Filipi 2
2
Fakatakitaki ki te Lotomaulalo o Keliho
1Ko te olaga o koutou i te māfutaga ma Keliho e mākekeke ai koutou, ma ko tona alofa e fakamāfanafana kia te koutou. Kua i te māfutaga fakatahi koutou ma te Agaga, ma kua ia te koutou te agalelei ma te agaalofa o tētahi ki tētahi. 2Ko au la e naunau lele ke fakakātoatoa e koutou toku fiafia, kāfai koutou e tahi i te manatu, tahi i te alofa, ma tahi i te loto ma te māfaufau. 3Nahe faia lele he mea e koutou e ala i te manatu fakapito, pe i te fāfia; kae fai i te lotomaulalo, ma ke fakamuamua lava te manatu, e hili atu te tāua o iētahi tino i lo koutou. 4Ma kikila ki nā mea e manuia fakatahi ai koutou, kae nahe kikila lava te tino mo ia lava. 5Ke vē outou manatu ko nā manatu nae ia Keliho Iehu:
6Nae ia te ia lava te nātula o te Atua,
kae na hēki fofou ke tūmau
te tutuha o ia ma te Atua.
7Kae na loto lava ia ke tīaki
iēnei mea uma kua ia te ia,
ma ke kavea ia ke vē he kaukauna.
Na kavea ia e vē he tagataola,
na kitea ia i tona tino tagataola.
8Ma i tona itū tagataola,
nae lotomaulalo ma uhitaki pea lava
ke pa ki tona mate i luga o te hātaulo.
9Ko te mea ia kua fakaeke ai ia e te Atua,
ki te mea e pito hili te maualuga i luga
ma fōki ki ei te igoa e pito hili te tāua i lo hētahi igoa.
10Ma ki te mamalu o te igoa o Iehu,
ko tagata ma agaga uma e iei te ola
i te lagi, i te lalolagi, ma i te lalolagi i lalo#2.10 lalolagi i lalo Nae iei te talitonuga ko nā tino kua oti e nonofo i te lalolagi pōuli i te lolotoga o te kelekele
ka tōtutuli ma ifo atu kia te ia,#Iha 45.23 (LXX)
11ma ka takutaku atu e laulaufaiva uma,
ko Iehu Keliho ko te Aliki,
ke vīkia ai te Atua te Tamana.
Huhulu atu e vē ni Mōlī i te Lalolagi
12Ko te mea ia te kau uho pele, e vē ona uhitaki mai koutou kia te au i nā taimi uma nae māfuta ai kitātou, ka hili atu la te tāua ke uhitaki mai koutou kia te au, i te taimi tēnei e hē i kinā ai au ma koutou. Ke tūmau pea te koutou gālulue i te mataku ma te gatete, ke kātoatoa ai te koutou fakaolataga, 13auā ko te Atua e galue pea lava i taimi uma i loto ia te koutou, ke mafai ai ke iei outou loto ma uhitaki ki te mea e finagalo ia ki ei.
14Fai autou gāluega uma e aunoa ma te mūimui pe tauaimiha, 15kae ke hē taku hehē ai koutou ma mamā kātoatoa, koutou te fānau a te Atua e nonofo i he lalolagi o tagata āmio pikopiko ma agahala. E tatau koutou ke huhulu atu e vē ni fetū pupula e māinafia ai te lagi, #Teu 32.5 16i nā taimi e folafola ai e koutou te fekau o te ola. Kāfai e koutou faia te mea tēnei, ka fai tēnā ma mea e fāfia ai au i te Aho o Keliho, auā e fakaali mai i kinā, ko aku taumafaiga uma ma aku gāluega, e hēki māumau.
17E tuha lava pe kāfai ka fakamaligi toku toto, e vē he tāulaga e ofo atu ki te Atua i luga o te fata faitāulaga e tuha ai ma te talitonuga o koutou, ko au e fiafia ma olioli fakatahi ma koutou uma. 18E vēnā foki la oi tatau ke fiafia ma olioli koutou fakatahi ma au.
Ko Timoteo ma Epafolotito
19Kāfai e tuha ai ma te finagalo o te Aliki, ko au e fakamoemoe ka mafai e au oi uga atu ia Timoteo kia te koutou i he taimi pili mai, kae ke maua mai ai ni tala e uiga kia te koutou, e fakamākeke ātili mai kia te au. 20Ko ia oioti te tino e tutuha o mā loto, ma e alofa moni atu kia te koutou. 21Ko iētahi tino uma lele, e kikila ifo lava te tino mo ia lava, kae kua hē kikila pe fehoahoani vēhea ia ki te gāluega a Iehu Keliho. 22Ma kua uma te koutou iloa ma fakamāonia ko Timoteo ko he tino fakamoemoegia, e gālulue fakatahi kimāua e vē lava he ataliki kia te au, i te tālakiga o te Tala Lelei. 23Ko au la e fakamoemoe ka uga atu e au ia Timoteo kia te koutou, kāfai kua tau atāta mai te tūlaga ka pa au ki ei. 24Ma e talitonu au, kāfai e tuha ai ma te finagalo o te Aliki, ka mafai foki au ke vave pa atu kia te koutou.
25Kua manatu au e tatau ke uga atu kia te koutou to tātou uho ko Epafolotito, toku hoa i te gāluega nae tau fakatahi ma au, ma ko te kavefekau a koutou e fehoahoani mai kia te au. 26Kua fia fanatu lele ke feiloaki ma koutou uma, ma e popole lele ona kua koutou iloa ko ia nae tauale. 27Kae e hako nae tauale, ma na mea lava e mate ai. Kae na alofa ki ei te Atua, e hē gata la kia te ia kae vēnā foki kia te au, ma hēki pa ai au ki he tūlaga fakanoanoa lahi. 28Ko au la kua fofou lele ke uga atu ia Epafolotito, kae ke fiafia ai koutou kāfai koutou e toe kikila ki ei, ma ke galo atu ai foki toku fakanoanoa. 29Ko te mea la ia, ke talia mai e koutou ma te fiafia te uho tēnei i te Aliki. Fakaaloalo ki nā tino e vē ko ia tēnei, 30auā na mea lava e mate mo te gāluega a Keliho, kae ke maua ai e au te fehoahoani tēia e hēki koutou mafaia oi fōki mai kia te au.
Currently Selected:
Filipi 2: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Filipi 2
2
Fakatakitaki ki te Lotomaulalo o Keliho
1Ko te olaga o koutou i te māfutaga ma Keliho e mākekeke ai koutou, ma ko tona alofa e fakamāfanafana kia te koutou. Kua i te māfutaga fakatahi koutou ma te Agaga, ma kua ia te koutou te agalelei ma te agaalofa o tētahi ki tētahi. 2Ko au la e naunau lele ke fakakātoatoa e koutou toku fiafia, kāfai koutou e tahi i te manatu, tahi i te alofa, ma tahi i te loto ma te māfaufau. 3Nahe faia lele he mea e koutou e ala i te manatu fakapito, pe i te fāfia; kae fai i te lotomaulalo, ma ke fakamuamua lava te manatu, e hili atu te tāua o iētahi tino i lo koutou. 4Ma kikila ki nā mea e manuia fakatahi ai koutou, kae nahe kikila lava te tino mo ia lava. 5Ke vē outou manatu ko nā manatu nae ia Keliho Iehu:
6Nae ia te ia lava te nātula o te Atua,
kae na hēki fofou ke tūmau
te tutuha o ia ma te Atua.
7Kae na loto lava ia ke tīaki
iēnei mea uma kua ia te ia,
ma ke kavea ia ke vē he kaukauna.
Na kavea ia e vē he tagataola,
na kitea ia i tona tino tagataola.
8Ma i tona itū tagataola,
nae lotomaulalo ma uhitaki pea lava
ke pa ki tona mate i luga o te hātaulo.
9Ko te mea ia kua fakaeke ai ia e te Atua,
ki te mea e pito hili te maualuga i luga
ma fōki ki ei te igoa e pito hili te tāua i lo hētahi igoa.
10Ma ki te mamalu o te igoa o Iehu,
ko tagata ma agaga uma e iei te ola
i te lagi, i te lalolagi, ma i te lalolagi i lalo#2.10 lalolagi i lalo Nae iei te talitonuga ko nā tino kua oti e nonofo i te lalolagi pōuli i te lolotoga o te kelekele
ka tōtutuli ma ifo atu kia te ia,#Iha 45.23 (LXX)
11ma ka takutaku atu e laulaufaiva uma,
ko Iehu Keliho ko te Aliki,
ke vīkia ai te Atua te Tamana.
Huhulu atu e vē ni Mōlī i te Lalolagi
12Ko te mea ia te kau uho pele, e vē ona uhitaki mai koutou kia te au i nā taimi uma nae māfuta ai kitātou, ka hili atu la te tāua ke uhitaki mai koutou kia te au, i te taimi tēnei e hē i kinā ai au ma koutou. Ke tūmau pea te koutou gālulue i te mataku ma te gatete, ke kātoatoa ai te koutou fakaolataga, 13auā ko te Atua e galue pea lava i taimi uma i loto ia te koutou, ke mafai ai ke iei outou loto ma uhitaki ki te mea e finagalo ia ki ei.
14Fai autou gāluega uma e aunoa ma te mūimui pe tauaimiha, 15kae ke hē taku hehē ai koutou ma mamā kātoatoa, koutou te fānau a te Atua e nonofo i he lalolagi o tagata āmio pikopiko ma agahala. E tatau koutou ke huhulu atu e vē ni fetū pupula e māinafia ai te lagi, #Teu 32.5 16i nā taimi e folafola ai e koutou te fekau o te ola. Kāfai e koutou faia te mea tēnei, ka fai tēnā ma mea e fāfia ai au i te Aho o Keliho, auā e fakaali mai i kinā, ko aku taumafaiga uma ma aku gāluega, e hēki māumau.
17E tuha lava pe kāfai ka fakamaligi toku toto, e vē he tāulaga e ofo atu ki te Atua i luga o te fata faitāulaga e tuha ai ma te talitonuga o koutou, ko au e fiafia ma olioli fakatahi ma koutou uma. 18E vēnā foki la oi tatau ke fiafia ma olioli koutou fakatahi ma au.
Ko Timoteo ma Epafolotito
19Kāfai e tuha ai ma te finagalo o te Aliki, ko au e fakamoemoe ka mafai e au oi uga atu ia Timoteo kia te koutou i he taimi pili mai, kae ke maua mai ai ni tala e uiga kia te koutou, e fakamākeke ātili mai kia te au. 20Ko ia oioti te tino e tutuha o mā loto, ma e alofa moni atu kia te koutou. 21Ko iētahi tino uma lele, e kikila ifo lava te tino mo ia lava, kae kua hē kikila pe fehoahoani vēhea ia ki te gāluega a Iehu Keliho. 22Ma kua uma te koutou iloa ma fakamāonia ko Timoteo ko he tino fakamoemoegia, e gālulue fakatahi kimāua e vē lava he ataliki kia te au, i te tālakiga o te Tala Lelei. 23Ko au la e fakamoemoe ka uga atu e au ia Timoteo kia te koutou, kāfai kua tau atāta mai te tūlaga ka pa au ki ei. 24Ma e talitonu au, kāfai e tuha ai ma te finagalo o te Aliki, ka mafai foki au ke vave pa atu kia te koutou.
25Kua manatu au e tatau ke uga atu kia te koutou to tātou uho ko Epafolotito, toku hoa i te gāluega nae tau fakatahi ma au, ma ko te kavefekau a koutou e fehoahoani mai kia te au. 26Kua fia fanatu lele ke feiloaki ma koutou uma, ma e popole lele ona kua koutou iloa ko ia nae tauale. 27Kae e hako nae tauale, ma na mea lava e mate ai. Kae na alofa ki ei te Atua, e hē gata la kia te ia kae vēnā foki kia te au, ma hēki pa ai au ki he tūlaga fakanoanoa lahi. 28Ko au la kua fofou lele ke uga atu ia Epafolotito, kae ke fiafia ai koutou kāfai koutou e toe kikila ki ei, ma ke galo atu ai foki toku fakanoanoa. 29Ko te mea la ia, ke talia mai e koutou ma te fiafia te uho tēnei i te Aliki. Fakaaloalo ki nā tino e vē ko ia tēnei, 30auā na mea lava e mate mo te gāluega a Keliho, kae ke maua ai e au te fehoahoani tēia e hēki koutou mafaia oi fōki mai kia te au.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust