Nūmela 3
3
Nā Ataliki o Alona
1Ko te gafa kāiga tēnei o Mohe ma Alona, i te taimi na vāgana mai ai te Aliki kia Mohe, i te Mauga ko Hinai. 2#Nūm 26.60Ko nā igoa iēnei o nā ataliki o Alona: ko Natapu te ulumatua, ko Apihu, ko Eleahala ma Itamala. 3Ko kilātou iēnā na fakauku ma fakapaia ke fai ma ohitāulaga, 4#Lev 10.1-2; Nūm 26.61kae ko Natapu ma Apihu na tāmate i te fakamumūga e kilāua o he afi e hēki fakatagagia, i mua o te Aliki i te Toafa ko Hinai. E hēai ni a lā fānau, oi na tautua ai ia Eleahala ma Itamala i nā tofi ohitāulaga fakatahi ma to lā tamana ko Alona.
Kua Tōfia te Puikāiga o ha-Levī ma Ohitāulaga.
5Oi na vāgana mai ai te Aliki kia Mohe, 6“Kaumai te puikāiga o ha-Levī ma ofo atu ki te ohitāulaga ko Alona, ke fai kilātou ma ona fehoahoani. 7Ka fakatino e kilātou nā gāluega e fehoahoani ai kia Alona ma ki te fakapotopotoga kātoa, ma vēnā foki ma nā tiute tapu e tautua ai i fafo ma loto o te Falekie Tapu. 8Ka taukikila foki e kilātou nā meāfale uma o te Falekie Tapu, ma tautua i loto o te Falekie Tapu e fai ai kilātou ma hui o nā tino Ihalaelu. 9Fōki nā tino ha-Levī kia Alona ma ona ataliki. Kua tuku atu kilātou mai tagata uma o Ihalaelu, ke fai ma fehoahoani kia te kilātou. 10Kae ka tofi e koe ia Alona ma ona ataliki ke taukave e kilātou nā tiute ohitāulaga, ma ho he tino e hē ko he ha-Levī e fakatafapili ki te nofoaga paia, ka fakauma lava tona ola.”
11Ma na vāgana ai te Aliki kia Mohe, 12“Kikila, kua filifili e au nā tino ha-Levī mai nā tino Ihalaelu, ke tautua mai kia te au ma ke fai ma hui o nā ataliki ulumatua uma o Ihalaelu. Ko nā tino ha-Levī uma e āku, 13#Eho 13.2auā ko nā ulumatua tama uma e āku. I te aho na tāmate ai e au nā ulumatua tama uma i te nuku ko Aikupito, na fakatō ai e au mo oku nā ulumatua uma a Ihalaelu, ia tagata vēnā ma manuvaefa. Ko kilātou e āku. Ko au ko te Aliki.”
Te Tuhigā Igoa o nā Tino ha-Levī
14Oi na vāgana mai ai te Aliki kia Mohe i te Toafa ko Hinai 15“Lehitala nā igoa o nā tino ha-Levī i lalo o nā kāiga ma nā kaukāiga o kilātou. Fakamau ki lalo nā igoa o tamaiti tāne uma kua kātoa te māhina te mātutua pe hili atu.” 16Oi na fai ai e Mohe e vē ko te fakatonuga a te Aliki.
17Ko Levi e toka tolu ona ataliki: ko Kelehona, ko Kohati, ma Melali.
18Ko nā kaukāiga na tupuga mai ia Kelehona na fakaigoa i nā igoa o nā lāpuna o ia e toka lua, ko Lipini ma Himei.
19Ko nā kaukāiga na tupuga mai ia Kohati na fakaigoa i nā igoa o nā lāpuna o ia e toka fa, ko Amalama, ko Ihala, ko Hepelona ma Uhielu.
20Ko nā kaukāiga na tupuga mai ia Melali na fakaigoa i nā igoa o nā lāpuna o ia e toka lua, ko Mahali ma Muhi.
Ko nā kaukāiga iēnā o nā tino ha-Levī na fakamaumau ki lalo i nā kāiga o kilātou.
21Ko nā lāpuna o Kelehona na ōmamai i nā kaukāiga na tupuga mai ia Lipini ma Himei. 22Ko te aofaki kātoa o nā tamaiti tāne kua kātoa te māhina te mātutua pe hili atu o nā kaukāiga o ha-Kelehonā na lehitala nā igoa, e 7,500. 23Na fakahino kia te kilātou te koga i te itū ki hihifo o te Falekie Tapu ke fakatū ai te lātou api. 24Ko te takitaki o nā kaukāiga o ha-Kelehonā ko Eliahapa te ataliki o Laeli. 25Ko nā kaukāiga iēnei e lua e kikila e kilāua te Falekie Tapu, nā kie tatao i loto ma fafo, ma te kiepupuni o te fāitotoka, 26nā kiepupuni o te lotoā e fakatakamilo i te Falekie Tapu ma te fata faitāulaga, nā maea, nā kope uma ma tautuaga uma e fakaaogā ki ei nā mea iēnei.
27Ko nā lāpuna o Kohati na ōmamai i ni kaukāiga e tupuga mai ia Amalama, Ihala, Hepelona, ma Uhielu. 28Ko te aofaki kātoa o nā tama tāne kua kātoa te māhina te mātutua pe hili atu o nā kaukāiga o ha-Kohatī na lehitala nā igoa, e 8,600. Ko kilātou te kikilāgia te nofoaga paia, 29ma na fakahino kia te kilātou te koga i haute o te Falekie Tapu ke fakatū ai te lātou api. 30Ko te takitaki o nā kaukāiga o ha-Kohatī ko Elihapana te ataliki o Uhielu. 31Ko nā kaukāiga iēnei e fa e kikilāgia te Puha o te Feagaiga, te laulau, te tūgālāmepa, nā fata faitāulaga, nā ipu kehekehe e fakaaogā i nā hāuniga i loto o te Nofoaga Paia, te kiepupuni i te fāitotoka ki te Nofoaga e Hili te Paia, nā kope uma ma nā tautuaga uma e fakaaogā ki ei nā mea iēnei.
32Ko te takitaki pule o nā tino ha-Levī ko Eleahala te ataliki o Alona te ohitāulaga. Ko ia te pule i nā tino e iei o lātou tiute e fakatino i loto o te Nofoaga Paia.
33Ko nā lāpuna o Melali na ōmamai i ni kaukāiga na tupuga mai ia Mahili ma Muhi. 34Ko te aofaki kātoa o nā tama tāne kua kātoa te māhina te mātutua pe hili atu o nā kaukāiga o ha-Melalī, e 6,200. 35Na fakahino kia te kilātou te koga i te itū ki mātū o te Falekie Tapu ke fakatū ai te lātou api. Ko te takitaki o nā kaukāiga o ha-Melalī ko Huliele te ataliki o Apihaila. 36Ko nā kaukāiga iēnei e lua na tōfia ke kikilāgia nā āuivi o te Falekie Tapu, nā utupoto, nā pou, nā tulagā pou, nā kope uma ma tautuaga uma e fakaaogā ki ei nā mea iēnei. 37Na tuku foki kia te kilātou te kikilaga o nā pou o te lotoā ma o lātou tulagā pou, nā pine ma nā maea.
38Ko te koga i mua o te Falekie Tapu i te itū ki hahae āgai ki te hopoga o te lā, na fakaavanoa mo nā falekie o Mohe ma o Alona ma ona ataliki. Ko kilātou te na fai ma hui o tagata uma o Ihalaelu ke fakatinoa nā hāuniga nae fai i loto o te nofoaga paia; ma ko ho he tino e hē ko he ohitāulaga e hau ki tafa o te nofoaga paia, e tāmate.
39Ko te aofaki kātoa o tamatāne ha-Levī kua kātoa te māhina te mātutua pe hili atu, na lehitala nā igoa e Mohe ma Alona e tuha ai ma te fakatonuga a te Aliki, e 22,000.
40Oi na vāgana ai te Aliki kia Mohe, “Lehitala uma lele nā ulumatua tama o Ihalaelu kua kātoa te māhina te mātutua pe hili atu, ma fai he lihi o nā igoa o kilātou. 41Kae ka talia e koe nā tino ha-Levī mo au, ke fai ma hui o nā ataliki ulumatua uma o Ihalaelu; ko au ko te Aliki. Ka talia foki e koe nā manuvaefa a nā tino ha-Levī mo au, ke fai ma hui o nā ulumatua a nā manuvaefa a tagata uma o Ihalaelu.”
42Oi na lehitala ai e Mohe nā ataliki ulumatua uma o Ihalaelu, e vē ona fakatonu ai ia e te Aliki. 43Ko te aofaki kātoa o nā ataliki ulumatua kua kātoa te māhina te mātutua pe hili atu, e 22,273.
44Oi na vāgana ai te Aliki kia Mohe, 45“Fakatō nā tino ha-Levī mo oku ke fai ma hui o nā ataliki ulumatua o tagata o Ihalaelu. Ma talia nā manuvaefa a nā tino ha-Levī ke fai ma hui o nā ulumatua a nā manuvaefa a tagata o Ihalaelu. Ko nā tino ha-Levī e āku. Ko au ko te Aliki. 46Ona e toka 273 e tokalahi atu ai nā ataliki ulumatua o Ihalaelu i lo nā tino ha-Levī, e tatau ai ke toe totogi e koutou mo te togiola o nā ataliki ulumatua fakaopōpo iēnei. 47Mo te tino e fokotahi, e ao e koe e tuha ma te lima tupe hiliva#3.47 lima tupe hiliva Epelu E lima hēkeli E tuha ma te 57 kalama (2 aunehe) o te hiliva (e tuha ai ma te fua māhani o te nofoaga paia; ko te hēkeli e fokotahi e tutuha ma te lua hefulu kelaha). 48Fōki te tupe tēnei kia Alona ma ona ataliki—ko te tau ia e togiola ai nā ataliki ulumatua fakaopōpo.”
49Oi na kave ai e Mohe te tupe mo te togiola o nā ataliki ulumatua o Ihalaelu na hili atu i te nūmela i kilātou na togiola e nā tino ha-Levī. 50Mai nā ulumatua o Ihalaelu, na ia maua te 1,365#3.50 Epelu: 1,365 hēkeli tupe hiliva (e tuha ai ma te fua māhani o te nofoaga paia; e tutuha ma te lua hefulu kelaha). 51Ma na fōki ai e Mohe te tupe mo te togiola kia Alona ma ona ataliki, e vē lava ko te fakatonuga a te Aliki na fai kia Mohe.
Currently Selected:
Nūmela 3: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Nūmela 3
3
Nā Ataliki o Alona
1Ko te gafa kāiga tēnei o Mohe ma Alona, i te taimi na vāgana mai ai te Aliki kia Mohe, i te Mauga ko Hinai. 2#Nūm 26.60Ko nā igoa iēnei o nā ataliki o Alona: ko Natapu te ulumatua, ko Apihu, ko Eleahala ma Itamala. 3Ko kilātou iēnā na fakauku ma fakapaia ke fai ma ohitāulaga, 4#Lev 10.1-2; Nūm 26.61kae ko Natapu ma Apihu na tāmate i te fakamumūga e kilāua o he afi e hēki fakatagagia, i mua o te Aliki i te Toafa ko Hinai. E hēai ni a lā fānau, oi na tautua ai ia Eleahala ma Itamala i nā tofi ohitāulaga fakatahi ma to lā tamana ko Alona.
Kua Tōfia te Puikāiga o ha-Levī ma Ohitāulaga.
5Oi na vāgana mai ai te Aliki kia Mohe, 6“Kaumai te puikāiga o ha-Levī ma ofo atu ki te ohitāulaga ko Alona, ke fai kilātou ma ona fehoahoani. 7Ka fakatino e kilātou nā gāluega e fehoahoani ai kia Alona ma ki te fakapotopotoga kātoa, ma vēnā foki ma nā tiute tapu e tautua ai i fafo ma loto o te Falekie Tapu. 8Ka taukikila foki e kilātou nā meāfale uma o te Falekie Tapu, ma tautua i loto o te Falekie Tapu e fai ai kilātou ma hui o nā tino Ihalaelu. 9Fōki nā tino ha-Levī kia Alona ma ona ataliki. Kua tuku atu kilātou mai tagata uma o Ihalaelu, ke fai ma fehoahoani kia te kilātou. 10Kae ka tofi e koe ia Alona ma ona ataliki ke taukave e kilātou nā tiute ohitāulaga, ma ho he tino e hē ko he ha-Levī e fakatafapili ki te nofoaga paia, ka fakauma lava tona ola.”
11Ma na vāgana ai te Aliki kia Mohe, 12“Kikila, kua filifili e au nā tino ha-Levī mai nā tino Ihalaelu, ke tautua mai kia te au ma ke fai ma hui o nā ataliki ulumatua uma o Ihalaelu. Ko nā tino ha-Levī uma e āku, 13#Eho 13.2auā ko nā ulumatua tama uma e āku. I te aho na tāmate ai e au nā ulumatua tama uma i te nuku ko Aikupito, na fakatō ai e au mo oku nā ulumatua uma a Ihalaelu, ia tagata vēnā ma manuvaefa. Ko kilātou e āku. Ko au ko te Aliki.”
Te Tuhigā Igoa o nā Tino ha-Levī
14Oi na vāgana mai ai te Aliki kia Mohe i te Toafa ko Hinai 15“Lehitala nā igoa o nā tino ha-Levī i lalo o nā kāiga ma nā kaukāiga o kilātou. Fakamau ki lalo nā igoa o tamaiti tāne uma kua kātoa te māhina te mātutua pe hili atu.” 16Oi na fai ai e Mohe e vē ko te fakatonuga a te Aliki.
17Ko Levi e toka tolu ona ataliki: ko Kelehona, ko Kohati, ma Melali.
18Ko nā kaukāiga na tupuga mai ia Kelehona na fakaigoa i nā igoa o nā lāpuna o ia e toka lua, ko Lipini ma Himei.
19Ko nā kaukāiga na tupuga mai ia Kohati na fakaigoa i nā igoa o nā lāpuna o ia e toka fa, ko Amalama, ko Ihala, ko Hepelona ma Uhielu.
20Ko nā kaukāiga na tupuga mai ia Melali na fakaigoa i nā igoa o nā lāpuna o ia e toka lua, ko Mahali ma Muhi.
Ko nā kaukāiga iēnā o nā tino ha-Levī na fakamaumau ki lalo i nā kāiga o kilātou.
21Ko nā lāpuna o Kelehona na ōmamai i nā kaukāiga na tupuga mai ia Lipini ma Himei. 22Ko te aofaki kātoa o nā tamaiti tāne kua kātoa te māhina te mātutua pe hili atu o nā kaukāiga o ha-Kelehonā na lehitala nā igoa, e 7,500. 23Na fakahino kia te kilātou te koga i te itū ki hihifo o te Falekie Tapu ke fakatū ai te lātou api. 24Ko te takitaki o nā kaukāiga o ha-Kelehonā ko Eliahapa te ataliki o Laeli. 25Ko nā kaukāiga iēnei e lua e kikila e kilāua te Falekie Tapu, nā kie tatao i loto ma fafo, ma te kiepupuni o te fāitotoka, 26nā kiepupuni o te lotoā e fakatakamilo i te Falekie Tapu ma te fata faitāulaga, nā maea, nā kope uma ma tautuaga uma e fakaaogā ki ei nā mea iēnei.
27Ko nā lāpuna o Kohati na ōmamai i ni kaukāiga e tupuga mai ia Amalama, Ihala, Hepelona, ma Uhielu. 28Ko te aofaki kātoa o nā tama tāne kua kātoa te māhina te mātutua pe hili atu o nā kaukāiga o ha-Kohatī na lehitala nā igoa, e 8,600. Ko kilātou te kikilāgia te nofoaga paia, 29ma na fakahino kia te kilātou te koga i haute o te Falekie Tapu ke fakatū ai te lātou api. 30Ko te takitaki o nā kaukāiga o ha-Kohatī ko Elihapana te ataliki o Uhielu. 31Ko nā kaukāiga iēnei e fa e kikilāgia te Puha o te Feagaiga, te laulau, te tūgālāmepa, nā fata faitāulaga, nā ipu kehekehe e fakaaogā i nā hāuniga i loto o te Nofoaga Paia, te kiepupuni i te fāitotoka ki te Nofoaga e Hili te Paia, nā kope uma ma nā tautuaga uma e fakaaogā ki ei nā mea iēnei.
32Ko te takitaki pule o nā tino ha-Levī ko Eleahala te ataliki o Alona te ohitāulaga. Ko ia te pule i nā tino e iei o lātou tiute e fakatino i loto o te Nofoaga Paia.
