Levitika 8
8
Te Fakaukuga o Alona ma Ona Ataliki
(Eho 29.1-37)
1Na vāgana te Aliki kia Mohe, 2“Kave ia Alona ma ona ataliki, ma o lātou kofu ohitāulaga, te lolo fakauku, te pōvi poa mo te tāulaga mo nā agahala, nā māmoe poa e lua, ma te polapola e i loto ai nā pāpā falaoa hē fakafefetea. 3Oi fakamāopōpo mai ai te fakapotopotoga kātoa o Ihalaelu ki te fāitotoka o te Falekie Tapu.”
4Na fai e Mohe e vē ona fakatonu ai ia e te Aliki. I te māopōpo maiga o te fakapotopotoga kātoa ki te faitotoka o te Falekie Tapu, 5na lea vē atu ia Mohe ki te fakapotopotoga, “Ko tēnei te mea kua fakatonu mai e te Aliki ke fai!”
6Oi na kaumai ai e Mohe ia Alona ma ona ataliki ki mua, ma fulufulu o lātou tino i te vai. 7Ma na fakakofu e ia ia Alona i te kofutino ma nonoa te fuhipaku kie ki tona taugātiti. Oi na fakakofu ai i te kofuloloa ma tuku te efota#8.7 efota Kikila ki te Lihi o nā Kupu ki ona luga, ma nonoa te fuhipaku kie teuteu ki tona taugātiti. 8Ma na fakauta ai e ia te punifatafata ki luga o Alona, ma fafao ki loto te Ulima ma te Tumima.#8.8 Ulima ma te Tumima Ni mea e lua nae fakaaogā e te ohitāulaga ke hakili ai te finagalo o te Atua; e hē mautinoa lelei pe nae vēhea oi fakaaogā nā mea iēnei 9Oi na tuku ai e ia te faufautū ki luga o te ulu o Alona, ma fakamau te pine aulo teuteu ki mua, te fakailoga paia o te tofi, e vē ko te fakatonuga a te Aliki kia Mohe.
10Oi na kave ai e Mohe te lolo ma fakauku ai te Falekie Tapu ma nā mea uma i loto, ma na fakapaiagia uma ai. 11Na lūlū fakafitu e ia he vāega o te lolo ki luga o te fata faitāulaga ma ona kope uma, ma ki te tānoa ma tona tūlaga, ke fakapaia ai kilātou mo te Aliki. 12Oi na liligi ai e ia ni lolo ki luga o te ulu o Alona ke fakauku ai ia, ma ke fakapaiagia ai. 13Ma na kaumai ai e Mohe nā ataliki o Alona ki mua, ma fai o lātou kofutino ma nonoa nā fuhipaku kie ki o lātou taugātiti, ma fakamau nā pūlou kie ki o lātou ulu, e vē ona fakatonu e te Aliki.
14Oi na kaumai ai e Mohe te pōvi poa mo te tāulaga mo nā agahala, ma na fakauta ai nā lima o Alona ma ona ataliki ki luga o te ulu o te pōvi poa. 15Ma na tāmate ai e Mohe te pōvi poa ma kave he vāega o te toto, ma i tona muamuālima, na tuku e ia he toto ki nā nifohua e fa i nā tulimanu o te fata faitāulaga, ke fakapaia ai. Oi na liligi ai e ia te toto na totoe ki te tūlaga o te fata faitāulaga. I te faiga tēnei, na fakapaiagia ai te fata faitāulaga ma fakamamāgia. 16Oi na kave ai e Mohe te gako uma o nā tōtōga, te vāega pito hili te lelei o te ate, ma nā fatugako ma te gako e pipiki ai, kua huhunu uma i luga o te fata faitāulaga. 17Kua kave e ia nā mea koi totoe o te pōvi poa, tona paku, tona kanofi, ma tona otaota, kua huhunu i fafo o te api, e vē lava ko te fakatonuga a te Aliki.
18Oi na kaumai ai e Mohe te māmoe poa mo te tāulaga mū, ma na fakauta ai nā lima o Alona ma ona ataliki ki luga o te ulu o te māmoe. 19Oi na tāmate ai e Mohe te māmoe poa, ma liaki tona toto ki nā itū uma o te fata faitāulaga. 20Na tipitipi e ia te māmoe poa ki ni vāega taigogole, ma huhunu te piho, nā vāega taigogole, ma te gako i luga o te fata faitāulaga. 21Kua uma te fufulu e Mohe o nā tōtōga ma nā vae i te vai, oi na huhunu kātoa ai e ia te māmoe poa i luga o te fata faitāulaga. Ko he tāulaga mū tēnei; he meālofa meakai na ofo atu i te afi ki te Aliki, ko tona manogi e fiafia ai ia, e vē lava ko tana fakatonuga kia Mohe.
