Filipidara 3
3
Fɩl sarʋʋkɛ thɛnɩ Thãgbara
1Gɩrɛ sɛnɩ ɩ̃ omisɔ, na‐n hana daʋ mɔ̃ nɩ donɩ Kɔ̃tɩnɩda. Ga‐n yaa mɩ fɩɩʋrakɛ dɩ ma bir na ˈloro gɩrɛ mɩ kɔɔ khere narnɩ mamara ga, dɩ gelela anɩ bulda gɩ do. 2Na‐n jɩɛ hɩɩn benasɔ, na‐n jɩɛ hɩɩn thɔ̃daar puusɔɔlera, na‐n jɩɛ hɩɩn wɩrɛɛkɛ n ƴaalɛnɩ na‐n liirene tomɩr. 3Gɩdonɩ wɩrɛ n kuroni khʋ̃ kur bʋɔ, sɛr wɛ, kɛ n fʋɔrɛnɩ Thãgba dɩɩ do Thu Phuu pa gɩ‐n the, kɛ Jeju Kirisiti donɩ nɔɔ dɩ sa‐n məbi, a dona wɩrɛ na‐n bɔnɩ dɩ wa‐n ɩɩ gɩrɛraakɛ tibil yinə n yɩnaˈ. 4Mɛrɛ dakha mɩ punone pɛr haar mer gɩrɛraakɛ tibil yinə n yɩnɩ, dɩ ado gɩrɛ tibil yinə n yɩnɩ wɩ yɩ wɩ bɔ na ɩarɔ, ga dor mɛr ka jɔ: 5Wɩ kɔɔ kur mer khʋ̃ʋ wire makõther wirera, Ɩjɩrayɛl bire ha mɩ, dɩ ɩ̃ do Bɛ̃jamɛ̃ɛ ca, Ebirə kɔna mɩ dɩ ɩ̃ do Ebirə bʋɔ; ado jɔfʋ hɩɩnɛna gɩ, jɔfʋ bʋ dʋdaar ha mɩ,#Th t t 23:6; 26:5; Rɔm 11:1 6ado gbɛ̃bɛrɛ̃daara gɩ, we gbɛbɩdaraa kpoodaar ha mɩ, ado fɩl sar ˈlɛrra gɩ jɔfʋ hɩɩnɛna, sɩ paar na ha mar gɛrra ga.#Th t t 8:3; 22:4; 26:9–11 7Sɩ ga thɩ̃sɔɔlera kɔɔ dɔ marnɩ khor, mɔlɔ thɩ̃ɛ mɩ‐n hɩɩn gɩ gɩrɛ dɩɩ do, dɩɩ do Kirisiti dɔ nɔɔ. 8Thɩ̃ɛ fɛʋrakɛ mɩ‐n hɩɩn dɩɩ do mɔlɔ thɩ̃ɛ, gɩ do gɩrɛ baannɩ fii, kɛ dɔnɩ jɩɩrɩkɛ ma jɩnɩ Jeju Kirisiti ɩ̃ Kɔ̃tɩ̃ ma‐n pɛr, dɔ nɔɔ; ʋrɛra dɔnɩ nɔɔ dɩ ɩ̃ faarɔ thɩ̃ɛ fɛʋʋlera. Mɩ‐n hɩɩn gɛr dɩɩ do puuyʋ thɩn ɩ̃ puno ɩ̃ ˈlɛ Kirisiti, 9ɩ̃ haaraa sɩ ga do na ɩ̃ thɛthɛɛ fɩl sarɩkɛ mɩ ˈlɛnɩ jɔfʋ hɩɩnɛna gɩ thaˈ, sɩ gɩ do gɩrɛ mɩ ˈlɛnɩ ha pɛrɛraakɛ mɩ hananɩ Kirisitira gɩ, kɛ dɔnɩ fɩl sarʋʋkɛ thɛnɩ Thãgbara, kɛ tibil n ˈlɛnɩ ha pɛrɛra. 10Mɩ‐n ƴaalɛ ɩ̃ jɩ Kirisiti na mɔ̃ ɔɔ khi ɩɩr fãga hanɩ, ɩ̃ bul kha dakha na ɔɔ bɔ gaar, ma‐n khinə khirikɛ dɔnɩ ɔɔda, 11ma‐n pɛna nũu ado ma punone a na ˈlɛ khi ɩɩrɛ.
Mɔ̃ Thãgbadaar teenanɩ a na‐n yɩrana ƴɛ kʋʋl jaal
12Ga do mɩ yɩ mɩ ˈlɛr paˈ, dɩ agɩbo mɩ bɔrɛ ka paˈ, sɩ mɩ‐n yɩrrɛ ɩ̃ ˈlɛ gɩ, gɩdonɩ gɛrra Jeju Kirisiti kɔɔ ˈlɛ mɩ. 13Omɩna, ado mɛrra gɩ, ma‐n kpɩɛr mɩ ˈlɛr paˈ; sɩ thɩ̃ bɩɛlɩkɛ mɩ‐n cʋʋnɩ dʋɔn: Mɩ‐n diinəne gɩrɛ hanɩ khiro, sɩ dɩ ma‐n yɩrna gɩrɛ hanɩ ƴɛbʋrɔ. 14Khu paar mɩ‐n yɩr ɩ̃ ca ɩ̃ dã ɩ̃ ˈlɛ khorɩkɛ Thãgba n we mɩnɩ ɩ̃ ˈlɛ Thãgbaa dʋɔ, gɩ do Jeju Kirisiti dɔ nɔɔ. 15Sɛrɛ fɛʋʋkɛ khɔnanɩ pɩ a bɩ̃, sɩ hanana ga kpɩɛr caalera, sɩ ado anɩ kpɩɛr har kpɩɩ, Thãgba na cʋɛ gɩ dɩ ga hɩrɛ nar. 16Sɩ ka sɩ danɩ gɩrɛ, sɩ fɔ ɔmɛna a ɩrɛ na jalana.
17Omɩna, nɛrɛ fɛʋ nɩ dɔ ɩ̃ phɛldara, na‐n hɩnɛ dakha bɔɔbɔɔ wɩrɛɛkɛ n ɩrɛnɩ mɔ̃kɛ asɩ fɩl hanɩ.#1 Kor 4:16; 11:1 18Gɩdonɩ tibil jɔjʋɔ hale awɩ ɩɩr para wɩ dor Kirisitii kʋkʋ thɩr lãlaardara; mɩ‐n kɔɔ mɩɛ nɛr bɔɔ jɔɔjɔɔ awɩda, na nɛnɛ̃kɛrakɛ mɩ‐n mɩɩ gɛr ˈlo na bɩwɛ dɩ ɩ̃ yɩ: 19Awɩ khu pa na dor bũburone, gɩrɛ n danɩ awɩ tomɩra dɔrɔɔm dʋɔn awɩ thãgba, awɩ yicur cʋʋ wɩ‐n khɩɩ, wa‐n kpɩɛrna thɩ̃ɛ saagado thɩɩkɛɛ thɩ̃ gaaga. 20Sɩ se wer, asɩ dɩ Thãgbaa dʋɔ gɩ ha, le Taadaarɩkɛ dɔnɩ Jeju Kirisiti Kɔ̃tɩnɩkɛ sɩ‐n pɩɛrnɩ na the na ɩ̃. 21Ɔr na deba asɩ tomɩɩkɛ yɔɔnɩ a cʋʋ gɩ hona ɔɔ tomɩɩkɛ ɓɔnanɩ, gɩ the ɔɔ fãgaraakɛ a hananɩ a cʋʋna thɩ̃ɛ fɛʋ dɩ gɩ jʋʋraa.
Currently Selected:
Filipidara 3: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
Filipidara 3
3
Fɩl sarʋʋkɛ thɛnɩ Thãgbara
1Gɩrɛ sɛnɩ ɩ̃ omisɔ, na‐n hana daʋ mɔ̃ nɩ donɩ Kɔ̃tɩnɩda. Ga‐n yaa mɩ fɩɩʋrakɛ dɩ ma bir na ˈloro gɩrɛ mɩ kɔɔ khere narnɩ mamara ga, dɩ gelela anɩ bulda gɩ do. 2Na‐n jɩɛ hɩɩn benasɔ, na‐n jɩɛ hɩɩn thɔ̃daar puusɔɔlera, na‐n jɩɛ hɩɩn wɩrɛɛkɛ n ƴaalɛnɩ na‐n liirene tomɩr. 3Gɩdonɩ wɩrɛ n kuroni khʋ̃ kur bʋɔ, sɛr wɛ, kɛ n fʋɔrɛnɩ Thãgba dɩɩ do Thu Phuu pa gɩ‐n the, kɛ Jeju Kirisiti donɩ nɔɔ dɩ sa‐n məbi, a dona wɩrɛ na‐n bɔnɩ dɩ wa‐n ɩɩ gɩrɛraakɛ tibil yinə n yɩnaˈ. 4Mɛrɛ dakha mɩ punone pɛr haar mer gɩrɛraakɛ tibil yinə n yɩnɩ, dɩ ado gɩrɛ tibil yinə n yɩnɩ wɩ yɩ wɩ bɔ na ɩarɔ, ga dor mɛr ka jɔ: 5Wɩ kɔɔ kur mer khʋ̃ʋ wire makõther wirera, Ɩjɩrayɛl bire ha mɩ, dɩ ɩ̃ do Bɛ̃jamɛ̃ɛ ca, Ebirə kɔna mɩ dɩ ɩ̃ do Ebirə bʋɔ; ado jɔfʋ hɩɩnɛna gɩ, jɔfʋ bʋ dʋdaar ha mɩ,#Th t t 23:6; 26:5; Rɔm 11:1 6ado gbɛ̃bɛrɛ̃daara gɩ, we gbɛbɩdaraa kpoodaar ha mɩ, ado fɩl sar ˈlɛrra gɩ jɔfʋ hɩɩnɛna, sɩ paar na ha mar gɛrra ga.#Th t t 8:3; 22:4; 26:9–11 7Sɩ ga thɩ̃sɔɔlera kɔɔ dɔ marnɩ khor, mɔlɔ thɩ̃ɛ mɩ‐n hɩɩn gɩ gɩrɛ dɩɩ do, dɩɩ do Kirisiti dɔ nɔɔ. 8Thɩ̃ɛ fɛʋrakɛ mɩ‐n hɩɩn dɩɩ do mɔlɔ thɩ̃ɛ, gɩ do gɩrɛ baannɩ fii, kɛ dɔnɩ jɩɩrɩkɛ ma jɩnɩ Jeju Kirisiti ɩ̃ Kɔ̃tɩ̃ ma‐n pɛr, dɔ nɔɔ; ʋrɛra dɔnɩ nɔɔ dɩ ɩ̃ faarɔ thɩ̃ɛ fɛʋʋlera. Mɩ‐n hɩɩn gɛr dɩɩ do puuyʋ thɩn ɩ̃ puno ɩ̃ ˈlɛ Kirisiti, 9ɩ̃ haaraa sɩ ga do na ɩ̃ thɛthɛɛ fɩl sarɩkɛ mɩ ˈlɛnɩ jɔfʋ hɩɩnɛna gɩ thaˈ, sɩ gɩ do gɩrɛ mɩ ˈlɛnɩ ha pɛrɛraakɛ mɩ hananɩ Kirisitira gɩ, kɛ dɔnɩ fɩl sarʋʋkɛ thɛnɩ Thãgbara, kɛ tibil n ˈlɛnɩ ha pɛrɛra. 10Mɩ‐n ƴaalɛ ɩ̃ jɩ Kirisiti na mɔ̃ ɔɔ khi ɩɩr fãga hanɩ, ɩ̃ bul kha dakha na ɔɔ bɔ gaar, ma‐n khinə khirikɛ dɔnɩ ɔɔda, 11ma‐n pɛna nũu ado ma punone a na ˈlɛ khi ɩɩrɛ.
Mɔ̃ Thãgbadaar teenanɩ a na‐n yɩrana ƴɛ kʋʋl jaal
12Ga do mɩ yɩ mɩ ˈlɛr paˈ, dɩ agɩbo mɩ bɔrɛ ka paˈ, sɩ mɩ‐n yɩrrɛ ɩ̃ ˈlɛ gɩ, gɩdonɩ gɛrra Jeju Kirisiti kɔɔ ˈlɛ mɩ. 13Omɩna, ado mɛrra gɩ, ma‐n kpɩɛr mɩ ˈlɛr paˈ; sɩ thɩ̃ bɩɛlɩkɛ mɩ‐n cʋʋnɩ dʋɔn: Mɩ‐n diinəne gɩrɛ hanɩ khiro, sɩ dɩ ma‐n yɩrna gɩrɛ hanɩ ƴɛbʋrɔ. 14Khu paar mɩ‐n yɩr ɩ̃ ca ɩ̃ dã ɩ̃ ˈlɛ khorɩkɛ Thãgba n we mɩnɩ ɩ̃ ˈlɛ Thãgbaa dʋɔ, gɩ do Jeju Kirisiti dɔ nɔɔ. 15Sɛrɛ fɛʋʋkɛ khɔnanɩ pɩ a bɩ̃, sɩ hanana ga kpɩɛr caalera, sɩ ado anɩ kpɩɛr har kpɩɩ, Thãgba na cʋɛ gɩ dɩ ga hɩrɛ nar. 16Sɩ ka sɩ danɩ gɩrɛ, sɩ fɔ ɔmɛna a ɩrɛ na jalana.
17Omɩna, nɛrɛ fɛʋ nɩ dɔ ɩ̃ phɛldara, na‐n hɩnɛ dakha bɔɔbɔɔ wɩrɛɛkɛ n ɩrɛnɩ mɔ̃kɛ asɩ fɩl hanɩ.#1 Kor 4:16; 11:1 18Gɩdonɩ tibil jɔjʋɔ hale awɩ ɩɩr para wɩ dor Kirisitii kʋkʋ thɩr lãlaardara; mɩ‐n kɔɔ mɩɛ nɛr bɔɔ jɔɔjɔɔ awɩda, na nɛnɛ̃kɛrakɛ mɩ‐n mɩɩ gɛr ˈlo na bɩwɛ dɩ ɩ̃ yɩ: 19Awɩ khu pa na dor bũburone, gɩrɛ n danɩ awɩ tomɩra dɔrɔɔm dʋɔn awɩ thãgba, awɩ yicur cʋʋ wɩ‐n khɩɩ, wa‐n kpɩɛrna thɩ̃ɛ saagado thɩɩkɛɛ thɩ̃ gaaga. 20Sɩ se wer, asɩ dɩ Thãgbaa dʋɔ gɩ ha, le Taadaarɩkɛ dɔnɩ Jeju Kirisiti Kɔ̃tɩnɩkɛ sɩ‐n pɩɛrnɩ na the na ɩ̃. 21Ɔr na deba asɩ tomɩɩkɛ yɔɔnɩ a cʋʋ gɩ hona ɔɔ tomɩɩkɛ ɓɔnanɩ, gɩ the ɔɔ fãgaraakɛ a hananɩ a cʋʋna thɩ̃ɛ fɛʋ dɩ gɩ jʋʋraa.
Bible Society of Burkino Faso 1985.