33Ko nā lāpuna o Melali na ōmamai i ni kaukāiga na tupuga mai ia Mahili ma Muhi. 34Ko te aofaki kātoa o nā tama tāne kua kātoa te māhina te mātutua pe hili atu o nā kaukāiga o ha-Melalī, e 6,200. 35Na fakahino kia te kilātou te koga i te itū ki mātū o te Falekie Tapu ke fakatū ai te lātou api. Ko te takitaki o nā kaukāiga o ha-Melalī ko Huliele te ataliki o Apihaila. 36Ko nā kaukāiga iēnei e lua na tōfia ke kikilāgia nā āuivi o te Falekie Tapu, nā utupoto, nā pou, nā tulagā pou, nā kope uma ma tautuaga uma e fakaaogā ki ei nā mea iēnei. 37Na tuku foki kia te kilātou te kikilaga o nā pou o te lotoā ma o lātou tulagā pou, nā pine ma nā maea.
38Ko te koga i mua o te Falekie Tapu i te itū ki hahae āgai ki te hopoga o te lā, na fakaavanoa mo nā falekie o Mohe ma o Alona ma ona ataliki. Ko kilātou te na fai ma hui o tagata uma o Ihalaelu ke fakatinoa nā hāuniga nae fai i loto o te nofoaga paia; ma ko ho he tino e hē ko he ohitāulaga e hau ki tafa o te nofoaga paia, e tāmate.
39Ko te aofaki kātoa o tamatāne ha-Levī kua kātoa te māhina te mātutua pe hili atu, na lehitala nā igoa e Mohe ma Alona e tuha ai ma te fakatonuga a te Aliki, e 22,000.
40Oi na vāgana ai te Aliki kia Mohe, “Lehitala uma lele nā ulumatua tama o Ihalaelu kua kātoa te māhina te mātutua pe hili atu, ma fai he lihi o nā igoa o kilātou. 41Kae ka talia e koe nā tino ha-Levī mo au, ke fai ma hui o nā ataliki ulumatua uma o Ihalaelu; ko au ko te Aliki. Ka talia foki e koe nā manuvaefa a nā tino ha-Levī mo au, ke fai ma hui o nā ulumatua a nā manuvaefa a tagata uma o Ihalaelu.”
42Oi na lehitala ai e Mohe nā ataliki ulumatua uma o Ihalaelu, e vē ona fakatonu ai ia e te Aliki. 43Ko te aofaki kātoa o nā ataliki ulumatua kua kātoa te māhina te mātutua pe hili atu, e 22,273.
44Oi na vāgana ai te Aliki kia Mohe, 45“Fakatō nā tino ha-Levī mo oku ke fai ma hui o nā ataliki ulumatua o tagata o Ihalaelu. Ma talia nā manuvaefa a nā tino ha-Levī ke fai ma hui o nā ulumatua a nā manuvaefa a tagata o Ihalaelu. Ko nā tino ha-Levī e āku. Ko au ko te Aliki. 46Ona e toka 273 e tokalahi atu ai nā ataliki ulumatua o Ihalaelu i lo nā tino ha-Levī, e tatau ai ke toe totogi e koutou mo te togiola o nā ataliki ulumatua fakaopōpo iēnei. 47Mo te tino e fokotahi, e ao e koe e tuha ma te lima tupe hiliva#3.47 lima tupe hiliva Epelu E lima hēkeli E tuha ma te 57 kalama (2 aunehe) o te hiliva (e tuha ai ma te fua māhani o te nofoaga paia; ko te hēkeli e fokotahi e tutuha ma te lua hefulu kelaha). 48Fōki te tupe tēnei kia Alona ma ona ataliki—ko te tau ia e togiola ai nā ataliki ulumatua fakaopōpo.”
49Oi na kave ai e Mohe te tupe mo te togiola o nā ataliki ulumatua o Ihalaelu na hili atu i te nūmela i kilātou na togiola e nā tino ha-Levī. 50Mai nā ulumatua o Ihalaelu, na ia maua te 1,365#3.50 Epelu: 1,365 hēkeli tupe hiliva (e tuha ai ma te fua māhani o te nofoaga paia; e tutuha ma te lua hefulu kelaha). 51Ma na fōki ai e Mohe te tupe mo te togiola kia Alona ma ona ataliki, e vē lava ko te fakatonuga a te Aliki na fai kia Mohe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust