Levitika 13
13
Nā Tūlāfono e Fakatatau ki nā Tauale Kino o te Kili.
1Na vāgana mai te Aliki kia Mohe ma Alona, 2“Kāfai he tino e iei he pou mageho i tona tino, pe he fakafoa, pe he mea e fula ma e ono ai oi iku ki he tauale kino o te kili, e tatau ke kaumai te tino tēnā kia Alona te ohitāulaga, pe ki hētahi o ona ataliki#13.2 Pe lāpuna e ohitāulaga. 3Ka iloilo e te ohitāulaga te pou mageho i tona tino, ma kāfai nā fulufulu o tona tino i te mea e iei ai te pou mageho kua tau paepae, ma ko te pou e fōliga e loloto atu i lo tona kili, oi ko he tauale kino tēnā o te kili. Kāfai e uma te iloiloga a te ohitāulaga, oi ka fakailoa aloakia ai e ia ko te tino tēnei e hē mamā.#13.3 I nā tu tau tāpuakiga 4Kae kāfai te pou mageho e paepae ma e hē fōliga e loloto atu i lo te kili, ma ko nā fulufulu iei e hēki tau paepae, ka fakanofo kehea e te ohitāulaga te tino tēnā mo ni aho e fitu. 5Kāfai e kātoa te fitu o aho, oi ka toe iloilo ai e te ohitāulaga te tino tēnei, ma kāfai e ia kitea ko te pou mageho e hēki iei hūiga ki ei ma e hēki hoholo i te kili, oi ka ia toe fakanofo kehea ai te tino mo tētahi fitu aho. 6Ka toe iloilo foki e te ohitāulaga te tino kāfai e kātoa he fitu aho, ma kāfai te pou mageho kua feolōlo ma e hēki hoholo, oi ka fakailoa aloakia ai e ia ko te tino tēnei e mamā;#13.6 I nā tu tau tāpuakiga ko he pou mageho oioti tēnei. Oi ka ufi ai e te tino ona kofu, ma ka mamā ai ia. 7Kae kāfai te pou mageho kua hoholo i te kili, ka kua uma ai te iloilo ma fakailoa aloakia e te ohitāulaga ko te tino tēnei e mamā, e tatau te tino ke toe fano ki mua o te ohitāulaga. 8Ka toe iloilo ia e te ohitāulaga, ma kāfai te pou mageho kua hoholo i te kili, ka fakailoa aloakia e te ohitāulaga ko ia e hē mamā; ko he tauale kino o te kili tēnā.
9“Kāfai he tino e maua i he tauale kino o te kili, e tatau te tino tēnā ke kaumai ki te ohitāulaga. 10Ka iloilo ia e te ohitāulaga, ma kāfai e i ei he pou mageho paepae i tona kili ma kua tau paepae ai foki ma nā fulufulu o tona tino i kinā, ma e kitea ki ei he kakano ola, 11ko he tauale kino lahi lele tēnā o te kili. Ka fakailoa aloakia e te ohitāulaga ko te tino tēnei e hē mamā; ma e hē tau fakanofo kehea ia, auā kua kitea lava tona hē mamā, i nā tu tau tāpuakiga.
12“Kāfai te tauale e hoholo i te tino kātoa mai te ulu ke pa ki nā vae, e tuha ai ma te mea e kitea e te ohitāulaga, 13ka toe iloilo ia e te ohitāulaga. Ma kāfai te tauale kua tatao kātoa ai te tino, ka fakailoa aloakia e ia ko te tino tēnei e mamā. Kāfai te kili kātoa kua paepae,#13.13 paepae pe fano e lelei ko tona uiga ko ia e mamā.#13.13 I nā tu tau tāpuakiga 14Kae kāfai te kakano ola e toe hula mai ki fafo i tona kili, ka hē mamā ai la ia. 15Ka toe iloilo e te ohitāulaga te tino tēnei, ma kāfai e ia kitea te kakano ola, ka fakailoa aloakia e ia te hē mamā o te tino tēnei. Ko te kakano ola ko tona uiga ko he tauale kino o te kili, ma e hē mamā ai he tino. 16Kae kāfai te kakano ola e hui ma fano e paepae,#13.16 Kikila ki te 13.13 e tatau te tino ke toe fano ki te ohitāulaga. 17Ka iloilo ia e te ohitāulaga, ma kāfai te kakano ola kua tau paepae, ka fakailoa aloakia e te ohitāulaga ko te tino tēnei e mamā; ma ka mamā ai ia.
18“Kāfai he tino e i ei he fakafoa i tona kili ma kua mate, 19ma i te mea nae tū ai te fakafoa kua iei ai he fula e tau paepae, pe ko he fuafua e tai kukula paepae, e tatau te tino tēnā ke fano ki te ohitāulaga. 20Ka iloilo ia e te ohitāulaga, ma kāfai e fōliga e loloto atu i lo tona kili ma ko nā fulufulu i tafa kua tau paepae, ka fakailoa aloakia e te ohitāulaga ko te tino tēnei e hē mamā; ko he tauale kino o te kili tēnei na kāmata i he fakafoa. 21Kae kāfai e iloilo e te ohitāulaga ma iloa ai ko nā fulufulu i tafa o te fakafoa ko hēki tau paepae, ma ko te fakafoa e hē loloto atu i lo te kili kae kua māui, ka fakanofo kehea ia e te ohitāulaga mo ni aho e fitu. 22Kāfai kua hoholo i te kili, ka fakailoa e te ohitāulaga ko te tino tēnei e hē mamā; ko te tino e maua i he tauale vēnei e hē mamā ai ia. 23Kae kāfai e hēai he hūiga ki te mea kua āfāina ma e hē hoholo foki, ko he māila lava mai te fakafoa, ka fakailoa aloakia e te ohitāulaga ko te tino tēnei e mamā.
24“Kāfai he tino e mū te kili o tona tino, ma ko te kakano ola kua fano e paepae pe kukula paepae, 25ka iloilo te tino tēnā e te ohitāulaga. Kāfai nā fulufulu i te mea na mū kua tau paepae ma e fōliga e loloto atu i lo te kili, ka fakailoa aloakia e te ohitāulaga ko te tino tēnei e hē mamā. Ko he tauale kino o te kili tēnei na kāmata i te mū. 26Kae kāfai e iloilo e te ohitāulaga ma ko nā fulufulu i te mea na mū e hē paepae, ma e hē loloto atu i lo te kili kae kua tau feolōlo, ka fakanofo kehea e te ohitāulaga te tino tēnā mo ni aho e fitu. 27Ka toe iloilo e te ohitāulaga te tino i te fitu o aho; kāfai e hoholo i te kili, ka fakailoa aloakia e te ohitāulaga ko te tino tēnā e maua i he tauale e hē mamā ai ia. 28Kae kāfai e hēai he hūiga ki te mea kua āfāina ma e hē hoholo foki, ma ko he fula oioti mai te mū; ka fakailoa aloakia e te ohitāulaga ko te tino tēnā e mamā; ko he māila oioti tēnā o te mea na mū.
29“Kāfai he tamāloa pe he fafine, e i ei he pou i tona ulu pe i tona kauvae, 30ka iloilo e te ohitāulaga te tauale. Kāfai e fōliga e loloto atu i te kili ma ko nā lāulu i loto e hegahega ma mānifinifi, ko he tauale kino o te kili tēnā ma ka fakailoa aloakia e te ohitāulaga ko te tino tēnā e hē mamā. 31Kae kāfai e iloilo e te ohitāulaga te pou, ma e fōliga e hē loloto atu i lo te kili, ma e hēai ni lāulu uliuli e i ei, ka fakanofo kehea e te ohitāulaga te tino tēnā mo ni aho e fitu. 32I te fitu o aho ka toe iloilo ai e te ohitāulaga te pou, ma kāfai e hēki hoholo, ma e hēai ni lāulu hegahega e i ei, ma ko te pou e fōliga e hē hili atu te loloto i lo te kili, 33e tatau te tino tēnā ke tafi kehe uma nā lāulu o tona ulu, kae vāganā ai te mea e iei ai te pou. Ka fakanofo kehe ia e te ohitāulaga mo ni iētahi aho e fitu. 34I te fitu o aho, ka toe iloilo foki e te ohitāulaga te pou. Kāfai e hēki hoholo i te kili ma fōliga e hē hili atu te loloto i lo te kili, ka fakailoa aloakia e te ohitāulaga, ko te tino tēnā e mamā.#13.34 I nā tu tau tāpuakiga 35Kae kāfai te pou kua hoholo i te kili ka kua uma ai te fakailoa ko ia e mamā, 36ka toe iloilo ia e te ohitāulaga. Kāfai te pou kua hoholo i te kili, e hē tau hakilia e te ohitāulaga ni lāulu e tau hegahega; kua manino lava te hē mamā o te tino tēnā. 37Kae kāfai i te kikila a te ohitāulaga ko te pou e hē hoholo, ma ko nā lāulu uliuli e ola i loto, ko te pou la kua mate ma ka fakailoa aloakia e te ohitāulaga ko te tino tēnā e mamā.#13.37 I nā tu tau tāpuakiga
38“Kāfai he tamāloa pe he fafine e i ei ni fuafua papae i tona kili, 39e fai e te ohitāulaga he iloiloga. Kāfai nā fuafua i te kili e tau paepae oioti, ko he mageho tēnā kua hahao ake mai te kili; ko te tino tēnā e mamā.
40“Kāfai he tamāloa e malili ona lāulu ma tula ai tona ulu, e mamā#13.40 I nā tu tau tāpuakiga te tino tēnā. 41Kāfai e malili tona lāulu i mua pe i tua o tona ulu, oi e mamā lava ia. 42Kae kāfai e i ei he matāpou e tai kukula paepae i te mea e tula i te ulu, pe i mua pe i tua o te ulu, ko he tauale kino o te kili tēnā. 43Ka iloilo e te ohitāulaga te tino tēnā, ma kāfai e ia maua he pou tai kukula paepae i te mea e tula i te ulu, pe i mua pe i tua o te ulu, 44ko he tauale kino o te kili tēnā, ma ka fakailoa aloakia e te ohitāulaga ko te tino tēnā e hē mamā, ona ko te tauale kino o te kili e i tona ulu.
45“Ko he tino e maua i he tauale kino o te kili, e tatau ke kofu i ni kofu gāhaehae ma hē helua te ulu; e tatau ke pupuni tona laugutu pito ki luga ma taukalaga vē, ‘Hē mamā, hē mamā.’ 46Ka tūmau pea tona hē mamā, pe kāfai e ia te ia pea lava te tauale tino. E tatau foki ia ke nofo tautahi i fafo o te api.
Nā Folahaga e Fakatatau ki te Taepaloloa.
47“Kāfai e i ei he taepaloloa#13.47 taepaloloa I te gagana Epelu tuai, ko te kupu tēnei nae fakaaga ki nā tauale kino ma pipihi o te kili i luga o he kofu, pe he kofu vulu pe he kofu lino, 48pe i luga o he kie lino pe kie vulu, he pakumanu, pe he mea e fai i te pakumanu— 49ko he tauale kino o te kili tēnā, ma e tatau ke fakahino ki te ohitāulaga. 50Ka iloilo e te ohitāulaga te mea kua āfāina, ma tuku kehe ai e ia te mea kua taepaloloa mo ni aho e fitu. 51Ka toe iloilo e ia te taepaloloa i te fitu o aho. Kāfai kua hoholo i te kie, pe he kie lino pe he kie vulu pe he pakumanu, pe ho he mea e fai i te pakumanu, ko he tauale kino o te kili tēnā; ma e hē mamā. 52E tatau ke huhunu e ia te kofu, pe fai i te lino pe i te vulu, pe i ho he mea e fai i te pakumanu. Ona ko he tauale kino o te kili tēnā kua hoholo, e tatau te kofu ke huhunu.
