Ehoto 29
29
Te Fakaukuga o Alona ma Ona Ataliki ke Fai ma Ohitāulaga
(Lev 8.1-36)
1“Ko tēnei te mea ka kē faia kia Alona ma ona ataliki, ke fakauku ai kilātou ke kavea ma ohitāulaga ke tautua mai kia te au. Filifili he pōvi poa e hēki matua ma ni māmoe poa e lua e hēai uma ni māila i nā tino. 2Fakaaogā te falaoamata haito e hili te lelei kae nahe tukua ki ei he fefete, ke fai ai ni pāpā falaoa—ko iētahi e palu ki ei te lolo olive, ka ko iētahi e hēai he lolo e palua ki ei, ma ko iētahi e fai e vē ni mahi e valivali ki ei te lolo. 3Tuku ki loto o he kete oi kaumai ai kia te au, fakatahi ma te pōvi poa ma nā māmoe poa e ofo mai e koutou ma tāulaga kia te au.
4“Kaumai ia Alona ma ona ataliki ki te faitotoka o te Falekie Tapu e afio ai au, ma fulufulu#29.4 Ko he vāega o te fakaukuga o lātou tino i ni vai. 5Oi fakakofu ai ia Alona i nā lākei ohitāulaga—te kofutino, te kofuloloa mo lalo o te efota, te efota, te punifatafata, ma te fuhipaku. 6Tuku te faufautū ki tona ulu ma nonoa ki ei te fakailoga paia o te tautua fakamāoni kua tuhi ki ei, ‘Kua fakatō mo te Aliki’. 7Oi kave ai nā lolo fakauku, oi liligi ki luga o tona ulu, ma fakauku ai ia.
8“Oi kaumai ai nā ataliki oi ia ma fakakokofu i nā kofutino, 9fuhi o lātou taugātiti i nā fuhipaku kie, ma nonoa nā pūlou ki o lātou ulu. Ko te faiga tēnā e fakauku ai ia Alona ma ona ataliki. Ko kilātou ma o lātou lāpuna, ka tautua mai kia te au i nā tofi ohitāulaga, ke pa ki te hēgata.
10“Kaumai te pōvi poa ki mua o te Falekie Tapu e afio ai au, ma lea kia Alona ma ona ataliki ke tuku o lātou lima ki luga o te ulu o te pōvi. 11Tāmate te pōvi i kinā i mua o te Aliki i te faitotoka o te Falekie. 12Kave ni toto o te pōvi oi valivali i tō muamuālima ki nā nifohua e fa o te fata faitāulaga. Oi liligi ai te toto e totoe ki te tūlaga o te fata faitāulaga. 13Oi kave uma ai te gako e tatao ai nā tōtōga, te vāega e pito hili te lelei o te ate, ma nā fatugako e lua ma te gako e pipiki ai, oi huhunu i luga o te fata faitāulaga ke fai ma tāulaga kia te au. 14Kae huhunu te kanofi o te pōvi poa, tona paku, ma tona otaota, i fafo o te api. Ko he tāulaga tēnei ke kave kehe ai ia agahala a nā ohitāulaga.
15“Kave tētahi o nā māmoe poa ma lea kia Alona ma ona ataliki, ke tuku o lātou lima ki luga o te ulu o te māmoe. 16Oi tāmate ai, ma kave tona toto oi hauhau ki nā itū e fa o te fata faitāulaga. 17Tipitipi te māmoe poa ki ni vāega, ma fufulu nā tōtōga ma nā ālaga, ma tuku ai ki tafa o tona ulu ma iētahi vāega o tona tino kua tipitipi. 18#Efe 5.2; Fil 4.18Oi huhunu ai te māmoe poa kātoa i luga o te fata faitāulaga ke fai ma tāulaga mū ki te Aliki; ko tona manogi e fiafia ai ia, ko he meālofa meakai e ofo atu i te afi ki te Aliki.
19“Kave tētahi māmoe poa—te māmoe mo te fakaukuga—ma lea kia Alona ma ona ataliki ke tuku o lātou lima ki luga o te ulu o te māmoe. 20Oi tāmate ai te māmoe poa ma kave ni mea toto oi tuku ki nā lautaliga taumatau o Alona ma ona ataliki, ki nā muamuālima matua o nā lima taumatau, ma ki nā muamuāvae matua o nā vae taumatau o kilātou. Liaki nā toto e totoe ki nā itū uma e fa o te fata faitāulaga. 21Kave ni toto i nā toto i te fata faitāulaga, ma ni lolo o nā lolo fakauku, oi hauhau kia Alona ma ona kofu, e vēnā foki ki ona ataliki ma o lātou kofu, oi kavea ai ia Alona ma ona ataliki ma o lātou lākei, ni mea kua fakapaiagia mo oku.
22“Tipi kehe te gako o te māmoe poa, te gako o te toke, te gako e tatao ai nā tōtōga, te vāega e hili te lelei o te ate, nā fatugako e lua ma te gako e pipiki ai, ma te ālaga taumatau. 23Mai te polapola e i loto ai nā falaoa kua ofo mai mo oku, kave he falaoa mai nā itūkāiga takitahi; e fokotahi te falaoa e fai i te lolo olive, e fokotahi e hē palua i te lolo, ma fokotahi te mahi mānifinifi. 24Tuku nā meakai uma iēnei ki nā lima o Alona ma ona ataliki, ma lea ki ei ke ofo mai e kilātou kia te au ma meālofa fakapitoa. 25Oi ka toe kaumai ai e koe mai o lātou lima, ma huhunu i te fata faitāulaga i luga o te tāulaga mū; ko he meālofa meakai tēnei e ofo atu i te afi, mo he manogi e fiafia ai te Aliki.
26“Kave te fatafata o te māmoe poa tēnei ma fakapaia mo oku ko he meālofa fakapitoa. Ko te vāega tēnā o te manuvaefa ka fōki atu mo koe.
27“Kāfai e fakauku he ohitāulaga, ko te fatafata ma te ālaga o te māmoe poa mo te fakaukuga, ka fakapaia ma ofo mai kia te au ma meālofa meakai, ma tuku kehe ai mo nā ohitāulaga. 28Ko te folahaga tēnei a aku e hē huia lele; kāfai e ofo mai e ōku tagata a lātou tāulaga mo te māfuta fakatahi, ko te fatafata ma te ālaga o te manu e mo Alona ma ona ataliki. Ko te meālofa tēnā a tagata ki te Aliki.
29“Ko nā lākei ohitāulaga o Alona ka fakaholoholo ifo ki nā ataliki o ia kāfai e oti, ke kokofu ai kilātou kāfai e fai to lātou fakaukuga. 30Ko te ataliki o Alona e hui kia te ia, ko ia foki tēnā te ulu atu ki te Falekie Tapu e afio ai au, ke kaukauna i te Nofoaga Paia, ma e kofu e ia nā kofu iēnei i ni aho e fitu.
31“E kave e koe te kanofi o te māmoe poa o te fakaukuga, ma haka i he nofoaga e paia; 32ma ko Alona ma ona ataliki ka kakai i te kanofi o te māmoe poa ma te falaoa i loto o te kete, i te mea e ulu atu ai ki te Falekie Tapu e afio ai au. 33E kakai ia Alona ma ona ataliki ki nā mea na fakaaogā mo nā tāulaga mo te fakamāgaloga o nā agahala, ma mo te fakaukuga o kilātou. E hēai he tino kehe e kai ki nā mea iēnei auā e paia. 34Kāfai e iei ni kanofi manu pe ni falaoa na totoe ki te tāeao, e kave oi huhunu. E hē kaia e he tino auā e paia.
35“Oi e vēnā la te faiga o te fakaukuga o Alona ma ona ataliki, e vē lava ona fakatonu atu ai koe e au; e fitu ia aho e fai ai to lātou fakaukuga. 36I aho takitahi uma, e ofo atu e koe he pōvi poa ma tāulaga mo te fakamāgaloga o nā agahala a kilātou, ma te fakamamāgia o te fata faitāulaga i nā tu tau tāpuakiga. Oi lūlū ai ki luga te lolo olive ke fakauku ma fakapaia ai. 37Fai te mea tēnei mo ni aho e fitu. Oi ka kavea ai te fata faitāulaga ma mea e paia; ma ko ho he tino pe he mea e paki atu ki ei, ka vēnā foki ona paia.
Tāulaga i Aho Takitahi
(Nūm 28.1-8)
38“Ko tēnei te mea ka ofo atu e koe i luga o te fata faitāulaga i aho takitahi: e lua ia punuāmāmoe kua taki tauhaga te mātutua. 39E fokotahi te punuāmāmoe i te tāeao ma fokotahi i te afiafi; 40fakatahi ma te punuāmāmoe muamua, e ofo atu ma he kilokalama o te falaoa mata e hili te lelei, kua palu i he lita e fokotahi o te lolo olive e hili te mamā. Liligi ma he lita o te uaina ki luga o te fata faitāulaga ke fai ma tāulaga uaina. 41Ma ko tētahi punuāmāmoe e ofo atu ma tāulaga i te afiafi, fakatahi ai ma te aofaki o te falaoa mata, te lolo olive, ma te uaina e vē ona fai ai te tāulaga i te tāeao. Ko he meālofa meakai tēnei e ofo mai i te afi, ma ko tona manogi e fiafia ai au. 42Ka kavea tēnei ko he tāulaga mū e ofo mai pea kia te au e augā tupulaga uma, i te faitotoka o te Falekie Tapu e afio ai au. Ko kinā te feiloaki ai au ma oku tagata, ma e tautala atu ai au kia te koe. 43I kinā ka feiloaki ai au ma tagata Ihalaelu, ma ko te huhulu pupula o toku fakatahi ai i kinā, ka paia ai te mea tēnā. 44Ka fakapaia e au te Falekie ma te fata faitāulaga, ma ka fakatō e au ia Alona ma ona ataliki, ke fai ma ohitāulaga ke kaukauna mai kia te au. 45Ka nofo au i te mea e iei ai ia tagata Ihalaelu, ma ka fai au ma o lātou Atua. 46Ka iloa e kilātou ko au ko te Aliki to lātou Atua, tē na kaumaia kilātou mai Aikupito, kae ke iei ai au i te mea e iei ai kilātou. Ko au ko te Aliki to lātou Atua.
Currently Selected:
Ehoto 29: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Ehoto 29
29
Te Fakaukuga o Alona ma Ona Ataliki ke Fai ma Ohitāulaga
(Lev 8.1-36)
1“Ko tēnei te mea ka kē faia kia Alona ma ona ataliki, ke fakauku ai kilātou ke kavea ma ohitāulaga ke tautua mai kia te au. Filifili he pōvi poa e hēki matua ma ni māmoe poa e lua e hēai uma ni māila i nā tino. 2Fakaaogā te falaoamata haito e hili te lelei kae nahe tukua ki ei he fefete, ke fai ai ni pāpā falaoa—ko iētahi e palu ki ei te lolo olive, ka ko iētahi e hēai he lolo e palua ki ei, ma ko iētahi e fai e vē ni mahi e valivali ki ei te lolo. 3Tuku ki loto o he kete oi kaumai ai kia te au, fakatahi ma te pōvi poa ma nā māmoe poa e ofo mai e koutou ma tāulaga kia te au.
4“Kaumai ia Alona ma ona ataliki ki te faitotoka o te Falekie Tapu e afio ai au, ma fulufulu#29.4 Ko he vāega o te fakaukuga o lātou tino i ni vai. 5Oi fakakofu ai ia Alona i nā lākei ohitāulaga—te kofutino, te kofuloloa mo lalo o te efota, te efota, te punifatafata, ma te fuhipaku. 6Tuku te faufautū ki tona ulu ma nonoa ki ei te fakailoga paia o te tautua fakamāoni kua tuhi ki ei, ‘Kua fakatō mo te Aliki’. 7Oi kave ai nā lolo fakauku, oi liligi ki luga o tona ulu, ma fakauku ai ia.
8“Oi kaumai ai nā ataliki oi ia ma fakakokofu i nā kofutino, 9fuhi o lātou taugātiti i nā fuhipaku kie, ma nonoa nā pūlou ki o lātou ulu. Ko te faiga tēnā e fakauku ai ia Alona ma ona ataliki. Ko kilātou ma o lātou lāpuna, ka tautua mai kia te au i nā tofi ohitāulaga, ke pa ki te hēgata.
10“Kaumai te pōvi poa ki mua o te Falekie Tapu e afio ai au, ma lea kia Alona ma ona ataliki ke tuku o lātou lima ki luga o te ulu o te pōvi. 11Tāmate te pōvi i kinā i mua o te Aliki i te faitotoka o te Falekie. 12Kave ni toto o te pōvi oi valivali i tō muamuālima ki nā nifohua e fa o te fata faitāulaga. Oi liligi ai te toto e totoe ki te tūlaga o te fata faitāulaga. 13Oi kave uma ai te gako e tatao ai nā tōtōga, te vāega e pito hili te lelei o te ate, ma nā fatugako e lua ma te gako e pipiki ai, oi huhunu i luga o te fata faitāulaga ke fai ma tāulaga kia te au. 14Kae huhunu te kanofi o te pōvi poa, tona paku, ma tona otaota, i fafo o te api. Ko he tāulaga tēnei ke kave kehe ai ia agahala a nā ohitāulaga.
