Acts 15
15
De hagabuulinga hagasaele i Jerusalem
1Aagai gu loomai hanu daane i Judea gi Antioch ga agoago ange denga daina, ga hai ange, “Noo goodou e dee tuu dagaholiage bei dagodo muna o de hainga a Moses, gai goodou e dee hagamouli donu.” #Lev 12.3 2Gai gu kona de hagadaumee ange o Paul ma Barnabas gi denga daane laa. Deelaa ai, gilaadeu ne hili a Paul ma Barnabas aama hanu dangada i kilaa gi hulo gi Jerusalem, i daho de gau tala ma denga dagi gi siilia ai dagodo o de mee laa. 3Gai ga haia huu e de nohoanga dabu gilaadeu gi hulo, gai gilaadeu ga hulo laa Phoenicia ma Samaria, ga tala ai dagodo de daahuli lodo o denga Gentile. Gai denga daina alodahi i kilaa gu malangilangi mmao. 4Gai ga tae huu gilaadeu gi Jerusalem, gai de nohoanga dabu i kilaa, ma de gau tala aama denga dagi ne abodonu ange gi gilaadeu. Gai gilaadeu ga tala ange dagodo mee a de Maadua gu hai i olaadeu daha.
5Aagai hanu Pharisee gu hagadonusia laa ne tuu age, ga hai ange, “Gidaadeu e tala ange gi denga Gentile bolo e heohi delaadeu tuu dagaholiage aama de daohi de hainga a Moses.”
6Gai de gau tala ma denga dagi ne hagabuni e hagasaele ange ai dagodo o de mee laa. 7Gai ga daulooloa huu delaadeu hagasaele, gai Peter ga hidi age ga hai ange gi gilaadeu, “Denga daina, goodou e iloo bolo hanu masavaa gu hulo, gai de Maadua ne hili au gi daalaa ange de longo danuaa gi denga Gentile, gi hagadonusia ai hogi e gilaadeu.#Acts 10.1-43 8Gai de Maadua e iloo laa e ia denga lodo alodahi ne tala hagadonu dagodo olaadeu lodo, i dana gaavange de Hagasaalunga Dabu gi gilaadeu, bei dana hai gu gaamai ai laa hogi gi gidaadeu.#Acts 2.4; 10.44 9Ia e dee dagodo gee donu dana hai e hai ai gidaadeu ma gilaadeu, aagai ia ne hagagilimalali hogi olaadeu lodo i de kai. 10Deenei ai, gu aha goodou gu hagatale ai naa de Maadua iainei, i doodou hagauda ange gi honga o dangada gu hagadonusia denga hainga adaadeu ma odaadeu dubuna madagidagi tee maua i de daudali ai? 11Gidaadeu e hagadonusia bolo gidaadeu e maua de mouli i de abodonu o Tagi Maolunga go Iesu, gai e bei ai naa hogi olaadeu dagodo.”
12Gai dangada alodahi gu dee mmuu i delaadeu nnoho ga hagallongo muna a Barnabas ma Paul i delaau tala ange dagodo o denga hagailonga ma mee hagalele mouli a de Maadua gu dugu ange gilaau gi haia i magavaa o denga Gentile. 13Gai ga lava huu muna a Paul ma Barnabas, gai James ga hai ange gi gilaadeu, “Denga daina, goodou nnoho mai hagalaangona agu muna. 14Simeon gu tala dagodo taamada de humai o de Maadua gi daho denga Gentile, gai ia ga hilihili ai hanu i olaadeu magavaa e hai ai ono dangada. 15Muna a denga pelaabisi e buni ange donu de mee nei, bei de hai gu sisi laa,
16‘Dua de mee nei gai au e ahe mai naa,
ga hagaahe age de hale malo o David gu maoha laa.
Au e hagaahe age naa mommee gu maoha laa
gai au ga hai ai gi duu age ange,
17gai gi saalaa ai e dangada e doe Tagi Maolunga,
aama denga Gentile alodahi gu hagaingoo i dogu ingoo,
go Tagi Maolunga donu e hagadaba,
go de ia e haia mee nei alodahi
18go mee gu iloo madagidagi loo.’ #Amos 9.11-12
19Deenei ai, au e hagadaba bolo gidaadeu e dee hai gi hai ngadaa ange gi denga Gentile gu daahuli mai laa gi de Maadua. 20Aagai gidaadeu ga sisi e hai ange gilaadeu gi dee gaina mee gu hakino gee i hiidinga o denga diinonga, gilaadeu gi dee dagodo haisala, gai gi dee gaina kano o manu ne milo olaadeu ua, aama dodo.#Exo 34.15-17; Lev 17.10-16; 18.6-23 21Go hiidinga de hainga a Moses gu daulooloa de agoago i denga aduhale alodahi, ma de dau mai i lodo synagogue i denga Sabbath alodahi.”
De leda ange gi denga Gentile gu hagadonusia
22Aagai de gau tala ma denga dagi ma de nohoanga dabu alodahi ne maanadu bolo e danuaa de hilihili hanu i olaadeu magavaa gi hulo gi Antioch madali a Paul ma Barnabas. Gai gilaadeu ne hili Judas, e hagaingoo ange laa hogi go Barsabbas, ma Silas, gilaau ni dagi i daho denga daina, 23ma de sisi dahi leda ga hai ange:
“Gimaadeu de gau tala ma denga dagi aama denga daina i kinei e gaavadu demaadeu hagaboo gi goodou denga daina i kinaa, go denga Gentile e nnoho laa i Antioch ma Syria aama Cilicia.
24Gimaadeu ne langona bolo hanu i omaadeu magavaa ne loadu ga hai ga dee paba goodou, ma de hai gi manavasaa oodou lodo i alaadeu muna, gai e dee go gimaadeu donu ne hagasauaa ina gilaadeu gi loadu. 25Gai gimaadeu ne maanadu bolo e danuaa demaadeu hilihili hanu daane gi loadu gi oodou daha madali luoodaadeu daane e aaloha ai go Barnabas ma Paul, 26gilaau ni daane ne dai maakau i hiidinga de ingoo o taadeu Dagi Maolunga go Iesu Klisdo. 27Deenei ai, gimaadeu gu hai gi loadu Judas ma Silas gi daalaa adu ai gi goodou muna mau. 28Gai ne heohi mai i daho de Hagasaalunga Dabu ma mai i omaadeu daha, bolo e deai ange donu mee amaadeu e hagadaemaha ai goodou madali mee nei: 29goodou gi dee gaina gai gu sigidaumaha ange gi denga diinonga, ma dodo, ma manu gu milo laa olaadeu ua, aama tee dagodo haisala. Noo goodou e daohi goodou i mee nei, gai gu danuaa. Danuaa loo goodou!”
30Gai denga daane laa ne hulo ga tae gi Antioch, ga hagabuni de nohoanga dabu alodahi, ga gaavange de leda laa gi gilaadeu. 31Gai de masavaa huu alaadeu ne dau ai de leda laa, gai gilaadeu gu malangilangi i muna ne hagammahi ange ai laa olaadeu lodo. 32Gai luu daane pelaabisi go Judas ma Silas, ne daulooloa hogi delaau pasa ange ga hagammahi ange lodo o denga daina. 33Gai dua delaadeu nnoho i kilaa i hanu laangi, gai denga daina ga hai gilaadeu gi hulo i de baba, gi daho dangada ne haia laa gilaadeu gi loomai. [34Aagai Silas ne lodo e damaa noho ange i Antioch.]#15.34 Hanu beebaa Greek ange laa e dee dagodo ai de gubu nei. 35Gai a Paul ma Barnabas ne nnoho i Antioch ga agoago ai, ma de tala ai muna a Tagi Maolunga, gai e soa ange dangada madali gilaau.
De mavaevae o Paul ma Barnabas
36Dua hanu laangi, gai a Paul ne hai ange gi Barnabas, “Gidaau ga aahe e hulo gi daho denga daina i denga aduhale hugadoo odaau gu agoago ai laa muna a de Maadua, e tilo ai hogi be aahee olaadeu dagodo.” 37Gai Barnabas ne lodo hogi e kave a John Mark madali gilaau, 38aagai a Paul ne maanadu bolo e dee danuaa delaau kave ia, go hiidinga ia ne tili gilaau i Pamphylia, tee noho madali gilaau ga dae ai gi de lava alaau hegau.#Acts 13.13 39Gai gu kona delaau dee heloongoi, deelaa ai, gilaau gu mavaevae. Barnabas ga kave a Mark madali ia ga hulo gi Cyprus, 40aagai a Paul ne hili Silas ga kave madali ia. Gai ia ne dalodalo ga dugu ange denga daina gi de abodonu o Tagi Maolunga. 41Gai a Paul ne hagadaga i Syria ma Cilicia ga hagammahi ange ai denga nohoanga dabu i kilaa.
Currently Selected:
Acts 15: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Acts 15
15
De hagabuulinga hagasaele i Jerusalem
1Aagai gu loomai hanu daane i Judea gi Antioch ga agoago ange denga daina, ga hai ange, “Noo goodou e dee tuu dagaholiage bei dagodo muna o de hainga a Moses, gai goodou e dee hagamouli donu.” #Lev 12.3 2Gai gu kona de hagadaumee ange o Paul ma Barnabas gi denga daane laa. Deelaa ai, gilaadeu ne hili a Paul ma Barnabas aama hanu dangada i kilaa gi hulo gi Jerusalem, i daho de gau tala ma denga dagi gi siilia ai dagodo o de mee laa. 3Gai ga haia huu e de nohoanga dabu gilaadeu gi hulo, gai gilaadeu ga hulo laa Phoenicia ma Samaria, ga tala ai dagodo de daahuli lodo o denga Gentile. Gai denga daina alodahi i kilaa gu malangilangi mmao. 4Gai ga tae huu gilaadeu gi Jerusalem, gai de nohoanga dabu i kilaa, ma de gau tala aama denga dagi ne abodonu ange gi gilaadeu. Gai gilaadeu ga tala ange dagodo mee a de Maadua gu hai i olaadeu daha.
5Aagai hanu Pharisee gu hagadonusia laa ne tuu age, ga hai ange, “Gidaadeu e tala ange gi denga Gentile bolo e heohi delaadeu tuu dagaholiage aama de daohi de hainga a Moses.”
6Gai de gau tala ma denga dagi ne hagabuni e hagasaele ange ai dagodo o de mee laa. 7Gai ga daulooloa huu delaadeu hagasaele, gai Peter ga hidi age ga hai ange gi gilaadeu, “Denga daina, goodou e iloo bolo hanu masavaa gu hulo, gai de Maadua ne hili au gi daalaa ange de longo danuaa gi denga Gentile, gi hagadonusia ai hogi e gilaadeu.#Acts 10.1-43 8Gai de Maadua e iloo laa e ia denga lodo alodahi ne tala hagadonu dagodo olaadeu lodo, i dana gaavange de Hagasaalunga Dabu gi gilaadeu, bei dana hai gu gaamai ai laa hogi gi gidaadeu.#Acts 2.4; 10.44 9Ia e dee dagodo gee donu dana hai e hai ai gidaadeu ma gilaadeu, aagai ia ne hagagilimalali hogi olaadeu lodo i de kai. 10Deenei ai, gu aha goodou gu hagatale ai naa de Maadua iainei, i doodou hagauda ange gi honga o dangada gu hagadonusia denga hainga adaadeu ma odaadeu dubuna madagidagi tee maua i de daudali ai? 11Gidaadeu e hagadonusia bolo gidaadeu e maua de mouli i de abodonu o Tagi Maolunga go Iesu, gai e bei ai naa hogi olaadeu dagodo.”
12Gai dangada alodahi gu dee mmuu i delaadeu nnoho ga hagallongo muna a Barnabas ma Paul i delaau tala ange dagodo o denga hagailonga ma mee hagalele mouli a de Maadua gu dugu ange gilaau gi haia i magavaa o denga Gentile. 13Gai ga lava huu muna a Paul ma Barnabas, gai James ga hai ange gi gilaadeu, “Denga daina, goodou nnoho mai hagalaangona agu muna. 14Simeon gu tala dagodo taamada de humai o de Maadua gi daho denga Gentile, gai ia ga hilihili ai hanu i olaadeu magavaa e hai ai ono dangada. 15Muna a denga pelaabisi e buni ange donu de mee nei, bei de hai gu sisi laa,
16‘Dua de mee nei gai au e ahe mai naa,
ga hagaahe age de hale malo o David gu maoha laa.
Au e hagaahe age naa mommee gu maoha laa
gai au ga hai ai gi duu age ange,
17gai gi saalaa ai e dangada e doe Tagi Maolunga,
aama denga Gentile alodahi gu hagaingoo i dogu ingoo,
go Tagi Maolunga donu e hagadaba,
go de ia e haia mee nei alodahi
18go mee gu iloo madagidagi loo.’ #Amos 9.11-12
19Deenei ai, au e hagadaba bolo gidaadeu e dee hai gi hai ngadaa ange gi denga Gentile gu daahuli mai laa gi de Maadua. 20Aagai gidaadeu ga sisi e hai ange gilaadeu gi dee gaina mee gu hakino gee i hiidinga o denga diinonga, gilaadeu gi dee dagodo haisala, gai gi dee gaina kano o manu ne milo olaadeu ua, aama dodo.#Exo 34.15-17; Lev 17.10-16; 18.6-23 21Go hiidinga de hainga a Moses gu daulooloa de agoago i denga aduhale alodahi, ma de dau mai i lodo synagogue i denga Sabbath alodahi.”
De leda ange gi denga Gentile gu hagadonusia
22Aagai de gau tala ma denga dagi ma de nohoanga dabu alodahi ne maanadu bolo e danuaa de hilihili hanu i olaadeu magavaa gi hulo gi Antioch madali a Paul ma Barnabas. Gai gilaadeu ne hili Judas, e hagaingoo ange laa hogi go Barsabbas, ma Silas, gilaau ni dagi i daho denga daina, 23ma de sisi dahi leda ga hai ange:
“Gimaadeu de gau tala ma denga dagi aama denga daina i kinei e gaavadu demaadeu hagaboo gi goodou denga daina i kinaa, go denga Gentile e nnoho laa i Antioch ma Syria aama Cilicia.
24Gimaadeu ne langona bolo hanu i omaadeu magavaa ne loadu ga hai ga dee paba goodou, ma de hai gi manavasaa oodou lodo i alaadeu muna, gai e dee go gimaadeu donu ne hagasauaa ina gilaadeu gi loadu. 25Gai gimaadeu ne maanadu bolo e danuaa demaadeu hilihili hanu daane gi loadu gi oodou daha madali luoodaadeu daane e aaloha ai go Barnabas ma Paul, 26gilaau ni daane ne dai maakau i hiidinga de ingoo o taadeu Dagi Maolunga go Iesu Klisdo. 27Deenei ai, gimaadeu gu hai gi loadu Judas ma Silas gi daalaa adu ai gi goodou muna mau. 28Gai ne heohi mai i daho de Hagasaalunga Dabu ma mai i omaadeu daha, bolo e deai ange donu mee amaadeu e hagadaemaha ai goodou madali mee nei: 29goodou gi dee gaina gai gu sigidaumaha ange gi denga diinonga, ma dodo, ma manu gu milo laa olaadeu ua, aama tee dagodo haisala. Noo goodou e daohi goodou i mee nei, gai gu danuaa. Danuaa loo goodou!”
30Gai denga daane laa ne hulo ga tae gi Antioch, ga hagabuni de nohoanga dabu alodahi, ga gaavange de leda laa gi gilaadeu. 31Gai de masavaa huu alaadeu ne dau ai de leda laa, gai gilaadeu gu malangilangi i muna ne hagammahi ange ai laa olaadeu lodo. 32Gai luu daane pelaabisi go Judas ma Silas, ne daulooloa hogi delaau pasa ange ga hagammahi ange lodo o denga daina. 33Gai dua delaadeu nnoho i kilaa i hanu laangi, gai denga daina ga hai gilaadeu gi hulo i de baba, gi daho dangada ne haia laa gilaadeu gi loomai. [34Aagai Silas ne lodo e damaa noho ange i Antioch.]#15.34 Hanu beebaa Greek ange laa e dee dagodo ai de gubu nei. 35Gai a Paul ma Barnabas ne nnoho i Antioch ga agoago ai, ma de tala ai muna a Tagi Maolunga, gai e soa ange dangada madali gilaau.
De mavaevae o Paul ma Barnabas
36Dua hanu laangi, gai a Paul ne hai ange gi Barnabas, “Gidaau ga aahe e hulo gi daho denga daina i denga aduhale hugadoo odaau gu agoago ai laa muna a de Maadua, e tilo ai hogi be aahee olaadeu dagodo.” 37Gai Barnabas ne lodo hogi e kave a John Mark madali gilaau, 38aagai a Paul ne maanadu bolo e dee danuaa delaau kave ia, go hiidinga ia ne tili gilaau i Pamphylia, tee noho madali gilaau ga dae ai gi de lava alaau hegau.#Acts 13.13 39Gai gu kona delaau dee heloongoi, deelaa ai, gilaau gu mavaevae. Barnabas ga kave a Mark madali ia ga hulo gi Cyprus, 40aagai a Paul ne hili Silas ga kave madali ia. Gai ia ne dalodalo ga dugu ange denga daina gi de abodonu o Tagi Maolunga. 41Gai a Paul ne hagadaga i Syria ma Cilicia ga hagammahi ange ai denga nohoanga dabu i kilaa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.