Kolɔs munu 2
2
1Ka koo, Laodisé munu koo, munu faa lé wo ’ka tan an ye lɛ lo koo, ka ta guli lé maa ke a danna é a blɛn fɛan zo, é sɔ an lɛ léé, ka a dɔɔ. 2É sɔ an lɛ léé, wo é bli ’é dɔrala yé ’wo kɛlɛ mi do nya sɔlɛle gi, yé wo gi ’é kini boenwo Kazambale lé weyɔɔle dɔɔle we gi, ’bɛ gi léé, Krist. 3Gikinile valé wedɔɔle lé fɛwezannu faa a é yɔɔle yee ɛ gi.
4Maa a we ’ko fena léé, té mi do kpen é ka saan dabli dérenu nya lo we ma. 5Naa, dé maa ’ka ka va looo, an bli a ka va, yé maa a ye léé, we bilibili ’ka ka méléna lo, yé ka bli vo Krist lɛ tegele, amalé an gi nana.
6Ka Jézu Krist si kazan nya, amalé, sin, ’ka tawo a gi; 7ka suni ’é wɔra, ’ka tin a gi blɛn, ’ka dɔ gligli blipale gi, wenu lé wa pla ka lɛ, a yɛrama, yé ’ka Bale bɔ vɔ kiɛre.
Kaa kaa mawenu faa yé Krist gi
(Jn 14:9–11; Rom 6:3–11; Éf 2:1–18)
8’Ka yuɛ pa kabozen va, té migi?-?vuruzan do é ka saan élé gikinidérenu lé woo sié gɔnɔlawe valé tɛrɛlawe va, ’té é ’ka sié Krist lé we paale va lo bɛ, wo nya lo. 9Naa, Krist kɔlɛ gi lé Kazambale dɔbɛ bozen lɛsɔɔlenu ke, 10yé kalé we faa lɛ a é sɔɔle Krist gi; é a la worona wemaplɛplɛzannu valé fɛ faa lé woo wo lɛdɔama, wo nwiinzan nya. 11Yé Krist gi lé wo ka gane dɔ, ganedɔle lé mi ’ka a kɛlɛ lɛ mi lɛ lo, a nya, naa, Krist lé ganedɔle lé ke kalé sɔnvɔle ka dɔbɛ kyɛn ma nya. 12Wo ka pa ékeva wo nya ka batizéwole nya, yé batizé nya lé ka nwa ékeva wo nya gamunu va, Kazambale lé é Jézu nwa gamunu va, ka bli vole alé plɛplɛ lɛ we ma. 13’Kaa lé ka ke é gale kalé we sɛrɛlenu valé kalé ganedɔlelo we ma, é ka béli ékeva Jézu nya, ka ma we vole nya kalé we sɛrɛle faa ma; 14bélidɔwenu lé wo ke é gyɛle sɛbɛ gi, ’té wo ke kaa ma, we dɔle kaa nwiin we ma bɛ, é wo fwi, yé é wo lɛ ga yiliblan ta. 15Yé la worona wemaplɛplɛzannu valé fɛnu faa lé wa lɛdɔama, é wo kele, yé guliwuo vo a lɛ a gale yiliblan ta we ma, yé é wo gyɛ yara nya gɔrɔ la.
’Ka lagi loru fɛnu nagini
(Rom 14:1–6, 17; Gal 4:9–11; Fil 3:18–21)
16Bɛwemalé, té ka nyi si léé, mi do é ka béli dɔ fɛblele koo, fɛminile koo, fɛti lé we koo, moné dɛrɛ lé we koo, flinyi lé we koo, wolé we ma lo. 17’Bɛ a wenu lé wo dan bɔ lɛ, wo furɔ nya, naa, kɔlɛ bozen a Krist nya. 18Munu lé ’wobo kɛlɛ kiéné mi yuɛ va, ’té woo lanjenu bɔa, té ’wo kalé za kɛlɛle ma ban so ka lee ’wolé blibɔmawe nya lo. ’Bɛ zo mi é ébo no élé yuɛziwenu lɛ, é fan boblɛn nya é pla é dɔbɛ kyɛn lé gibɔrɔle we ma. 19Yé Jézu lé é ke ’wuo nya, é ’ka paan ’bɛ ma lo, dɔlé ’té kɔlɛ faa lé é ke é kunle ékema, ’té é ke é zénle ékema plɛplɛ wɔlɛvɔna é ke ’léénu valé miinnu nya bɛ, ’wuo ma lé éé tin‐é, fɛ tinbɛ lé éé sié Kazambale va, a nya.
20Dé ka a é gale Krist va tɛrɛlafɛnu vazia, mɛmalé wo ke ka bélidɔna bélé fɛan zo lé ka a é yuɛma tɛrɛlamunu vazia, a zoo? 21Wo lé ka lɛ léé: Té ka a sia lo; té ka a dan ka nɛnɛ ma lo; té ka mane a ma lo. 22Wa fɛnu lé, dé wo wo si, wo dan nyaa lɛ, wo nya, we ’konu a munu lé bélidɔwenu valé wepaalenu nya. 23Wezen lé, we ’konu a munu yuɛ gi bélé wedɔɔle zo; woo Bale bɔa ’wobo lé plɛplɛ nya, woo ’wobo kɛla kiéné, woo nyané paan ’wobo kɔlɛ ta, azama. Naa, we ’konu tɔnɔ ’ka lo, wo sɔ mi dɔbɛ kyɛn lɛ é pla.
Currently Selected:
Kolɔs munu 2: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
Kolɔs munu 2
2
1Ka koo, Laodisé munu koo, munu faa lé wo ’ka tan an ye lɛ lo koo, ka ta guli lé maa ke a danna é a blɛn fɛan zo, é sɔ an lɛ léé, ka a dɔɔ. 2É sɔ an lɛ léé, wo é bli ’é dɔrala yé ’wo kɛlɛ mi do nya sɔlɛle gi, yé wo gi ’é kini boenwo Kazambale lé weyɔɔle dɔɔle we gi, ’bɛ gi léé, Krist. 3Gikinile valé wedɔɔle lé fɛwezannu faa a é yɔɔle yee ɛ gi.
4Maa a we ’ko fena léé, té mi do kpen é ka saan dabli dérenu nya lo we ma. 5Naa, dé maa ’ka ka va looo, an bli a ka va, yé maa a ye léé, we bilibili ’ka ka méléna lo, yé ka bli vo Krist lɛ tegele, amalé an gi nana.
6Ka Jézu Krist si kazan nya, amalé, sin, ’ka tawo a gi; 7ka suni ’é wɔra, ’ka tin a gi blɛn, ’ka dɔ gligli blipale gi, wenu lé wa pla ka lɛ, a yɛrama, yé ’ka Bale bɔ vɔ kiɛre.
Kaa kaa mawenu faa yé Krist gi
(Jn 14:9–11; Rom 6:3–11; Éf 2:1–18)
8’Ka yuɛ pa kabozen va, té migi?-?vuruzan do é ka saan élé gikinidérenu lé woo sié gɔnɔlawe valé tɛrɛlawe va, ’té é ’ka sié Krist lé we paale va lo bɛ, wo nya lo. 9Naa, Krist kɔlɛ gi lé Kazambale dɔbɛ bozen lɛsɔɔlenu ke, 10yé kalé we faa lɛ a é sɔɔle Krist gi; é a la worona wemaplɛplɛzannu valé fɛ faa lé woo wo lɛdɔama, wo nwiinzan nya. 11Yé Krist gi lé wo ka gane dɔ, ganedɔle lé mi ’ka a kɛlɛ lɛ mi lɛ lo, a nya, naa, Krist lé ganedɔle lé ke kalé sɔnvɔle ka dɔbɛ kyɛn ma nya. 12Wo ka pa ékeva wo nya ka batizéwole nya, yé batizé nya lé ka nwa ékeva wo nya gamunu va, Kazambale lé é Jézu nwa gamunu va, ka bli vole alé plɛplɛ lɛ we ma. 13’Kaa lé ka ke é gale kalé we sɛrɛlenu valé kalé ganedɔlelo we ma, é ka béli ékeva Jézu nya, ka ma we vole nya kalé we sɛrɛle faa ma; 14bélidɔwenu lé wo ke é gyɛle sɛbɛ gi, ’té wo ke kaa ma, we dɔle kaa nwiin we ma bɛ, é wo fwi, yé é wo lɛ ga yiliblan ta. 15Yé la worona wemaplɛplɛzannu valé fɛnu faa lé wa lɛdɔama, é wo kele, yé guliwuo vo a lɛ a gale yiliblan ta we ma, yé é wo gyɛ yara nya gɔrɔ la.
’Ka lagi loru fɛnu nagini
(Rom 14:1–6, 17; Gal 4:9–11; Fil 3:18–21)
16Bɛwemalé, té ka nyi si léé, mi do é ka béli dɔ fɛblele koo, fɛminile koo, fɛti lé we koo, moné dɛrɛ lé we koo, flinyi lé we koo, wolé we ma lo. 17’Bɛ a wenu lé wo dan bɔ lɛ, wo furɔ nya, naa, kɔlɛ bozen a Krist nya. 18Munu lé ’wobo kɛlɛ kiéné mi yuɛ va, ’té woo lanjenu bɔa, té ’wo kalé za kɛlɛle ma ban so ka lee ’wolé blibɔmawe nya lo. ’Bɛ zo mi é ébo no élé yuɛziwenu lɛ, é fan boblɛn nya é pla é dɔbɛ kyɛn lé gibɔrɔle we ma. 19Yé Jézu lé é ke ’wuo nya, é ’ka paan ’bɛ ma lo, dɔlé ’té kɔlɛ faa lé é ke é kunle ékema, ’té é ke é zénle ékema plɛplɛ wɔlɛvɔna é ke ’léénu valé miinnu nya bɛ, ’wuo ma lé éé tin‐é, fɛ tinbɛ lé éé sié Kazambale va, a nya.
20Dé ka a é gale Krist va tɛrɛlafɛnu vazia, mɛmalé wo ke ka bélidɔna bélé fɛan zo lé ka a é yuɛma tɛrɛlamunu vazia, a zoo? 21Wo lé ka lɛ léé: Té ka a sia lo; té ka a dan ka nɛnɛ ma lo; té ka mane a ma lo. 22Wa fɛnu lé, dé wo wo si, wo dan nyaa lɛ, wo nya, we ’konu a munu lé bélidɔwenu valé wepaalenu nya. 23Wezen lé, we ’konu a munu yuɛ gi bélé wedɔɔle zo; woo Bale bɔa ’wobo lé plɛplɛ nya, woo ’wobo kɛla kiéné, woo nyané paan ’wobo kɔlɛ ta, azama. Naa, we ’konu tɔnɔ ’ka lo, wo sɔ mi dɔbɛ kyɛn lɛ é pla.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979