53“Kae kāfai e iloilo e te ohitāulaga te kofu ma e ia maua ko te taepaloloa e hēki hoholo, 54ka fakatonu e ia ke ufi te kofu, ma ka tuku kehea ai mo ni iētahi aho e fitu. 55Oi ka toe iloilo ai e te ohitāulaga te kofu kāfai e uma te ufi. Ma kāfai te taepaloloa e hēki huia te lanu, e ui lava e hēki hoholo, e hē mamā lava. E tatau loa ke huhunu te kofu, e tuha lava pe heā te itū o te kofu kua taepaloloa. 56Kae kāfai e iloilo e te ohitāulaga ma iloa ai ko te taepaloloa kua matafi i te ufiga, ka hahae kehe e ia te mea e i ei te taepaloloa mai te kofu lino, pe ko te kofu vulu, pe ko te kofu pakumanu. 57Kāfai la e toe kitea te taepaloloa i te kofu, pe fai i te lino, pe i te vulu, pe i te pakumanu, ko he taepaloloa tēnā e hoholo; pe ko heā lava e iei ai te taepaloloa, e tatau ke huhunu. 58Ho he kie, pe fai i te lino, pe i te vulu, pe ho he mea e fai i te pakumanu, e ufi ma matafi kehe ai te taepaloloa, e tatau ke toe ufi. Oi ka mamā ai loa.”
59Ko nā folahaga la iēnā e fakatatau ki te taepaloloa o he kofu, pe fai i te lino, pe i te vulu, pe ho he mea e fai i te pakumanu, ke iloa ai pe mamā pe hē mamā.#13.59 I nā tu tau tāpuakiga
Currently Selected:
Levitika 13: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Levitika 13
13
Nā Tūlāfono e Fakatatau ki nā Tauale Kino o te Kili.
1Na vāgana mai te Aliki kia Mohe ma Alona, 2“Kāfai he tino e iei he pou mageho i tona tino, pe he fakafoa, pe he mea e fula ma e ono ai oi iku ki he tauale kino o te kili, e tatau ke kaumai te tino tēnā kia Alona te ohitāulaga, pe ki hētahi o ona ataliki#13.2 Pe lāpuna e ohitāulaga. 3Ka iloilo e te ohitāulaga te pou mageho i tona tino, ma kāfai nā fulufulu o tona tino i te mea e iei ai te pou mageho kua tau paepae, ma ko te pou e fōliga e loloto atu i lo tona kili, oi ko he tauale kino tēnā o te kili. Kāfai e uma te iloiloga a te ohitāulaga, oi ka fakailoa aloakia ai e ia ko te tino tēnei e hē mamā.#13.3 I nā tu tau tāpuakiga 4Kae kāfai te pou mageho e paepae ma e hē fōliga e loloto atu i lo te kili, ma ko nā fulufulu iei e hēki tau paepae, ka fakanofo kehea e te ohitāulaga te tino tēnā mo ni aho e fitu. 5Kāfai e kātoa te fitu o aho, oi ka toe iloilo ai e te ohitāulaga te tino tēnei, ma kāfai e ia kitea ko te pou mageho e hēki iei hūiga ki ei ma e hēki hoholo i te kili, oi ka ia toe fakanofo kehea ai te tino mo tētahi fitu aho. 6Ka toe iloilo foki e te ohitāulaga te tino kāfai e kātoa he fitu aho, ma kāfai te pou mageho kua feolōlo ma e hēki hoholo, oi ka fakailoa aloakia ai e ia ko te tino tēnei e mamā;#13.6 I nā tu tau tāpuakiga ko he pou mageho oioti tēnei. Oi ka ufi ai e te tino ona kofu, ma ka mamā ai ia. 7Kae kāfai te pou mageho kua hoholo i te kili, ka kua uma ai te iloilo ma fakailoa aloakia e te ohitāulaga ko te tino tēnei e mamā, e tatau te tino ke toe fano ki mua o te ohitāulaga. 8Ka toe iloilo ia e te ohitāulaga, ma kāfai te pou mageho kua hoholo i te kili, ka fakailoa aloakia e te ohitāulaga ko ia e hē mamā; ko he tauale kino o te kili tēnā.
9“Kāfai he tino e maua i he tauale kino o te kili, e tatau te tino tēnā ke kaumai ki te ohitāulaga. 10Ka iloilo ia e te ohitāulaga, ma kāfai e i ei he pou mageho paepae i tona kili ma kua tau paepae ai foki ma nā fulufulu o tona tino i kinā, ma e kitea ki ei he kakano ola, 11ko he tauale kino lahi lele tēnā o te kili. Ka fakailoa aloakia e te ohitāulaga ko te tino tēnei e hē mamā; ma e hē tau fakanofo kehea ia, auā kua kitea lava tona hē mamā, i nā tu tau tāpuakiga.
12“Kāfai te tauale e hoholo i te tino kātoa mai te ulu ke pa ki nā vae, e tuha ai ma te mea e kitea e te ohitāulaga, 13ka toe iloilo ia e te ohitāulaga. Ma kāfai te tauale kua tatao kātoa ai te tino, ka fakailoa aloakia e ia ko te tino tēnei e mamā. Kāfai te kili kātoa kua paepae,#13.13 paepae pe fano e lelei ko tona uiga ko ia e mamā.#13.13 I nā tu tau tāpuakiga 14Kae kāfai te kakano ola e toe hula mai ki fafo i tona kili, ka hē mamā ai la ia. 15Ka toe iloilo e te ohitāulaga te tino tēnei, ma kāfai e ia kitea te kakano ola, ka fakailoa aloakia e ia te hē mamā o te tino tēnei. Ko te kakano ola ko tona uiga ko he tauale kino o te kili, ma e hē mamā ai he tino. 16Kae kāfai te kakano ola e hui ma fano e paepae,#13.16 Kikila ki te 13.13 e tatau te tino ke toe fano ki te ohitāulaga. 17Ka iloilo ia e te ohitāulaga, ma kāfai te kakano ola kua tau paepae, ka fakailoa aloakia e te ohitāulaga ko te tino tēnei e mamā; ma ka mamā ai ia.
18“Kāfai he tino e i ei he fakafoa i tona kili ma kua mate, 19ma i te mea nae tū ai te fakafoa kua iei ai he fula e tau paepae, pe ko he fuafua e tai kukula paepae, e tatau te tino tēnā ke fano ki te ohitāulaga. 20Ka iloilo ia e te ohitāulaga, ma kāfai e fōliga e loloto atu i lo tona kili ma ko nā fulufulu i tafa kua tau paepae, ka fakailoa aloakia e te ohitāulaga ko te tino tēnei e hē mamā; ko he tauale kino o te kili tēnei na kāmata i he fakafoa. 21Kae kāfai e iloilo e te ohitāulaga ma iloa ai ko nā fulufulu i tafa o te fakafoa ko hēki tau paepae, ma ko te fakafoa e hē loloto atu i lo te kili kae kua māui, ka fakanofo kehea ia e te ohitāulaga mo ni aho e fitu. 22Kāfai kua hoholo i te kili, ka fakailoa e te ohitāulaga ko te tino tēnei e hē mamā; ko te tino e maua i he tauale vēnei e hē mamā ai ia. 23Kae kāfai e hēai he hūiga ki te mea kua āfāina ma e hē hoholo foki, ko he māila lava mai te fakafoa, ka fakailoa aloakia e te ohitāulaga ko te tino tēnei e mamā.
24“Kāfai he tino e mū te kili o tona tino, ma ko te kakano ola kua fano e paepae pe kukula paepae, 25ka iloilo te tino tēnā e te ohitāulaga. Kāfai nā fulufulu i te mea na mū kua tau paepae ma e fōliga e loloto atu i lo te kili, ka fakailoa aloakia e te ohitāulaga ko te tino tēnei e hē mamā. Ko he tauale kino o te kili tēnei na kāmata i te mū. 26Kae kāfai e iloilo e te ohitāulaga ma ko nā fulufulu i te mea na mū e hē paepae, ma e hē loloto atu i lo te kili kae kua tau feolōlo, ka fakanofo kehea e te ohitāulaga te tino tēnā mo ni aho e fitu. 27Ka toe iloilo e te ohitāulaga te tino i te fitu o aho; kāfai e hoholo i te kili, ka fakailoa aloakia e te ohitāulaga ko te tino tēnā e maua i he tauale e hē mamā ai ia. 28Kae kāfai e hēai he hūiga ki te mea kua āfāina ma e hē hoholo foki, ma ko he fula oioti mai te mū; ka fakailoa aloakia e te ohitāulaga ko te tino tēnā e mamā; ko he māila oioti tēnā o te mea na mū.
29“Kāfai he tamāloa pe he fafine, e i ei he pou i tona ulu pe i tona kauvae, 30ka iloilo e te ohitāulaga te tauale. Kāfai e fōliga e loloto atu i te kili ma ko nā lāulu i loto e hegahega ma mānifinifi, ko he tauale kino o te kili tēnā ma ka fakailoa aloakia e te ohitāulaga ko te tino tēnā e hē mamā. 31Kae kāfai e iloilo e te ohitāulaga te pou, ma e fōliga e hē loloto atu i lo te kili, ma e hēai ni lāulu uliuli e i ei, ka fakanofo kehea e te ohitāulaga te tino tēnā mo ni aho e fitu. 32I te fitu o aho ka toe iloilo ai e te ohitāulaga te pou, ma kāfai e hēki hoholo, ma e hēai ni lāulu hegahega e i ei, ma ko te pou e fōliga e hē hili atu te loloto i lo te kili, 33e tatau te tino tēnā ke tafi kehe uma nā lāulu o tona ulu, kae vāganā ai te mea e iei ai te pou. Ka fakanofo kehe ia e te ohitāulaga mo ni iētahi aho e fitu. 34I te fitu o aho, ka toe iloilo foki e te ohitāulaga te pou. Kāfai e hēki hoholo i te kili ma fōliga e hē hili atu te loloto i lo te kili, ka fakailoa aloakia e te ohitāulaga, ko te tino tēnā e mamā.#13.34 I nā tu tau tāpuakiga 35Kae kāfai te pou kua hoholo i te kili ka kua uma ai te fakailoa ko ia e mamā, 36ka toe iloilo ia e te ohitāulaga. Kāfai te pou kua hoholo i te kili, e hē tau hakilia e te ohitāulaga ni lāulu e tau hegahega; kua manino lava te hē mamā o te tino tēnā. 37Kae kāfai i te kikila a te ohitāulaga ko te pou e hē hoholo, ma ko nā lāulu uliuli e ola i loto, ko te pou la kua mate ma ka fakailoa aloakia e te ohitāulaga ko te tino tēnā e mamā.#13.37 I nā tu tau tāpuakiga
38“Kāfai he tamāloa pe he fafine e i ei ni fuafua papae i tona kili, 39e fai e te ohitāulaga he iloiloga. Kāfai nā fuafua i te kili e tau paepae oioti, ko he mageho tēnā kua hahao ake mai te kili; ko te tino tēnā e mamā.
40“Kāfai he tamāloa e malili ona lāulu ma tula ai tona ulu, e mamā#13.40 I nā tu tau tāpuakiga te tino tēnā. 41Kāfai e malili tona lāulu i mua pe i tua o tona ulu, oi e mamā lava ia. 42Kae kāfai e i ei he matāpou e tai kukula paepae i te mea e tula i te ulu, pe i mua pe i tua o te ulu, ko he tauale kino o te kili tēnā. 43Ka iloilo e te ohitāulaga te tino tēnā, ma kāfai e ia maua he pou tai kukula paepae i te mea e tula i te ulu, pe i mua pe i tua o te ulu, 44ko he tauale kino o te kili tēnā, ma ka fakailoa aloakia e te ohitāulaga ko te tino tēnā e hē mamā, ona ko te tauale kino o te kili e i tona ulu.
45“Ko he tino e maua i he tauale kino o te kili, e tatau ke kofu i ni kofu gāhaehae ma hē helua te ulu; e tatau ke pupuni tona laugutu pito ki luga ma taukalaga vē, ‘Hē mamā, hē mamā.’ 46Ka tūmau pea tona hē mamā, pe kāfai e ia te ia pea lava te tauale tino. E tatau foki ia ke nofo tautahi i fafo o te api.
Nā Folahaga e Fakatatau ki te Taepaloloa.
47“Kāfai e i ei he taepaloloa#13.47 taepaloloa I te gagana Epelu tuai, ko te kupu tēnei nae fakaaga ki nā tauale kino ma pipihi o te kili i luga o he kofu, pe he kofu vulu pe he kofu lino, 48pe i luga o he kie lino pe kie vulu, he pakumanu, pe he mea e fai i te pakumanu— 49ko he tauale kino o te kili tēnā, ma e tatau ke fakahino ki te ohitāulaga. 50Ka iloilo e te ohitāulaga te mea kua āfāina, ma tuku kehe ai e ia te mea kua taepaloloa mo ni aho e fitu. 51Ka toe iloilo e ia te taepaloloa i te fitu o aho. Kāfai kua hoholo i te kie, pe he kie lino pe he kie vulu pe he pakumanu, pe ho he mea e fai i te pakumanu, ko he tauale kino o te kili tēnā; ma e hē mamā. 52E tatau ke huhunu e ia te kofu, pe fai i te lino pe i te vulu, pe i ho he mea e fai i te pakumanu. Ona ko he tauale kino o te kili tēnā kua hoholo, e tatau te kofu ke huhunu.
53“Kae kāfai e iloilo e te ohitāulaga te kofu ma e ia maua ko te taepaloloa e hēki hoholo, 54ka fakatonu e ia ke ufi te kofu, ma ka tuku kehea ai mo ni iētahi aho e fitu. 55Oi ka toe iloilo ai e te ohitāulaga te kofu kāfai e uma te ufi. Ma kāfai te taepaloloa e hēki huia te lanu, e ui lava e hēki hoholo, e hē mamā lava. E tatau loa ke huhunu te kofu, e tuha lava pe heā te itū o te kofu kua taepaloloa. 56Kae kāfai e iloilo e te ohitāulaga ma iloa ai ko te taepaloloa kua matafi i te ufiga, ka hahae kehe e ia te mea e i ei te taepaloloa mai te kofu lino, pe ko te kofu vulu, pe ko te kofu pakumanu. 57Kāfai la e toe kitea te taepaloloa i te kofu, pe fai i te lino, pe i te vulu, pe i te pakumanu, ko he taepaloloa tēnā e hoholo; pe ko heā lava e iei ai te taepaloloa, e tatau ke huhunu. 58Ho he kie, pe fai i te lino, pe i te vulu, pe ho he mea e fai i te pakumanu, e ufi ma matafi kehe ai te taepaloloa, e tatau ke toe ufi. Oi ka mamā ai loa.”
59Ko nā folahaga la iēnā e fakatatau ki te taepaloloa o he kofu, pe fai i te lino, pe i te vulu, pe ho he mea e fai i te pakumanu, ke iloa ai pe mamā pe hē mamā.#13.59 I nā tu tau tāpuakiga
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust