Lévinu 13
13
Pantɛngyɛ lé we
(Lév 14:33–38)
1Gakelebale we fe Moizi valé Arɔn lɛ yé é léma:
2Dé mi do kɔlɛ ma baa, ɛɛ, dé a ma kɔlɛ dɔ, ɛɛ, dé sonné bɔra a ma bélé pantɛn zo, ’wo da a nya Balebanzan Arɔn va, dé ’bɛ ’kaan lo, ’wo da a nya, Arɔn be do lé ke Balebanzan nya, a va. 3Balebanzan é dan a kɔlɛ ma gyɛ nagini lɛ. Dé yee gyɛ gi kyɛɛ a fu, dé yee gyɛ go a kɔlɛ wuo, ’té pantɛn lé; Balebanzan lé é mi ’ko ma gini bɛ, é dan a fe lɛ léé, a tiri a é dɔle. 4Dé sonné bɔra a kɔlɛ ma, yé é ’ka goo a kɔlɛ wuo lo, yé a gi kyɛɛ ’ka fu lo, mi lé fɛ ’ko ke a ma, Balebanzan é dan a vɔ lɛ kɔn gi yi sɔrafié. 5Balebanzan é dan a ma gini lɛ a yi sɔrafiézan nya. Dé é a ye léé, gyɛ ’ko yuɛi ’ka bɔrana lo, ’té a lɛ ’ka sina lo, é dan a vɔ lɛ é ziin kɔn gi yi sɔrafié a gɔnɔ fiézan nya. 6Balebanzan é dan a ma gini lɛ a gɔnɔ fiézan nya yi sɔrafiézan nya. Dé é a ye léé, gyɛ ’ka bina planplan lo, yé a lɛ ’ka sina a kɔlɛ ma lo, Balebanzan é dan a fe lɛ léé, mi ’ko gi a é bɔle. A ma kɔlɛ pla ɛ dɔ; é dan ’élé sɔ zuru lɛ yé a gi é dan bɔ lɛ. 7Naa, dé Balebanzan a ma gini yé é a fe léé, a gi bɔ, ’bɛ zuo, fɛ lé é dɔra a kɔlɛ ma, dé a lɛ si, ’é go Balebanzan va a gɔnɔ fiézan nya, ’bɛ a ma gini. 8Dé Balebanzan a ma gini, dé é a ye léé, fɛ lé é dɔra a kɔlɛ ma, a lɛ si, é dan a fe lɛ léé, a tiri a; pantɛn lé.
9Dé pantɛn mi do gyɛ, ’wo go a nya Balebanzan va. 10Balebanzan é dan a ma gini lɛ. Dé a kɔlɛ ma baa fu, a kɔlɛ baale ’ko, dé a ma kyɛɛ a fu, dé é fɔn, 11’té pantɛn lé é ’ka nyaan lo, ’té yee ɛ vɔ gɔnézan ’ko kɔlɛ ma. Balebanzan é dan a fe lɛ léé, a tiri a; é ’ka dan a vɔ lɛ kɔn gi lo, a tiri a, azama. 12Dé pantɛn kɛlɛ a kɔlɛ ma fɛfaana, dé Balebanzan a ma gini fɛfaana, é sia a nwiin fɔɔ yé é bɔ a gane ma, 13yé dé é a ye léé, pantɛn nyaa a kɔlɛ ma yé a pagi vo fu, é dan a fe lɛ léé, pantɛngyɛzan gi bɔ. A kɔlɛ faa kɛlɛ fu, amalé a gi bɔ. 14Naa, dé wo manɔn ye a ma yioyian nya, a tiri dɔ. 15Manɔn a fɛ tiridɔle nya, pantɛn lé. Dé Balebanzan manɔn ye, é dan a fe lɛ léé, a tiri dɔ. 16Dé manɔn nyaa yé a pai kɛlɛ fu, é dan go lɛ Balebanzan va; 17Balebanzan é dan a ma gini lɛ, yé dé a manɔn kɛlɛ fu, Balebanzan é dan a fe lɛ léé, mi lé manɔn ’ko ke a ma, a gi bɔ. A gi a é bɔle.
18Dé manɔn pla a mi do ma, dé é nyaa, 19’bɛ zuo yé a manɔn pɔlɛ bɔ fu, ɛɛ, dé é kɛlɛ sonné nya yé a gi kɛlɛ fu booéla, gɔnézan ’ko ’é go ’ébo nagɔɔn Balebanzan lɛ. 20Yé Balebanzan é dan a ma gini lɛ. Dé a sonné boro pa, yé a gi kyɛɛ kɛlɛ fu, Balebanzan é dan a fe lɛ léé, a tiri dɔ; ’té pantɛn ɛ bɔra a manɔn pɔlɛ gi bɛ. 21Dé Balebanzan a ye léé, sonné gi kyɛɛ ’ka fu lo, yé sonné boro ’ka pa lɛ lo, yé é ’ka bina planplan lo, é dan mi ’ko vɔ lɛ kɔn gi yi sɔrafié. 22Dé sonné gi gyɛ a kɔlɛ ma, Balebanzan é dan a fe lɛ léé, a tiri dɔ; pantɛn lé. 23Naa, dé sonné ’ko vo fɛdona yé a lɛ ’ka si lɛ lo, ’té manɔn pla lé. Balebanzan é dan a fe lɛ léé, a gi bɔ.
24Dé mi do kɔlɛ kyɛ ble, dé sonné do bɔra alé kyɛ pɔlɛ pai, dé a gi kɛlɛ fu, ɛɛ, dé a gi kɛlɛ fu booéla, Balebanzan é dan a ma gini lɛ. 25Dé sonné gi kyɛɛ kɛlɛ fu, dé a boro pa, ’té pantɛn ɛ bɔra kyɛ pɔlɛ pai bɛ; Balebanzan é dan a fe lɛ léé, mi ’ko tiri dɔ; pantɛn lé. 26Dé Balebanzan a ye léé, sonné gi kyɛɛ ’ka fu lo, yé a boro ’ka lo, yé é ’ka bina planplan lo, é dan mi ’ko vɔ lɛ kɔn gi yi sɔrafié. 27Balebanzan é dan a ma gini lɛ yi sɔrafiézan nya. Dé sonné lɛ si a kɔlɛ ma, Balebanzan é dan a fe lɛ léé, a tiri dɔ. Pantɛn lé ke bɛ. 28Naa, dé sonné ’ko vo fɛdona, yé a lɛ ’ka si lɛ a kɔlɛ ma lo, yé é ’ka vo lɛ planplan lo, ’té kyɛ pɔlɛ lé; Balebanzan é dan a fe lɛ léé, a gi bɔ, naa, kyɛ pɔlɛ lé.
29Dé gɔné do léé, dé le do léé, dé gyɛ a a nwiin, ɛɛ, dé é a a puo ma, Balebanzan é dan a ma gini lɛ. 30Dé é a ye léé, gyɛ ’ko vɔ a nɛ va, dé a gi kyɛɛ a kanakana kanmiinné, Balebanzan é dan a fe lɛ léé, mi ’ko tiri dɔ. Koo zén a ma; é a pantɛn gyɛ nya a nwiin, ɛɛ, a puo ma. 31Dé Balebanzan a ye léé, koo ’ko ’ka vɔ lɛ a nɛ va lo, yé a gi kyɛɛ ’ka ti lo, ’é koogyɛzan ’ko vɔ kɔn gi yi sɔrafié. 32A yi sɔrafiézan nya Balebanzan é dan a ma gini lɛ. Dé koo lɛ ’ka sina lo, yé a gi kyɛɛ ’ka kanakana lo, dé é ’ka vɔ lɛ a nɛ va lo, 33mi lé koo ke a ma, é dan é puo ma gun bo lɛ, naa, fɛana lé koo ke, té é ’bɛna bo lo; yé Balebanzan é dan a vɔ lɛ kɔn gi a gɔnɔ fiézan nya yi sɔrafié. 34A yi sɔrafiézan nya, Balebanzan é dan a koo gini lɛ. Dé koo lɛ ’ka si lɛ a kɔlɛ ma lo, dé é ’ka vɔ lɛ a nɛ va lo, Balebanzan é dan a fe lɛ léé, a gi bɔ; é dan élé sɔ zuru lɛ yé a gi é dan bɔ lɛ. 35Naa, a gibɔle fele zuo, dé koo lɛ si a kɔlɛ ma, Balebanzan é dan a ma gini lɛ. 36Dé koo lɛ si a kɔlɛ ma, Balebanzan ’ka dan a gi gini lɛ léé, dé a gi kyɛɛ a kanakana? lo; a tiri dɔ. 37Dé é a ye léé, koo lɛ ’ka si lɛ lo, yé a gi kyɛɛ kɛlɛ ti, ’té koo nyaa; a gi bɔ, yé Balebanzan é dan a fe lɛ léé, a gi a é bɔle.
38Dé gɔné léé, dé le léé, dé fɛ bɔra a kɔlɛ ma é fu, 39Balebanzan é dan a ma gini lɛ. Fɛ lé é bɔra a kɔlɛ ma bɛ, dé a gi ’ka planplan lo, ’té fɛ pla ɛ kɛlɛ a kɔlɛ ma. A gi a é bɔle.
40Dé nwin ’ka mi do nwiin lo, ’té palogyɛzan lé; a gi a é bɔle. 41Dé nwin ’ka mi bɛlo la lo, ’té palogyɛzan lé; a gi a é bɔle. 42Dé a yara léé, dé a zuo zia léé, dé fɛ do bɔra ana yé a gi kɛlɛ fu booéla, ’té pantɛn lé é bɔra a palo pai bɛ, dé a yara léé, dé a zuo léé, ana. 43Balebanzan é dan a ma gini lɛ. Fɛ lé é baa a ’wuo ma bɛ, dé a yara léé, dé a zuo zia léé, dé a gi kɛlɛ fu booéla bélé pantɛn lé éé vɔa mi kɔlɛ ma, a zo, 44’té pantɛngyɛzan lé; a tiri dɔ. Balebanzan é dan a fe lɛ léé, a tiri dɔ; ’té a ’wuo ma lé gyɛ ke.
45Yé pantɛngyɛzan é dan sɔ fiale zén lɛ ’é ta, yé a ’wuo vo é porole; é dan fɛ bua lɛ é lɔlu ta, yé é dan siaa lɛ léé, ’é tiri dɔ, ’é tiri dɔ! 46Bléyi faa lé gyɛ ke a ma, ’té a tiri a. A tiri a é dɔle, amalé é dan nyana lɛ é do. A nyanana é dan kɛlɛ lɛ fla gini ma.
47Dé sɔ do gi a blena pantɛn nya, dé ’blakyɛɛsɔ léé, dé lɛnsɔ léé, 48dé a koli ma zia léé, dé a gyéi ma zia léé, dé lɛn kununu léé, dé ’blakyɛɛ kununu léé, dé é a wikɔlɛ nyaoo, dé é a fɛ lé wa kɛlɛ wikɔlɛ nya, ’bɛ nyaoo, dé é a ’bɛ ma, 49dé a gyɛ ’ko yuɛɛ kɛlɛ drandran, ɛɛ, dé é kɛlɛ kanakana sɔ ma, dé a koli ma zia léé, dé a gyéi ma zia léé, dé wikɔlɛ léé, dé fɛofɛan wa kɛlɛ wikɔlɛ nya, dé ’bɛ léé, dé é kɛlɛ ’bɛnu ma, ’té pantɛn lé, yé é a lé wa gɔɔn Balebanzan lɛ. 50Balebanzan é dan a gyɛ nagini lɛ, yé fɛ lé gyɛ ’ko vɔ a ma, é dan a vɔ lɛ kɔn gi yi sɔrafié. 51A yi sɔrafiézan nya é dan gyɛ nagini lɛ. Dé yee gyɛ gi gyɛ sɔ ma, dé a koli ma zia léé, dé a gyéi ma zia léé, dé wikɔlɛ léé, dé fɛofɛan lé wa kɛlɛ wikɔlɛ nya, dé ’bɛ léé, a ma, ’té pantɛn lé é ’ka nyaan lo, ’té yee lé. Fɛ ’ko tiri dɔ. 52Dé ’blakyɛɛsɔ léé, dé lɛnsɔ léé, dé a koli ma zia léé, dé a gyéi ma zia léé, dé fɛofɛan lé wa kɛlɛ wikɔlɛ nya, yé gyɛ ’ko vɔ a ma, wo dan a kyɛ ble lɛ; é a pantɛn lé é ’ka nyaan lo, a nya, amalé wo dan a kyɛ ble lɛ. 53Dé Balebanzan a ye léé, gyɛ ’ko gi ’ka gyɛna sɔ ma, dé a koli ma zia léé, dé a gyéi ma zia léé, wo ma lo, dé é a wikɔlɛfɛofɛan nya, dé a gi ’ka gyɛna a ma lo, 54é dan a fe lɛ léé, fɛ lé gyɛ vɔ a ma bɛ, ’wa zuru, yé é dan a vɔ lɛ kɔn gi yi sɔrafié é ziin. 55A zurule zuo, Balebanzan é dan a nagini lɛ. Dé gyɛ ’ko vo é dɔbɛ duo gi yé a gi ’ka gyɛ lɛ lo, ’té a tiri a; wo dan a kyɛ ble lɛ; gyɛ ’ko a ble a yuɛɛ zin valé a yuɛɛ nyané ta. 56A zurule zuo, dé Balebanzan a ye léé, a gi kɛlɛ nyané, dé sɔ lé, dé a koli ma zia léé, dé a gyéi ma zia léé, dé wi kɔlɛ ma léé, é dan a gyɛ na bɔi lɛ. 57Dé é bɔra é ziin sɔ ma, dé a koli ma zia léé, dé a gyéi ma zia léé, a ma, dé é bɔra wikɔlɛfɛ ma, ’té pantɛn ɛ bɔra a ma bɛ. Fɛ lé gyɛ ’ko vɔ a ma, wo dan a kyɛ ble lɛ. 58Dé sɔ lé, dé a koli ma zia léé, dé a gyéi ma zia léé, dé wikɔlɛfɛ léé, dé wa zuru yé gyɛ ’ko si ana, wo dan a zuru lɛ a gɔnɔ fiézan nya, yé a gi é dan bɔ lɛ.
59Dé é a ’blakyɛɛsɔ nyaoo, dé é a lɛnsɔ nyaoo, dé sɔkoli ma zia léé, dé a gyéi ma zia léé, dé é a wikɔlɛfɛofɛan nyaoo, dé pantɛn gyɛ vɔ wo ma, wozé we ’léé lé ke bɛ. Wo dan a gibɔle valé a tiridɔle fe lɛ bɛan zo, yee lé ke bɛ.
Currently Selected:
Lévinu 13: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
Lévinu 13
13
Pantɛngyɛ lé we
(Lév 14:33–38)
1Gakelebale we fe Moizi valé Arɔn lɛ yé é léma:
2Dé mi do kɔlɛ ma baa, ɛɛ, dé a ma kɔlɛ dɔ, ɛɛ, dé sonné bɔra a ma bélé pantɛn zo, ’wo da a nya Balebanzan Arɔn va, dé ’bɛ ’kaan lo, ’wo da a nya, Arɔn be do lé ke Balebanzan nya, a va. 3Balebanzan é dan a kɔlɛ ma gyɛ nagini lɛ. Dé yee gyɛ gi kyɛɛ a fu, dé yee gyɛ go a kɔlɛ wuo, ’té pantɛn lé; Balebanzan lé é mi ’ko ma gini bɛ, é dan a fe lɛ léé, a tiri a é dɔle. 4Dé sonné bɔra a kɔlɛ ma, yé é ’ka goo a kɔlɛ wuo lo, yé a gi kyɛɛ ’ka fu lo, mi lé fɛ ’ko ke a ma, Balebanzan é dan a vɔ lɛ kɔn gi yi sɔrafié. 5Balebanzan é dan a ma gini lɛ a yi sɔrafiézan nya. Dé é a ye léé, gyɛ ’ko yuɛi ’ka bɔrana lo, ’té a lɛ ’ka sina lo, é dan a vɔ lɛ é ziin kɔn gi yi sɔrafié a gɔnɔ fiézan nya. 6Balebanzan é dan a ma gini lɛ a gɔnɔ fiézan nya yi sɔrafiézan nya. Dé é a ye léé, gyɛ ’ka bina planplan lo, yé a lɛ ’ka sina a kɔlɛ ma lo, Balebanzan é dan a fe lɛ léé, mi ’ko gi a é bɔle. A ma kɔlɛ pla ɛ dɔ; é dan ’élé sɔ zuru lɛ yé a gi é dan bɔ lɛ. 7Naa, dé Balebanzan a ma gini yé é a fe léé, a gi bɔ, ’bɛ zuo, fɛ lé é dɔra a kɔlɛ ma, dé a lɛ si, ’é go Balebanzan va a gɔnɔ fiézan nya, ’bɛ a ma gini. 8Dé Balebanzan a ma gini, dé é a ye léé, fɛ lé é dɔra a kɔlɛ ma, a lɛ si, é dan a fe lɛ léé, a tiri a; pantɛn lé.
9Dé pantɛn mi do gyɛ, ’wo go a nya Balebanzan va. 10Balebanzan é dan a ma gini lɛ. Dé a kɔlɛ ma baa fu, a kɔlɛ baale ’ko, dé a ma kyɛɛ a fu, dé é fɔn, 11’té pantɛn lé é ’ka nyaan lo, ’té yee ɛ vɔ gɔnézan ’ko kɔlɛ ma. Balebanzan é dan a fe lɛ léé, a tiri a; é ’ka dan a vɔ lɛ kɔn gi lo, a tiri a, azama. 12Dé pantɛn kɛlɛ a kɔlɛ ma fɛfaana, dé Balebanzan a ma gini fɛfaana, é sia a nwiin fɔɔ yé é bɔ a gane ma, 13yé dé é a ye léé, pantɛn nyaa a kɔlɛ ma yé a pagi vo fu, é dan a fe lɛ léé, pantɛngyɛzan gi bɔ. A kɔlɛ faa kɛlɛ fu, amalé a gi bɔ. 14Naa, dé wo manɔn ye a ma yioyian nya, a tiri dɔ. 15Manɔn a fɛ tiridɔle nya, pantɛn lé. Dé Balebanzan manɔn ye, é dan a fe lɛ léé, a tiri dɔ. 16Dé manɔn nyaa yé a pai kɛlɛ fu, é dan go lɛ Balebanzan va; 17Balebanzan é dan a ma gini lɛ, yé dé a manɔn kɛlɛ fu, Balebanzan é dan a fe lɛ léé, mi lé manɔn ’ko ke a ma, a gi bɔ. A gi a é bɔle.
18Dé manɔn pla a mi do ma, dé é nyaa, 19’bɛ zuo yé a manɔn pɔlɛ bɔ fu, ɛɛ, dé é kɛlɛ sonné nya yé a gi kɛlɛ fu booéla, gɔnézan ’ko ’é go ’ébo nagɔɔn Balebanzan lɛ. 20Yé Balebanzan é dan a ma gini lɛ. Dé a sonné boro pa, yé a gi kyɛɛ kɛlɛ fu, Balebanzan é dan a fe lɛ léé, a tiri dɔ; ’té pantɛn ɛ bɔra a manɔn pɔlɛ gi bɛ. 21Dé Balebanzan a ye léé, sonné gi kyɛɛ ’ka fu lo, yé sonné boro ’ka pa lɛ lo, yé é ’ka bina planplan lo, é dan mi ’ko vɔ lɛ kɔn gi yi sɔrafié. 22Dé sonné gi gyɛ a kɔlɛ ma, Balebanzan é dan a fe lɛ léé, a tiri dɔ; pantɛn lé. 23Naa, dé sonné ’ko vo fɛdona yé a lɛ ’ka si lɛ lo, ’té manɔn pla lé. Balebanzan é dan a fe lɛ léé, a gi bɔ.
24Dé mi do kɔlɛ kyɛ ble, dé sonné do bɔra alé kyɛ pɔlɛ pai, dé a gi kɛlɛ fu, ɛɛ, dé a gi kɛlɛ fu booéla, Balebanzan é dan a ma gini lɛ. 25Dé sonné gi kyɛɛ kɛlɛ fu, dé a boro pa, ’té pantɛn ɛ bɔra kyɛ pɔlɛ pai bɛ; Balebanzan é dan a fe lɛ léé, mi ’ko tiri dɔ; pantɛn lé. 26Dé Balebanzan a ye léé, sonné gi kyɛɛ ’ka fu lo, yé a boro ’ka lo, yé é ’ka bina planplan lo, é dan mi ’ko vɔ lɛ kɔn gi yi sɔrafié. 27Balebanzan é dan a ma gini lɛ yi sɔrafiézan nya. Dé sonné lɛ si a kɔlɛ ma, Balebanzan é dan a fe lɛ léé, a tiri dɔ. Pantɛn lé ke bɛ. 28Naa, dé sonné ’ko vo fɛdona, yé a lɛ ’ka si lɛ a kɔlɛ ma lo, yé é ’ka vo lɛ planplan lo, ’té kyɛ pɔlɛ lé; Balebanzan é dan a fe lɛ léé, a gi bɔ, naa, kyɛ pɔlɛ lé.
29Dé gɔné do léé, dé le do léé, dé gyɛ a a nwiin, ɛɛ, dé é a a puo ma, Balebanzan é dan a ma gini lɛ. 30Dé é a ye léé, gyɛ ’ko vɔ a nɛ va, dé a gi kyɛɛ a kanakana kanmiinné, Balebanzan é dan a fe lɛ léé, mi ’ko tiri dɔ. Koo zén a ma; é a pantɛn gyɛ nya a nwiin, ɛɛ, a puo ma. 31Dé Balebanzan a ye léé, koo ’ko ’ka vɔ lɛ a nɛ va lo, yé a gi kyɛɛ ’ka ti lo, ’é koogyɛzan ’ko vɔ kɔn gi yi sɔrafié. 32A yi sɔrafiézan nya Balebanzan é dan a ma gini lɛ. Dé koo lɛ ’ka sina lo, yé a gi kyɛɛ ’ka kanakana lo, dé é ’ka vɔ lɛ a nɛ va lo, 33mi lé koo ke a ma, é dan é puo ma gun bo lɛ, naa, fɛana lé koo ke, té é ’bɛna bo lo; yé Balebanzan é dan a vɔ lɛ kɔn gi a gɔnɔ fiézan nya yi sɔrafié. 34A yi sɔrafiézan nya, Balebanzan é dan a koo gini lɛ. Dé koo lɛ ’ka si lɛ a kɔlɛ ma lo, dé é ’ka vɔ lɛ a nɛ va lo, Balebanzan é dan a fe lɛ léé, a gi bɔ; é dan élé sɔ zuru lɛ yé a gi é dan bɔ lɛ. 35Naa, a gibɔle fele zuo, dé koo lɛ si a kɔlɛ ma, Balebanzan é dan a ma gini lɛ. 36Dé koo lɛ si a kɔlɛ ma, Balebanzan ’ka dan a gi gini lɛ léé, dé a gi kyɛɛ a kanakana? lo; a tiri dɔ. 37Dé é a ye léé, koo lɛ ’ka si lɛ lo, yé a gi kyɛɛ kɛlɛ ti, ’té koo nyaa; a gi bɔ, yé Balebanzan é dan a fe lɛ léé, a gi a é bɔle.
38Dé gɔné léé, dé le léé, dé fɛ bɔra a kɔlɛ ma é fu, 39Balebanzan é dan a ma gini lɛ. Fɛ lé é bɔra a kɔlɛ ma bɛ, dé a gi ’ka planplan lo, ’té fɛ pla ɛ kɛlɛ a kɔlɛ ma. A gi a é bɔle.
40Dé nwin ’ka mi do nwiin lo, ’té palogyɛzan lé; a gi a é bɔle. 41Dé nwin ’ka mi bɛlo la lo, ’té palogyɛzan lé; a gi a é bɔle. 42Dé a yara léé, dé a zuo zia léé, dé fɛ do bɔra ana yé a gi kɛlɛ fu booéla, ’té pantɛn lé é bɔra a palo pai bɛ, dé a yara léé, dé a zuo léé, ana. 43Balebanzan é dan a ma gini lɛ. Fɛ lé é baa a ’wuo ma bɛ, dé a yara léé, dé a zuo zia léé, dé a gi kɛlɛ fu booéla bélé pantɛn lé éé vɔa mi kɔlɛ ma, a zo, 44’té pantɛngyɛzan lé; a tiri dɔ. Balebanzan é dan a fe lɛ léé, a tiri dɔ; ’té a ’wuo ma lé gyɛ ke.
45Yé pantɛngyɛzan é dan sɔ fiale zén lɛ ’é ta, yé a ’wuo vo é porole; é dan fɛ bua lɛ é lɔlu ta, yé é dan siaa lɛ léé, ’é tiri dɔ, ’é tiri dɔ! 46Bléyi faa lé gyɛ ke a ma, ’té a tiri a. A tiri a é dɔle, amalé é dan nyana lɛ é do. A nyanana é dan kɛlɛ lɛ fla gini ma.
47Dé sɔ do gi a blena pantɛn nya, dé ’blakyɛɛsɔ léé, dé lɛnsɔ léé, 48dé a koli ma zia léé, dé a gyéi ma zia léé, dé lɛn kununu léé, dé ’blakyɛɛ kununu léé, dé é a wikɔlɛ nyaoo, dé é a fɛ lé wa kɛlɛ wikɔlɛ nya, ’bɛ nyaoo, dé é a ’bɛ ma, 49dé a gyɛ ’ko yuɛɛ kɛlɛ drandran, ɛɛ, dé é kɛlɛ kanakana sɔ ma, dé a koli ma zia léé, dé a gyéi ma zia léé, dé wikɔlɛ léé, dé fɛofɛan wa kɛlɛ wikɔlɛ nya, dé ’bɛ léé, dé é kɛlɛ ’bɛnu ma, ’té pantɛn lé, yé é a lé wa gɔɔn Balebanzan lɛ. 50Balebanzan é dan a gyɛ nagini lɛ, yé fɛ lé gyɛ ’ko vɔ a ma, é dan a vɔ lɛ kɔn gi yi sɔrafié. 51A yi sɔrafiézan nya é dan gyɛ nagini lɛ. Dé yee gyɛ gi gyɛ sɔ ma, dé a koli ma zia léé, dé a gyéi ma zia léé, dé wikɔlɛ léé, dé fɛofɛan lé wa kɛlɛ wikɔlɛ nya, dé ’bɛ léé, a ma, ’té pantɛn lé é ’ka nyaan lo, ’té yee lé. Fɛ ’ko tiri dɔ. 52Dé ’blakyɛɛsɔ léé, dé lɛnsɔ léé, dé a koli ma zia léé, dé a gyéi ma zia léé, dé fɛofɛan lé wa kɛlɛ wikɔlɛ nya, yé gyɛ ’ko vɔ a ma, wo dan a kyɛ ble lɛ; é a pantɛn lé é ’ka nyaan lo, a nya, amalé wo dan a kyɛ ble lɛ. 53Dé Balebanzan a ye léé, gyɛ ’ko gi ’ka gyɛna sɔ ma, dé a koli ma zia léé, dé a gyéi ma zia léé, wo ma lo, dé é a wikɔlɛfɛofɛan nya, dé a gi ’ka gyɛna a ma lo, 54é dan a fe lɛ léé, fɛ lé gyɛ vɔ a ma bɛ, ’wa zuru, yé é dan a vɔ lɛ kɔn gi yi sɔrafié é ziin. 55A zurule zuo, Balebanzan é dan a nagini lɛ. Dé gyɛ ’ko vo é dɔbɛ duo gi yé a gi ’ka gyɛ lɛ lo, ’té a tiri a; wo dan a kyɛ ble lɛ; gyɛ ’ko a ble a yuɛɛ zin valé a yuɛɛ nyané ta. 56A zurule zuo, dé Balebanzan a ye léé, a gi kɛlɛ nyané, dé sɔ lé, dé a koli ma zia léé, dé a gyéi ma zia léé, dé wi kɔlɛ ma léé, é dan a gyɛ na bɔi lɛ. 57Dé é bɔra é ziin sɔ ma, dé a koli ma zia léé, dé a gyéi ma zia léé, a ma, dé é bɔra wikɔlɛfɛ ma, ’té pantɛn ɛ bɔra a ma bɛ. Fɛ lé gyɛ ’ko vɔ a ma, wo dan a kyɛ ble lɛ. 58Dé sɔ lé, dé a koli ma zia léé, dé a gyéi ma zia léé, dé wikɔlɛfɛ léé, dé wa zuru yé gyɛ ’ko si ana, wo dan a zuru lɛ a gɔnɔ fiézan nya, yé a gi é dan bɔ lɛ.
59Dé é a ’blakyɛɛsɔ nyaoo, dé é a lɛnsɔ nyaoo, dé sɔkoli ma zia léé, dé a gyéi ma zia léé, dé é a wikɔlɛfɛofɛan nyaoo, dé pantɛn gyɛ vɔ wo ma, wozé we ’léé lé ke bɛ. Wo dan a gibɔle valé a tiridɔle fe lɛ bɛan zo, yee lé ke bɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979