1 Corinthians 1
1
De hagaboo
1Mai i daho Paul, taane ne hagahia laa gi se dangada tala niio Klisdo Iesu, bei dagodo de hagatau a de Maadua, aama taadeu daina go Sosthenes.
2Ange gi de nohoanga dabu o de Maadua i Corinth, go gilaadeu gu hagadabu laa i lodo o Klisdo Iesu, ma de hagahi e hai ai ono dangada dabu, madali gilaadeu alodahi e hagahia ange laa de ingoo o Tagi Maolunga go Iesu Klisdo, i mommee alodahi — go Tagi Maolunga olaadeu aama gimaadeu hogi:#Acts 18.1
3De abodonu ma de baba mai i daho de Maadua taadeu Damana, aama Tagi Maolunga go Iesu Klisdo gi dagodo i oodou daha.
De hagaahe ange de abodonu
4Au e hagaahe ange de abodonu gi dogu Maadua i masavaa alodahi i oodou hiidinga, go hiidinga de abodonu o de Maadua gu gaavadu laa gi goodou i lodo o Klisdo Iesu. 5Go hiidinga goodou gu ni dangada e lava i mee alodahi i lodo o Klisdo, i oodou 2co 5 20 muna alodahi ma de iloo mee alodahi. 6Gai agoago o Klisdo gu doange danuaa i oodou lodo, 7gai gu deai donu se duuhanga oodou tigi kave i de baasi gi de hagasaalunga, i doodou tali de ahe mai o Iesu Klisdo taadeu Dagi Maolunga. 8Gai go ia e hagammahi ina oodou lodo ga dae ai gi de hagaodi, gai goodou gu dee hagabaubau i de laangi o taadeu Dagi Maolunga go Iesu Klisdo e humai ai. 9De Maadua e hai hegau i de mee abodonu, gai go ia ne hagahia goodou ga hai gi dahi madali dana Dama, go Iesu Klisdo taadeu Dagi Maolunga.
Tee heloongoi o dangada i de nohoanga dabu
10Denga daina, au e dangidangi adu i de ingoo o taadeu Dagi Maolunga go Iesu Klisdo, goodou gi hagadau hagaheloongoi i oodou magavaa, gai gi deai donu oodou mee e dee heloongoi ai, gai goodou gu buni i de lodo daudahi ma de maanadu daudahi. 11Denga daina, hanu dangada mai i de huaabodu o Chloe gu tala mai bolo goodou e hagadaumee i oodou magavaa, 12gai aanei oodou mee e hagadaumee ai: dahi e hagadaba, “Au e daudali ange gi a Paul,” gai dahi e hagadaba, “Au e daudali ange gi Apollos,” gai dahi e hagadaba, “Au e daudali ange gi Cephas,” #1.12 Cephas e bei go Peter. gai tangada ange laa e hagadaba, “Au e daudali ange gi Klisdo.” #Acts 18.24
13E aha, de angaanga o Klisdo gu vaevae laa ma gu hai ai hanu hagabuulinga geegee? Go Paul ne daudau laa i de laagau lui i oodou hiidinga? Gai go de ingoo o Paul oodou ne babudaisi ai laa? 14Au e hagaahe ange de abodonu gi de Maadua i hiidinga teai ange donu goodou aagu ne babudaisi, gai go Crispus donu huu ma Gaius,#Acts 18.8; 19.29; Rom 16.23 15gi deai ai se goodou e maua i de hagadaba bolo ia ne babudaisi i dogu ingoo. (16Au ne babudaisi hogi dangada i de hale o Stephanas. Gai au e dee manadua be e hanu ange dangada aagu ne babudaisi aabe e deai.)#1 Co 16.15 17Klisdo tee hai au gi hanadu gi babudaisi ina dangada, gai au gi agoago ina de longo danuaa — gai gi dee agoago i muna heiangi a dangada, gi dee hagangadi mee ina ai ssauaa o de laagau lui o Klisdo.
Klisdo go de heiangi ma ssauaa o de Maadua
18Gai agoago o de laagau lui e dagodo bei muna a tangada lodo senga ange gi gilaadeu e maakau, aagai go ssauaa donu o de Maadua mai gi gidaadeu gu hagamouli laa. 19Go hiidinga gu sisi e hai ange:
“Au e hai naa gi lilo de heiangi o de gau heiangi;
ma de hai gi dee sula de iloo mee o de gau iloo mee.” #Isa 29.14
20Gai go hee ai naa iai tangada heiangi? Gai go hee ai naa iai tangada sisi? Gai go hee naa iai tangada e hagadau gaavange i muna iainei? Gai de Maadua tee hai laa de heiangi o henua i lalo gi se lodo senga?#Job 12.17; Isa 19.12; 33.18; 44.25 21Gai go hiidinga de heiangi o de Maadua, henua i lalo tee maua gi iloo de Maadua i olaadeu heiangi donu huu, gai de Maadua ne malangilangi i de hagamouli dangada gu hagadonusia laa, i muna e deai ono haigamaiana, go mee omaadeu e agoago ai nei. 22De gau Ssuu e llodo e tilo hanu sauaa, gai de gau Greek e ssala de heiangi, 23aagai gimaadeu e agoago dagodo de daudau o Klisdo i de laagau lui, go mee e hagahaisala ina de gau Ssuu, gai ni ngadi muna i daho denga Gentile. 24Gai ange gi de gau Ssuu ma de gau Greek a de Maadua gu hagahi laa, Klisdo go ssauaa ma de heiangi donu o de Maadua. 25Gai de lodo senga o de Maadua e kii ange i de heiangi o dangada, gai de baageaa o de Maadua e mmahi ange i mahi o dangada.
26Denga daina, goodou manadua oodou dagodo i mua doodou hagahia i daho de Maadua, e sogoisi donu huu goodou e dau bolo ni dangada heiangi i daho dangada, e sogoisi hogi goodou e dau bolo e mmahi, gai e sogoisi hogi goodou ni dangada mai i hanu huaabodu o de gau aamua. 27Aagai de Maadua ne hili gilaadeu e llodo ssenga i henua i lalo e hagadookaa ai gilaadeu e heiangi, gai de Maadua ne hili gilaadeu e baageaa i henua i lalo e hagadookaa ai gilaadeu e mmahi. 28De Maadua ne hili de gau maolalo ma gilaadeu e hagangadi mee ina i henua i lalo, ma mee gu dee dau, e hai ai gi deai haigamaiana mee e dau iainei, 29gi deai ai se dangada e maua i de tuhi donu huu ia i mada luu mada o de Maadua. 30Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola. 31Deelaa ai, gu sisi e hai ange, “Tangada e lodo e tala tuhi dahi mee gi duuhia donu huu Tagi Maolunga.” #Jer 9.24
Currently Selected:
1 Corinthians 1: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
1 Corinthians 1
1
De hagaboo
1Mai i daho Paul, taane ne hagahia laa gi se dangada tala niio Klisdo Iesu, bei dagodo de hagatau a de Maadua, aama taadeu daina go Sosthenes.
2Ange gi de nohoanga dabu o de Maadua i Corinth, go gilaadeu gu hagadabu laa i lodo o Klisdo Iesu, ma de hagahi e hai ai ono dangada dabu, madali gilaadeu alodahi e hagahia ange laa de ingoo o Tagi Maolunga go Iesu Klisdo, i mommee alodahi — go Tagi Maolunga olaadeu aama gimaadeu hogi:#Acts 18.1
3De abodonu ma de baba mai i daho de Maadua taadeu Damana, aama Tagi Maolunga go Iesu Klisdo gi dagodo i oodou daha.
De hagaahe ange de abodonu
4Au e hagaahe ange de abodonu gi dogu Maadua i masavaa alodahi i oodou hiidinga, go hiidinga de abodonu o de Maadua gu gaavadu laa gi goodou i lodo o Klisdo Iesu. 5Go hiidinga goodou gu ni dangada e lava i mee alodahi i lodo o Klisdo, i oodou 2co 5 20 muna alodahi ma de iloo mee alodahi. 6Gai agoago o Klisdo gu doange danuaa i oodou lodo, 7gai gu deai donu se duuhanga oodou tigi kave i de baasi gi de hagasaalunga, i doodou tali de ahe mai o Iesu Klisdo taadeu Dagi Maolunga. 8Gai go ia e hagammahi ina oodou lodo ga dae ai gi de hagaodi, gai goodou gu dee hagabaubau i de laangi o taadeu Dagi Maolunga go Iesu Klisdo e humai ai. 9De Maadua e hai hegau i de mee abodonu, gai go ia ne hagahia goodou ga hai gi dahi madali dana Dama, go Iesu Klisdo taadeu Dagi Maolunga.
Tee heloongoi o dangada i de nohoanga dabu
10Denga daina, au e dangidangi adu i de ingoo o taadeu Dagi Maolunga go Iesu Klisdo, goodou gi hagadau hagaheloongoi i oodou magavaa, gai gi deai donu oodou mee e dee heloongoi ai, gai goodou gu buni i de lodo daudahi ma de maanadu daudahi. 11Denga daina, hanu dangada mai i de huaabodu o Chloe gu tala mai bolo goodou e hagadaumee i oodou magavaa, 12gai aanei oodou mee e hagadaumee ai: dahi e hagadaba, “Au e daudali ange gi a Paul,” gai dahi e hagadaba, “Au e daudali ange gi Apollos,” gai dahi e hagadaba, “Au e daudali ange gi Cephas,” #1.12 Cephas e bei go Peter. gai tangada ange laa e hagadaba, “Au e daudali ange gi Klisdo.” #Acts 18.24
13E aha, de angaanga o Klisdo gu vaevae laa ma gu hai ai hanu hagabuulinga geegee? Go Paul ne daudau laa i de laagau lui i oodou hiidinga? Gai go de ingoo o Paul oodou ne babudaisi ai laa? 14Au e hagaahe ange de abodonu gi de Maadua i hiidinga teai ange donu goodou aagu ne babudaisi, gai go Crispus donu huu ma Gaius,#Acts 18.8; 19.29; Rom 16.23 15gi deai ai se goodou e maua i de hagadaba bolo ia ne babudaisi i dogu ingoo. (16Au ne babudaisi hogi dangada i de hale o Stephanas. Gai au e dee manadua be e hanu ange dangada aagu ne babudaisi aabe e deai.)#1 Co 16.15 17Klisdo tee hai au gi hanadu gi babudaisi ina dangada, gai au gi agoago ina de longo danuaa — gai gi dee agoago i muna heiangi a dangada, gi dee hagangadi mee ina ai ssauaa o de laagau lui o Klisdo.
Klisdo go de heiangi ma ssauaa o de Maadua
18Gai agoago o de laagau lui e dagodo bei muna a tangada lodo senga ange gi gilaadeu e maakau, aagai go ssauaa donu o de Maadua mai gi gidaadeu gu hagamouli laa. 19Go hiidinga gu sisi e hai ange:
“Au e hai naa gi lilo de heiangi o de gau heiangi;
ma de hai gi dee sula de iloo mee o de gau iloo mee.” #Isa 29.14
20Gai go hee ai naa iai tangada heiangi? Gai go hee ai naa iai tangada sisi? Gai go hee naa iai tangada e hagadau gaavange i muna iainei? Gai de Maadua tee hai laa de heiangi o henua i lalo gi se lodo senga?#Job 12.17; Isa 19.12; 33.18; 44.25 21Gai go hiidinga de heiangi o de Maadua, henua i lalo tee maua gi iloo de Maadua i olaadeu heiangi donu huu, gai de Maadua ne malangilangi i de hagamouli dangada gu hagadonusia laa, i muna e deai ono haigamaiana, go mee omaadeu e agoago ai nei. 22De gau Ssuu e llodo e tilo hanu sauaa, gai de gau Greek e ssala de heiangi, 23aagai gimaadeu e agoago dagodo de daudau o Klisdo i de laagau lui, go mee e hagahaisala ina de gau Ssuu, gai ni ngadi muna i daho denga Gentile. 24Gai ange gi de gau Ssuu ma de gau Greek a de Maadua gu hagahi laa, Klisdo go ssauaa ma de heiangi donu o de Maadua. 25Gai de lodo senga o de Maadua e kii ange i de heiangi o dangada, gai de baageaa o de Maadua e mmahi ange i mahi o dangada.
26Denga daina, goodou manadua oodou dagodo i mua doodou hagahia i daho de Maadua, e sogoisi donu huu goodou e dau bolo ni dangada heiangi i daho dangada, e sogoisi hogi goodou e dau bolo e mmahi, gai e sogoisi hogi goodou ni dangada mai i hanu huaabodu o de gau aamua. 27Aagai de Maadua ne hili gilaadeu e llodo ssenga i henua i lalo e hagadookaa ai gilaadeu e heiangi, gai de Maadua ne hili gilaadeu e baageaa i henua i lalo e hagadookaa ai gilaadeu e mmahi. 28De Maadua ne hili de gau maolalo ma gilaadeu e hagangadi mee ina i henua i lalo, ma mee gu dee dau, e hai ai gi deai haigamaiana mee e dau iainei, 29gi deai ai se dangada e maua i de tuhi donu huu ia i mada luu mada o de Maadua. 30Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola. 31Deelaa ai, gu sisi e hai ange, “Tangada e lodo e tala tuhi dahi mee gi duuhia donu huu Tagi Maolunga.” #Jer 9.24
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.