Luka 4
4
Ko nā Fakaohōhoga o Iehu
(Mat 4.1-11; Mlk 1.12, 13)
1Kua toe foki ifo ia Iehu mai te Iolitana, ma kua fakatumulia i te Agaga Paia; oi na tataki ai e te Agaga ki te vao, 2ma ko kinā te na fakaohōho ai e te Tiāpolo i nā aho e fagafulu. E hēki kai lele i te taimi kātoa tēnei, ma i te umaga, na lagona e ia te fia kaia.
3Na lea vē atu ai te Tiāpolo kia Iehu, “Kāfai koe ko te Ataliki o te Atua, fakatonu la te fatu tēnei ke liu ma falaoa.”
4Kae na tali atu ia Iehu, “Lea mai te tuhituhiga paia, ‘E hē ko nā meakai oioti te ola ai te tagata.’ ” #Teu 8.3
5Oi na takitaki ai ia Iehu e te Tiāpolo ki he mea maualuga, ma fakakikila ki nā mālō uma o te lalolagi mo he taimi pukupuku. 6Kua lea atu te Tiāpolo kia Iehu, “Ka fōki atu e au kia te koe te pule ki nā mālō uma iēnei, vēnā ma te tamaokāiga uma o kilātou; auā kua uma te tuku mai kia te au, ma e kō mafaia oi fōki ki ho he tino e loto au ki ei. 7Kāfai la koe e ifo mai kia te au, ko nā mea uma lele iēnei, ka e a koe.”
8Na tali mai ia Iehu, “E lea mai te tuhituhiga paia, ‘Ifo atu ki te Aliki tō Atua, ma kaukauna oioti kia te ia!’ ” #Teu 6.13
9Oi na kave ai ia Iehu e te Tiāpolo ki Ieluhalema, kua fakatū i luga o te mea pito maualuga o te Mālumalu, ma na lea vē atu ai te Tiāpolo ki ei, “Kāfai koe ko te Ataliki o te Atua, oho la ki lalo mai kinei, 10auā e leamai te tuhituhiga paia, ‘Ka fakatonu e te Atua ana āgelu, ke kilātou tauhia koe,’ ma #Hal 91.11-12 11‘Ka kilātou hapahapaia koe i o lātou lima, kae ke nahe ogohia nā vae o koe i nā fatu.’ ”
12Kae na tali atu ia Iehu, “E lea mai foki te tuhituhiga paia, ‘Nahe kē tofotofoa te Aliki tō Atua.’ ” #Teu 6.16
13Kua uma te fakaohōho o Iehu e te Tiāpolo i nā mea uma iēnei, oi na fano kehe ai kae kua tuku ia Iehu, ke pa ki hētahi taimi.
Kua Kāmata te Gāluega a Iehu i Kalilaia
(Mat 4.12-17; Mlk 1.14, 15)
14Oi na toe foki ai ia Iehu ki Kalilaia, ma nae fakatahi ma ia, te mana o te Agaga Paia. Kua halalau foki te tala e uiga kia te ia, ki te kogāfenua kātoa tēnā. 15Nae akoako e ia nā tino i loto o nā hūnako, ma nae vīkia ai ia e kilātou uma lele.
Kua Teteke e Tagata o Nahaleta ia Iehu
(Mat 13.53-58; Mlk 6.1-6)
16Oi na fano ai ia Iehu ki Nahaleta, te nuku na ola ake ai. Kua pa ki te Hāpati, oi na fano ai ki te hūnako, e vē ko tana māhani. Na tū ki luga ke ia faitaua nā Tuhituhiga Paia, 17oi na tuku atu ai kia te ia te tuhi a te pelofeta ko Ihaia. Kua fofola e ia te tuhitākai, ma na ia maua te mea e tuhi ai vēnei,
18“Ko te Agaga o te Aliki e i oku luga,
auā kua ia fakaukua au,
ke tālakia te tala lelei ki nā tino mātitiva.
Kua ia uga maia au ke folafola
te fakahaolotoga o tagata e nofo pologa,
ma fakapupula ia mata o tāuaho;
ke fakahaoloto nā tino e maua i fakahāuāga, #Iha 61.1, 2 (LXX)
19ma ke folafola te taimi
ka fakaola ai e te Aliki ona tagata.”
20Na toe tākai e Iehu te tuhitākai, ma fōki ki te tino nae ia kikilāgia te hūnako, oi na nofo ai ki lalo. Ko mata o tagata nae i loto o te hūnako, kua tuku tahi uma kia Iehu, 21i te leaga vēia kia te kilātou, “Ko te vāega tēnei o te tuhituhiga paia kua taunuku i te aho nei, i te fakalogoga o koutou ki te faitau atuga.”
22Na fiafia lele kilātou uma, ma na ofo lele ki te lelei o ana fakakupuga nae tautala ai. Na vē ake ai te lātou kupu, “E hē ko ia nei tēnei te ataliki o Iohefa?”
23Kua lea atu ia Iehu kia te kilātou, “E hē taumate ka koutou fai maia kia te au te alagākupu tēnei, ‘Te fōmai, mua fakamālōlō lava koe e koe!’ Ka lea mai foki koutou, ‘Fai foki i kinei i tō nuku, nā mea na fakalogo kimātou na fai e koe i Kapenaumi.’ ” 24Kua toe lea atu ia Iehu, “E lea atu au kia te koutou i te meamoni, e hē talia nā pelofeta i o lātou lava nuku. #Ioa 4.44
25“Kae ko te meamoni, nae tokalahi nā fafine kua oti a lātou tāne i Ihalaelu i nā aho o Elia, i te taimi nae hēai ai he ua na tō mo he tolu ma te āfa tauhaga, ma na tupu ai he oge lahi lele i te fenua kātoa. #1 Tup 17.1 26Oi ka ko Elia e hēki uga atua ki he tino e fokotahi o kilātou, kae na uga ki he fafine kua oti tana tāne nae nofo i Halefata, i te itūmālō o Haitonu. #1 Tup 17.8-16 27Ma nae tokalahi nā lēpela i Ihalaelu i nā aho o te pelofeta ko Elihaia; kae e hēki iei lele he tino o kilātou iēnā na fakamamāgia, kae vaganā ai ia Naamanu te tino Hulia.” #2 Tup 5.1-14
28I te lagona atuga e nā tino nae i loto o te hūnako te mea tēnei, oi na tīgā lele ai o lātou loto. 29Oi na tutū ai ki luga oi toho ia Iehu ki fafo o te kakai, ma kave ki te tafatō o te mea maugā e tū i luga to lātou kakai. Ko te mea nae i o lātou māfaufau, ko Iehu e kilātou togia ki lalo o te tafatō, 30kae na havali atu ia Iehu i loto o te tumutumu o te kaifenua, ma na fano kehe ai ma kinā.
Ko te Tamāloa nae Ulufia e he Agaga Kino
(Mlk 1.21-28)
31Oi na fano ai ia Iehu ki Kapenaumi, he kakai i Kalilaia, ma i kinā na akoako atu ia ki tagata i te Hāpati. 32Na ofo lele nā tino ki te faiga o ana akoakoga, ona nae tautala ma te pule. #Mat 7.28-29 33Nae i te hūnako he tamāloa nae ia te ia te agaga o he tēmoni kino; nae taukekē leo lahi vēia, 34“Iehu te Nahaleta, heā kō ta koe e fai mai kia te kimātou? Ko koe kua hau ke fakatāugā kimātou? E kō iloa koe: ko koe ko te Tokatahi Paia a te Atua!”
35Kae na muna atu ki ei ia Iehu, kua lea vē atu, “Te piha kae hau loa ki fafo o te tino tēnā!” Na togi loa e te tēmoni te tamāloa ki lalo i mua o kilātou ma na fano ai ki fafo, kae e hēki faia hana mea ki te tamāloa.
36Na ofo lele ia tagata uma, ma kua lea vē tētahi ki tētahi, “Ni itūkāiga kupu ā iēnei? Ko te tagata tēnei e ia te ia te pule ma te mana, ma e ia fakatonua nā agaga kino, ma ōmamai ai lava ki fafo!” 37Oi na halalau ai te tala kia Iehu, ki nā itū uma o te kogāfenua tēnā.
Kua Fakamālōlō e Iehu nā Tino e Tokalahi.
(Mat 8.14-17; Mlk 1.29-34)
38Kua fano kehe ia Iehu mai te hūnako, ma kua fano ki te fale o Himona. Ko te mātua o te āvaga a Himona, nae tauale i he fiva maualuga, oi na fakataumuna ai kilātou kia Iehu e uiga ki te fafine. 39Oi na fano ai ia Iehu kua tū i tafa o te moega o te fafine, ma na fakatonu ai e ia te fiva ke fano kehe mai te fafine. Kua fano kehe te fiva mai te fafine, oi na tū ake ai ki luga i te taimi lava tēnā, kua fano oi laulau te lātou meakai.
40I te gotoga o te lā, ko kilātou uma lele nae iei ni o lātou tino nae maua i nā itūkāiga tauale kehekehe, kua ōmamai ma kaumai kia Iehu: kua fakauta ona lima ki luga o kilātou tau toka tahi, ma na mālōlō ai kilātou uma. 41Na olo foki ki fafo nā tēmoni mai nā tino e tokalahi, ma nae tau kālalaga vēia, “Ko koe ko te Ataliki o te Atua!”
Kae kua fakatonu e Iehu nā tēmoni ke nahe kilātou tautatala, auā na iloa e nā tēmoni, ko Iehu ko te Mehia.
Kua Tālaki e Iehu te Tala Lelei i loto o nā Hūnako
(Mlk 1.35-39)
42Kua malama te tāeao, oi na fano kehe ai ia Iehu mai kinā, ma kua fano ki he kogāfenua e hēai ni tino nae nonofo ai. Kua kāmata oi hakili e tagata ia Iehu, ma i te mauaga o ia e kilātou, oi na taumafai ai kilātou ke tāofi ia Iehu, ke nahe fano kehe ma kinā. 43Kae kua lea atu ia Iehu kia te kilātou, “E tatau foki ke kō tālakia te Tala Lelei e uiga ki te Mālō o te Atua ki iētahi kakai, auā ko tēnei te mea na uga mai au e te Atua ke fai.”
44Oi na folafola atu ai e ia te Tala Lelei i loto o nā hūnako, i Iutea kātoa.
Currently Selected:
Luka 4: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Luka 4
4
Ko nā Fakaohōhoga o Iehu
(Mat 4.1-11; Mlk 1.12, 13)
1Kua toe foki ifo ia Iehu mai te Iolitana, ma kua fakatumulia i te Agaga Paia; oi na tataki ai e te Agaga ki te vao, 2ma ko kinā te na fakaohōho ai e te Tiāpolo i nā aho e fagafulu. E hēki kai lele i te taimi kātoa tēnei, ma i te umaga, na lagona e ia te fia kaia.
3Na lea vē atu ai te Tiāpolo kia Iehu, “Kāfai koe ko te Ataliki o te Atua, fakatonu la te fatu tēnei ke liu ma falaoa.”
4Kae na tali atu ia Iehu, “Lea mai te tuhituhiga paia, ‘E hē ko nā meakai oioti te ola ai te tagata.’ ” #Teu 8.3
5Oi na takitaki ai ia Iehu e te Tiāpolo ki he mea maualuga, ma fakakikila ki nā mālō uma o te lalolagi mo he taimi pukupuku. 6Kua lea atu te Tiāpolo kia Iehu, “Ka fōki atu e au kia te koe te pule ki nā mālō uma iēnei, vēnā ma te tamaokāiga uma o kilātou; auā kua uma te tuku mai kia te au, ma e kō mafaia oi fōki ki ho he tino e loto au ki ei. 7Kāfai la koe e ifo mai kia te au, ko nā mea uma lele iēnei, ka e a koe.”
8Na tali mai ia Iehu, “E lea mai te tuhituhiga paia, ‘Ifo atu ki te Aliki tō Atua, ma kaukauna oioti kia te ia!’ ” #Teu 6.13
9Oi na kave ai ia Iehu e te Tiāpolo ki Ieluhalema, kua fakatū i luga o te mea pito maualuga o te Mālumalu, ma na lea vē atu ai te Tiāpolo ki ei, “Kāfai koe ko te Ataliki o te Atua, oho la ki lalo mai kinei, 10auā e leamai te tuhituhiga paia, ‘Ka fakatonu e te Atua ana āgelu, ke kilātou tauhia koe,’ ma #Hal 91.11-12 11‘Ka kilātou hapahapaia koe i o lātou lima, kae ke nahe ogohia nā vae o koe i nā fatu.’ ”
12Kae na tali atu ia Iehu, “E lea mai foki te tuhituhiga paia, ‘Nahe kē tofotofoa te Aliki tō Atua.’ ” #Teu 6.16
13Kua uma te fakaohōho o Iehu e te Tiāpolo i nā mea uma iēnei, oi na fano kehe ai kae kua tuku ia Iehu, ke pa ki hētahi taimi.
Kua Kāmata te Gāluega a Iehu i Kalilaia
(Mat 4.12-17; Mlk 1.14, 15)
14Oi na toe foki ai ia Iehu ki Kalilaia, ma nae fakatahi ma ia, te mana o te Agaga Paia. Kua halalau foki te tala e uiga kia te ia, ki te kogāfenua kātoa tēnā. 15Nae akoako e ia nā tino i loto o nā hūnako, ma nae vīkia ai ia e kilātou uma lele.
Kua Teteke e Tagata o Nahaleta ia Iehu
(Mat 13.53-58; Mlk 6.1-6)
16Oi na fano ai ia Iehu ki Nahaleta, te nuku na ola ake ai. Kua pa ki te Hāpati, oi na fano ai ki te hūnako, e vē ko tana māhani. Na tū ki luga ke ia faitaua nā Tuhituhiga Paia, 17oi na tuku atu ai kia te ia te tuhi a te pelofeta ko Ihaia. Kua fofola e ia te tuhitākai, ma na ia maua te mea e tuhi ai vēnei,
18“Ko te Agaga o te Aliki e i oku luga,
auā kua ia fakaukua au,
ke tālakia te tala lelei ki nā tino mātitiva.
Kua ia uga maia au ke folafola
te fakahaolotoga o tagata e nofo pologa,
ma fakapupula ia mata o tāuaho;
ke fakahaoloto nā tino e maua i fakahāuāga, #Iha 61.1, 2 (LXX)
19ma ke folafola te taimi
ka fakaola ai e te Aliki ona tagata.”
20Na toe tākai e Iehu te tuhitākai, ma fōki ki te tino nae ia kikilāgia te hūnako, oi na nofo ai ki lalo. Ko mata o tagata nae i loto o te hūnako, kua tuku tahi uma kia Iehu, 21i te leaga vēia kia te kilātou, “Ko te vāega tēnei o te tuhituhiga paia kua taunuku i te aho nei, i te fakalogoga o koutou ki te faitau atuga.”
22Na fiafia lele kilātou uma, ma na ofo lele ki te lelei o ana fakakupuga nae tautala ai. Na vē ake ai te lātou kupu, “E hē ko ia nei tēnei te ataliki o Iohefa?”
23Kua lea atu ia Iehu kia te kilātou, “E hē taumate ka koutou fai maia kia te au te alagākupu tēnei, ‘Te fōmai, mua fakamālōlō lava koe e koe!’ Ka lea mai foki koutou, ‘Fai foki i kinei i tō nuku, nā mea na fakalogo kimātou na fai e koe i Kapenaumi.’ ” 24Kua toe lea atu ia Iehu, “E lea atu au kia te koutou i te meamoni, e hē talia nā pelofeta i o lātou lava nuku. #Ioa 4.44
25“Kae ko te meamoni, nae tokalahi nā fafine kua oti a lātou tāne i Ihalaelu i nā aho o Elia, i te taimi nae hēai ai he ua na tō mo he tolu ma te āfa tauhaga, ma na tupu ai he oge lahi lele i te fenua kātoa. #1 Tup 17.1 26Oi ka ko Elia e hēki uga atua ki he tino e fokotahi o kilātou, kae na uga ki he fafine kua oti tana tāne nae nofo i Halefata, i te itūmālō o Haitonu. #1 Tup 17.8-16 27Ma nae tokalahi nā lēpela i Ihalaelu i nā aho o te pelofeta ko Elihaia; kae e hēki iei lele he tino o kilātou iēnā na fakamamāgia, kae vaganā ai ia Naamanu te tino Hulia.” #2 Tup 5.1-14
28I te lagona atuga e nā tino nae i loto o te hūnako te mea tēnei, oi na tīgā lele ai o lātou loto. 29Oi na tutū ai ki luga oi toho ia Iehu ki fafo o te kakai, ma kave ki te tafatō o te mea maugā e tū i luga to lātou kakai. Ko te mea nae i o lātou māfaufau, ko Iehu e kilātou togia ki lalo o te tafatō, 30kae na havali atu ia Iehu i loto o te tumutumu o te kaifenua, ma na fano kehe ai ma kinā.
Ko te Tamāloa nae Ulufia e he Agaga Kino
(Mlk 1.21-28)
31Oi na fano ai ia Iehu ki Kapenaumi, he kakai i Kalilaia, ma i kinā na akoako atu ia ki tagata i te Hāpati. 32Na ofo lele nā tino ki te faiga o ana akoakoga, ona nae tautala ma te pule. #Mat 7.28-29 33Nae i te hūnako he tamāloa nae ia te ia te agaga o he tēmoni kino; nae taukekē leo lahi vēia, 34“Iehu te Nahaleta, heā kō ta koe e fai mai kia te kimātou? Ko koe kua hau ke fakatāugā kimātou? E kō iloa koe: ko koe ko te Tokatahi Paia a te Atua!”
35Kae na muna atu ki ei ia Iehu, kua lea vē atu, “Te piha kae hau loa ki fafo o te tino tēnā!” Na togi loa e te tēmoni te tamāloa ki lalo i mua o kilātou ma na fano ai ki fafo, kae e hēki faia hana mea ki te tamāloa.
36Na ofo lele ia tagata uma, ma kua lea vē tētahi ki tētahi, “Ni itūkāiga kupu ā iēnei? Ko te tagata tēnei e ia te ia te pule ma te mana, ma e ia fakatonua nā agaga kino, ma ōmamai ai lava ki fafo!” 37Oi na halalau ai te tala kia Iehu, ki nā itū uma o te kogāfenua tēnā.
Kua Fakamālōlō e Iehu nā Tino e Tokalahi.
(Mat 8.14-17; Mlk 1.29-34)
38Kua fano kehe ia Iehu mai te hūnako, ma kua fano ki te fale o Himona. Ko te mātua o te āvaga a Himona, nae tauale i he fiva maualuga, oi na fakataumuna ai kilātou kia Iehu e uiga ki te fafine. 39Oi na fano ai ia Iehu kua tū i tafa o te moega o te fafine, ma na fakatonu ai e ia te fiva ke fano kehe mai te fafine. Kua fano kehe te fiva mai te fafine, oi na tū ake ai ki luga i te taimi lava tēnā, kua fano oi laulau te lātou meakai.
40I te gotoga o te lā, ko kilātou uma lele nae iei ni o lātou tino nae maua i nā itūkāiga tauale kehekehe, kua ōmamai ma kaumai kia Iehu: kua fakauta ona lima ki luga o kilātou tau toka tahi, ma na mālōlō ai kilātou uma. 41Na olo foki ki fafo nā tēmoni mai nā tino e tokalahi, ma nae tau kālalaga vēia, “Ko koe ko te Ataliki o te Atua!”
Kae kua fakatonu e Iehu nā tēmoni ke nahe kilātou tautatala, auā na iloa e nā tēmoni, ko Iehu ko te Mehia.
Kua Tālaki e Iehu te Tala Lelei i loto o nā Hūnako
(Mlk 1.35-39)
42Kua malama te tāeao, oi na fano kehe ai ia Iehu mai kinā, ma kua fano ki he kogāfenua e hēai ni tino nae nonofo ai. Kua kāmata oi hakili e tagata ia Iehu, ma i te mauaga o ia e kilātou, oi na taumafai ai kilātou ke tāofi ia Iehu, ke nahe fano kehe ma kinā. 43Kae kua lea atu ia Iehu kia te kilātou, “E tatau foki ke kō tālakia te Tala Lelei e uiga ki te Mālō o te Atua ki iētahi kakai, auā ko tēnei te mea na uga mai au e te Atua ke fai.”
44Oi na folafola atu ai e ia te Tala Lelei i loto o nā hūnako, i Iutea kātoa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust