Kalatia 3
3
Ko te Uhitaki ki te Tūlāfono pe ko te Fakatuatua kia Iehu Keliho
1Kai koutou iēnā i Kalatia te vālelea! Ko koutou nei na fakavai e he tino? Ko tēnā na kikila lelei lava outou mata ki te mate o Iehu Keliho i luga o te hātaulo! 2Ke fehili atu la au: Na maua e koutou te Agaga o te Atua e ala i te uhitaki ki te Tūlāfono, pe na ala i te kua fakalogo o koutou ki te Tala Lelei ma talitonu ki ei? 3E moni nei lava kua hēai ni mea i outou māfaufau? Na kāmata te olaga fōu o koutou e te Agaga o te Atua; ko koutou la e fofou ke fakakātoatoa e koutou e ala i he koutou lava mālohi? 4Ko nā mea uma nei na pa koutou ki ei, e hēai lele he aogā? E hēai moni nei lava he uiga? 5E fōki atu nei e te Atua tona Agaga kia te koutou ma fai e ia nā vāvega ona ko koutou e uhitaki ki te mea e lea mai ai te Tūlāfono, pe ona kua fakalogo koutou ki te Tala Lelei ma talitonu ki ei?
6Māfaufau ki nā mea na pa ki ei ia Apelaamo; e vē oi lea mai te tuhituhiga paia, “Ko Apelaamo nae talitonu ki te Atua, ma ko tona fakatuatua na fakalelei ai e te Atua tona vā ma ia.” #Ken 15.6; Lom 4.3 7E tatau la ke koutou iloa, ko nā lāpuna moni lava o Apelaamo, ko kilātou iēnā e fakatuatua ki te Atua.#Lom 4.16 8Na vavaka e te tuhituhiga paia e fakalelei e te Atua te vā o ia ma tagata nukukehe e ala i to lātou fakatuatua. Ma na fakailoa ai te Tala Lelei kia Apelaamo e ala i te tuhituhiga paia: “E ala ia te koe, ka fakamanuia ai e te Atua ia tagata uma.” #Ken 12.3 9Ko Apelaamo na talitonu ma na fakamanuiagia; ko kilātou uma la e talitonu, e fakamanuia foki e vē ko Apelaamo.
10Ko nā tino e fakalagolago ki te uhitaki ki te Tūlāfono, e ola i lalo o te fakahalaga a te Atua. Auā e leamai te tuhituhiga paia, “Ko ai lava e hē uhitaki i taimi uma ki nā mea uma kua tūhia i te tuhi o te Tūlāfono, e i lalo o te fakahalaga a te Atua.” #Teu 27.26 (LXX) 11Nei, e manino e hēai he tino e mafai ke fakaleleia tona vā ma te Atua e ala i tona uhitaki ki te Tūlāfono, auā e lea mai te tuhituhiga paia, “E nā ko te tino e fakalelei te vā o ia ma te Atua e ala i te fakatuatua, te ka ia maua te ola.”#3.11 fakalelei te vā… te ka ia maua te ola pe fakaleleia tona vā ma te Atua, ka ola e ala i te fakatuatua #Hap 2.4 12Kae ko te Tūlāfono e hē fakalagolago ki te fakatuatua. E vē oi leamai te tuhituhiga paia, “Ko ai lava e ia faia nā mea uma e fakatonu mai e te Tūlāfono, ka ola ia.”#Lev 18.5
13Kae ko te kavea o Keliho ma fakahalaga mo kitātou, kua ia fakahaoa ai kitātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e tautau i luga o he lākau, ei lalo o te fakahalaga a te Atua.” #Teu 21.23 14Na fai e Keliho te mea tēnei kae ke maua ai e tagata nukukehe nā fakamanuiaga na folafola e te Atua kia Apelaamo e ala ia Iehu Keliho, ma ke maua ai e kitātou te Agaga o te Atua, e ala i te fakatuatua.
Ko te Kehekehega o te Tūlāfono ma te Folafolaga
15Te kau uho, ke fakaaogā e au he fakatakitakiga faigōfie: kāfai ni tino e toka lua e taufai mālilie ki he mea ma hainia he lā māliliega, e hēai he tino e ia mafaia oi fakahēaogā pe toe fakaopōpo he mea ki ei. 16Kikila, ko nā folafolaga na fai e te Atua kia Apelaamo ma ki tona lāpuna. E hē leamai te tuhituhiga paia, “nā lāpuna o ia”, ko tona uiga ni tino e tokalahi, kae e leamai “tona lāpuna”, ko tona uiga he tino e fokotahi, ko tona igoa ko Keliho. #Ken 12.7 17Ko te uiga o taku lea atu, na ohi te feagaiga a te Atua ma Apelaamo, ma na fai tana folafolaga ka tauhi pea lava ia ki ei. Ko te Tūlāfono na fātoā tuku mai ka kua teka ai te fa helau ma te tolu hefulu tauhaga, ma e hē ia mafaia oi tatala te feagaiga ma fakahēaogā te folafolaga a te Atua.#Eho 12.40 18Auā kāfai te meālofa a te Atua e fakalagolago ki te uhitaki o kitātou ki te Tūlāfono, ko tona uiga la ka hē toe fakalagolago kitātou ki te folafolaga a te Atua. Kae ko te folafolaga a te Atua te na ala ai ona fōki e ia te meālofa tēnā kia Apelaamo.#Lom 4.14
19Ko heā la te na fai ai he Tūlāfono? Ko te Tūlāfono na fakaopōpo ki te feagaiga, kae ke iloa ai ko kitātou e agahala, ma ko te mataloa e aogā ai, na fuafua lava ki te taimi e haele mai ai te lāpuna o Apelaamo, tēia na fai ki ei te folafolaga. Ko te Tūlāfono na tukulima ifo e nā āgelu ki he tino na kavea ma hokotaga ma tagata. 20Ma e hē manakomia he tino ke kavea ma hokotaga pe kāfai e fokotahi oioti te tino; ma e fokotahi oioti lava te Atua.#3.20 e fokotahi oioti lava te Atua pe e fai tautahi lava ia fuafuaga a te Atua
Ko te Ala na fai ai te Tūlāfono
21Ko tona uiga la ko te Tūlāfono e teteke ki te folafolaga a te Atua? Hēai, e hē vēnā! Auā kana he mea na maua e tagata he tūlāfono e maua ai te ola, ānei ake e mafai e ho he tino ke fakalelei tona vā ma te Atua i te uhitaki ki te tūlāfono. 22Kae ko te tuhituhiga paia e leamai ko tagata uma o te lalolagi kua i lalo o te pule a te agahala; ma ko te meālofa la tēia kua folafola e ala i te fakatuatua kia Iehu Keliho, e fōki kia te kilātou e talitonu.
23Kae ka ko hēki iloa e kitātou te fakatuatua, ko kitātou nae haihaitia i lalo o te Tūlāfono e vē ni pāgotā, ke pa ki te taimi na fakailoa mai ai te fakatuatua e te Atua. 24Ma ko te Tūlāfono la te nae ia pūlea kitātou ke pa ki te taimi na haele mai ai ia Keliho, kae ke mafai ai ke fakalelei to tātou vā ma te Atua, e ala i te fakatuatua. 25Nei kua iloa e kitātou te fakatuatua, ko kitātou la kua hē toe pūlea e te Tūlāfono.
26Ko te fakatuatua te mafai ai oi kavea koutou uma ma fānau a te Atua, i te hokotaga ma Keliho Iehu. 27Kua uma te papatiho o koutou ma iei koutou i te hokotaga ma Keliho. Kua kokofu koutou i te ola o Keliho, e vē i ni kofu fōu. 28E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloloa ma fafine; e tahi koutou uma i te hokotaga ma Keliho Iehu. 29Kāfai koutou e a Keliho, ko koutou la ni lāpuna e o Apelaamo, ma ka maua e koutou uma nā mea kua uma te folafola e te Atua. #Lom 4.13
Currently Selected:
Kalatia 3: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Kalatia 3
3
Ko te Uhitaki ki te Tūlāfono pe ko te Fakatuatua kia Iehu Keliho
1Kai koutou iēnā i Kalatia te vālelea! Ko koutou nei na fakavai e he tino? Ko tēnā na kikila lelei lava outou mata ki te mate o Iehu Keliho i luga o te hātaulo! 2Ke fehili atu la au: Na maua e koutou te Agaga o te Atua e ala i te uhitaki ki te Tūlāfono, pe na ala i te kua fakalogo o koutou ki te Tala Lelei ma talitonu ki ei? 3E moni nei lava kua hēai ni mea i outou māfaufau? Na kāmata te olaga fōu o koutou e te Agaga o te Atua; ko koutou la e fofou ke fakakātoatoa e koutou e ala i he koutou lava mālohi? 4Ko nā mea uma nei na pa koutou ki ei, e hēai lele he aogā? E hēai moni nei lava he uiga? 5E fōki atu nei e te Atua tona Agaga kia te koutou ma fai e ia nā vāvega ona ko koutou e uhitaki ki te mea e lea mai ai te Tūlāfono, pe ona kua fakalogo koutou ki te Tala Lelei ma talitonu ki ei?
6Māfaufau ki nā mea na pa ki ei ia Apelaamo; e vē oi lea mai te tuhituhiga paia, “Ko Apelaamo nae talitonu ki te Atua, ma ko tona fakatuatua na fakalelei ai e te Atua tona vā ma ia.” #Ken 15.6; Lom 4.3 7E tatau la ke koutou iloa, ko nā lāpuna moni lava o Apelaamo, ko kilātou iēnā e fakatuatua ki te Atua.#Lom 4.16 8Na vavaka e te tuhituhiga paia e fakalelei e te Atua te vā o ia ma tagata nukukehe e ala i to lātou fakatuatua. Ma na fakailoa ai te Tala Lelei kia Apelaamo e ala i te tuhituhiga paia: “E ala ia te koe, ka fakamanuia ai e te Atua ia tagata uma.” #Ken 12.3 9Ko Apelaamo na talitonu ma na fakamanuiagia; ko kilātou uma la e talitonu, e fakamanuia foki e vē ko Apelaamo.
10Ko nā tino e fakalagolago ki te uhitaki ki te Tūlāfono, e ola i lalo o te fakahalaga a te Atua. Auā e leamai te tuhituhiga paia, “Ko ai lava e hē uhitaki i taimi uma ki nā mea uma kua tūhia i te tuhi o te Tūlāfono, e i lalo o te fakahalaga a te Atua.” #Teu 27.26 (LXX) 11Nei, e manino e hēai he tino e mafai ke fakaleleia tona vā ma te Atua e ala i tona uhitaki ki te Tūlāfono, auā e lea mai te tuhituhiga paia, “E nā ko te tino e fakalelei te vā o ia ma te Atua e ala i te fakatuatua, te ka ia maua te ola.”#3.11 fakalelei te vā… te ka ia maua te ola pe fakaleleia tona vā ma te Atua, ka ola e ala i te fakatuatua #Hap 2.4 12Kae ko te Tūlāfono e hē fakalagolago ki te fakatuatua. E vē oi leamai te tuhituhiga paia, “Ko ai lava e ia faia nā mea uma e fakatonu mai e te Tūlāfono, ka ola ia.”#Lev 18.5
13Kae ko te kavea o Keliho ma fakahalaga mo kitātou, kua ia fakahaoa ai kitātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e tautau i luga o he lākau, ei lalo o te fakahalaga a te Atua.” #Teu 21.23 14Na fai e Keliho te mea tēnei kae ke maua ai e tagata nukukehe nā fakamanuiaga na folafola e te Atua kia Apelaamo e ala ia Iehu Keliho, ma ke maua ai e kitātou te Agaga o te Atua, e ala i te fakatuatua.
Ko te Kehekehega o te Tūlāfono ma te Folafolaga
15Te kau uho, ke fakaaogā e au he fakatakitakiga faigōfie: kāfai ni tino e toka lua e taufai mālilie ki he mea ma hainia he lā māliliega, e hēai he tino e ia mafaia oi fakahēaogā pe toe fakaopōpo he mea ki ei. 16Kikila, ko nā folafolaga na fai e te Atua kia Apelaamo ma ki tona lāpuna. E hē leamai te tuhituhiga paia, “nā lāpuna o ia”, ko tona uiga ni tino e tokalahi, kae e leamai “tona lāpuna”, ko tona uiga he tino e fokotahi, ko tona igoa ko Keliho. #Ken 12.7 17Ko te uiga o taku lea atu, na ohi te feagaiga a te Atua ma Apelaamo, ma na fai tana folafolaga ka tauhi pea lava ia ki ei. Ko te Tūlāfono na fātoā tuku mai ka kua teka ai te fa helau ma te tolu hefulu tauhaga, ma e hē ia mafaia oi tatala te feagaiga ma fakahēaogā te folafolaga a te Atua.#Eho 12.40 18Auā kāfai te meālofa a te Atua e fakalagolago ki te uhitaki o kitātou ki te Tūlāfono, ko tona uiga la ka hē toe fakalagolago kitātou ki te folafolaga a te Atua. Kae ko te folafolaga a te Atua te na ala ai ona fōki e ia te meālofa tēnā kia Apelaamo.#Lom 4.14
19Ko heā la te na fai ai he Tūlāfono? Ko te Tūlāfono na fakaopōpo ki te feagaiga, kae ke iloa ai ko kitātou e agahala, ma ko te mataloa e aogā ai, na fuafua lava ki te taimi e haele mai ai te lāpuna o Apelaamo, tēia na fai ki ei te folafolaga. Ko te Tūlāfono na tukulima ifo e nā āgelu ki he tino na kavea ma hokotaga ma tagata. 20Ma e hē manakomia he tino ke kavea ma hokotaga pe kāfai e fokotahi oioti te tino; ma e fokotahi oioti lava te Atua.#3.20 e fokotahi oioti lava te Atua pe e fai tautahi lava ia fuafuaga a te Atua
Ko te Ala na fai ai te Tūlāfono
21Ko tona uiga la ko te Tūlāfono e teteke ki te folafolaga a te Atua? Hēai, e hē vēnā! Auā kana he mea na maua e tagata he tūlāfono e maua ai te ola, ānei ake e mafai e ho he tino ke fakalelei tona vā ma te Atua i te uhitaki ki te tūlāfono. 22Kae ko te tuhituhiga paia e leamai ko tagata uma o te lalolagi kua i lalo o te pule a te agahala; ma ko te meālofa la tēia kua folafola e ala i te fakatuatua kia Iehu Keliho, e fōki kia te kilātou e talitonu.
23Kae ka ko hēki iloa e kitātou te fakatuatua, ko kitātou nae haihaitia i lalo o te Tūlāfono e vē ni pāgotā, ke pa ki te taimi na fakailoa mai ai te fakatuatua e te Atua. 24Ma ko te Tūlāfono la te nae ia pūlea kitātou ke pa ki te taimi na haele mai ai ia Keliho, kae ke mafai ai ke fakalelei to tātou vā ma te Atua, e ala i te fakatuatua. 25Nei kua iloa e kitātou te fakatuatua, ko kitātou la kua hē toe pūlea e te Tūlāfono.
26Ko te fakatuatua te mafai ai oi kavea koutou uma ma fānau a te Atua, i te hokotaga ma Keliho Iehu. 27Kua uma te papatiho o koutou ma iei koutou i te hokotaga ma Keliho. Kua kokofu koutou i te ola o Keliho, e vē i ni kofu fōu. 28E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloloa ma fafine; e tahi koutou uma i te hokotaga ma Keliho Iehu. 29Kāfai koutou e a Keliho, ko koutou la ni lāpuna e o Apelaamo, ma ka maua e koutou uma nā mea kua uma te folafola e te Atua. #Lom 4.13
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust