Kɛkolu 23
23
1Wo kɛ, Pɔli k'i ɲa lɔ kititɛɛjama lɔ k'a fɔ ai yɛ, a vɛɛ: «M̀ badenmalu, m̀'ɛ ǹa dunuɲalɔtɛɛ kɛ ǹ joso sɛnɛyanin vɛ Ala ɲakɔlɔ haan fɔɔ ka na sii bi la.» 2Wo fɔ, salakalase kuntiiba Ananiya ka jamali di Pɔli tɔɔfɛ mɔɔlu ma ko ai y'a da te. 3#Matiyu 23.27, 28.Pɔli do vɛɛ a yɛ: «Ala kɛtɔ i gbasila, ile min kɛnin iwo bon kein kɔ! I siinin jan ka ǹa kiti tɛɛ ka bɛn Nabi Musa ya seliya le ma, kɛɛ ile gbu vɛ seliya tiɲa, kamasɔlɔn i na jamali dila ko ai yi m̀ gbasi.»
4A tɔɔfɛ mɔɔlu do vɛɛ a yɛ: «I yi salakalase kuntiiba le jɛvɛla tan?»
5Pɔli do vɛɛ ai yɛ: «M̀ badenmalu, ǹ tɛɛ m'a lɔn ko salakalase kuntiiba le a le, kamasɔlɔn a sɛvɛnin kitabu kɔnɔ, ko: ‹I kà kuma yon fɔ iya mɔɔlu kuntii ma.› »
6 #
Kɛkolu 26.5; Filipikalu 3.5. Pɔli k'a ye ko kititɛɛjama falannin tɛɛ a ma, a dɔlu tɛɛ Sadusi le, a dɔlu tɛɛ Falisi le. Wo lɔ, Pɔli k'a kan labɔ k'a fɔ kititɛɛjama yɛ, a vɛɛ: «M̀ badenmalu, Falisi le ǹ ne. Ǹ fa fana yi Falisi le le. Kiti bilanin ǹ na bi kamasɔlɔn ǹ jei siinin fulenilu lawuliko le la.»
7Wo fɔ Pɔli bolo, sɔsɔyali k'i wuli Falisilu ni Sadusilu tɛma, ado jama lɔ ka tala fila le. 8#Matiyu 22.23; Malɛkɛ 12.18; Luka 20.27.Kamasɔlɔn Sadusilu y'a fɔla ko fulenilu lawuliko tɛ tuɲa le, ko mɛlɛkalu tɛ je, kumatɛ niilu ma, kɛɛ Falisilu limaniyanin wo bɛ le ma.
9Wo ka kɛ sɔɔnsɔɔn ba le. Seliya kalanmɔɔ minu tɛɛ Falisilu tɛma, wo dɔlu v'i wulila ka sɔsɔyali kɛ kosɛvɛ, ai vɛɛ: «Mɔ ma koyon foi ye kɛ́ min na. Tumadɔ nii niwotɛ mɛlɛka dɔ le na kumala a fɛ.» 10Sɔsɔyali ka kɛwonya haan fɔɔ sɔdasi kuntiiba ka siyan ko ai kana ai ben Pɔli kan k'a lɔfalafala. Wo lɔ, a ka jamali di aa sɔdasilu ma ko ai yi Pɔli labɔ jama tɛma fanga la, ka taa a le sɔdasilu ya bonba la.
11Wo lon su lɔ, mɔ Tii k'i lɔ Pɔli dafɛ k'a fɔ a yɛ, a vɛɛ: «I josolagbeleya. I na seleya dila ka bɛn m̀ ma teme Jelusalɛmu, i ka kan ka a di ten ne Lɔmu fana.»
Jahudiya dɔlu ka janva lasii Pɔli ma teme
12Kɛnɛ bɔnin, Jahudiya dɔlu ka janva lasii k'ai sɛ ko ai tɛnala dɔnni kɛla, kumatɛ k'i min, ni ai ma Pɔli faa. 13Mɔɔ binaani (40) ni kɔ le ka janva wo lasii. 14Ai do ka taa salakalase kuntiibalu ni kɛmɔbalu fɛlɔ k'a fɔ ai yɛ, ai vɛɛ: «Mɔ na mɔ sɛla k'a fɔ ko mɔ tɛnala dɔnni kɛla fɔ mɔ vɛ banna Pɔli faala. 15Wo le y'a ma, fɔ àilu ni kititɛɛjama yi samakan lataa sɔdasi kuntiiba ma k'a dali ko a yi Pɔli lana ài ma, fɔsa ài y'aa ko ɲabɔ kobɛn. Mɔ kɛtɔ mɔ lɔbɛnna a faako lɔ jani a yi se jan.»
16Kɛɛ Pɔli bainni dɔ k'aiya janva ko wo mɛn mingɛ, a ka taa sɔdasilu ya bonba la k'a ɲafɔ Pɔli yɛ. 17Wo lɔ, Pɔli ka sɔdasi kuntii dɔ kili k'a fɔ a yɛ, a vɛɛ: «I yi taa kavelen min ne sɔdasi kuntiiba fɛlɔ. Kuma dɔ y'a fɛ k'a fɔ a yɛ.»
18Wo fɔ a bolo, sɔdasi kuntii ka taa kavelen ne aa kuntiiba fɛlɔ k'a fɔ a yɛ, a vɛɛ: «Kasoden min tɔɔ yi ko Pɔli, wo na ǹ kilila ka ǹ dali ko ǹ'i na kavelen min ne i fɛlɔ, kamasɔlɔn kuma dɔ y'a fɛ k'a fɔ i yɛ.»
19Wo kɛ, sɔdasi kuntiiba ka kavelen mina a bolo ma k'i mataa mɔɔlu la k'a maɲininga, a vɛɛ: «Mindɛ le y'i fɛ k'a fɔ ǹ yɛ?»
20Kavelen do vɛɛ a yɛ: «Jahudiya dɔlu vɛ bɛn kan kelen ma ko ai kɛtɔ i dalila sinin, ko i yi taa Pɔli le kititɛɛjama fɛ fɔsa ai y'aa ko ɲabɔ kobɛn. 21Kɛɛ i kà diɲa wo ma, kamasɔlɔn mɔɔ binaani (40) ni kɔ kɔngɔnin a la siya la, minu vɛ ai sɛ ko ai tɛnala dɔnni kɛla, kumatɛ k'i min, fɔ ai vɛ banna Pɔli faala. Ai lɔbɛnyine, ai i diɲako le makɔnɔna butu.»
22Sɔdasi kuntiiba ka kavelen labila k'a fɔ a yɛ k'a magbeleya, a vɛɛ: «I kà fɔ mɔɔ suu suu yɛ ko i vɛ min lase m̀ ma.»
Sɔdasi kuntiiba ka Pɔli lataa jamanatii Felisi ma teme
23Wo kɛ, kuntiiba wo ka sɔdasi kuntii fila kili k'a fɔ ai yɛ, a vɛɛ: «Ài yi sɔdasi mɔɔ kɛmɛ fila (200) lɔbɛn ani sootii biwolowulan (70) ni tamatii kɛmɛ fila (200). Su vɛ kola, ài bɛ yi taa Sezale so kɔnɔ. 24Ài yi soo dɔlu lɔbɛn Pɔli yɛ fana ka taa a kɛnɛyanin ne jamanatii Felisi fɛlɔ.»
25A do ka sɛvɛ lɔbɛn k'a don ai bolo. A na min sɛvɛla, wo le min ne, ko:
26«Ǹe Kulodi Lisiya le yi sɛvɛ min lataala jamanatii ba Felisi ma. Ǹ'i fola. 27Jahudiyalu na kɛ́ min minala. Ai tɛɛ a faa boloma mingɛ, ǹ ka taa ǹa sɔdasilu fɛ k'a lakisi, kamasɔlɔn ǹ n'a mɛnna ko Lɔmu duulen ne a le. 28Jahudiyalu tɛɛ a jalakila kun min na, ǹ tɛɛ a fɛ ka wo lɔn. Wo lɔ, ǹ ka taa a le aiya kititɛɛjama fɛ. 29Ǹ k'a ye ko a ma ko kɛ min yi kɛ a faa kun ne, niwotɛ aa kasolabila kun ne. Mafɔ, ai tɛɛ a jalakila ka bɛn ai ta seliyakolu le ma dein. 30Ǹ k'a mɛn mingɛ ko janva le lasiinin a ma, ǹ k'a lataa i fɛlɔ telemanin. Ado ǹ k'a fɔ a jalakibalu yɛ, ǹ ko, ai yi taa a makojiya i fɛlɔ.»
31Wo lɔ, sɔdasilu k'a kɛ iwo aiya kuntiiba k'ai jamali teme. Ai ka taa Pɔli le haan fɔɔ Andipatili so kɔnɔ su wo lɔ. 32Wo kɛnɛbɔlon, sɔdasi minu tɛɛ ai sen ma, wolu ka seikɔ aiya bonba la. A minu tɛɛ soolu kɔkan, wolu ka siya mina ka taa Pɔli le. 33Ai ka se mingɛ Sezale, ai ka sɛvɛ di jamanatii ma ka Pɔli don a bolo. 34Jamanatii ka sɛvɛ kalan mingɛ, a ka Pɔli maɲininga ka bɛn a bɔya ma. A k'a lɔn mingɛ ko Pɔli yi bɔla Silisiya koovi le lɔ, 35a k'a fɔ a yɛ, a vɛɛ: «I jalakibalu vɛ nala, ǹ kɛtɔ ǹ tolomalɔla i la.» Jamanatii ka jamali di ko ai yi Pɔli lakana masabonba la, masakɛ kɔlɔ Helodi na min lɔla.
Currently Selected:
Kɛkolu 23: MBT2023
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023
Kɛkolu 23
23
1Wo kɛ, Pɔli k'i ɲa lɔ kititɛɛjama lɔ k'a fɔ ai yɛ, a vɛɛ: «M̀ badenmalu, m̀'ɛ ǹa dunuɲalɔtɛɛ kɛ ǹ joso sɛnɛyanin vɛ Ala ɲakɔlɔ haan fɔɔ ka na sii bi la.» 2Wo fɔ, salakalase kuntiiba Ananiya ka jamali di Pɔli tɔɔfɛ mɔɔlu ma ko ai y'a da te. 3#Matiyu 23.27, 28.Pɔli do vɛɛ a yɛ: «Ala kɛtɔ i gbasila, ile min kɛnin iwo bon kein kɔ! I siinin jan ka ǹa kiti tɛɛ ka bɛn Nabi Musa ya seliya le ma, kɛɛ ile gbu vɛ seliya tiɲa, kamasɔlɔn i na jamali dila ko ai yi m̀ gbasi.»
4A tɔɔfɛ mɔɔlu do vɛɛ a yɛ: «I yi salakalase kuntiiba le jɛvɛla tan?»
5Pɔli do vɛɛ ai yɛ: «M̀ badenmalu, ǹ tɛɛ m'a lɔn ko salakalase kuntiiba le a le, kamasɔlɔn a sɛvɛnin kitabu kɔnɔ, ko: ‹I kà kuma yon fɔ iya mɔɔlu kuntii ma.› »
6 #
Kɛkolu 26.5; Filipikalu 3.5. Pɔli k'a ye ko kititɛɛjama falannin tɛɛ a ma, a dɔlu tɛɛ Sadusi le, a dɔlu tɛɛ Falisi le. Wo lɔ, Pɔli k'a kan labɔ k'a fɔ kititɛɛjama yɛ, a vɛɛ: «M̀ badenmalu, Falisi le ǹ ne. Ǹ fa fana yi Falisi le le. Kiti bilanin ǹ na bi kamasɔlɔn ǹ jei siinin fulenilu lawuliko le la.»
7Wo fɔ Pɔli bolo, sɔsɔyali k'i wuli Falisilu ni Sadusilu tɛma, ado jama lɔ ka tala fila le. 8#Matiyu 22.23; Malɛkɛ 12.18; Luka 20.27.Kamasɔlɔn Sadusilu y'a fɔla ko fulenilu lawuliko tɛ tuɲa le, ko mɛlɛkalu tɛ je, kumatɛ niilu ma, kɛɛ Falisilu limaniyanin wo bɛ le ma.
9Wo ka kɛ sɔɔnsɔɔn ba le. Seliya kalanmɔɔ minu tɛɛ Falisilu tɛma, wo dɔlu v'i wulila ka sɔsɔyali kɛ kosɛvɛ, ai vɛɛ: «Mɔ ma koyon foi ye kɛ́ min na. Tumadɔ nii niwotɛ mɛlɛka dɔ le na kumala a fɛ.» 10Sɔsɔyali ka kɛwonya haan fɔɔ sɔdasi kuntiiba ka siyan ko ai kana ai ben Pɔli kan k'a lɔfalafala. Wo lɔ, a ka jamali di aa sɔdasilu ma ko ai yi Pɔli labɔ jama tɛma fanga la, ka taa a le sɔdasilu ya bonba la.
11Wo lon su lɔ, mɔ Tii k'i lɔ Pɔli dafɛ k'a fɔ a yɛ, a vɛɛ: «I josolagbeleya. I na seleya dila ka bɛn m̀ ma teme Jelusalɛmu, i ka kan ka a di ten ne Lɔmu fana.»
Jahudiya dɔlu ka janva lasii Pɔli ma teme
12Kɛnɛ bɔnin, Jahudiya dɔlu ka janva lasii k'ai sɛ ko ai tɛnala dɔnni kɛla, kumatɛ k'i min, ni ai ma Pɔli faa. 13Mɔɔ binaani (40) ni kɔ le ka janva wo lasii. 14Ai do ka taa salakalase kuntiibalu ni kɛmɔbalu fɛlɔ k'a fɔ ai yɛ, ai vɛɛ: «Mɔ na mɔ sɛla k'a fɔ ko mɔ tɛnala dɔnni kɛla fɔ mɔ vɛ banna Pɔli faala. 15Wo le y'a ma, fɔ àilu ni kititɛɛjama yi samakan lataa sɔdasi kuntiiba ma k'a dali ko a yi Pɔli lana ài ma, fɔsa ài y'aa ko ɲabɔ kobɛn. Mɔ kɛtɔ mɔ lɔbɛnna a faako lɔ jani a yi se jan.»
16Kɛɛ Pɔli bainni dɔ k'aiya janva ko wo mɛn mingɛ, a ka taa sɔdasilu ya bonba la k'a ɲafɔ Pɔli yɛ. 17Wo lɔ, Pɔli ka sɔdasi kuntii dɔ kili k'a fɔ a yɛ, a vɛɛ: «I yi taa kavelen min ne sɔdasi kuntiiba fɛlɔ. Kuma dɔ y'a fɛ k'a fɔ a yɛ.»
18Wo fɔ a bolo, sɔdasi kuntii ka taa kavelen ne aa kuntiiba fɛlɔ k'a fɔ a yɛ, a vɛɛ: «Kasoden min tɔɔ yi ko Pɔli, wo na ǹ kilila ka ǹ dali ko ǹ'i na kavelen min ne i fɛlɔ, kamasɔlɔn kuma dɔ y'a fɛ k'a fɔ i yɛ.»
19Wo kɛ, sɔdasi kuntiiba ka kavelen mina a bolo ma k'i mataa mɔɔlu la k'a maɲininga, a vɛɛ: «Mindɛ le y'i fɛ k'a fɔ ǹ yɛ?»
20Kavelen do vɛɛ a yɛ: «Jahudiya dɔlu vɛ bɛn kan kelen ma ko ai kɛtɔ i dalila sinin, ko i yi taa Pɔli le kititɛɛjama fɛ fɔsa ai y'aa ko ɲabɔ kobɛn. 21Kɛɛ i kà diɲa wo ma, kamasɔlɔn mɔɔ binaani (40) ni kɔ kɔngɔnin a la siya la, minu vɛ ai sɛ ko ai tɛnala dɔnni kɛla, kumatɛ k'i min, fɔ ai vɛ banna Pɔli faala. Ai lɔbɛnyine, ai i diɲako le makɔnɔna butu.»
22Sɔdasi kuntiiba ka kavelen labila k'a fɔ a yɛ k'a magbeleya, a vɛɛ: «I kà fɔ mɔɔ suu suu yɛ ko i vɛ min lase m̀ ma.»
Sɔdasi kuntiiba ka Pɔli lataa jamanatii Felisi ma teme
23Wo kɛ, kuntiiba wo ka sɔdasi kuntii fila kili k'a fɔ ai yɛ, a vɛɛ: «Ài yi sɔdasi mɔɔ kɛmɛ fila (200) lɔbɛn ani sootii biwolowulan (70) ni tamatii kɛmɛ fila (200). Su vɛ kola, ài bɛ yi taa Sezale so kɔnɔ. 24Ài yi soo dɔlu lɔbɛn Pɔli yɛ fana ka taa a kɛnɛyanin ne jamanatii Felisi fɛlɔ.»
25A do ka sɛvɛ lɔbɛn k'a don ai bolo. A na min sɛvɛla, wo le min ne, ko:
26«Ǹe Kulodi Lisiya le yi sɛvɛ min lataala jamanatii ba Felisi ma. Ǹ'i fola. 27Jahudiyalu na kɛ́ min minala. Ai tɛɛ a faa boloma mingɛ, ǹ ka taa ǹa sɔdasilu fɛ k'a lakisi, kamasɔlɔn ǹ n'a mɛnna ko Lɔmu duulen ne a le. 28Jahudiyalu tɛɛ a jalakila kun min na, ǹ tɛɛ a fɛ ka wo lɔn. Wo lɔ, ǹ ka taa a le aiya kititɛɛjama fɛ. 29Ǹ k'a ye ko a ma ko kɛ min yi kɛ a faa kun ne, niwotɛ aa kasolabila kun ne. Mafɔ, ai tɛɛ a jalakila ka bɛn ai ta seliyakolu le ma dein. 30Ǹ k'a mɛn mingɛ ko janva le lasiinin a ma, ǹ k'a lataa i fɛlɔ telemanin. Ado ǹ k'a fɔ a jalakibalu yɛ, ǹ ko, ai yi taa a makojiya i fɛlɔ.»
31Wo lɔ, sɔdasilu k'a kɛ iwo aiya kuntiiba k'ai jamali teme. Ai ka taa Pɔli le haan fɔɔ Andipatili so kɔnɔ su wo lɔ. 32Wo kɛnɛbɔlon, sɔdasi minu tɛɛ ai sen ma, wolu ka seikɔ aiya bonba la. A minu tɛɛ soolu kɔkan, wolu ka siya mina ka taa Pɔli le. 33Ai ka se mingɛ Sezale, ai ka sɛvɛ di jamanatii ma ka Pɔli don a bolo. 34Jamanatii ka sɛvɛ kalan mingɛ, a ka Pɔli maɲininga ka bɛn a bɔya ma. A k'a lɔn mingɛ ko Pɔli yi bɔla Silisiya koovi le lɔ, 35a k'a fɔ a yɛ, a vɛɛ: «I jalakibalu vɛ nala, ǹ kɛtɔ ǹ tolomalɔla i la.» Jamanatii ka jamali di ko ai yi Pɔli lakana masabonba la, masakɛ kɔlɔ Helodi na min lɔla.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023