Levitika 20
20
Fakahalaga mo te Hē Uhitaki.
1Na vāgana te Aliki kia Mohe, 2“Lea vēnei ki nā tino Ihalaelu: ‘Ho he tino o koutou pe he tino kehe e nofo i Ihalaelu, e fōki e ia hana tamaiti kia Moleka, e tatau ke tāmate; ka fetogi te tino tēnā ke mate, e nā tino o te fenua. 3Ka teteke e au te tino tēnā ma vavae kehe mai te fakapotopotoga a oku tagata; auā ko te ofo atu e ia o ana tamaiti kia Moleka, kua hē mamā ai toku nofoaga paia ma takuvalea ai toku igoa paia. 4Ma kāfai nā tino o te fenua e pupuni nā mata kāfai e ofo atu e te tino hana tamaiti kia Moleka, ma e hē kilātou tāmatea, 5oi ka teteke e au kilātou ma o lātou kāiga. Ka vavae kehe kilātou mai te fakapotopotoga a oku tagata; kilātou ma iētahi tino uma e mulimuli kia te kilātou ma kua mulilua fakatahi uma ai kilātou, ona kua ofo atu e kilātou nā tāulaga kia Moleka.
6“ ‘Ka teteke foki e au he tino e liliu ki nā taulāitu vavaka ma nā tino fai mea fakataulāitu ma kua mulilua ai kilātou, ona kua mulimuli kia te kilātou; ma ka vavae kehe kilātou e au mai te fakapotopotoga a oku tagata.
7“ ‘Ofo atu outou tagata mo te Atua, ma ke fakapaiagia; auā ko au ko te Aliki te koutou Atua. 8Mulimuli ki aku vāiniuga ma tauhi ki ei. Ko au ko te Aliki, e fakapaiagia koutou.
9 #
Eho 21.17; Mat 15.4; Mlk 7.10 “ ‘Ho he tino e fetuku e ia tona tamana pe ko tona mātua, e tatau ke tāmate. Ona kua fetuku e ia tona tamana pe ko tona mātua, ka i luga ai lava o tona ulu tona toto.
10 #
Eho 20.14; lev 18.20; Teu 5.18 “ ‘Kāfai he tamāloa e faia te mulilua ma te āvaga a tona tuākoi, ko kilāua uma ma te fafine e tatau ke tāmate.
11 #
Lev 18.8; Teu 22.30; 27.20 “ ‘Kāfai he tamāloa e uhu ki te āvaga a tona tamana, kua ia takuvaleagia tona tamana. Ko kilāua uma ma te fafine e tatau te tāmate, ma ka i luga lava o nā ulu o kilāua o lā toto.
12 #
Lev 18.15
“ ‘Kāfai he tamāloa e uhu ki te āvaga a tona ataliki, ko kilāua uma e tatau ke tāmate. Kua fai e kilāua he āmio e hē tuha ai, ma ka i luga lava o nā ulu o kilāua o lā toto.
13 #
Lev 18.22
“ ‘Kāfai he tamāloa e uhu ki hētahi tamāloa e ve oi fai ki he fafine, kua fai e kilāua he mea e inohia. E tatau kilāua uma ke tāmate, ma ka i luga lava o nā ulu o kilāua o lā toto.
14 #
Lev 18.17; Teu 27.23 “ ‘Kāfai he tamāloa e āvaga uma ki he fafine ma te mātua o te fafine, ko he mea tēnā e mātagā. Ko te tamāloa ma nā fafine e toka lua e tatau ke huhunu i te afi, kae ke nahe iei ai nā uiga mātagā iēnei i te mea e iei ai koutou.
15 #
Eho 22.19; Lev 18.23; Teu 27.21 “ ‘Kāfai he tamāloa e uhu ki he manuvaefa, e tatau ke fakauma te ola o te tino tēnā, ma e tatau foki ke tāmate e koe te manu.
16“ ‘Kāfai he fafine e taumafai ke uhu ake kia te ia he manuvaefa, e tatau ke tāmate e koe fafine tēnā vēnā ma te manuvaefa; ma ka i luga lava o nā ulu o kilāua o lā toto.
17 #
Lev 18.9; Teu 27.22 “ ‘Kāfai he tamāloa e kave e ia tona tuafafine, he afafine o tona tamana, ma fai ma ana āvaga, ko he mea tēnei e mātagā lahi, ma ka tuli kehe kilāua mai mua o nā fānau a tagata o kilāua. Kua uhu lava ia ki tona tuafafine, ma ka pakū lava ki ona luga tana agahala.
18 #
Lev 18.19
“ ‘Kāfai he tamāloa e uhu ki he fafine e maua i te tauale o fafine, ka tuli kehe kilāua mai te fakapotopotoga a tagata o Ihalaelu, auā kua fakakitea e te tamāloa te tauale o te fafine, ma fakakitea e te fafine te tafe o tona palapala; ka tuli kehe kilāua mai o lā tagata.
19 #
18.12, 13 “ ‘Nahe kē uhu ki te uho o tō mātua pe ki te tuafafine o tō tamana, auā ka takuvalea ai he tino e kāiga pili koe ki ei; ka pakū lava ki luga o koulua te fakahalaga.
20 #
Lev 18.14 “ ‘Kāfai he tino e uhu ki te āvaga a te uho o tona tamana, kua ia takuvaleagia te uho o tona tamana. Ka pakū lava ki luga o kilāua fakatahi mo te agahala a kilāua; ka hēai he lā fānau ke pa lava ki te taimi e feoti ai kilāua.
21 #
Lev 18.16
“ ‘Kāfai he tino e kave e ia te āvaga a tona uho ma fai ma ana āvaga, kua ia takuvaleagia te uho o ia, ma ka hēai he lā fānau.
22“ ‘E tatau koutou ke tauhi ki aku vāiniuga uma ma aku folahaga uma, ma mulimuli ki ei; kae ke nahe puakia koutou ki fafo e te fenua tēia e kō takitaki koutou ki ei ke nonofo ai. 23Ma ia koutou nahe mulimuli ki nā tu ma aga a nā mālō iēia ka kō tuli kehea i mua atu o koutou. Ona ko nā mea mātagā iēnei a kilātou e fai kua inoino ai au kia te kilātou. 24Kae na lea atu au kia te koutou, “Ka kave mo koutou te fenua o kilātou; ka fōki atu e au ke fai ma tofi o koutou, he fenua e tafe ai te huhu ma te meli.” Ko au ko te Aliki te koutou Atua, tē kua vavae kehea koutou mai iētahi tino.
25“ ‘Ko te mea ia e tatau ai ke iloa lelei e koutou te kehekehega i te vā o nā manuvaefa e mamā ma nā manuvaefa e hē mamā, ma nā manulele e mamā ma nā manulele e hē mamā. Ia koutou lele i nā hē mamā i ni manuvaefa pe ni manulele, pe ho he mea e totolo i luga o te kelekele—nā mea kua tuku kehe e au e hē mamā mo koutou. 26#Lev 20.7Ko koutou e tatau ke paia kia te au, auā ko au te Aliki, e paia, ma kua vavae kehe koutou e au mai tagata, ke kavea mo oku.
27 #
Lev 19.31; 20.6 “ ‘Ko he tamāloa pe he fafine e fai mea fakataulāitu pe ko he taulāitu vavaka, e tatau ke tāmate. Ka fetogi e koutou i ni fatu, ma ko o lātou toto ka i luga lava o nā ulu o kilātou.’ ”
Currently Selected:
Levitika 20: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Levitika 20
20
Fakahalaga mo te Hē Uhitaki.
1Na vāgana te Aliki kia Mohe, 2“Lea vēnei ki nā tino Ihalaelu: ‘Ho he tino o koutou pe he tino kehe e nofo i Ihalaelu, e fōki e ia hana tamaiti kia Moleka, e tatau ke tāmate; ka fetogi te tino tēnā ke mate, e nā tino o te fenua. 3Ka teteke e au te tino tēnā ma vavae kehe mai te fakapotopotoga a oku tagata; auā ko te ofo atu e ia o ana tamaiti kia Moleka, kua hē mamā ai toku nofoaga paia ma takuvalea ai toku igoa paia. 4Ma kāfai nā tino o te fenua e pupuni nā mata kāfai e ofo atu e te tino hana tamaiti kia Moleka, ma e hē kilātou tāmatea, 5oi ka teteke e au kilātou ma o lātou kāiga. Ka vavae kehe kilātou mai te fakapotopotoga a oku tagata; kilātou ma iētahi tino uma e mulimuli kia te kilātou ma kua mulilua fakatahi uma ai kilātou, ona kua ofo atu e kilātou nā tāulaga kia Moleka.
6“ ‘Ka teteke foki e au he tino e liliu ki nā taulāitu vavaka ma nā tino fai mea fakataulāitu ma kua mulilua ai kilātou, ona kua mulimuli kia te kilātou; ma ka vavae kehe kilātou e au mai te fakapotopotoga a oku tagata.
7“ ‘Ofo atu outou tagata mo te Atua, ma ke fakapaiagia; auā ko au ko te Aliki te koutou Atua. 8Mulimuli ki aku vāiniuga ma tauhi ki ei. Ko au ko te Aliki, e fakapaiagia koutou.
9 #
Eho 21.17; Mat 15.4; Mlk 7.10 “ ‘Ho he tino e fetuku e ia tona tamana pe ko tona mātua, e tatau ke tāmate. Ona kua fetuku e ia tona tamana pe ko tona mātua, ka i luga ai lava o tona ulu tona toto.
10 #
Eho 20.14; lev 18.20; Teu 5.18 “ ‘Kāfai he tamāloa e faia te mulilua ma te āvaga a tona tuākoi, ko kilāua uma ma te fafine e tatau ke tāmate.
11 #
Lev 18.8; Teu 22.30; 27.20 “ ‘Kāfai he tamāloa e uhu ki te āvaga a tona tamana, kua ia takuvaleagia tona tamana. Ko kilāua uma ma te fafine e tatau te tāmate, ma ka i luga lava o nā ulu o kilāua o lā toto.
12 #
Lev 18.15
“ ‘Kāfai he tamāloa e uhu ki te āvaga a tona ataliki, ko kilāua uma e tatau ke tāmate. Kua fai e kilāua he āmio e hē tuha ai, ma ka i luga lava o nā ulu o kilāua o lā toto.
13 #
Lev 18.22
“ ‘Kāfai he tamāloa e uhu ki hētahi tamāloa e ve oi fai ki he fafine, kua fai e kilāua he mea e inohia. E tatau kilāua uma ke tāmate, ma ka i luga lava o nā ulu o kilāua o lā toto.
14 #
Lev 18.17; Teu 27.23 “ ‘Kāfai he tamāloa e āvaga uma ki he fafine ma te mātua o te fafine, ko he mea tēnā e mātagā. Ko te tamāloa ma nā fafine e toka lua e tatau ke huhunu i te afi, kae ke nahe iei ai nā uiga mātagā iēnei i te mea e iei ai koutou.
15 #
Eho 22.19; Lev 18.23; Teu 27.21 “ ‘Kāfai he tamāloa e uhu ki he manuvaefa, e tatau ke fakauma te ola o te tino tēnā, ma e tatau foki ke tāmate e koe te manu.
16“ ‘Kāfai he fafine e taumafai ke uhu ake kia te ia he manuvaefa, e tatau ke tāmate e koe fafine tēnā vēnā ma te manuvaefa; ma ka i luga lava o nā ulu o kilāua o lā toto.
17 #
Lev 18.9; Teu 27.22 “ ‘Kāfai he tamāloa e kave e ia tona tuafafine, he afafine o tona tamana, ma fai ma ana āvaga, ko he mea tēnei e mātagā lahi, ma ka tuli kehe kilāua mai mua o nā fānau a tagata o kilāua. Kua uhu lava ia ki tona tuafafine, ma ka pakū lava ki ona luga tana agahala.
18 #
Lev 18.19
“ ‘Kāfai he tamāloa e uhu ki he fafine e maua i te tauale o fafine, ka tuli kehe kilāua mai te fakapotopotoga a tagata o Ihalaelu, auā kua fakakitea e te tamāloa te tauale o te fafine, ma fakakitea e te fafine te tafe o tona palapala; ka tuli kehe kilāua mai o lā tagata.
19 #
18.12, 13 “ ‘Nahe kē uhu ki te uho o tō mātua pe ki te tuafafine o tō tamana, auā ka takuvalea ai he tino e kāiga pili koe ki ei; ka pakū lava ki luga o koulua te fakahalaga.
20 #
Lev 18.14 “ ‘Kāfai he tino e uhu ki te āvaga a te uho o tona tamana, kua ia takuvaleagia te uho o tona tamana. Ka pakū lava ki luga o kilāua fakatahi mo te agahala a kilāua; ka hēai he lā fānau ke pa lava ki te taimi e feoti ai kilāua.
21 #
Lev 18.16
“ ‘Kāfai he tino e kave e ia te āvaga a tona uho ma fai ma ana āvaga, kua ia takuvaleagia te uho o ia, ma ka hēai he lā fānau.
22“ ‘E tatau koutou ke tauhi ki aku vāiniuga uma ma aku folahaga uma, ma mulimuli ki ei; kae ke nahe puakia koutou ki fafo e te fenua tēia e kō takitaki koutou ki ei ke nonofo ai. 23Ma ia koutou nahe mulimuli ki nā tu ma aga a nā mālō iēia ka kō tuli kehea i mua atu o koutou. Ona ko nā mea mātagā iēnei a kilātou e fai kua inoino ai au kia te kilātou. 24Kae na lea atu au kia te koutou, “Ka kave mo koutou te fenua o kilātou; ka fōki atu e au ke fai ma tofi o koutou, he fenua e tafe ai te huhu ma te meli.” Ko au ko te Aliki te koutou Atua, tē kua vavae kehea koutou mai iētahi tino.
25“ ‘Ko te mea ia e tatau ai ke iloa lelei e koutou te kehekehega i te vā o nā manuvaefa e mamā ma nā manuvaefa e hē mamā, ma nā manulele e mamā ma nā manulele e hē mamā. Ia koutou lele i nā hē mamā i ni manuvaefa pe ni manulele, pe ho he mea e totolo i luga o te kelekele—nā mea kua tuku kehe e au e hē mamā mo koutou. 26#Lev 20.7Ko koutou e tatau ke paia kia te au, auā ko au te Aliki, e paia, ma kua vavae kehe koutou e au mai tagata, ke kavea mo oku.
27 #
Lev 19.31; 20.6 “ ‘Ko he tamāloa pe he fafine e fai mea fakataulāitu pe ko he taulāitu vavaka, e tatau ke tāmate. Ka fetogi e koutou i ni fatu, ma ko o lātou toto ka i luga lava o nā ulu o kilātou.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust