Acts 10
10
De aalu a Cornelius Peter
1Gai e dahi daane e noho i Caesarea, dono ingoo go Cornelius, ia se dagi o de lau mai i de hagabuulinga hebagi e hagabinga ange laa go de Italian Cohort, 2gai gilaadeu ma dangada alodahi i dono hale e maatagu i de Maadua, gai e abodonu ange gi de gau hagaau aloha, ma de dalodalo ange gi de Maadua i masavaa alodahi. 3Dahi laangi i daha tolu i muli de hualaangi#10.3 tolu i muli de hualaangi: de Beebaa Greek e hai ange go ssiva aoaa (diiloo hogi de gubu e 30). gai ia ne hai dahi midi hagaago ange. Ia ne gidee dahi dangada de langi o de Maadua, ne humai ga hai ange gi de ia, “Cornelius!”
4Gai ia ga haaina ia i dono madagu, ga ssili ange gi de ia, “Tagi Maolunga, se aha e hai?”
Tangada de langi laa ne hai ange gi de ia, “Au dalodalo alodahi ma doo abodonu ange gi de gau hagaau aloha gu tae age, ma de hagamaanadu ai goe i mada luu mada o de Maadua. 5Gai haia hanu dangada gi hulo gi Joppa gi gaamai ai Simon, e hagaingoo ange laa hogi go Peter. 6Ia e noho i daho Simon taane hai gili manu, gai dono hale e duu i gaogao tai.”
7Gai de masavaa o tangada de langi ne basa ange laa gi de ia ne hano gee ai, gai Cornelius ne hagahi e dogolua ono dangada hai hegau ma dahi ono daane hebagi e madagu laa i de Maadua, e hai hegau ange laa gi de ia. 8Gai ia ga tala ange gi gilaadeu mee alodahi gu hai, ma de hai gilaadeu gi hulo gi Joppa.
De midi a Peter
9De laangi i ono dua, i daha tuele,#10.9 i daha tuele: de Beebaa Greek e hai ange go de ono aoaa. i de masavaa o denga daane laa gu paa ange ai gi de aduhale, gai Peter ne hanage gi tua de hale e dalodalo ai. 10Aagai ia gu saalohia ma de hiigai, gai de masavaa alaadeu e hagadabena ai denga gai, gai ia gu hai dahi midi hagaago ange. 11Ia ne gidee de langi gu mahuge, gai dahi mee be se malo laumalie gu hagasege iho gi henua i lalo i denga dege e haa. 12Gai e honu i denga hagadaagangaa manu dolodolo ma manu e tolo i honga de gelegele, aama denga manu llele. 13Gai ia gu langona dahi leo mai i de langi e hai ange gi de ia, “Peter, hidi age daia manu naa gaina.”
14Aagai Peter ga hai ange, “Tagi Maolunga, e dee maua donu, go hiidinga au tigi gai donu dahi mee dee gilimalali aabe se mee hakino gee daudahi.”
15Gai de leo laa ne hai ange hogi gi de ia, “Aude daalaa bolo mee a de Maadua gu lava i de hagagilimalali e dee gilimalali.”
16Ne dolu hanonga ne hai ai mee nei, aagai de malo laa gu hagaahe age gi de langi.
17Gai de masavaa a Peter e hagasaele ai be dee hee de hagadoonunga o dana midi ne gide laa, gai denga daane a Cornelius ne hai laa gi loomai gu tuu i de haitoga o de buibui, i dua delaadeu ssili be dee hee de hale o Simon. 18Gai gilaadeu ne hagahi ga ssili be Simon e hagaingoo ange laa hogi go Peter e noho i kilaa.
19Gai de masavaa a Peter e maanadu ai dagodo o de midi laa, aagai de Hagasaalunga ⌊Dabu⌋ ga hai ange gi de ia, “E dogodolu daane gu loomai e ssala goe. 20Hidi age iho gi lalo, gai koe aude manavasaa i de hano madali gilaadeu, i hiidinga go au donu ne haia gilaadeu gi loomai.”
21Aagai Peter ne iho mai gi daho denga daane laa, ga hai ange, “Deenei au tangada oodou e ssala naa. Se hiidinga aha oodou ne loomai ai naa?”
22Gai gilaadeu ga hai ange, “Cornelius, dahi dagi o de lau, se daane heohi ma de madagu i de Maadua, ma de tuhi i daho de huaahenua o de gau Ssuu, dahi dangada de langi dabu ne hai ange ia gi alumia mai goe gi hanadu gi dono hale, gai ia ga hagallongo ai au muna e tala ange.” 23Gai Peter ne hagahi gilaadeu gi ulu mai gi nnoho i ono daha i de boo laa.
Peter i de hale o Cornelius
Taiao age, gai Peter ne hano madali de gau laa, gai ne hanu ange daina mai i Joppa ne hulo madali Peter. 24De laangi i ono dua, gai gilaadeu gu tae gi Caesarea. Gai Cornelius gu lava i de hagabuni mai dono huaabodu aama ono soa hagamogomogo ma e tali ai gilaadeu. 25Aagai de masavaa huu o Peter ne dae ai gi de mommee laa, gai Cornelius gu humai ga duuduli ga ino gi lalo i gaogao luoono vae ga daumaha ange gi de ia. 26Aagai Peter ga hagahidi age ia, ga hai ange, “Duu age, au se dangada donu huu hogi bei oo dagodo.”
27Dono masavaa e basa ange gi Cornelius, gai Peter ga ulu gi lo te hale gu gidee hanu dangada soa gu hagabuni i kilaa. 28Gai ia ga hai ange gi gilaadeu, “Goodou e iloo donu bolo de gau Ssuu e dee hagabuni ange gi denga Gentile, aabe e hulo gi olaadeu daha. Aagai de Maadua gu hagaago mai bolo au gi dee daalaa bolo dahi dangada e dee gilimalali aabe e hakino gee. 29Deenei ai, au tee lua lodo donu i doodou masavaa ne aalu adu ai au gi humai. Gai au e ssili adu be aahee hiidinga oodou ne aalu adu ai nei au?”
30Gai Cornelius ga hai ange, “E haa laangi gu hulo, i de masavaa bee nei, gai au e noho ma e dalodalo i dogu hale i daha tolu i muli de hualaangi. Gai tilo, dahi daane ne humai ga duu i ogu mada i mua, gai ia e gahu i malo malamalama, 31gai ia ne hai mai gi de au, ‘Cornelius, de Maadua gu langona au dalodalo ma de manadua doo abodonu ange gi de gau hagaau aloha. 32Deenei ai, haia gi hulo hanu dangada gi Joppa gi alumia Simon, e hagaingoo ange laa hogi go Peter. Ia e noho i de hale o Simon, taane hai gili manu, gai dono hale e duu i gaogao tai.’ 33Deelaa ai, au ne hagamoolau ga hai gi loadu hanu dangada gi gaamai goe, aagai koe gu abodonu hogi ma gu humai. Gimaadeu alodahi gu nnoho i kinei i mada luu mada o de Maadua e hagallongo ai mee hugadoo gu lava i de tala adu gi de goe mai i daho de Maadua.”
De agoago o Peter i de hale o Cornelius
34Aagai Peter ne daamada de basa ga hai ange, “Au e iloo bolo ni muna abodonu de Maadua e dee vae dangada,#Deut 10.17 35aagai e abodonu ange gi dangada i denga huaahenua alodahi e maatagu i de ia, ma de hai hegau i de mee heohi. 36Goodou gu iloo ana muna gu gaavange gi de gau Israel, e agoago ai laa de longo danuaa o de baba mai i daho Iesu Klisdo, go Tagi Maolunga o mee alodahi; 37goodou gu langona dagodo o mee gu hai i Judea alodahi, gai ne daamada mai i Galilee i dua de agoago o John dagodo o de babudaisi — 38e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.
39Gai go gimaadeu e daalaa hagadonu dagodo o ana mee alodahi ne hai i de henua o de gau Ssuu aama Jerusalem. Gai gilaadeu ne daa ia ga magau ga daudau i de laagau lui. 40Aagai de Maadua ne hagamouli age ia i dua e dolu laangi, ga hai gi gidee e dangada ia. 41Gai e dee go dangada alodahi ne gidee ia, aagai go gimaadeu donu huu, a de Maadua gu lava laa i de hili e hai gi ni dangada e daalaa hagadonu mee nei — go gimaadeu ne gaimee laa ma de unu madali ia, i dua dono mouli age mai i de magau. 42Ia ne hai mai gimaadeu gi agoagona ange dangada, ma de tala hagadonu bolo de Maadua gu hili ia gi hagamodu ina muna o dangada e mouli aama gilaadeu gu maakau. 43Denga pelaabisi alodahi ne tala bolo dangada alodahi e hagadonusia ia gu maatala olaadeu haisala i dono ingoo.”
De kave a denga Gentile de Hagasaalunga Dabu
44De masavaa a Peter e tala ange ai muna laa gi gilaadeu, gai de Hagasaalunga Dabu gu hano iho gi honga o dangada alodahi ne langona muna laa. 45Aagai de gau Ssuu ne loomai laa madali Peter gu llele mouli i de hano iho hogi o de ngadi gaavange go de Hagasaalunga Dabu gi honga o denga Gentile. 46Gai gilaadeu gu langona dangada i kilaa gu pasa i denga hagadaagangaa muna, gai gilaadeu ga tuhi de Maadua.
Gai Peter ga hagadaba, 47“E maua e dahi dangada i de buibui de gau nei gi dee babudaisi i vai, gai de Hagasaalunga Dabu gu hano iho donu gi olaadeu elunga, bei odaadeu dagodo?” 48Gai ia ga hai gilaadeu gi babudaisi i de ingoo o Iesu Klisdo. Gai dangada i kilaa ga dangidangi ange ia gi noho i olaadeu daha i hanu laangi.
Currently Selected:
Acts 10: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Acts 10
10
De aalu a Cornelius Peter
1Gai e dahi daane e noho i Caesarea, dono ingoo go Cornelius, ia se dagi o de lau mai i de hagabuulinga hebagi e hagabinga ange laa go de Italian Cohort, 2gai gilaadeu ma dangada alodahi i dono hale e maatagu i de Maadua, gai e abodonu ange gi de gau hagaau aloha, ma de dalodalo ange gi de Maadua i masavaa alodahi. 3Dahi laangi i daha tolu i muli de hualaangi#10.3 tolu i muli de hualaangi: de Beebaa Greek e hai ange go ssiva aoaa (diiloo hogi de gubu e 30). gai ia ne hai dahi midi hagaago ange. Ia ne gidee dahi dangada de langi o de Maadua, ne humai ga hai ange gi de ia, “Cornelius!”
4Gai ia ga haaina ia i dono madagu, ga ssili ange gi de ia, “Tagi Maolunga, se aha e hai?”
Tangada de langi laa ne hai ange gi de ia, “Au dalodalo alodahi ma doo abodonu ange gi de gau hagaau aloha gu tae age, ma de hagamaanadu ai goe i mada luu mada o de Maadua. 5Gai haia hanu dangada gi hulo gi Joppa gi gaamai ai Simon, e hagaingoo ange laa hogi go Peter. 6Ia e noho i daho Simon taane hai gili manu, gai dono hale e duu i gaogao tai.”
7Gai de masavaa o tangada de langi ne basa ange laa gi de ia ne hano gee ai, gai Cornelius ne hagahi e dogolua ono dangada hai hegau ma dahi ono daane hebagi e madagu laa i de Maadua, e hai hegau ange laa gi de ia. 8Gai ia ga tala ange gi gilaadeu mee alodahi gu hai, ma de hai gilaadeu gi hulo gi Joppa.
De midi a Peter
9De laangi i ono dua, i daha tuele,#10.9 i daha tuele: de Beebaa Greek e hai ange go de ono aoaa. i de masavaa o denga daane laa gu paa ange ai gi de aduhale, gai Peter ne hanage gi tua de hale e dalodalo ai. 10Aagai ia gu saalohia ma de hiigai, gai de masavaa alaadeu e hagadabena ai denga gai, gai ia gu hai dahi midi hagaago ange. 11Ia ne gidee de langi gu mahuge, gai dahi mee be se malo laumalie gu hagasege iho gi henua i lalo i denga dege e haa. 12Gai e honu i denga hagadaagangaa manu dolodolo ma manu e tolo i honga de gelegele, aama denga manu llele. 13Gai ia gu langona dahi leo mai i de langi e hai ange gi de ia, “Peter, hidi age daia manu naa gaina.”
14Aagai Peter ga hai ange, “Tagi Maolunga, e dee maua donu, go hiidinga au tigi gai donu dahi mee dee gilimalali aabe se mee hakino gee daudahi.”
15Gai de leo laa ne hai ange hogi gi de ia, “Aude daalaa bolo mee a de Maadua gu lava i de hagagilimalali e dee gilimalali.”
16Ne dolu hanonga ne hai ai mee nei, aagai de malo laa gu hagaahe age gi de langi.
17Gai de masavaa a Peter e hagasaele ai be dee hee de hagadoonunga o dana midi ne gide laa, gai denga daane a Cornelius ne hai laa gi loomai gu tuu i de haitoga o de buibui, i dua delaadeu ssili be dee hee de hale o Simon. 18Gai gilaadeu ne hagahi ga ssili be Simon e hagaingoo ange laa hogi go Peter e noho i kilaa.
19Gai de masavaa a Peter e maanadu ai dagodo o de midi laa, aagai de Hagasaalunga ⌊Dabu⌋ ga hai ange gi de ia, “E dogodolu daane gu loomai e ssala goe. 20Hidi age iho gi lalo, gai koe aude manavasaa i de hano madali gilaadeu, i hiidinga go au donu ne haia gilaadeu gi loomai.”
21Aagai Peter ne iho mai gi daho denga daane laa, ga hai ange, “Deenei au tangada oodou e ssala naa. Se hiidinga aha oodou ne loomai ai naa?”
22Gai gilaadeu ga hai ange, “Cornelius, dahi dagi o de lau, se daane heohi ma de madagu i de Maadua, ma de tuhi i daho de huaahenua o de gau Ssuu, dahi dangada de langi dabu ne hai ange ia gi alumia mai goe gi hanadu gi dono hale, gai ia ga hagallongo ai au muna e tala ange.” 23Gai Peter ne hagahi gilaadeu gi ulu mai gi nnoho i ono daha i de boo laa.
Peter i de hale o Cornelius
Taiao age, gai Peter ne hano madali de gau laa, gai ne hanu ange daina mai i Joppa ne hulo madali Peter. 24De laangi i ono dua, gai gilaadeu gu tae gi Caesarea. Gai Cornelius gu lava i de hagabuni mai dono huaabodu aama ono soa hagamogomogo ma e tali ai gilaadeu. 25Aagai de masavaa huu o Peter ne dae ai gi de mommee laa, gai Cornelius gu humai ga duuduli ga ino gi lalo i gaogao luoono vae ga daumaha ange gi de ia. 26Aagai Peter ga hagahidi age ia, ga hai ange, “Duu age, au se dangada donu huu hogi bei oo dagodo.”
27Dono masavaa e basa ange gi Cornelius, gai Peter ga ulu gi lo te hale gu gidee hanu dangada soa gu hagabuni i kilaa. 28Gai ia ga hai ange gi gilaadeu, “Goodou e iloo donu bolo de gau Ssuu e dee hagabuni ange gi denga Gentile, aabe e hulo gi olaadeu daha. Aagai de Maadua gu hagaago mai bolo au gi dee daalaa bolo dahi dangada e dee gilimalali aabe e hakino gee. 29Deenei ai, au tee lua lodo donu i doodou masavaa ne aalu adu ai au gi humai. Gai au e ssili adu be aahee hiidinga oodou ne aalu adu ai nei au?”
30Gai Cornelius ga hai ange, “E haa laangi gu hulo, i de masavaa bee nei, gai au e noho ma e dalodalo i dogu hale i daha tolu i muli de hualaangi. Gai tilo, dahi daane ne humai ga duu i ogu mada i mua, gai ia e gahu i malo malamalama, 31gai ia ne hai mai gi de au, ‘Cornelius, de Maadua gu langona au dalodalo ma de manadua doo abodonu ange gi de gau hagaau aloha. 32Deenei ai, haia gi hulo hanu dangada gi Joppa gi alumia Simon, e hagaingoo ange laa hogi go Peter. Ia e noho i de hale o Simon, taane hai gili manu, gai dono hale e duu i gaogao tai.’ 33Deelaa ai, au ne hagamoolau ga hai gi loadu hanu dangada gi gaamai goe, aagai koe gu abodonu hogi ma gu humai. Gimaadeu alodahi gu nnoho i kinei i mada luu mada o de Maadua e hagallongo ai mee hugadoo gu lava i de tala adu gi de goe mai i daho de Maadua.”
De agoago o Peter i de hale o Cornelius
34Aagai Peter ne daamada de basa ga hai ange, “Au e iloo bolo ni muna abodonu de Maadua e dee vae dangada,#Deut 10.17 35aagai e abodonu ange gi dangada i denga huaahenua alodahi e maatagu i de ia, ma de hai hegau i de mee heohi. 36Goodou gu iloo ana muna gu gaavange gi de gau Israel, e agoago ai laa de longo danuaa o de baba mai i daho Iesu Klisdo, go Tagi Maolunga o mee alodahi; 37goodou gu langona dagodo o mee gu hai i Judea alodahi, gai ne daamada mai i Galilee i dua de agoago o John dagodo o de babudaisi — 38e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.
39Gai go gimaadeu e daalaa hagadonu dagodo o ana mee alodahi ne hai i de henua o de gau Ssuu aama Jerusalem. Gai gilaadeu ne daa ia ga magau ga daudau i de laagau lui. 40Aagai de Maadua ne hagamouli age ia i dua e dolu laangi, ga hai gi gidee e dangada ia. 41Gai e dee go dangada alodahi ne gidee ia, aagai go gimaadeu donu huu, a de Maadua gu lava laa i de hili e hai gi ni dangada e daalaa hagadonu mee nei — go gimaadeu ne gaimee laa ma de unu madali ia, i dua dono mouli age mai i de magau. 42Ia ne hai mai gimaadeu gi agoagona ange dangada, ma de tala hagadonu bolo de Maadua gu hili ia gi hagamodu ina muna o dangada e mouli aama gilaadeu gu maakau. 43Denga pelaabisi alodahi ne tala bolo dangada alodahi e hagadonusia ia gu maatala olaadeu haisala i dono ingoo.”
De kave a denga Gentile de Hagasaalunga Dabu
44De masavaa a Peter e tala ange ai muna laa gi gilaadeu, gai de Hagasaalunga Dabu gu hano iho gi honga o dangada alodahi ne langona muna laa. 45Aagai de gau Ssuu ne loomai laa madali Peter gu llele mouli i de hano iho hogi o de ngadi gaavange go de Hagasaalunga Dabu gi honga o denga Gentile. 46Gai gilaadeu gu langona dangada i kilaa gu pasa i denga hagadaagangaa muna, gai gilaadeu ga tuhi de Maadua.
Gai Peter ga hagadaba, 47“E maua e dahi dangada i de buibui de gau nei gi dee babudaisi i vai, gai de Hagasaalunga Dabu gu hano iho donu gi olaadeu elunga, bei odaadeu dagodo?” 48Gai ia ga hai gilaadeu gi babudaisi i de ingoo o Iesu Klisdo. Gai dangada i kilaa ga dangidangi ange ia gi noho i olaadeu daha i hanu laangi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.