baasi ange ai ma de hagabaubau ia, gai ia ga luuluu gelegele i ono malo, ga hai ange gi gilaadeu, “Doodou maakau e dau donu huu gi goodou! Au e dee haisala ai donu. Dua iainei gai au e hano naa e agoago ange denga Gentile.”
7Gai ia ga hano gee mai i kilaa ga hano gi de hale o taane dono ingoo laa go Titius Justus, se daane e daumaha ange gi de Maadua, gai dono hale e baa ange gi synagogue. 8Gai Crispus, tagi o synagogue gu hagadonusia hogi Tagi Maolunga, madali dangada alodahi i dono hale, gai gu soa hogi dangada Corinth ne hagadonusia i delaadeu langona muna a Paul, gai gilaadeu gu babudaisi.
9Gai Tagi Maolunga ne hai ange gi a Paul i de midi hagaago ange i dahi boo, “Aude madagu donu, aagai koe duudagina ina de agoago, aude hagapunidia doo ngudu; 10go hiidinga au e noho madali goe, gai e deai naa donu se dangada e maua i de hagammae aabe go de hagaduasala goe; go hiidinga e soa donu ogu dangada i de aduhale nei.” 11Gai ne dahi ngadau ma de bido o Paul ne noho ai i kilaa, ga agoago ange ai dangada i muna a de Maadua.
12Aagai de masavaa huu a Gallio ne dagi ai Achaia, gai de gau Ssuu ne hagabuni ga hai baasi ange gi a Paul, ga kave ia gi de mommee hagamodu muna, 13ga hai ange, “Taane nei ne usuusu ange dangada gi daumaha ange gi de Maadua i de hai e hai baasi ange gi de hainga.”
14Aagai de masavaa huu o Paul ne daamada ai de basa, gai Gallio ga hai ange gi de gau Ssuu, “De gau Ssuu, noo goodou ne gaamai taane nei i hiidinga ana hegau dee heohi, aabe go dana oha de hainga, gai au e maua i de golomagi ogu lodo adu gi goodou; 15aagai go hiidinga o hanu muna ma hanu ingoo aama oodou hainga donu, deelaa ai, goodou hagamodu ina donu huu ono muna; e dee go au e hagamodu ina mee naa.” 16Gai Gallio ga alualu gilaadeu gi hulo gee mai i de mommee hagamodu muna. 17Gai de gau Ssuu ga poo Sosthenes, tagi o synagogue ga hagailiili ia i gaogao de mommee hagamodu muna. Aagai Gallio e dee anga ange donu gi alaadeu mee ne hai.
De ahe o Paul gi Antioch
18Dua mee laa gai a Paul ne noho i Corinth i dahi masavaa daulooloa. Muli mai gai ia ne dugu hogi denga daina i kilaa, gai ia ga dele ga hano gi Syria madali Priscilla ma Aquila. Gai ia ne dahi dono biho i Cenchrea, go hiidinga ia gu hai dahi hagatoo donu soe.#Num 6.18 19Gai ga tae huu gilaadeu gi Ephesus, gai a Paul ga dugu Priscilla ma Aquila i kilaa. Gai ia ne hano gi lo te synagogue ga madaangudu ange ai gi de gau Ssuu. 20Gai de masavaa alaadeu ne dangidangi ange ia gi damaa noho ange i olaadeu daha, gai ia tee lodo. 21Aagai dono masavaa ne malanga ai e hano, gai ia ne hai ange gi gilaadeu, “Au e ahe mai naa donu gi oodou daha, noo go lodo o de Maadua.” Gai ia ga malanga ga hano gee mai i Ephesus.
22Gai dono masavaa huu ne dau ai i Caesarea, gai ia ga doo age e hagaboo ange gi de nohoanga dabu i kilaa, i mua dono hano gi Antioch. 23Dua dono noho i kilaa i hanu laangi, gai ia ne hano hogi laa Galatia ma Phrygia ga hagammahi ange ai lodo o dangada alodahi gu hagadonusia.
Apollos i Ephesus ma Corinth
24Gai e dahi daane Ssuu dono ingoo go Apollos, ia se daane mai i Alexandria, gai gu humai gi Ephesus. Ia se daane heiangi i de basa i honga o dangada gai ia e iloo de Beebaa Dabu. 25Gai ia ne agoago i dagodo o de haiava o Tagi Maolunga, gai se daane lodo mmahi, gai ne heohi dana hai ne tala ai ma de agoago ange ai dangada i dagodo o Iesu, gai go de babudaisi donu huu a John aana e iloo. 26Gai ia tee madagu i de agoago i lo te synagogue. Gai de masavaa huu a Priscilla ma Aquila ne langona ai ana agoago, gai gilaau ga kave ia ga agoago ange, gi kii ange ai dono donu ange gi dagodo o de haiava o de Maadua.
27De masavaa huu o Apollos ne lodo ai e hano gi Achaia, gai denga daina ga hagammahi ange ia gi hano, ma de sisi ange dahi leda gi denga daina i Achaia, gilaadeu gi abodonu ange gi de ia. De masavaa o Apollos ne dae ai gi kilaa, gai ia ne bale danuaa ange gilaadeu gu hagadonusia i de abodonu e dohu ange laa gi gilaadeu. 28Gai ia ne hai ga dee mmuu de gau Ssuu i madamada o dangada alodahi, i dana tala hagadonu mai i de Beebaa Dabu bolo Iesu go de Klisdo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.