1 Corinthians 9
9
De heohi o tangada tala
1E aha, au e dee se dangada ilaage? Gai au e dee se dangada tala? Gai e aha, tee gidee e au Iesu taadeu Dagi Maolunga? Gai e dee goodou hua o agu hegau i lodo o Tagi Maolunga? 2Gai ga dee hagabinga naa donu bolo se dangada tala niio hanu dangada gee, gai au se dangada tala donu niiodou. Go hiidinga go goodou e hagadonu ai bolo au se dangada tala i lodo o Tagi Maolunga.
3Deenei dagu hai e tala hagadonu ai ogu dagodo ange gi gilaadeu e hagabaubau ina laa au. 4E aha, e deai semaadeu heohi e gaimee ai ma de unu? 5Gai e deai semaadeu heohi e kave ai omaadeu bodu madali gimaadeu, bei de gau tala ange laa ma daina daane o Tagi Maolunga aama Cephas? 6Aabe go gimaau donu huu ma Barnabas e hai gi hegau e hagadanuaa ai gimaau? 7Gai goai taane hebagi e hagao donu huu ono goloa e hano ai e hebagi? Gai goai tangada e dooa dahi veelengaa grape gai e dee gai denga grape iai? Gai goai tangada hagaloosi ssiibi ma guudi e dee unu vai uu o denga manu laa?
8E dee ni maanadu donu huu nii dangada aagu e tala adu nei, gai muna nei gu sisi donu i de hainga a Moses. 9Gu sisi i de hainga a Moses, “Aude noodia de ngudu o de kaau i dana masavaa e duuduu ai denga grain.” E aha, go denga kaau a de Maadua e lodo laa e hagadanuaa?#Deut 25.4; 1 Ti 5.18 10Aabe ia ne tala muna laa i odaadeu hiidinga? Uaa, mai donu gi gidaadeu. Gai gu sisi bolo tangada e hagabalabala ina, ma tangada e hagihagia, e hai hegau ngaadahi ma de tali e kave olaau duuhanga. 11Noo gimaadeu ne doo golee danuaa i de baasi gi de hagasaalunga i oodou daha, gai e dee baubau donu demaadeu kave hogi de bale mai i oodou daha i de baasi ange gi denga goloa.#Rom 15.27 12Noo de gau ange laa e dahi olaadeu heohi e kave ai de bale mai i oodou daha, gai e aha, e dee kii gimaadeu i de dahi omaadeu heohi e kave ai de bale mai i oodou daha?
Gai gimaadeu tee hai donu de mee nei. Aagai ne golomagi omaadeu lodo gi dee buibuia ai e gimaadeu de longo danuaa o Klisdo. 13Goodou e dee iloo bolo dangada ne haia hegau o de temple ne kave alaadeu gai mai i de temple, gai dangada ne haia hegau i de mommee o ssigidaumaha ne kave delaadeu duuhanga mai i denga mee ne hai ai sigidaumaha?#Deut 18.1 14Gai e bei ai hogi, Tagi Maolunga gu tala mai bolo dangada e daalaa de longo danuaa e kave olaadeu mee e hagadanuaa ai i delaadeu agoago de longo danuaa.#Mat 10.10; Luke 10.7
15Aagai au tee hagahai hegau dogu heohi i mee nei. Gai au tee se sisi adu hogi gai goodou ga gaamai ai dahi mee gi de au. Gai e danuaa ange donu dogu magau i dagu dugu ange dahi dangada gi gaavee gee dogu heohi e tuhi ai agu hegau. 16Gai ga agoagona naa donu e au de longo danuaa, aagai au e dee maua i de tuhi donu huu au, i hiidinga se hegau ne gaamai au gi haia. Gai e vakaa naa donu au, noo au e dee agoago de longo danuaa! 17Gai noo go au ne hilihilia de hai de hegau nei, aagai e dahi donu ogu hagaoanga. Aagai noo e dee go au ne hilihilia, gai au e hai donu huu de hegau gu gaamai laa gi de au. 18Gai dee hee ai dogu hagaoanga? Go dagu agoago de longo danuaa gai e dee hagao, gi dee hagahai hegau dogu heohi i dagu tala de longo danuaa.
19Gai e dee galemu donu au se dangada ilaage, e dee se dangada hai hegau niio dahi dangada, aagai au gu hai au gi se dangada hai hegau niio dangada alodahi, gi maua ai e au i de hagadaahuli lodo o hanu dangada soa. 20Au ne hai gi se dangada Ssuu i hiidinga o de gau Ssuu, gi maua ai e au hanu dangada Ssuu. Au ne hai gi se dangada e noho i lalo de hainga, (gai au e dee se dangada donu e noho i lalo de hainga,) gi maua ai e au hanu gilaadeu e nnoho i lalo de hainga. 21Au gu hai gi se dangada e deai agu hainga i hiidinga olaadeu e deai alaadeu hainga, (e dee galemu naa donu dagu dee mau i tee daudali i de hainga a de Maadua, aagai au e noho donu i lalo de hainga a Klisdo,) gi maua ai e au hanu dangada e deai laa alaadeu hainga. 22Au ne hai gi se dangada baageaa i hiidinga olaadeu e baageaa, gi maua ai e au hanu gilaadeu e baageaa. Au ne hai mee nei alodahi i hiidinga o dangada alodahi, gi maua ai e au i de hagamouli hanu. 23Au e hai au gi bei mee nei alodahi i hiidinga o de longo danuaa, gi maua ai e au i de kave manuuia o de longo danuaa.
24Goodou e dee iloo bolo de hagadau gaavange se mee ange gi dangada alodahi e saavini, aagai e dahi donu huu dangada e gaavee de hagaoanga? Deenei ai, goodou hagaduu ngae saavini gi maua ai e goodou i de kave de hagaoanga laa. 25Dangada alodahi e hagadau gaavange i denga hagadahao, e hagaduu ngae e hai gi aabo ange gilaadeu. Gilaadeu e hai mee nei e kave ai de hau e dee maua laa gi dagodo daulooloa, aagai gidaadeu e hai de mee nei e kave ai de hau e dagodo laa ga hano ai. 26Deenei ai, au e dee savini bei tangada e ngadi savini laa donu huu, aabe go tangada e ngadi dugidugia laa donu huu lo te ngadi moana. 27Aagai au e hagammae dogu angaanga ga hai gi abo ange i de hai gi bei dagu mee e lodo e hai, kana agoago ange e au dangada, gai muli mai au tee maua i de kave de hagaoanga.
Currently Selected:
1 Corinthians 9: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
1 Corinthians 9
9
De heohi o tangada tala
1E aha, au e dee se dangada ilaage? Gai au e dee se dangada tala? Gai e aha, tee gidee e au Iesu taadeu Dagi Maolunga? Gai e dee goodou hua o agu hegau i lodo o Tagi Maolunga? 2Gai ga dee hagabinga naa donu bolo se dangada tala niio hanu dangada gee, gai au se dangada tala donu niiodou. Go hiidinga go goodou e hagadonu ai bolo au se dangada tala i lodo o Tagi Maolunga.
3Deenei dagu hai e tala hagadonu ai ogu dagodo ange gi gilaadeu e hagabaubau ina laa au. 4E aha, e deai semaadeu heohi e gaimee ai ma de unu? 5Gai e deai semaadeu heohi e kave ai omaadeu bodu madali gimaadeu, bei de gau tala ange laa ma daina daane o Tagi Maolunga aama Cephas? 6Aabe go gimaau donu huu ma Barnabas e hai gi hegau e hagadanuaa ai gimaau? 7Gai goai taane hebagi e hagao donu huu ono goloa e hano ai e hebagi? Gai goai tangada e dooa dahi veelengaa grape gai e dee gai denga grape iai? Gai goai tangada hagaloosi ssiibi ma guudi e dee unu vai uu o denga manu laa?
8E dee ni maanadu donu huu nii dangada aagu e tala adu nei, gai muna nei gu sisi donu i de hainga a Moses. 9Gu sisi i de hainga a Moses, “Aude noodia de ngudu o de kaau i dana masavaa e duuduu ai denga grain.” E aha, go denga kaau a de Maadua e lodo laa e hagadanuaa?#Deut 25.4; 1 Ti 5.18 10Aabe ia ne tala muna laa i odaadeu hiidinga? Uaa, mai donu gi gidaadeu. Gai gu sisi bolo tangada e hagabalabala ina, ma tangada e hagihagia, e hai hegau ngaadahi ma de tali e kave olaau duuhanga. 11Noo gimaadeu ne doo golee danuaa i de baasi gi de hagasaalunga i oodou daha, gai e dee baubau donu demaadeu kave hogi de bale mai i oodou daha i de baasi ange gi denga goloa.#Rom 15.27 12Noo de gau ange laa e dahi olaadeu heohi e kave ai de bale mai i oodou daha, gai e aha, e dee kii gimaadeu i de dahi omaadeu heohi e kave ai de bale mai i oodou daha?
Gai gimaadeu tee hai donu de mee nei. Aagai ne golomagi omaadeu lodo gi dee buibuia ai e gimaadeu de longo danuaa o Klisdo. 13Goodou e dee iloo bolo dangada ne haia hegau o de temple ne kave alaadeu gai mai i de temple, gai dangada ne haia hegau i de mommee o ssigidaumaha ne kave delaadeu duuhanga mai i denga mee ne hai ai sigidaumaha?#Deut 18.1 14Gai e bei ai hogi, Tagi Maolunga gu tala mai bolo dangada e daalaa de longo danuaa e kave olaadeu mee e hagadanuaa ai i delaadeu agoago de longo danuaa.#Mat 10.10; Luke 10.7
15Aagai au tee hagahai hegau dogu heohi i mee nei. Gai au tee se sisi adu hogi gai goodou ga gaamai ai dahi mee gi de au. Gai e danuaa ange donu dogu magau i dagu dugu ange dahi dangada gi gaavee gee dogu heohi e tuhi ai agu hegau. 16Gai ga agoagona naa donu e au de longo danuaa, aagai au e dee maua i de tuhi donu huu au, i hiidinga se hegau ne gaamai au gi haia. Gai e vakaa naa donu au, noo au e dee agoago de longo danuaa! 17Gai noo go au ne hilihilia de hai de hegau nei, aagai e dahi donu ogu hagaoanga. Aagai noo e dee go au ne hilihilia, gai au e hai donu huu de hegau gu gaamai laa gi de au. 18Gai dee hee ai dogu hagaoanga? Go dagu agoago de longo danuaa gai e dee hagao, gi dee hagahai hegau dogu heohi i dagu tala de longo danuaa.
19Gai e dee galemu donu au se dangada ilaage, e dee se dangada hai hegau niio dahi dangada, aagai au gu hai au gi se dangada hai hegau niio dangada alodahi, gi maua ai e au i de hagadaahuli lodo o hanu dangada soa. 20Au ne hai gi se dangada Ssuu i hiidinga o de gau Ssuu, gi maua ai e au hanu dangada Ssuu. Au ne hai gi se dangada e noho i lalo de hainga, (gai au e dee se dangada donu e noho i lalo de hainga,) gi maua ai e au hanu gilaadeu e nnoho i lalo de hainga. 21Au gu hai gi se dangada e deai agu hainga i hiidinga olaadeu e deai alaadeu hainga, (e dee galemu naa donu dagu dee mau i tee daudali i de hainga a de Maadua, aagai au e noho donu i lalo de hainga a Klisdo,) gi maua ai e au hanu dangada e deai laa alaadeu hainga. 22Au ne hai gi se dangada baageaa i hiidinga olaadeu e baageaa, gi maua ai e au hanu gilaadeu e baageaa. Au ne hai mee nei alodahi i hiidinga o dangada alodahi, gi maua ai e au i de hagamouli hanu. 23Au e hai au gi bei mee nei alodahi i hiidinga o de longo danuaa, gi maua ai e au i de kave manuuia o de longo danuaa.
24Goodou e dee iloo bolo de hagadau gaavange se mee ange gi dangada alodahi e saavini, aagai e dahi donu huu dangada e gaavee de hagaoanga? Deenei ai, goodou hagaduu ngae saavini gi maua ai e goodou i de kave de hagaoanga laa. 25Dangada alodahi e hagadau gaavange i denga hagadahao, e hagaduu ngae e hai gi aabo ange gilaadeu. Gilaadeu e hai mee nei e kave ai de hau e dee maua laa gi dagodo daulooloa, aagai gidaadeu e hai de mee nei e kave ai de hau e dagodo laa ga hano ai. 26Deenei ai, au e dee savini bei tangada e ngadi savini laa donu huu, aabe go tangada e ngadi dugidugia laa donu huu lo te ngadi moana. 27Aagai au e hagammae dogu angaanga ga hai gi abo ange i de hai gi bei dagu mee e lodo e hai, kana agoago ange e au dangada, gai muli mai au tee maua i de kave de hagaoanga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.