Ehoto 4
4
Fakailoga o te Mana o te Atua
1Oi na tali atu ai ia Mohe ki te Aliki, “E vēhea la kāfai nā tino Ihalaelu e hē talitonu pe hē fakalogo mai kia te au, pe lea vē mai, ‘Ko te Aliki e hēki fakakitea atu kia te koe.’ ”
2Kua leamai te Aliki kia Mohe, “Heā tēnā e tāofi i te lima o koe?”
Na tali atu ia Mohe, “He tokotoko.”
3Kua lea mai te Aliki, “Togi ki luga o te kelekele.” I te togiga o te tokotoko e Mohe ki lalo, na līua ai ma gata, ma na holomuli kehe vave ai ia Mohe mai te gata. 4Kae kua vāgana atu te Aliki kia Mohe, “Papae ifo te lima o koe oi tāofi te gata i te hikuhiku.” Oi na papae ifo loa ia Mohe oi tāofi te gata i te hikuhiku, ma na toe līua ai ma tokotoko i tona lima.
5Kua lea mai te Aliki, “Fai te vāvega tēnā kae ke fakamāonia ai ki tagata Ihalaelu ko te Aliki, te Atua o nā tupuna o kilātou—te Atua o Apelaamo, te Atua o Ihaako, ma te Atua o Iakopo, kua fakakitea atu kia te koe.”
6Kua toe vāgana vē atu te Aliki kia Mohe, “Tuku te lima o koe ki loto o tō kofuloloa, ki te fatafata o koe.” Na uhitaki ia Mohe, ma i te toe tuku maiga ki fafo o tona lima, na ia kitea ai kua maua i he tauale kino o te kili, ma kua paepae e vē ko te kiona. 7Ma kua toe vāgana atu te Aliki, “Toe tuku te lima o koe ki loto i tō kofuloloa ki te fatafata o koe.” Na vēnā lava oi fai e Mohe, kae i te toe tuku maiga ki fafo, na kitea ai kua toe lelei tona lima, e vē lava ko iētahi vāega o tona tino.
8Kua lea atu te Aliki, “Kāfai ka hē talitonu atu kilātou kia te koe, pe hē amanakia foki e kilātou te vāvega muamua, e i nā ka talitonu la ki te vāvega tēnei. 9Kāfai e hē talitonu atu lava kia te koe, e ui lava kua kikila kilātou ki nā vāvega iēnei e lua, ma hē fakalogo atu ki nā mea e lea ai koe, oi fano ai oi ahu mai ni vai i te Naila ma liligi ki luga o te kelekele. Ko te vai tēnā ka līua ma toto i luga o te kelekele mātūtū.”
10Kae kua lea vē atu ia Mohe ki te Aliki, “Heai, te Aliki, nahe uga kō au. Ko au e hē ko he tino e lelei i te tautala; nae hē lelei lava muamua, ma ko hēki lelei foki lava talu te kāmata oi vāgana mai koe kia te au tau kaukauna. Ko taku tautala e gehe, ma e faigatā lele ke māfaufau au ki ni kupu ke tautala ai au.”
11Oi na lea vē mai ai te Aliki kia Mohe, “Ko ai te ia faia te gutu o te tagata? Ko ai te ia faia te tagata ke tutuli, pe ke gūgū, pe ke kitea e ona mata, pe ke tāuaho? E hē ko au nei te kō faia nā mea iēnā. 12Ko te mea la ia, fano loa nei! Ka fehoahoani atu au ki tau tautala, ma ka lea atu au i nā kupu e tautala ai koe.”
13Kae kua tali atu ia Mohe, “Fakamolemole te Aliki, uga kō hētahi tino.”
14Oi na tupu ai te ita o te Aliki kia Mohe ma na vāgana vē atu ai ki ei, “Kae vēhea ia Alona te uho o koe, te ha-Levī? E iloa e au e lelei i te tautala. Kikila atu, tēnā e hau, ma ka fiafia lele kāfai e feiloaki koulua. 15Faitala ki ei, ma lea ki ei ki nā mea e tatau ke tautala ai. Ka fakatahi au ma koulua ma fakatonu atu koulua i nā mea e tatau ke fai e koulua. 16Ko Alona ka kavea ma gutu o koe, ma ko koe ka vē ko te Atua, e fakatonu ki ei nā mea ke tautala ai. 17Fano ma kave te tokotoko o koe, ma fakaaogā ke fai ai nā vāvega e vē ona fakahino atu e au kia te koe.”
Kua Toe Liliu ia Mohe ki Aikupito
18Oi na toe liliu ai ia Mohe kia Ietelo te tamana o tana āvaga, ma lea vē atu ki ei, “Fakamolemole, tuku mai kō au ke toe foki ki oku kāiga i Aikupito, ke āhi pe vēhea mai kilātou.” Ma na tali mai ia Ietelo, “Kua lelei, fano ma te manuia.” 19Ka koi i Mitiana lava ia Mohe, na vāgana vē mai te Aliki ki ei, “Toe foki ki Aikupito auā ko nā tino nae fofou ke tāmate koe, kua feoti uma.” #Gāl 7.34 20Oi na kave ai loa e Mohe tana āvaga ma ona ataliki, kua fakatiketike ki luga o he āhini, ma olo ai ma ia ki Aikupito, e taukave i tona lima te tokotoko a te Atua.
21Na toe vāgana te Aliki kia Mohe, “Kāfai koe e toe foki ki Aikupito, ke mautinoa e fai e koe i mua o te tupu ko Falao, nā vāvega uma lele kua tuku atu e au te mana kia te koe, ke fakatino ai. Kae ka fakamakaka e au te loto o te tupu, ma ka hē ia tukua ia tagata Ihalaelu ke olo. 22Ma e tatau ke lea koe ki ei, ko au te Aliki e lea vē ake kia te ia, ‘Ko Ihalaelu ko he ataliki e o oku, ko taku ulumatua ia. 23#Eho 12.29 Na lea atu au kia te koe ke tuku toku ataliki ke fano, kae ke mafai ai ke tāpuaki mai kia te au, kae e hēki talia e koe. Ko te taimi la tēnei, ka tāmate e au te ataliki ulumatua o koe.’ ”
24I he nofoaga nā mālōlō ai i to lātou auala ki Aikupito, na fakafetaui ai e te Aliki ia Mohe i kinā, ma na mea lava e ia tāmatea ia Mohe. 25-26Kae kua kave e Hīpola, te āvaga a Mohe, he fatu kaha ma tipi kehe ai te muāpaku o tona ataliki, ma fakapaki atu ai ki nā vae o Mohe.#4.25-26 vae o Mohe Ko te fakakupuga tēnei e manatu ni tino e fakaaga ki nā mua o Mohe Ona ko te mea tēnei e fakatatau ki te fakatinoga o te pelitome, na lea vē atu ai ia Hīpola kia Mohe, “E moni lava, ko koe he tāne e pihipihia i te toto!” Ma na hēki tāmatea ai ia Mohe e te Aliki.
27Oi na vāgana vē mai ai te Aliki kia Alona, “Fano ki te toafa ke feiloaki koulua ma Mohe.” Oi na fano ai ia Alona ma na fetaui ma Mohe i te mauga paia o te Atua, ma na hogi atu ai kia te ia. 28Kua fakamatala e Mohe kia Alona nā mea uma lele na vāgana ake ai te Aliki, i te lea akega ko ia ke toe foki ki Aikupito; na taku foki e ia ki ei nā vāvega na fakatonu ake ai ia e te Aliki ke fai. 29Oi na olo ai loa ia Mohe ma Alona ki Aikupito, ma fakamāopōpo ia takitaki uma o Ihalaelu. 30Ma na fakailoa atu ai e Alona kia te kilātou, nā mea uma lele na vāgana ai te Aliki kia Mohe, ma na fai ai loa e Mohe nā vāvega uma lele i mua o nā tino Ihalaelu. 31Na talitonu nā tino Ihalaelu; ma i te kilātou lagona atuga ko te Aliki na āhiahi mai kia te kilātou, ma kua ia kitea foki nā fakahāuāga e fai ake kia te kilātou, oi na ifo atu ai loa kilātou ma tāpuaki ki te Aliki.
Currently Selected:
Ehoto 4: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Ehoto 4
4
Fakailoga o te Mana o te Atua
1Oi na tali atu ai ia Mohe ki te Aliki, “E vēhea la kāfai nā tino Ihalaelu e hē talitonu pe hē fakalogo mai kia te au, pe lea vē mai, ‘Ko te Aliki e hēki fakakitea atu kia te koe.’ ”
2Kua leamai te Aliki kia Mohe, “Heā tēnā e tāofi i te lima o koe?”
Na tali atu ia Mohe, “He tokotoko.”
3Kua lea mai te Aliki, “Togi ki luga o te kelekele.” I te togiga o te tokotoko e Mohe ki lalo, na līua ai ma gata, ma na holomuli kehe vave ai ia Mohe mai te gata. 4Kae kua vāgana atu te Aliki kia Mohe, “Papae ifo te lima o koe oi tāofi te gata i te hikuhiku.” Oi na papae ifo loa ia Mohe oi tāofi te gata i te hikuhiku, ma na toe līua ai ma tokotoko i tona lima.
5Kua lea mai te Aliki, “Fai te vāvega tēnā kae ke fakamāonia ai ki tagata Ihalaelu ko te Aliki, te Atua o nā tupuna o kilātou—te Atua o Apelaamo, te Atua o Ihaako, ma te Atua o Iakopo, kua fakakitea atu kia te koe.”
6Kua toe vāgana vē atu te Aliki kia Mohe, “Tuku te lima o koe ki loto o tō kofuloloa, ki te fatafata o koe.” Na uhitaki ia Mohe, ma i te toe tuku maiga ki fafo o tona lima, na ia kitea ai kua maua i he tauale kino o te kili, ma kua paepae e vē ko te kiona. 7Ma kua toe vāgana atu te Aliki, “Toe tuku te lima o koe ki loto i tō kofuloloa ki te fatafata o koe.” Na vēnā lava oi fai e Mohe, kae i te toe tuku maiga ki fafo, na kitea ai kua toe lelei tona lima, e vē lava ko iētahi vāega o tona tino.
8Kua lea atu te Aliki, “Kāfai ka hē talitonu atu kilātou kia te koe, pe hē amanakia foki e kilātou te vāvega muamua, e i nā ka talitonu la ki te vāvega tēnei. 9Kāfai e hē talitonu atu lava kia te koe, e ui lava kua kikila kilātou ki nā vāvega iēnei e lua, ma hē fakalogo atu ki nā mea e lea ai koe, oi fano ai oi ahu mai ni vai i te Naila ma liligi ki luga o te kelekele. Ko te vai tēnā ka līua ma toto i luga o te kelekele mātūtū.”
10Kae kua lea vē atu ia Mohe ki te Aliki, “Heai, te Aliki, nahe uga kō au. Ko au e hē ko he tino e lelei i te tautala; nae hē lelei lava muamua, ma ko hēki lelei foki lava talu te kāmata oi vāgana mai koe kia te au tau kaukauna. Ko taku tautala e gehe, ma e faigatā lele ke māfaufau au ki ni kupu ke tautala ai au.”
11Oi na lea vē mai ai te Aliki kia Mohe, “Ko ai te ia faia te gutu o te tagata? Ko ai te ia faia te tagata ke tutuli, pe ke gūgū, pe ke kitea e ona mata, pe ke tāuaho? E hē ko au nei te kō faia nā mea iēnā. 12Ko te mea la ia, fano loa nei! Ka fehoahoani atu au ki tau tautala, ma ka lea atu au i nā kupu e tautala ai koe.”
13Kae kua tali atu ia Mohe, “Fakamolemole te Aliki, uga kō hētahi tino.”
14Oi na tupu ai te ita o te Aliki kia Mohe ma na vāgana vē atu ai ki ei, “Kae vēhea ia Alona te uho o koe, te ha-Levī? E iloa e au e lelei i te tautala. Kikila atu, tēnā e hau, ma ka fiafia lele kāfai e feiloaki koulua. 15Faitala ki ei, ma lea ki ei ki nā mea e tatau ke tautala ai. Ka fakatahi au ma koulua ma fakatonu atu koulua i nā mea e tatau ke fai e koulua. 16Ko Alona ka kavea ma gutu o koe, ma ko koe ka vē ko te Atua, e fakatonu ki ei nā mea ke tautala ai. 17Fano ma kave te tokotoko o koe, ma fakaaogā ke fai ai nā vāvega e vē ona fakahino atu e au kia te koe.”
Kua Toe Liliu ia Mohe ki Aikupito
18Oi na toe liliu ai ia Mohe kia Ietelo te tamana o tana āvaga, ma lea vē atu ki ei, “Fakamolemole, tuku mai kō au ke toe foki ki oku kāiga i Aikupito, ke āhi pe vēhea mai kilātou.” Ma na tali mai ia Ietelo, “Kua lelei, fano ma te manuia.” 19Ka koi i Mitiana lava ia Mohe, na vāgana vē mai te Aliki ki ei, “Toe foki ki Aikupito auā ko nā tino nae fofou ke tāmate koe, kua feoti uma.” #Gāl 7.34 20Oi na kave ai loa e Mohe tana āvaga ma ona ataliki, kua fakatiketike ki luga o he āhini, ma olo ai ma ia ki Aikupito, e taukave i tona lima te tokotoko a te Atua.
21Na toe vāgana te Aliki kia Mohe, “Kāfai koe e toe foki ki Aikupito, ke mautinoa e fai e koe i mua o te tupu ko Falao, nā vāvega uma lele kua tuku atu e au te mana kia te koe, ke fakatino ai. Kae ka fakamakaka e au te loto o te tupu, ma ka hē ia tukua ia tagata Ihalaelu ke olo. 22Ma e tatau ke lea koe ki ei, ko au te Aliki e lea vē ake kia te ia, ‘Ko Ihalaelu ko he ataliki e o oku, ko taku ulumatua ia. 23#Eho 12.29 Na lea atu au kia te koe ke tuku toku ataliki ke fano, kae ke mafai ai ke tāpuaki mai kia te au, kae e hēki talia e koe. Ko te taimi la tēnei, ka tāmate e au te ataliki ulumatua o koe.’ ”
24I he nofoaga nā mālōlō ai i to lātou auala ki Aikupito, na fakafetaui ai e te Aliki ia Mohe i kinā, ma na mea lava e ia tāmatea ia Mohe. 25-26Kae kua kave e Hīpola, te āvaga a Mohe, he fatu kaha ma tipi kehe ai te muāpaku o tona ataliki, ma fakapaki atu ai ki nā vae o Mohe.#4.25-26 vae o Mohe Ko te fakakupuga tēnei e manatu ni tino e fakaaga ki nā mua o Mohe Ona ko te mea tēnei e fakatatau ki te fakatinoga o te pelitome, na lea vē atu ai ia Hīpola kia Mohe, “E moni lava, ko koe he tāne e pihipihia i te toto!” Ma na hēki tāmatea ai ia Mohe e te Aliki.
27Oi na vāgana vē mai ai te Aliki kia Alona, “Fano ki te toafa ke feiloaki koulua ma Mohe.” Oi na fano ai ia Alona ma na fetaui ma Mohe i te mauga paia o te Atua, ma na hogi atu ai kia te ia. 28Kua fakamatala e Mohe kia Alona nā mea uma lele na vāgana ake ai te Aliki, i te lea akega ko ia ke toe foki ki Aikupito; na taku foki e ia ki ei nā vāvega na fakatonu ake ai ia e te Aliki ke fai. 29Oi na olo ai loa ia Mohe ma Alona ki Aikupito, ma fakamāopōpo ia takitaki uma o Ihalaelu. 30Ma na fakailoa atu ai e Alona kia te kilātou, nā mea uma lele na vāgana ai te Aliki kia Mohe, ma na fai ai loa e Mohe nā vāvega uma lele i mua o nā tino Ihalaelu. 31Na talitonu nā tino Ihalaelu; ma i te kilātou lagona atuga ko te Aliki na āhiahi mai kia te kilātou, ma kua ia kitea foki nā fakahāuāga e fai ake kia te kilātou, oi na ifo atu ai loa kilātou ma tāpuaki ki te Aliki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust