Nūmela 6
6
Nā Tūlāfono mo nā Nahelī
1Na vāgana mai te Aliki kia Mohe, 2“Tautala ki nā tino Ihalaelu ma lea vē kia te kilātou: ‘Kāfai he tamāloa pe he fafine e fofou ke fai hana tautōga fakapitoa, te tautōga a he nahelī,#6.2 nahelī ko tē kua fakatō pe kua fakapaia mo te Aliki e fakatō ai ia mo te Aliki, 3#Luk 1.15e tatau ke nahe toe inu ia ki te uaina ma iētahi meainu mālolohi. E hē tatau ke fakaaogā e ia he vinika e fai i te uaina, pe ko iētahi meainu e fakavī; e hē tatau ke inu ki te hua o nā fuāvine, pe kai ki nā fuāvine pe ki nā fuāvine mamago. 4Ko nā aho uma lele e kavea ai ia ko he nahelī, e hē tatau ke kai ki ho he mea e hau mai te vine, e pa ki nā fatu pe ko nā paku o nā fuāvine.
5“ ‘Ko nā aho uma lele e kavea ai ia ma nahelī, ko tona lāulu e hē tipia lele pe tafi auā ko ia e paia ma kua fakatō mo te Aliki; e tatau ke fakatutupu pea lava tona lāulu.
6“ ‘I te taimi kātoa e fakatō ai ia mo te Aliki, e hē toe fakatafapili ia ki he tinooti. 7E tuha lava pe kāfai ko te tino kua mate ko tona tamana, pe ko tona mātua, pe ko hona uho, pe ko hona tuafafine, e hē tatau ke ia faia he mea ke hē mamā ai ia, auā ko te lāulu o tona ulu ko te fakailoga ia ko ia kua fakatō mo te Atua. 8I nā aho uma lava e fai ai ia ma nahelī, ko ia e paia mo te Aliki.
9“ ‘Kāfai he tino e mate fakafuaheki i tafa o he nahelī, ma kua hē mamā ai tona lāulu tēia e fakailoga ai ko ia kua uma te fakapaiagia, oi ka tafi ai tona ulu i te fitu o aho—te aho ka fakamamā ai ia. 10I te valu o aho ka kaumai e ia ni lupe e lua, pe ni lupe e lua o te itūkāiga taigogole, ki te ohitāulaga i te fāitotoka o te Falekie Tapu. 11Ka ofo atu e te ohitāulaga tētahi lupe mo he tāulaga mo nā agahala, ma tētahi mo he tāulaga mū. I te faiga tēnei, ka fakamamā ai e ia te nahelī mai te nofohala ona na paki ki te tinooti. I te aho foki lava tēnā, ka toe fakamautū ai tona tiute ke fakaloloa tona lāulu, 12ma ke vavae kehe ia ke fai ma nahelī e tautua ki te Aliki. Ko nā aho kua uma o tana tautōga ka ko hēki hē mamā ai ia, kua he toe taulia. E tatau ke toe fakapaia ia mo te Aliki ko he nahelī mo te taimi kātoa o tana tautōga; ma kaumai e ia he punuāmāmoe e fokotahi te tauhaga te matua, ke fai ma tāulaga mo te nofohala.
13“ ‘Ko te tūlāfono tēnei mo nā nahelī kāfai e uma te fai o ta lātou tautōga e fakatō ai kilātou mo te Aliki. E tatau kilātou tau toka tahi ke olo ki te fāitotoka o te Falekie Tapu,#Gāl 21.23-24 14ma ofo atu a lātou tāulaga ki te Aliki: he punuāmāmoe poa kua fokotahi te tauhaga te matua ma e hēai ni māila i te tino mo he tāulaga mū; he punuāmāmoe fafine kua fokotahi te tauhaga te matua ma e hēai ni māila i te tino, mo he tāulaga mo nā agahala; he māmoe poa e hēai ni māila i te tino mo he tāulaga mo te māfuta fakatahi; 15he kete pāpā falaoa hē fakafefetea, ni falaoa vela māfiafia na palu i te lolo olive, ma ni mahi hē fakafefetea na vali i te lolo olive; fakatahi ai ma te tāulaga haito ma te tāulaga uaina, e vē ko te faiga kua māhani ai.
16“ ‘E tatau ke kave e te ohitāulaga nā mea iēnei ki mua o te Aliki, ma ofo atu ai e ia te tāulaga mo nā agahala ma te tāulaga mū. 17E ofo atu e ia te māmoe poa ki te Aliki ke fai ma tāulaga o te māfuta fakatahi, vēnā ma te kete pāpā falaoa hē fakafefetea, fakatahi ai ma te tāulaga haito ma te tāulaga uaina, e vē ko te faiga kua māhani ai. 18Oi ka tafi ai e nā nahelī o lātou ulu i te fāitotoka o te Falekie Tapu, ma kave e kilātou nā lāulu kua uma te fakapaia ma tuku ki luga o te afi, i lalo o te tāulaga mo te māfuta fakatahi.
19“ ‘Kāfai te nahelī kua uma te tafi o tona ulu e fakailoa ai ko ia kua fakapaiagia, ka tuku atu e te ohitāulaga ki tona lima te takuau o te māmoe poa, he falaoa vela māfiafia hē fakafefetea, ma he pāpā falaoa hē fakafefetea mai loto o te kete. 20Oi ka hiki ake ai e te ohitāulaga nā mea iēnei ki luga ke fai ma meālofa fakapitoa i mua o te Aliki; ni meālofa paia iēnei mo te ohitāulaga, fakatahi ai ma te fatafata ma te ālaga o te māmoe poa, tēia e kave mo te ohitāulaga e tuha ai ma te tūlāfono. Kāfai e uma te hāuniga tēnei, oi ka mafai ai loa te nahelī ke inu ki te uaina.
21“ ‘Ko nā tūlāfono iēnei mo nā nahelī; kae kāfai he nahelī e folafola e ia he meālofa e lahi atu i lo nā mea e tatau ke ia fōkia e tuha ai ma tana tautōga, e tatau la ke fakatāunuku e ia e tuha ai ma te tūlāfono mo tona fakapaiaga.’ ”
Fakamanuiaga a nā Ohitāulaga
22Oi na vāgana mai ai te Aliki kia Mohe, 23“Lea kia Alona ma ona ataliki, ‘E vēnei te fakamanuiaga e fai e koutou ki nā tino Ihalaelu. Lea vē kia te kilātou:
24Ke fakamanuia te Aliki kia te koutou
ma tauhi kia te koutou.
25Ke huhulu atu ia fōliga o te Aliki kia te koutou,
ma agaalofa atu kia te koutou.
26Ke fakakitea e te Aliki tona fiafia kia te koutou,
ma fōki atu kia te koutou te fīlēmū. ’
27“Ma kāfai e fakaaogā e kilātou toku igoa ke fakamanuia atu ai ki tagata o Ihalaelu, ka vēnā foki oi fakamanuia e au kilātou.”
Currently Selected:
Nūmela 6: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Nūmela 6
6
Nā Tūlāfono mo nā Nahelī
1Na vāgana mai te Aliki kia Mohe, 2“Tautala ki nā tino Ihalaelu ma lea vē kia te kilātou: ‘Kāfai he tamāloa pe he fafine e fofou ke fai hana tautōga fakapitoa, te tautōga a he nahelī,#6.2 nahelī ko tē kua fakatō pe kua fakapaia mo te Aliki e fakatō ai ia mo te Aliki, 3#Luk 1.15e tatau ke nahe toe inu ia ki te uaina ma iētahi meainu mālolohi. E hē tatau ke fakaaogā e ia he vinika e fai i te uaina, pe ko iētahi meainu e fakavī; e hē tatau ke inu ki te hua o nā fuāvine, pe kai ki nā fuāvine pe ki nā fuāvine mamago. 4Ko nā aho uma lele e kavea ai ia ko he nahelī, e hē tatau ke kai ki ho he mea e hau mai te vine, e pa ki nā fatu pe ko nā paku o nā fuāvine.
5“ ‘Ko nā aho uma lele e kavea ai ia ma nahelī, ko tona lāulu e hē tipia lele pe tafi auā ko ia e paia ma kua fakatō mo te Aliki; e tatau ke fakatutupu pea lava tona lāulu.
6“ ‘I te taimi kātoa e fakatō ai ia mo te Aliki, e hē toe fakatafapili ia ki he tinooti. 7E tuha lava pe kāfai ko te tino kua mate ko tona tamana, pe ko tona mātua, pe ko hona uho, pe ko hona tuafafine, e hē tatau ke ia faia he mea ke hē mamā ai ia, auā ko te lāulu o tona ulu ko te fakailoga ia ko ia kua fakatō mo te Atua. 8I nā aho uma lava e fai ai ia ma nahelī, ko ia e paia mo te Aliki.
9“ ‘Kāfai he tino e mate fakafuaheki i tafa o he nahelī, ma kua hē mamā ai tona lāulu tēia e fakailoga ai ko ia kua uma te fakapaiagia, oi ka tafi ai tona ulu i te fitu o aho—te aho ka fakamamā ai ia. 10I te valu o aho ka kaumai e ia ni lupe e lua, pe ni lupe e lua o te itūkāiga taigogole, ki te ohitāulaga i te fāitotoka o te Falekie Tapu. 11Ka ofo atu e te ohitāulaga tētahi lupe mo he tāulaga mo nā agahala, ma tētahi mo he tāulaga mū. I te faiga tēnei, ka fakamamā ai e ia te nahelī mai te nofohala ona na paki ki te tinooti. I te aho foki lava tēnā, ka toe fakamautū ai tona tiute ke fakaloloa tona lāulu, 12ma ke vavae kehe ia ke fai ma nahelī e tautua ki te Aliki. Ko nā aho kua uma o tana tautōga ka ko hēki hē mamā ai ia, kua he toe taulia. E tatau ke toe fakapaia ia mo te Aliki ko he nahelī mo te taimi kātoa o tana tautōga; ma kaumai e ia he punuāmāmoe e fokotahi te tauhaga te matua, ke fai ma tāulaga mo te nofohala.
13“ ‘Ko te tūlāfono tēnei mo nā nahelī kāfai e uma te fai o ta lātou tautōga e fakatō ai kilātou mo te Aliki. E tatau kilātou tau toka tahi ke olo ki te fāitotoka o te Falekie Tapu,#Gāl 21.23-24 14ma ofo atu a lātou tāulaga ki te Aliki: he punuāmāmoe poa kua fokotahi te tauhaga te matua ma e hēai ni māila i te tino mo he tāulaga mū; he punuāmāmoe fafine kua fokotahi te tauhaga te matua ma e hēai ni māila i te tino, mo he tāulaga mo nā agahala; he māmoe poa e hēai ni māila i te tino mo he tāulaga mo te māfuta fakatahi; 15he kete pāpā falaoa hē fakafefetea, ni falaoa vela māfiafia na palu i te lolo olive, ma ni mahi hē fakafefetea na vali i te lolo olive; fakatahi ai ma te tāulaga haito ma te tāulaga uaina, e vē ko te faiga kua māhani ai.
16“ ‘E tatau ke kave e te ohitāulaga nā mea iēnei ki mua o te Aliki, ma ofo atu ai e ia te tāulaga mo nā agahala ma te tāulaga mū. 17E ofo atu e ia te māmoe poa ki te Aliki ke fai ma tāulaga o te māfuta fakatahi, vēnā ma te kete pāpā falaoa hē fakafefetea, fakatahi ai ma te tāulaga haito ma te tāulaga uaina, e vē ko te faiga kua māhani ai. 18Oi ka tafi ai e nā nahelī o lātou ulu i te fāitotoka o te Falekie Tapu, ma kave e kilātou nā lāulu kua uma te fakapaia ma tuku ki luga o te afi, i lalo o te tāulaga mo te māfuta fakatahi.
19“ ‘Kāfai te nahelī kua uma te tafi o tona ulu e fakailoa ai ko ia kua fakapaiagia, ka tuku atu e te ohitāulaga ki tona lima te takuau o te māmoe poa, he falaoa vela māfiafia hē fakafefetea, ma he pāpā falaoa hē fakafefetea mai loto o te kete. 20Oi ka hiki ake ai e te ohitāulaga nā mea iēnei ki luga ke fai ma meālofa fakapitoa i mua o te Aliki; ni meālofa paia iēnei mo te ohitāulaga, fakatahi ai ma te fatafata ma te ālaga o te māmoe poa, tēia e kave mo te ohitāulaga e tuha ai ma te tūlāfono. Kāfai e uma te hāuniga tēnei, oi ka mafai ai loa te nahelī ke inu ki te uaina.
21“ ‘Ko nā tūlāfono iēnei mo nā nahelī; kae kāfai he nahelī e folafola e ia he meālofa e lahi atu i lo nā mea e tatau ke ia fōkia e tuha ai ma tana tautōga, e tatau la ke fakatāunuku e ia e tuha ai ma te tūlāfono mo tona fakapaiaga.’ ”
Fakamanuiaga a nā Ohitāulaga
22Oi na vāgana mai ai te Aliki kia Mohe, 23“Lea kia Alona ma ona ataliki, ‘E vēnei te fakamanuiaga e fai e koutou ki nā tino Ihalaelu. Lea vē kia te kilātou:
24Ke fakamanuia te Aliki kia te koutou
ma tauhi kia te koutou.
25Ke huhulu atu ia fōliga o te Aliki kia te koutou,
ma agaalofa atu kia te koutou.
26Ke fakakitea e te Aliki tona fiafia kia te koutou,
ma fōki atu kia te koutou te fīlēmū. ’
27“Ma kāfai e fakaaogā e kilātou toku igoa ke fakamanuia atu ai ki tagata o Ihalaelu, ka vēnā foki oi fakamanuia e au kilātou.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust