Lévinu 17
17
Saraka bona
(2 BDWS 12:1–18; 1 Kor 10:31)
1Gakelebale we fe Moizi lɛ yé é léma: ’Bé fe Arɔn valé é benu koo, Izraɛl lé nénu faa koo, wo lɛ léma: 2We lé Gakelebale a fe ka lɛ, yee lé ke ’ko:
3Dé diri léé, dé ’blané léé, dé boli léé, dé Izraɛl lé mi do a bɔrɔ bo, dé fla léé, dé bwii léé, ana, 4yé é ’ka da lɛ a nya zén‐ékevasɔkɔn ’léé, Gakelebale banle we gi Gakelebale lé sɔkɔn ’lɛ lo, ’té nyɛwe a mi ’ko nwiin; é nyɛ zana é pla, amalé wo dan mi ’ko si lɛ ’élé munu va. 5Wean ma lé Gakelebale a fe, é ’ka lé Izraɛlnu éé saraka boo féinu ta lo; é a lé ’wo da ’wolé balebanwi nya Balebanzan va Gakelebale ’lɛ, zén‐ékevasɔkɔn ’léé, yé ’wo bɔvɔ saraka bo Gakelebale lɛ wo nya. 6Balebanzan é dan a nyɛ zana lɛ balebanna ta zén‐ékevasɔkɔn ’léé; é dan a nyɔnɔ kyɛ ble lɛ, yé Gakelebale é dan a gin si lɛ néné. 7Yonu lé wo go wo zuo bélé bɔrɔdɛ le zo, té ’wo wo ban é dɛrɛ lo. É a bélidɔwe lé a glɛ ’ka lo, a nya, wo valé ’wo kulunu zé nya. 8Amalé ’bé fe wo lɛ léma: Dé Izraɛl mi do léé, ɛɛ, dé bɛn bɛ mi lé ke é nyanale ka va, dé ’bɛ léé, balebanwi lé wa kyɛ blé, dé é a nɔ, ɛɛ, dé é balebanwi nɔ 9yé é ’ka da lɛ Gakelebale ban lɛ a nya zén‐ékevasɔkɔn ’léé lo, mi ’ko, wo dan a si lɛ ’élé munu va.
Té ’wo wi nyɛ ble lo
(WP 9:4; Lév 7:26; Kw 15:29; Ébr 9:22)
10Dé Izraɛl mi do léé, dé ka va bɛn bɛ mi do léé, dé é a fɛofɛan nyɛ nya, dé é a ble, maa dan an yara si lɛ ’bɛ nyɛblezan ta, yé maa dan a si lɛ ’élé munu va. 11Naa, nɛ bélifɛ lé ke nyɛ nya. Maa a nɔ ka lɛ balebanna ta, kalé wenyané ’yibole we ma, naa, bélifɛ lé ke nyɛ va, a nya lé woo kalé wenyané ’yiboo. 12Bɛwemalé maa fe Izraɛl lé nénu lɛ léé, té wo va mi do kpen é fɛ nyɛ ble lo, yé bɛn bɛ mi lé ke ka va, té wo nyɛ ble lo. 13Dé é a Izraɛl mi nyaoo, dé é a wo va bɛn bɛ mi nyaoo, dé é a lu pana, yé wi valé miané lé wa blé, dé wa gyɛ, é dan a nyɛ zana lɛ yé é vun zén a ta. 14Naa, nɛ faa bélifɛ a nyɛ lé ke a gi, a nya. Bɛwemalé maa a fe Izraɛl lé nénu lɛ léé, té wo fɛ do kpen nyɛ ble lo; naa, fɛ é vo é yuɛma é nyɛ nya; dé miomian a ble, wo dan a si lɛ élé munu va.
15Dé flami léé, dé bɛn bɛ mi léé, mi faa lé wo wigale ble, ɛɛ, dé wi lé fɛ a kini ékema, dé mi do a ble, é dan élé sɔnu zuru lɛ yé ébozen zuru yé é dan vo lɛ duowo é naané fɔɔ nyanadi, ’bɛ zuo yé ’é kɛlɛ tegele. 16Dé é ’ka élé sɔnu zuru lɛ lo, dé é ’ka éboen zuru lɛ lo, ’té we a a nwiin é dɔle.
Currently Selected:
Lévinu 17: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
Lévinu 17
17
Saraka bona
(2 BDWS 12:1–18; 1 Kor 10:31)
1Gakelebale we fe Moizi lɛ yé é léma: ’Bé fe Arɔn valé é benu koo, Izraɛl lé nénu faa koo, wo lɛ léma: 2We lé Gakelebale a fe ka lɛ, yee lé ke ’ko:
3Dé diri léé, dé ’blané léé, dé boli léé, dé Izraɛl lé mi do a bɔrɔ bo, dé fla léé, dé bwii léé, ana, 4yé é ’ka da lɛ a nya zén‐ékevasɔkɔn ’léé, Gakelebale banle we gi Gakelebale lé sɔkɔn ’lɛ lo, ’té nyɛwe a mi ’ko nwiin; é nyɛ zana é pla, amalé wo dan mi ’ko si lɛ ’élé munu va. 5Wean ma lé Gakelebale a fe, é ’ka lé Izraɛlnu éé saraka boo féinu ta lo; é a lé ’wo da ’wolé balebanwi nya Balebanzan va Gakelebale ’lɛ, zén‐ékevasɔkɔn ’léé, yé ’wo bɔvɔ saraka bo Gakelebale lɛ wo nya. 6Balebanzan é dan a nyɛ zana lɛ balebanna ta zén‐ékevasɔkɔn ’léé; é dan a nyɔnɔ kyɛ ble lɛ, yé Gakelebale é dan a gin si lɛ néné. 7Yonu lé wo go wo zuo bélé bɔrɔdɛ le zo, té ’wo wo ban é dɛrɛ lo. É a bélidɔwe lé a glɛ ’ka lo, a nya, wo valé ’wo kulunu zé nya. 8Amalé ’bé fe wo lɛ léma: Dé Izraɛl mi do léé, ɛɛ, dé bɛn bɛ mi lé ke é nyanale ka va, dé ’bɛ léé, balebanwi lé wa kyɛ blé, dé é a nɔ, ɛɛ, dé é balebanwi nɔ 9yé é ’ka da lɛ Gakelebale ban lɛ a nya zén‐ékevasɔkɔn ’léé lo, mi ’ko, wo dan a si lɛ ’élé munu va.
Té ’wo wi nyɛ ble lo
(WP 9:4; Lév 7:26; Kw 15:29; Ébr 9:22)
10Dé Izraɛl mi do léé, dé ka va bɛn bɛ mi do léé, dé é a fɛofɛan nyɛ nya, dé é a ble, maa dan an yara si lɛ ’bɛ nyɛblezan ta, yé maa dan a si lɛ ’élé munu va. 11Naa, nɛ bélifɛ lé ke nyɛ nya. Maa a nɔ ka lɛ balebanna ta, kalé wenyané ’yibole we ma, naa, bélifɛ lé ke nyɛ va, a nya lé woo kalé wenyané ’yiboo. 12Bɛwemalé maa fe Izraɛl lé nénu lɛ léé, té wo va mi do kpen é fɛ nyɛ ble lo, yé bɛn bɛ mi lé ke ka va, té wo nyɛ ble lo. 13Dé é a Izraɛl mi nyaoo, dé é a wo va bɛn bɛ mi nyaoo, dé é a lu pana, yé wi valé miané lé wa blé, dé wa gyɛ, é dan a nyɛ zana lɛ yé é vun zén a ta. 14Naa, nɛ faa bélifɛ a nyɛ lé ke a gi, a nya. Bɛwemalé maa a fe Izraɛl lé nénu lɛ léé, té wo fɛ do kpen nyɛ ble lo; naa, fɛ é vo é yuɛma é nyɛ nya; dé miomian a ble, wo dan a si lɛ élé munu va.
15Dé flami léé, dé bɛn bɛ mi léé, mi faa lé wo wigale ble, ɛɛ, dé wi lé fɛ a kini ékema, dé mi do a ble, é dan élé sɔnu zuru lɛ yé ébozen zuru yé é dan vo lɛ duowo é naané fɔɔ nyanadi, ’bɛ zuo yé ’é kɛlɛ tegele. 16Dé é ’ka élé sɔnu zuru lɛ lo, dé é ’ka éboen zuru lɛ lo, ’té we a a nwiin é dɔle.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979