2 Kolɛntikalu 1
1
16 #Kɛkolu 18.1.Ǹe Pɔli min kɛnin Masa Tɔɔmasenin Isa ya keladen ne ka bɛn Ala sawo ma, ani mɔ badenma Timote, m'i lɛtɛlɛ min sɛvɛla k'a lataa Ala ya limaniyajama ma Kolɛnti so kɔnɔ, ani muminin minu bɛ yi Akayi koovi bɛ lakafonnin nɔ.
2Mɔ Fa Ala ni mɔ Tii Masa Tɔɔmasenin Isa ya nɛɛma yi kɛ ài yɛ, k'ài josolajii.
Pɔli yi Ala tanula
3Tanuli yi Ala yɛ, min kɛnin mɔ Tii Masa Tɔɔmasenin Isa Fa le, ale min yi mɔɔmaɲumayenba le, ado Ala le yi mɔ masawalila boloɲa suu bɛ ma. 4A do yi mɔ masawalila maa tɔlɔya bɛ le lɔ, fɔsa ǹu gbu yi se ka mɔɔ tɔlɔyanin suu bɛ masawali, iwo Ala na mɔ masawalila teme. 5Kamasɔlɔn mɔ fɛ bilanin Masa Tɔɔmasenin ya tɔlɔyalu la teme bɛlɛbɛlɛ kɛ, wo boloɲa kelen ma, Ala yi mɔ masawalila bubale ka bɛn Masa Tɔɔmasenin ne ma. 6Ni gbalo vɛ la mɔ kɔkan, wo kɛnin ài masawaliko ni àiya kisiko le lɔ. Ado ni mɔ ma vɛ sawali, wo kɛnin ài masawaliko le lɔ, ni ài ka maa tɔlɔya suu mina ài ma sawali boloma. 7Wo vɛ kɛla, mɔ jei tɛnala tɛɛla àiya ko lɔ tuun, kamasɔlɔn mɔ k'a lɔn ne ko ni ài ka maa tɔlɔya suu sɔlɔn, ài kɛtɔ maa masawali suu le sɔlɔnna fana.
8 #
1 Kolɛntikalu 15.32. Mɔ badenmalu, mɔ t'a fɛ ài yi to divi lɔ ka bɛn maa tɔlɔya ma, min na mɔ masɔlɔnna Esiya koovi lɔ. Mɔ lɔ na gbɛnɛla bubale haan fɔɔ ka se mɔ fanga dan ma, ado mɔ jei na tɛɛla mɔ kisiko lɔ. 9Tuɲa le, a tɛɛ mɔ kɔnɔ ko saya la vɛ tɛɛ mɔ ma. Kɛɛ wo kɛnin alako mɔ kana mɔ bolomala mɔ jɛlɛ ma, mafɔ Ala min yi fulenilu lawulila. 10Ale le na mɔ lakisila masuwako wo ma, a do kɛtɔ mɔ lakisila kɔtunun. Mɔ jei siinin ale le la k'a fɔ ko a kɛtɔ tola mɔ lakisila ten ne. 11Àilu fana yi mɔ madɛmɛn ka Ala dali mɔ yɛ, fɔsa mɔɔ siyama yi balika bɔ Ala yɛ maa ko lɔ, ka bɛn nɛɛma min kɛtɔ mɔ yɛ kamasɔlɔn mɔɔ siyama ya duwawu le fɛ.
Pɔli taako ka bɔ a ma teme
12Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ. 13Mɔ tɛ ko ko si sɛvɛla ài ma, ni ài tɛ se min kalanna k'a ɲaye. Ǹ jii y'a ma le k'a fɔ ko ài kɛtɔ mɔ ɲayena bɛlɛbɛlɛ kɛ, 14iwo ài vɛ mɔ ɲaye dɔni ne teme. Wo vɛ kɛla, mɔ Tii Isa nalon vɛ sena, m'i kɛle àiya ɲalɔkɛnɛya sabu le, iwo àilu fana kɛtɔ maa ɲalɔkɛnɛya sabu le teme.
15Komi ǹ layine tɛɛ wo la kosɛvɛ, ǹ tɛɛ a fɛ ka taa bɔ ài ma kunfɔlɔ le, fɔsa ài yi duwawu sɔlɔn siɲa fila le. 16#Kɛkolu 19.21.Ǹ tɛɛ taala Masaduwani koovi lɔ waate min nɔ, a lɔɔ tɛɛ ǹ na ka taa bɔ ài ma, ka ban ka bɔ Masaduwani ka na ài fɛlɔ kɔtunun. Ni wo tɛɛ ka kɛ, ài tɛɛ sene ka m̀ makolaɲiafen di m̀ ma ka ǹ lase Jude koovi lɔ. 17Ǹ na ko wo jatesiila waate min nɔ, jalasa ǹ tɛɛ ko tisitasa le la wo le? Jalasa ǹ'i ǹa kolatɛɛninnu kɛla ka bɛn dunuɲamɔɔlu kɛɲa le ma k'a fɔ «aan» niwotɛ «ɛnɛn» waate kelen nɔ? 18Damanda Ala yi lanande le le, a yi ǹ sele le k'a fɔ ko ǹ na min fɔla ài yɛ, wo ma kɛ «aan» ni «ɛnɛn» ko le. 19#Kɛkolu 18.5.Kamasɔlɔn Ala Denkɛ Masa Tɔɔmasenin Isa, ǹe ni Silasi ni Timote na min ya ko lasena ài ma, wo ya ko ma kɛ «aan» ni «ɛnɛn» ko le, mafɔ aa ko yi «aan» ko le le kudein. 20Kamasɔlɔn Ala na lahedi suu suu tala, wo bɛ ma yi fala Isa le sabu la. Wo le y'a kɛla, m'a fɔla «amiina» ka bɛn ale le ma, Ala magbiliyako lɔ. 21Ado Ala gbu yi mɔ ni àilu lasawatila Masa Tɔɔmasenin ya kafonɲɔɔya le lɔ. Ale le na mɔ tala, 22ka tɔɔmase bila mɔ ma, ani ka Nii Sɛnɛyanin don mɔ josokun nɔ iwo tɔima ka bɛn koɲuma natɔlu ma.
23Ala yi ǹ sele le, a do ka ǹ josokun lɔn, ǹ ko, m̀ ma ǹ kɔsei ài fɛlɔ Kolɛnti fɔsa ǹ kana ko lɔgbeleyanin sii ài la. 24A tɛ k'a fɔ ko mɔ vɛ mɔ jɛlɛ kɛ àiya kuntii le limaniyakolu lɔ, mafɔ baalekɛɲɔɔma le mɔ le ài lasawako lɔ, kamasɔlɔn mɔ k'a lɔn ne ko ài lɔgbeleyayine limaniya lɔ feu.
Currently Selected:
2 Kolɛntikalu 1: MBT2023
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023
2 Kolɛntikalu 1
1
16 #Kɛkolu 18.1.Ǹe Pɔli min kɛnin Masa Tɔɔmasenin Isa ya keladen ne ka bɛn Ala sawo ma, ani mɔ badenma Timote, m'i lɛtɛlɛ min sɛvɛla k'a lataa Ala ya limaniyajama ma Kolɛnti so kɔnɔ, ani muminin minu bɛ yi Akayi koovi bɛ lakafonnin nɔ.
2Mɔ Fa Ala ni mɔ Tii Masa Tɔɔmasenin Isa ya nɛɛma yi kɛ ài yɛ, k'ài josolajii.
Pɔli yi Ala tanula
3Tanuli yi Ala yɛ, min kɛnin mɔ Tii Masa Tɔɔmasenin Isa Fa le, ale min yi mɔɔmaɲumayenba le, ado Ala le yi mɔ masawalila boloɲa suu bɛ ma. 4A do yi mɔ masawalila maa tɔlɔya bɛ le lɔ, fɔsa ǹu gbu yi se ka mɔɔ tɔlɔyanin suu bɛ masawali, iwo Ala na mɔ masawalila teme. 5Kamasɔlɔn mɔ fɛ bilanin Masa Tɔɔmasenin ya tɔlɔyalu la teme bɛlɛbɛlɛ kɛ, wo boloɲa kelen ma, Ala yi mɔ masawalila bubale ka bɛn Masa Tɔɔmasenin ne ma. 6Ni gbalo vɛ la mɔ kɔkan, wo kɛnin ài masawaliko ni àiya kisiko le lɔ. Ado ni mɔ ma vɛ sawali, wo kɛnin ài masawaliko le lɔ, ni ài ka maa tɔlɔya suu mina ài ma sawali boloma. 7Wo vɛ kɛla, mɔ jei tɛnala tɛɛla àiya ko lɔ tuun, kamasɔlɔn mɔ k'a lɔn ne ko ni ài ka maa tɔlɔya suu sɔlɔn, ài kɛtɔ maa masawali suu le sɔlɔnna fana.
8 #
1 Kolɛntikalu 15.32. Mɔ badenmalu, mɔ t'a fɛ ài yi to divi lɔ ka bɛn maa tɔlɔya ma, min na mɔ masɔlɔnna Esiya koovi lɔ. Mɔ lɔ na gbɛnɛla bubale haan fɔɔ ka se mɔ fanga dan ma, ado mɔ jei na tɛɛla mɔ kisiko lɔ. 9Tuɲa le, a tɛɛ mɔ kɔnɔ ko saya la vɛ tɛɛ mɔ ma. Kɛɛ wo kɛnin alako mɔ kana mɔ bolomala mɔ jɛlɛ ma, mafɔ Ala min yi fulenilu lawulila. 10Ale le na mɔ lakisila masuwako wo ma, a do kɛtɔ mɔ lakisila kɔtunun. Mɔ jei siinin ale le la k'a fɔ ko a kɛtɔ tola mɔ lakisila ten ne. 11Àilu fana yi mɔ madɛmɛn ka Ala dali mɔ yɛ, fɔsa mɔɔ siyama yi balika bɔ Ala yɛ maa ko lɔ, ka bɛn nɛɛma min kɛtɔ mɔ yɛ kamasɔlɔn mɔɔ siyama ya duwawu le fɛ.
Pɔli taako ka bɔ a ma teme
12Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ. 13Mɔ tɛ ko ko si sɛvɛla ài ma, ni ài tɛ se min kalanna k'a ɲaye. Ǹ jii y'a ma le k'a fɔ ko ài kɛtɔ mɔ ɲayena bɛlɛbɛlɛ kɛ, 14iwo ài vɛ mɔ ɲaye dɔni ne teme. Wo vɛ kɛla, mɔ Tii Isa nalon vɛ sena, m'i kɛle àiya ɲalɔkɛnɛya sabu le, iwo àilu fana kɛtɔ maa ɲalɔkɛnɛya sabu le teme.
15Komi ǹ layine tɛɛ wo la kosɛvɛ, ǹ tɛɛ a fɛ ka taa bɔ ài ma kunfɔlɔ le, fɔsa ài yi duwawu sɔlɔn siɲa fila le. 16#Kɛkolu 19.21.Ǹ tɛɛ taala Masaduwani koovi lɔ waate min nɔ, a lɔɔ tɛɛ ǹ na ka taa bɔ ài ma, ka ban ka bɔ Masaduwani ka na ài fɛlɔ kɔtunun. Ni wo tɛɛ ka kɛ, ài tɛɛ sene ka m̀ makolaɲiafen di m̀ ma ka ǹ lase Jude koovi lɔ. 17Ǹ na ko wo jatesiila waate min nɔ, jalasa ǹ tɛɛ ko tisitasa le la wo le? Jalasa ǹ'i ǹa kolatɛɛninnu kɛla ka bɛn dunuɲamɔɔlu kɛɲa le ma k'a fɔ «aan» niwotɛ «ɛnɛn» waate kelen nɔ? 18Damanda Ala yi lanande le le, a yi ǹ sele le k'a fɔ ko ǹ na min fɔla ài yɛ, wo ma kɛ «aan» ni «ɛnɛn» ko le. 19#Kɛkolu 18.5.Kamasɔlɔn Ala Denkɛ Masa Tɔɔmasenin Isa, ǹe ni Silasi ni Timote na min ya ko lasena ài ma, wo ya ko ma kɛ «aan» ni «ɛnɛn» ko le, mafɔ aa ko yi «aan» ko le le kudein. 20Kamasɔlɔn Ala na lahedi suu suu tala, wo bɛ ma yi fala Isa le sabu la. Wo le y'a kɛla, m'a fɔla «amiina» ka bɛn ale le ma, Ala magbiliyako lɔ. 21Ado Ala gbu yi mɔ ni àilu lasawatila Masa Tɔɔmasenin ya kafonɲɔɔya le lɔ. Ale le na mɔ tala, 22ka tɔɔmase bila mɔ ma, ani ka Nii Sɛnɛyanin don mɔ josokun nɔ iwo tɔima ka bɛn koɲuma natɔlu ma.
23Ala yi ǹ sele le, a do ka ǹ josokun lɔn, ǹ ko, m̀ ma ǹ kɔsei ài fɛlɔ Kolɛnti fɔsa ǹ kana ko lɔgbeleyanin sii ài la. 24A tɛ k'a fɔ ko mɔ vɛ mɔ jɛlɛ kɛ àiya kuntii le limaniyakolu lɔ, mafɔ baalekɛɲɔɔma le mɔ le ài lasawako lɔ, kamasɔlɔn mɔ k'a lɔn ne ko ài lɔgbeleyayine limaniya lɔ feu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023