22Oi na kaumai ai e Mohe tona lua o māmoe poa, ko te māmoe poa ia mo te fakaukuga o nā ohitāulaga; na fakauta atu ia lima o Alona ma ona ataliki ki te ulu o te māmoe poa, 23oi na tāmate ai. Na kave ai e Mohe he vāega o te toto oi tuku ki te lautaliga taumatau o Alona, ma ki te muamuālima matua o tona lima taumatau, ma ki te muamuāvae matua o tona vae taumatau. 24Na kaumai foki e Mohe ki mua nā ataliki o Alona, ma tuku atu he vāega o te toto ki o lātou lautaliga taumatau, ki nā muamuālima matua taumatau, ma ki nā muamuāvae matua o nā vae taumatau o kilātou. Oi na liaki ai e Mohe te toto na totoe ki nā itū uma o te fata faitāulaga. 25Na uma tēnā, oi na kave e ia te gako, te gako o te toke, te gako kātoa nae tatao ai nā tōtōga, te vāega e hili te lelei o te ate, nā fatugako ma te gako e pipiki ai, ma te ālaga taumatau. 26Oi na kave ai e ia he falaoa e fokotahi mai te polapola falaoa hē fakafefetea kua fakapaia mo te Aliki, e fokotahi te falaoa na palu i te lolo, ma he mahi mānifinifi, ma tuku ki luga o te gako ma te ālaga taumatau. 27Na tuku uma atu e ia nā mea iēnei ki nā lima o Alona ma ona ataliki, ma na kilātou ofo atua ma meālofa fakapitoa ki te Aliki. 28Oi na kave ai e Mohe nā meakai mai o lātou lima ma huhunu i luga o te fata faitāulaga, i luga o te tāulaga mū, ke fai ma tāulaga o te fakaukuga. Ko he meālofa meakai tēnei na ofo atu i te afi, ko tona manogi e fiafia ai te Aliki. 29Oi na tago ai ia Mohe ki te fatafata ma hiki ki luga ke fai ma meālofa fakapitoa ki te Aliki; ko tēnā te inati o Mohe i te māmoe poa o te fakaukuga, e vē ona fakatonu ai ia e te Aliki.
30Oi na kave ai e Mohe he vāega o te lolo fakauku ma he vāega o te toto nae i te fata faitāulaga, oi hauhau ki luga o Alona ma ona lākei, ma ki luga foki o ona ataliki ma o lā lākei. Ma na fakapaiagia ai ia Alona ma ona lākei, ma vēnā foki ona ataliki ma o lā lākei. 31Ma na lea atu ai ia Mohe kia Alona ma ona ataliki, “Haka nā kanofi manu i te fāitotoka ki te Falekie Tapu, ma kai i kinā ma te falaoa i loto o te polapola o nā mea kua ofo atu ma tāulaga mo te fakaukuga, e vē ona fakatonu vē mai e te Aliki, ‘Ko Alona ma ona ataliki ka kaia nā mea iēnei’; 32ma ko heā lava te totoe o nā kanofi o te manu ma nā falaoa, e huhunu i te afi. 33Ko koutou e hē olo ki fafo o te fāitotoka o te Falekie Tapu mo ni aho e fitu, auā ko te taimi tēnā e fakauma lelei ai nā hāuniga o te fakaukuga. 34Ko nā mea uma na fai e kitātou i te aho nei, na fakatonu mai e te Aliki ke fai, kae ke fakamamā ai nā agahala a koutou. 35Ko koutou e tatau ke nonofo pea i te fāitotoka o te Falekie Tapu, i te ao ma te pō, ma i nā aho e fitu, e vē ona fakatonu mai e te Aliki. Kāfai ka hē koutou faia te mea tēnei, oi ko koutou ka feoti, auā ko te mea ia na fakatonu mai e te Aliki kia te au.”
36Oi na fakatino ai e Alona ma ona ataliki nā mea uma na fakatonu e te Aliki, e ala mai ia Mohe.
Currently Selected:
Levitika 8: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Levitika 8
8
Te Fakaukuga o Alona ma Ona Ataliki
(Eho 29.1-37)
1Na vāgana te Aliki kia Mohe, 2“Kave ia Alona ma ona ataliki, ma o lātou kofu ohitāulaga, te lolo fakauku, te pōvi poa mo te tāulaga mo nā agahala, nā māmoe poa e lua, ma te polapola e i loto ai nā pāpā falaoa hē fakafefetea. 3Oi fakamāopōpo mai ai te fakapotopotoga kātoa o Ihalaelu ki te fāitotoka o te Falekie Tapu.”
4Na fai e Mohe e vē ona fakatonu ai ia e te Aliki. I te māopōpo maiga o te fakapotopotoga kātoa ki te faitotoka o te Falekie Tapu, 5na lea vē atu ia Mohe ki te fakapotopotoga, “Ko tēnei te mea kua fakatonu mai e te Aliki ke fai!”
6Oi na kaumai ai e Mohe ia Alona ma ona ataliki ki mua, ma fulufulu o lātou tino i te vai. 7Ma na fakakofu e ia ia Alona i te kofutino ma nonoa te fuhipaku kie ki tona taugātiti. Oi na fakakofu ai i te kofuloloa ma tuku te efota#8.7 efota Kikila ki te Lihi o nā Kupu ki ona luga, ma nonoa te fuhipaku kie teuteu ki tona taugātiti. 8Ma na fakauta ai e ia te punifatafata ki luga o Alona, ma fafao ki loto te Ulima ma te Tumima.#8.8 Ulima ma te Tumima Ni mea e lua nae fakaaogā e te ohitāulaga ke hakili ai te finagalo o te Atua; e hē mautinoa lelei pe nae vēhea oi fakaaogā nā mea iēnei 9Oi na tuku ai e ia te faufautū ki luga o te ulu o Alona, ma fakamau te pine aulo teuteu ki mua, te fakailoga paia o te tofi, e vē ko te fakatonuga a te Aliki kia Mohe.
10Oi na kave ai e Mohe te lolo ma fakauku ai te Falekie Tapu ma nā mea uma i loto, ma na fakapaiagia uma ai. 11Na lūlū fakafitu e ia he vāega o te lolo ki luga o te fata faitāulaga ma ona kope uma, ma ki te tānoa ma tona tūlaga, ke fakapaia ai kilātou mo te Aliki. 12Oi na liligi ai e ia ni lolo ki luga o te ulu o Alona ke fakauku ai ia, ma ke fakapaiagia ai. 13Ma na kaumai ai e Mohe nā ataliki o Alona ki mua, ma fai o lātou kofutino ma nonoa nā fuhipaku kie ki o lātou taugātiti, ma fakamau nā pūlou kie ki o lātou ulu, e vē ona fakatonu e te Aliki.
14Oi na kaumai ai e Mohe te pōvi poa mo te tāulaga mo nā agahala, ma na fakauta ai nā lima o Alona ma ona ataliki ki luga o te ulu o te pōvi poa. 15Ma na tāmate ai e Mohe te pōvi poa ma kave he vāega o te toto, ma i tona muamuālima, na tuku e ia he toto ki nā nifohua e fa i nā tulimanu o te fata faitāulaga, ke fakapaia ai. Oi na liligi ai e ia te toto na totoe ki te tūlaga o te fata faitāulaga. I te faiga tēnei, na fakapaiagia ai te fata faitāulaga ma fakamamāgia. 16Oi na kave ai e Mohe te gako uma o nā tōtōga, te vāega pito hili te lelei o te ate, ma nā fatugako ma te gako e pipiki ai, kua huhunu uma i luga o te fata faitāulaga. 17Kua kave e ia nā mea koi totoe o te pōvi poa, tona paku, tona kanofi, ma tona otaota, kua huhunu i fafo o te api, e vē lava ko te fakatonuga a te Aliki.
18Oi na kaumai ai e Mohe te māmoe poa mo te tāulaga mū, ma na fakauta ai nā lima o Alona ma ona ataliki ki luga o te ulu o te māmoe. 19Oi na tāmate ai e Mohe te māmoe poa, ma liaki tona toto ki nā itū uma o te fata faitāulaga. 20Na tipitipi e ia te māmoe poa ki ni vāega taigogole, ma huhunu te piho, nā vāega taigogole, ma te gako i luga o te fata faitāulaga. 21Kua uma te fufulu e Mohe o nā tōtōga ma nā vae i te vai, oi na huhunu kātoa ai e ia te māmoe poa i luga o te fata faitāulaga. Ko he tāulaga mū tēnei; he meālofa meakai na ofo atu i te afi ki te Aliki, ko tona manogi e fiafia ai ia, e vē lava ko tana fakatonuga kia Mohe.
22Oi na kaumai ai e Mohe tona lua o māmoe poa, ko te māmoe poa ia mo te fakaukuga o nā ohitāulaga; na fakauta atu ia lima o Alona ma ona ataliki ki te ulu o te māmoe poa, 23oi na tāmate ai. Na kave ai e Mohe he vāega o te toto oi tuku ki te lautaliga taumatau o Alona, ma ki te muamuālima matua o tona lima taumatau, ma ki te muamuāvae matua o tona vae taumatau. 24Na kaumai foki e Mohe ki mua nā ataliki o Alona, ma tuku atu he vāega o te toto ki o lātou lautaliga taumatau, ki nā muamuālima matua taumatau, ma ki nā muamuāvae matua o nā vae taumatau o kilātou. Oi na liaki ai e Mohe te toto na totoe ki nā itū uma o te fata faitāulaga. 25Na uma tēnā, oi na kave e ia te gako, te gako o te toke, te gako kātoa nae tatao ai nā tōtōga, te vāega e hili te lelei o te ate, nā fatugako ma te gako e pipiki ai, ma te ālaga taumatau. 26Oi na kave ai e ia he falaoa e fokotahi mai te polapola falaoa hē fakafefetea kua fakapaia mo te Aliki, e fokotahi te falaoa na palu i te lolo, ma he mahi mānifinifi, ma tuku ki luga o te gako ma te ālaga taumatau. 27Na tuku uma atu e ia nā mea iēnei ki nā lima o Alona ma ona ataliki, ma na kilātou ofo atua ma meālofa fakapitoa ki te Aliki. 28Oi na kave ai e Mohe nā meakai mai o lātou lima ma huhunu i luga o te fata faitāulaga, i luga o te tāulaga mū, ke fai ma tāulaga o te fakaukuga. Ko he meālofa meakai tēnei na ofo atu i te afi, ko tona manogi e fiafia ai te Aliki. 29Oi na tago ai ia Mohe ki te fatafata ma hiki ki luga ke fai ma meālofa fakapitoa ki te Aliki; ko tēnā te inati o Mohe i te māmoe poa o te fakaukuga, e vē ona fakatonu ai ia e te Aliki.
30Oi na kave ai e Mohe he vāega o te lolo fakauku ma he vāega o te toto nae i te fata faitāulaga, oi hauhau ki luga o Alona ma ona lākei, ma ki luga foki o ona ataliki ma o lā lākei. Ma na fakapaiagia ai ia Alona ma ona lākei, ma vēnā foki ona ataliki ma o lā lākei. 31Ma na lea atu ai ia Mohe kia Alona ma ona ataliki, “Haka nā kanofi manu i te fāitotoka ki te Falekie Tapu, ma kai i kinā ma te falaoa i loto o te polapola o nā mea kua ofo atu ma tāulaga mo te fakaukuga, e vē ona fakatonu vē mai e te Aliki, ‘Ko Alona ma ona ataliki ka kaia nā mea iēnei’; 32ma ko heā lava te totoe o nā kanofi o te manu ma nā falaoa, e huhunu i te afi. 33Ko koutou e hē olo ki fafo o te fāitotoka o te Falekie Tapu mo ni aho e fitu, auā ko te taimi tēnā e fakauma lelei ai nā hāuniga o te fakaukuga. 34Ko nā mea uma na fai e kitātou i te aho nei, na fakatonu mai e te Aliki ke fai, kae ke fakamamā ai nā agahala a koutou. 35Ko koutou e tatau ke nonofo pea i te fāitotoka o te Falekie Tapu, i te ao ma te pō, ma i nā aho e fitu, e vē ona fakatonu mai e te Aliki. Kāfai ka hē koutou faia te mea tēnei, oi ko koutou ka feoti, auā ko te mea ia na fakatonu mai e te Aliki kia te au.”
36Oi na fakatino ai e Alona ma ona ataliki nā mea uma na fakatonu e te Aliki, e ala mai ia Mohe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust