2 Kolɛntikalu 4
4
Ala ya nafolo ladalonin bɔɔdaalu kɔnɔ
1Komi baale min kalifanin mɔ la ka bɛn Ala ya henandeya le ma, wo le y'a ma, mɔ falilɔ tɛ teeyala. 2Ǹu koni v'i ban maloyakolu ma minu yi kɛla divi lɔ. Mɔ do tɛ gbanaya kɛla, kumatɛ ka Ala kumakan jɛlɛma. Mafɔ, m'i tuɲa le fɔla k'a lagbɛ, fɔsa bɛ y'a jate ai jɛlɛ kɔnɔ m'i mɔɔ suu min ne Ala ɲakɔlɔ. 3Ni do maa Samakan Kein lagbɛnin tɛ mɔɔ minu ɲana, wo vɛ kɛla, a lagbɛnin tɛ halakibatɔlu le ɲana. 4Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le. 5Mɔ tɛ kawanili kɛla ka bɛn mɔ jɛlɛ ma, mafɔ Masa Tɔɔmasenin Isa ya Tiiya. Ado mɔ vɛ mɔ jɛlɛ kɛ àiya jɔn ne ka bɛn Isa ya ko ma. 6Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.
7Kɛɛ Ala ya nafolo kalifanin ǹu minu la, mɔ kɛyine iwo bɔɔdaalu, k'a jiya ko fanga makawanin min bɔnin Ala le bolo, ǹu tɛ. 8Tɔlɔya yi siila mɔ la boloɲa bɛ ma, kɛɛ wo do tɛ mɔ lɔgbɛnɛngɛla. Mɔ kɔnɔlɔfilinin, kɛɛ mɔ jei tɛɛnin tɛ. 9Ai yi mɔ jangatala, kɛɛ Ala ma mɔ labila. Ai yi mɔ gbasila ka mɔ laben, kɛɛ mɔ ma halaki. 10Isa ya saya tɔlɔya ɲɔɔzii le yi lala mɔ falikolo kan waate bɛ, fɔsa aa niimaya fana la yi nkɛnɛmaya mɔ falikolo fɛ. 11Damanda m'i mɔ nii la, m'i saya le dakɔlɔ kudein Isa ya ko lɔ, fɔsa Isa ya niimaya la yi nkɛnɛmaya mɔ fali sata lɔ. 12Wo boloɲa ma, saya le yi baalela mɔ lɔ, kɛɛ niimaya le yi baalela àilu lɔ.
13A sɛvɛnin kitabu kɔnɔ, ko: «M̀'ɛ limaniya. Wo le n'a kɛla, ǹ na kumala.» Komi ǹu gbu vɛ limaniya wo boloɲa kelen ma, wo le y'a kɛla, m'i kumala. 14Ado mɔ k'a lɔn ne ko Ala min na mɔ Tii Isa lawulila ka bɔ saya lɔ, wo le kɛtɔ ǹu fana lawulila ka kɛ Isa fɛ, ka mɔ ni àilu bɛ ladɛn a ɲakɔlɔ. 15Tuɲa le, ko wo bɛ yi mɔ masɔlɔnna àiya ko le lɔ, fɔsa Ala ya nɛɛma la vɛ sena mɔɔ jilika jilika ma, ai yi balika bɔ Ala yɛ a magbiliyako lɔ.
16Wo le y'a ma, mɔ jei tɛɛnin tɛ. Hali ni mɔ falikolo fanga ma ka kɛ jiila, mɔ nii yi kɛla a kula le tele o tele. 17Ado m'i tɔlɔyani minu masɔlɔnna waateni kɔlɔ, wolu yi mɔ lɔbɛnna habadan magbiliyali le lɔ, min buɲanin ka timin tɔlɔya wolu la feu. 18Wo le y'a ma, mɔ ɲa lɔnin tɛ fen yentalu lɔ, mafɔ fen yenbalilu. Kamasɔlɔn fen yentalu bantɔle, kɛɛ fen yenbalilu tɛnala banna habadan.
Currently Selected:
2 Kolɛntikalu 4: MBT2023
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023
2 Kolɛntikalu 4
4
Ala ya nafolo ladalonin bɔɔdaalu kɔnɔ
1Komi baale min kalifanin mɔ la ka bɛn Ala ya henandeya le ma, wo le y'a ma, mɔ falilɔ tɛ teeyala. 2Ǹu koni v'i ban maloyakolu ma minu yi kɛla divi lɔ. Mɔ do tɛ gbanaya kɛla, kumatɛ ka Ala kumakan jɛlɛma. Mafɔ, m'i tuɲa le fɔla k'a lagbɛ, fɔsa bɛ y'a jate ai jɛlɛ kɔnɔ m'i mɔɔ suu min ne Ala ɲakɔlɔ. 3Ni do maa Samakan Kein lagbɛnin tɛ mɔɔ minu ɲana, wo vɛ kɛla, a lagbɛnin tɛ halakibatɔlu le ɲana. 4Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le. 5Mɔ tɛ kawanili kɛla ka bɛn mɔ jɛlɛ ma, mafɔ Masa Tɔɔmasenin Isa ya Tiiya. Ado mɔ vɛ mɔ jɛlɛ kɛ àiya jɔn ne ka bɛn Isa ya ko ma. 6Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.
7Kɛɛ Ala ya nafolo kalifanin ǹu minu la, mɔ kɛyine iwo bɔɔdaalu, k'a jiya ko fanga makawanin min bɔnin Ala le bolo, ǹu tɛ. 8Tɔlɔya yi siila mɔ la boloɲa bɛ ma, kɛɛ wo do tɛ mɔ lɔgbɛnɛngɛla. Mɔ kɔnɔlɔfilinin, kɛɛ mɔ jei tɛɛnin tɛ. 9Ai yi mɔ jangatala, kɛɛ Ala ma mɔ labila. Ai yi mɔ gbasila ka mɔ laben, kɛɛ mɔ ma halaki. 10Isa ya saya tɔlɔya ɲɔɔzii le yi lala mɔ falikolo kan waate bɛ, fɔsa aa niimaya fana la yi nkɛnɛmaya mɔ falikolo fɛ. 11Damanda m'i mɔ nii la, m'i saya le dakɔlɔ kudein Isa ya ko lɔ, fɔsa Isa ya niimaya la yi nkɛnɛmaya mɔ fali sata lɔ. 12Wo boloɲa ma, saya le yi baalela mɔ lɔ, kɛɛ niimaya le yi baalela àilu lɔ.
13A sɛvɛnin kitabu kɔnɔ, ko: «M̀'ɛ limaniya. Wo le n'a kɛla, ǹ na kumala.» Komi ǹu gbu vɛ limaniya wo boloɲa kelen ma, wo le y'a kɛla, m'i kumala. 14Ado mɔ k'a lɔn ne ko Ala min na mɔ Tii Isa lawulila ka bɔ saya lɔ, wo le kɛtɔ ǹu fana lawulila ka kɛ Isa fɛ, ka mɔ ni àilu bɛ ladɛn a ɲakɔlɔ. 15Tuɲa le, ko wo bɛ yi mɔ masɔlɔnna àiya ko le lɔ, fɔsa Ala ya nɛɛma la vɛ sena mɔɔ jilika jilika ma, ai yi balika bɔ Ala yɛ a magbiliyako lɔ.
16Wo le y'a ma, mɔ jei tɛɛnin tɛ. Hali ni mɔ falikolo fanga ma ka kɛ jiila, mɔ nii yi kɛla a kula le tele o tele. 17Ado m'i tɔlɔyani minu masɔlɔnna waateni kɔlɔ, wolu yi mɔ lɔbɛnna habadan magbiliyali le lɔ, min buɲanin ka timin tɔlɔya wolu la feu. 18Wo le y'a ma, mɔ ɲa lɔnin tɛ fen yentalu lɔ, mafɔ fen yenbalilu. Kamasɔlɔn fen yentalu bantɔle, kɛɛ fen yenbalilu tɛnala banna habadan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023