Mataio 7
7
Ko te Fakamahino atu ki Iētahi Tino
(Luk 6.37-38, 41-42)
1“Nahe koutou fakamahino atu ki iētahi tino, kae ke hē fakamahinoa ai koutou e te Atua, 2auā ka fakamahino koutou e te Atua e vē lava ona fakamahino e koutou iētahi tino, ma ka fakaaogā foki lava e ia kia te koutou nā tūlāfono na fakaaogā e koutou ki iētahi tino.#Mlk 4.24 3Heā te kitea ai e koe te mea otaota i loto o te mata o tō uho, kae hē kē kitea te kogālākau i loto o tō mata? 4E lea vēhea koe ki tō uho, ‘Te uho, tuku mai tō mata ke keu kehe e au te mea otaota i loto,’ kae ko tēnā e iei te kogālākau i loto o tō mata? 5Ko koe ko he tino āmio pepelo! Kave kehe muamua te kogālākau i loto o tō mata, oi fātoā kitea lelei ai e koe ke keu kehe te mea otaota i te mata o tō uho.
6“Nahe fōkia nā mea kua uma te fakapaia ki nā maile, auā ka fakahaga mai oi takati koutou. Nahe togia autou pēnina ki mua o nā puā, auā ka holi ki lalo i o lātou vae.
Gogō atu, Hakili atu, Tukituki atu
(Luk 11.9-13)
7“Gogō atu, oi fōki atu ai kia te koutou; hakili atu, oi maua ai e koutou; tukituki atu, oi tatala mai ai te faitotoka kia te koutou. 8Auā ko nā tino uma e gogō atu, ka fōki mai ki ei, ko nā tino e hakili atu, ka maua e kilātou, ko nā tino e tukituki atu, ka tatala mai ki ei te faitotoka. 9Ko ai he tino o koutou, he tamana, e ia fōkia ki tona ataliki he fatu, kāfai e lea atu ki he falaoa? 10Pe fōki ki ei he gata, kāfai e lea atu ki he ika? 11Kāfai la koutou, e ui lava e kino, kae e koutou iloa oi fōki nā mea lelei mo autou fānau, ka hē hili atu nei la te lahi o nā mea lelei ka fōki atu e te koutou Tamana i te lagi, ki nā tino e gogō atu kia te ia!
12“Fai mo iētahi tino e vē ona fofou koutou ke kilātou faia mo koutou; auā ko tēnei te uiga o te Tūlāfono a Mohe ma nā akoakoga a te kau pelofeta.#Luk 6.31
Ko te Faitotoka Vāiti
(Luk 13.24)
13“Kui ki loto i te faitotoka vāiti, auā ko te faitotoka ki te mālaia e lauefa, ma ko te auala e tau ki ei e faigōfie, e tokalahi foki nā tino e kui ai. 14Kae ko te faitotoka ki te ola e vāiti, ma te auala e tau ki ei e faigatā, e tokaitīti foki nā tino e kilātou maua.
Ko te Lākau ma Ona Fua
(Luk 6.43-44)
15“Koutou ke fakaetēte i nā pelofeta pepelo: e ōmamai kia te koutou e fōliga e vē ni māmoe i te kikila atu i fafo, kae ko loto, e vē lava ni luko fēkakai. 16Ka koutou iloa kilātou ia lātou gāluega e fai. E hē fua mai e ni lākau tālatala ni fuāvine, ma e hē fua mai e ni lākau mātuituia ni fuāmati. 17Ko te lākau e ola lelei, e fua mai ai nā fua lelei, kae ko te lākau e ola kino, e fua mai ai nā fua kino. 18Ko te lākau e ola lelei e hē fua mai ai ni fua kino, ma ko te lākau e ola kino e hē fua mai ai ni fua lelei. 19Ma ko ho he lākau e hē fua mai ai ni fua lelei, e ta ki lalo ma togi ki te afi.#Mat 3.10; Luk 3.9 20Ko te mea ia, ka iloa e koutou nā pelofeta pepelo ia lātou gāluega e fai.#Mat 12.33
E hē Kō iloa Koutou
(Luk 13.25-27)
21“E hē ko te tino e lea mai kia te au, ‘Te Aliki, te Aliki’ te hao ki te Mālō o te lagi, kae ko te tino e ia faia te finagalo o toku Tamana i te lagi. 22Kāfai e pa mai te Aho Fakamahino, e tokalahi nā tino ka lea mai kia te au ‘Te Aliki, te Aliki! Ko tō igoa te na kimātou tālakia ai te fekau a te Atua, ko tō igoa foki te na kimātou tulia ai ki fafo nā tēmoni, ma kimātou faia ai nā vāvega e lahi.’ 23Oi ka lea vē atu ai au kia te kilātou, ‘E hē kō iloa koutou. Olo kehe ma au, koutou nā tino āmio kino.’#Hal 6.8
Ko nā Tino Faufale e Toka Lua
(Luk 6.47-49)
24“Ko te mea ia, ho he tino e lagona e ia nā kupu iēnei a aku ma uhitaki ki ei, e vē ia ko he tino poto na fau tona fale i luga o te papa. 25Kua to mai nā ūaga mamafa, kua tafe mai te vai kua lōfia ai te kelekele, ma kua agi mālohi te matagi ki te fale. Kae e hēki pakū ki lalo auā na fau i luga o te papa.
26“Kae ho he tino e lagona e ia nā kupu iēnei a aku kae hē uhitaki ki ei, e vē ia ko he tino valea na fau tona fale i luga o te oneone. 27Kua to mai nā ūaga mamafa, kua pāpā nā vaitafe ma lōfia te kelekele, ma kua agi mālohi te matagi ki te fale. Oi na pakū ai te fale ki lalo, kua momo likiliki!”
Ko te Pule a Iehu
28Kua uma te lea atu o Iehu i nā mea iēnei, oi na ofo lele ai te kaifenua ki te faiga o ana akoakoga. 29Kua hē vē ia ko nā faiākoga o te Tūlāfono, kae kua vē ko he tino kua ia te ia te pule kātoa.#Mlk 1.22; Luk 4.32
Currently Selected:
Mataio 7: TOKU
Highlight
Share
Copy
Want to have your highlights saved across all your devices? Sign up or sign in
Bible Society New Zealand Charitable Trust
Mataio 7
7
Ko te Fakamahino atu ki Iētahi Tino
(Luk 6.37-38, 41-42)
1“Nahe koutou fakamahino atu ki iētahi tino, kae ke hē fakamahinoa ai koutou e te Atua, 2auā ka fakamahino koutou e te Atua e vē lava ona fakamahino e koutou iētahi tino, ma ka fakaaogā foki lava e ia kia te koutou nā tūlāfono na fakaaogā e koutou ki iētahi tino.#Mlk 4.24 3Heā te kitea ai e koe te mea otaota i loto o te mata o tō uho, kae hē kē kitea te kogālākau i loto o tō mata? 4E lea vēhea koe ki tō uho, ‘Te uho, tuku mai tō mata ke keu kehe e au te mea otaota i loto,’ kae ko tēnā e iei te kogālākau i loto o tō mata? 5Ko koe ko he tino āmio pepelo! Kave kehe muamua te kogālākau i loto o tō mata, oi fātoā kitea lelei ai e koe ke keu kehe te mea otaota i te mata o tō uho.
6“Nahe fōkia nā mea kua uma te fakapaia ki nā maile, auā ka fakahaga mai oi takati koutou. Nahe togia autou pēnina ki mua o nā puā, auā ka holi ki lalo i o lātou vae.
Gogō atu, Hakili atu, Tukituki atu
(Luk 11.9-13)
7“Gogō atu, oi fōki atu ai kia te koutou; hakili atu, oi maua ai e koutou; tukituki atu, oi tatala mai ai te faitotoka kia te koutou. 8Auā ko nā tino uma e gogō atu, ka fōki mai ki ei, ko nā tino e hakili atu, ka maua e kilātou, ko nā tino e tukituki atu, ka tatala mai ki ei te faitotoka. 9Ko ai he tino o koutou, he tamana, e ia fōkia ki tona ataliki he fatu, kāfai e lea atu ki he falaoa? 10Pe fōki ki ei he gata, kāfai e lea atu ki he ika? 11Kāfai la koutou, e ui lava e kino, kae e koutou iloa oi fōki nā mea lelei mo autou fānau, ka hē hili atu nei la te lahi o nā mea lelei ka fōki atu e te koutou Tamana i te lagi, ki nā tino e gogō atu kia te ia!
12“Fai mo iētahi tino e vē ona fofou koutou ke kilātou faia mo koutou; auā ko tēnei te uiga o te Tūlāfono a Mohe ma nā akoakoga a te kau pelofeta.#Luk 6.31
Ko te Faitotoka Vāiti
(Luk 13.24)
13“Kui ki loto i te faitotoka vāiti, auā ko te faitotoka ki te mālaia e lauefa, ma ko te auala e tau ki ei e faigōfie, e tokalahi foki nā tino e kui ai. 14Kae ko te faitotoka ki te ola e vāiti, ma te auala e tau ki ei e faigatā, e tokaitīti foki nā tino e kilātou maua.
Ko te Lākau ma Ona Fua
(Luk 6.43-44)
15“Koutou ke fakaetēte i nā pelofeta pepelo: e ōmamai kia te koutou e fōliga e vē ni māmoe i te kikila atu i fafo, kae ko loto, e vē lava ni luko fēkakai. 16Ka koutou iloa kilātou ia lātou gāluega e fai. E hē fua mai e ni lākau tālatala ni fuāvine, ma e hē fua mai e ni lākau mātuituia ni fuāmati. 17Ko te lākau e ola lelei, e fua mai ai nā fua lelei, kae ko te lākau e ola kino, e fua mai ai nā fua kino. 18Ko te lākau e ola lelei e hē fua mai ai ni fua kino, ma ko te lākau e ola kino e hē fua mai ai ni fua lelei. 19Ma ko ho he lākau e hē fua mai ai ni fua lelei, e ta ki lalo ma togi ki te afi.#Mat 3.10; Luk 3.9 20Ko te mea ia, ka iloa e koutou nā pelofeta pepelo ia lātou gāluega e fai.#Mat 12.33
E hē Kō iloa Koutou
(Luk 13.25-27)
21“E hē ko te tino e lea mai kia te au, ‘Te Aliki, te Aliki’ te hao ki te Mālō o te lagi, kae ko te tino e ia faia te finagalo o toku Tamana i te lagi. 22Kāfai e pa mai te Aho Fakamahino, e tokalahi nā tino ka lea mai kia te au ‘Te Aliki, te Aliki! Ko tō igoa te na kimātou tālakia ai te fekau a te Atua, ko tō igoa foki te na kimātou tulia ai ki fafo nā tēmoni, ma kimātou faia ai nā vāvega e lahi.’ 23Oi ka lea vē atu ai au kia te kilātou, ‘E hē kō iloa koutou. Olo kehe ma au, koutou nā tino āmio kino.’#Hal 6.8
Ko nā Tino Faufale e Toka Lua
(Luk 6.47-49)
24“Ko te mea ia, ho he tino e lagona e ia nā kupu iēnei a aku ma uhitaki ki ei, e vē ia ko he tino poto na fau tona fale i luga o te papa. 25Kua to mai nā ūaga mamafa, kua tafe mai te vai kua lōfia ai te kelekele, ma kua agi mālohi te matagi ki te fale. Kae e hēki pakū ki lalo auā na fau i luga o te papa.
26“Kae ho he tino e lagona e ia nā kupu iēnei a aku kae hē uhitaki ki ei, e vē ia ko he tino valea na fau tona fale i luga o te oneone. 27Kua to mai nā ūaga mamafa, kua pāpā nā vaitafe ma lōfia te kelekele, ma kua agi mālohi te matagi ki te fale. Oi na pakū ai te fale ki lalo, kua momo likiliki!”
Ko te Pule a Iehu
28Kua uma te lea atu o Iehu i nā mea iēnei, oi na ofo lele ai te kaifenua ki te faiga o ana akoakoga. 29Kua hē vē ia ko nā faiākoga o te Tūlāfono, kae kua vē ko he tino kua ia te ia te pule kātoa.#Mlk 1.22; Luk 4.32
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society New Zealand Charitable Trust