Filip munu 3
3
Kɛlɛle tegele bozen
(Rom 6:3–13; 1 Kor 9:24–27; Gal 6:12–14)
1Yé sin, bwenu, ka gi ’é nana Mizan gi ma. We ’konu duo gyɛle ’ka ’naan an ma lo, yé é a wezin nya kazé nya.
2’Ka yuɛ pa kabozen va blénnu lé we ma. ’Ka yuɛ pa kabozen va nyanama nyané pazannu lé we ma. ’Ka yuɛ pa kabozen va dabli ganedɔmunu lé we ma. 3Naa, kaa lé kaa Kazambale bɔa Kazambale Léli nya, ’té kaabo ze vɔa Jézu Krist gi, ’té kaa bli ’ka voo mi kɛlɛwe lɛ monomono lo, kaa ɛ ke ganedɔmunu bozen nya.
4Naa, maa é ziin, é a kɔɔn léé, an bli vo mikɛlɛwe lɛ duowo. Dé mi bɛ bli a mikɛlɛwe lɛoo, anzé mini ’bɛzan zé ta; 5wo an gane dɔ an yi sɔraazan nya; wo an yaa Izraɛl mi nya, Bɛnjamɛn gɔnɔlazan nya, Ébru mi lé wa yaa Ébru mi ma, a nya; dé é a bélidɔwe zé nya, maa a Farizimi nya; 6dé é a fuu dɔle mi ta nya, maa nyané pa léglizigimunu ta; ’té gun ’ka an ma bélidɔwe lé mi kɛlɛle tegele vazia lo. 7Naa, Krist lé we ma, fɛnu lé maa tɔnɔ yé wo ma bɛ, maa wo ye boafɛnu nya. 8Anzan Jézu Krist dɔɔle bozen lé we ma lé an fɛnu faa yé boafɛnu nya. É sɔ an lɛ léé, ’an Krist ye anzé nya yé an kɛlɛ a gi, aléwemalé an bli si fɛnu faa lɛ yé wa an yuɛ gi bélé bli zo. 9Yé dé an kɛlɛ Krist gi, maa ’ka a gi kɛlɛle tegele lé éé sié bélidɔwe va, ’bɛ we ma lo, naa, maa a a gi kɛlɛle tegele lé éé sié blivole Jézu Krist lɛ va, a we ma. Kɛlɛle tegele ’ko, Bale a no blipale ma. 10Maa a a va léé, maa Krist dɔɔ, yé plɛplɛ lé é Krist nwa gale va koo, nanale a va alé nyanéblelenu gi koo, maa a wo va. É sɔ an lɛ léé, an ga, bélé fɛan zo lé é ga, a zo, 11léé, é voéla, an bɔ nwale lɛ gamunu va, ’té dé an bɔalɛ.
Pɔl lé vlanburu we
(Gal 6:7–8; Kol 3:1–4; 1 Jn 3:1–3)
12É ’ka kɛlɛ lɛ léé, maa vlanza kɛlɛle ma ban ye é kwakwa lo; é ’ka kɛlɛ lɛ léé, gun ’ka an ma lo lo, naa, maa a vlanburuna, a ma ban sile gla nya we ma. Maa é ziin, Jézu Krist an si gla nya, azama. 13Bwenu, é ’ka an gi léé, maa a si é kwakwa lo, naa, maa we do kɛla; an gi éé saan an zuowe kyɛnnu faa ma ’té an yara dɔa an ’lɛ zia tegelee, 14’té an vlanburuwo a ’wuoplana zia, a ma ban lé é ke Kazambale lé an laale loru Jézu Krist lé we ma, a yele we gi.
15Bɛwemalé, kaa faa lé kaa ke é tinle Kazambale lé we gi, bɔn‐in bɔrɔlenu ’ko zo ’é vo kaa gi ma. Yé dé ka a ka bɔn‐in bɔrɔna we bɛ ma, Kazambale é dan ka bɔn gi kini lɛ ’bɛ we ma é ziin. 16Naa, é a lé kaa tawo we faa lé kaa a dɔɔ, a yɛrama.
17Bwenu, ’ka kɛlɛ an zuosonazannu nya ma, yé munu lé woo tawoo kolé tawobɛ yɛrama, ’ka wo nagini. 18Naa, mi kiɛre a tawona Krist lé yiliblan nyanézannu lé tawobɛ ma; maa wolé we fe ka lɛ gɔnɔ kiɛre, yé maa a a taa fena ka lɛ é ziin yuɛyi sole nya. 19Wozé nyaana é dan kɛlɛ lɛ wo sanle nya; wolé Bale lé ke wo bɔn nya, yé we lé é ke yaragyɛwenu nya, a gi lé woo baama; yé tɛrɛlawenu saa ma lé woo bɔn‐in bɔrɔan. 20Naa, kaazé fla a la gi loru, fɛana lé Mizan Jézu Krist é dan si lɛ, ana. Yé kaa a Jézu dale lɛbɛnna, kaa Siéwegizan nya. 21É dan kaa kɔlɛ ple tavɔɔ lɛ, plɛplɛ lé éé fɛnu faa plaan ’é wuo a nya bɛ, yee plɛplɛ duo nya, yé é kaa kɔlɛ kɛlɛ bélé ézé kɔlɛ bile planplan zo.
Currently Selected:
Filip munu 3: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
Filip munu 3
3
Kɛlɛle tegele bozen
(Rom 6:3–13; 1 Kor 9:24–27; Gal 6:12–14)
1Yé sin, bwenu, ka gi ’é nana Mizan gi ma. We ’konu duo gyɛle ’ka ’naan an ma lo, yé é a wezin nya kazé nya.
2’Ka yuɛ pa kabozen va blénnu lé we ma. ’Ka yuɛ pa kabozen va nyanama nyané pazannu lé we ma. ’Ka yuɛ pa kabozen va dabli ganedɔmunu lé we ma. 3Naa, kaa lé kaa Kazambale bɔa Kazambale Léli nya, ’té kaabo ze vɔa Jézu Krist gi, ’té kaa bli ’ka voo mi kɛlɛwe lɛ monomono lo, kaa ɛ ke ganedɔmunu bozen nya.
4Naa, maa é ziin, é a kɔɔn léé, an bli vo mikɛlɛwe lɛ duowo. Dé mi bɛ bli a mikɛlɛwe lɛoo, anzé mini ’bɛzan zé ta; 5wo an gane dɔ an yi sɔraazan nya; wo an yaa Izraɛl mi nya, Bɛnjamɛn gɔnɔlazan nya, Ébru mi lé wa yaa Ébru mi ma, a nya; dé é a bélidɔwe zé nya, maa a Farizimi nya; 6dé é a fuu dɔle mi ta nya, maa nyané pa léglizigimunu ta; ’té gun ’ka an ma bélidɔwe lé mi kɛlɛle tegele vazia lo. 7Naa, Krist lé we ma, fɛnu lé maa tɔnɔ yé wo ma bɛ, maa wo ye boafɛnu nya. 8Anzan Jézu Krist dɔɔle bozen lé we ma lé an fɛnu faa yé boafɛnu nya. É sɔ an lɛ léé, ’an Krist ye anzé nya yé an kɛlɛ a gi, aléwemalé an bli si fɛnu faa lɛ yé wa an yuɛ gi bélé bli zo. 9Yé dé an kɛlɛ Krist gi, maa ’ka a gi kɛlɛle tegele lé éé sié bélidɔwe va, ’bɛ we ma lo, naa, maa a a gi kɛlɛle tegele lé éé sié blivole Jézu Krist lɛ va, a we ma. Kɛlɛle tegele ’ko, Bale a no blipale ma. 10Maa a a va léé, maa Krist dɔɔ, yé plɛplɛ lé é Krist nwa gale va koo, nanale a va alé nyanéblelenu gi koo, maa a wo va. É sɔ an lɛ léé, an ga, bélé fɛan zo lé é ga, a zo, 11léé, é voéla, an bɔ nwale lɛ gamunu va, ’té dé an bɔalɛ.
Pɔl lé vlanburu we
(Gal 6:7–8; Kol 3:1–4; 1 Jn 3:1–3)
12É ’ka kɛlɛ lɛ léé, maa vlanza kɛlɛle ma ban ye é kwakwa lo; é ’ka kɛlɛ lɛ léé, gun ’ka an ma lo lo, naa, maa a vlanburuna, a ma ban sile gla nya we ma. Maa é ziin, Jézu Krist an si gla nya, azama. 13Bwenu, é ’ka an gi léé, maa a si é kwakwa lo, naa, maa we do kɛla; an gi éé saan an zuowe kyɛnnu faa ma ’té an yara dɔa an ’lɛ zia tegelee, 14’té an vlanburuwo a ’wuoplana zia, a ma ban lé é ke Kazambale lé an laale loru Jézu Krist lé we ma, a yele we gi.
15Bɛwemalé, kaa faa lé kaa ke é tinle Kazambale lé we gi, bɔn‐in bɔrɔlenu ’ko zo ’é vo kaa gi ma. Yé dé ka a ka bɔn‐in bɔrɔna we bɛ ma, Kazambale é dan ka bɔn gi kini lɛ ’bɛ we ma é ziin. 16Naa, é a lé kaa tawo we faa lé kaa a dɔɔ, a yɛrama.
17Bwenu, ’ka kɛlɛ an zuosonazannu nya ma, yé munu lé woo tawoo kolé tawobɛ yɛrama, ’ka wo nagini. 18Naa, mi kiɛre a tawona Krist lé yiliblan nyanézannu lé tawobɛ ma; maa wolé we fe ka lɛ gɔnɔ kiɛre, yé maa a a taa fena ka lɛ é ziin yuɛyi sole nya. 19Wozé nyaana é dan kɛlɛ lɛ wo sanle nya; wolé Bale lé ke wo bɔn nya, yé we lé é ke yaragyɛwenu nya, a gi lé woo baama; yé tɛrɛlawenu saa ma lé woo bɔn‐in bɔrɔan. 20Naa, kaazé fla a la gi loru, fɛana lé Mizan Jézu Krist é dan si lɛ, ana. Yé kaa a Jézu dale lɛbɛnna, kaa Siéwegizan nya. 21É dan kaa kɔlɛ ple tavɔɔ lɛ, plɛplɛ lé éé fɛnu faa plaan ’é wuo a nya bɛ, yee plɛplɛ duo nya, yé é kaa kɔlɛ kɛlɛ bélé ézé kɔlɛ bile planplan zo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979