15“Kave tētahi o nā māmoe poa ma lea kia Alona ma ona ataliki, ke tuku o lātou lima ki luga o te ulu o te māmoe. 16Oi tāmate ai, ma kave tona toto oi hauhau ki nā itū e fa o te fata faitāulaga. 17Tipitipi te māmoe poa ki ni vāega, ma fufulu nā tōtōga ma nā ālaga, ma tuku ai ki tafa o tona ulu ma iētahi vāega o tona tino kua tipitipi. 18#Efe 5.2; Fil 4.18Oi huhunu ai te māmoe poa kātoa i luga o te fata faitāulaga ke fai ma tāulaga mū ki te Aliki; ko tona manogi e fiafia ai ia, ko he meālofa meakai e ofo atu i te afi ki te Aliki.
19“Kave tētahi māmoe poa—te māmoe mo te fakaukuga—ma lea kia Alona ma ona ataliki ke tuku o lātou lima ki luga o te ulu o te māmoe. 20Oi tāmate ai te māmoe poa ma kave ni mea toto oi tuku ki nā lautaliga taumatau o Alona ma ona ataliki, ki nā muamuālima matua o nā lima taumatau, ma ki nā muamuāvae matua o nā vae taumatau o kilātou. Liaki nā toto e totoe ki nā itū uma e fa o te fata faitāulaga. 21Kave ni toto i nā toto i te fata faitāulaga, ma ni lolo o nā lolo fakauku, oi hauhau kia Alona ma ona kofu, e vēnā foki ki ona ataliki ma o lātou kofu, oi kavea ai ia Alona ma ona ataliki ma o lātou lākei, ni mea kua fakapaiagia mo oku.
22“Tipi kehe te gako o te māmoe poa, te gako o te toke, te gako e tatao ai nā tōtōga, te vāega e hili te lelei o te ate, nā fatugako e lua ma te gako e pipiki ai, ma te ālaga taumatau. 23Mai te polapola e i loto ai nā falaoa kua ofo mai mo oku, kave he falaoa mai nā itūkāiga takitahi; e fokotahi te falaoa e fai i te lolo olive, e fokotahi e hē palua i te lolo, ma fokotahi te mahi mānifinifi. 24Tuku nā meakai uma iēnei ki nā lima o Alona ma ona ataliki, ma lea ki ei ke ofo mai e kilātou kia te au ma meālofa fakapitoa. 25Oi ka toe kaumai ai e koe mai o lātou lima, ma huhunu i te fata faitāulaga i luga o te tāulaga mū; ko he meālofa meakai tēnei e ofo atu i te afi, mo he manogi e fiafia ai te Aliki.
26“Kave te fatafata o te māmoe poa tēnei ma fakapaia mo oku ko he meālofa fakapitoa. Ko te vāega tēnā o te manuvaefa ka fōki atu mo koe.
27“Kāfai e fakauku he ohitāulaga, ko te fatafata ma te ālaga o te māmoe poa mo te fakaukuga, ka fakapaia ma ofo mai kia te au ma meālofa meakai, ma tuku kehe ai mo nā ohitāulaga. 28Ko te folahaga tēnei a aku e hē huia lele; kāfai e ofo mai e ōku tagata a lātou tāulaga mo te māfuta fakatahi, ko te fatafata ma te ālaga o te manu e mo Alona ma ona ataliki. Ko te meālofa tēnā a tagata ki te Aliki.
29“Ko nā lākei ohitāulaga o Alona ka fakaholoholo ifo ki nā ataliki o ia kāfai e oti, ke kokofu ai kilātou kāfai e fai to lātou fakaukuga. 30Ko te ataliki o Alona e hui kia te ia, ko ia foki tēnā te ulu atu ki te Falekie Tapu e afio ai au, ke kaukauna i te Nofoaga Paia, ma e kofu e ia nā kofu iēnei i ni aho e fitu.
31“E kave e koe te kanofi o te māmoe poa o te fakaukuga, ma haka i he nofoaga e paia; 32ma ko Alona ma ona ataliki ka kakai i te kanofi o te māmoe poa ma te falaoa i loto o te kete, i te mea e ulu atu ai ki te Falekie Tapu e afio ai au. 33E kakai ia Alona ma ona ataliki ki nā mea na fakaaogā mo nā tāulaga mo te fakamāgaloga o nā agahala, ma mo te fakaukuga o kilātou. E hēai he tino kehe e kai ki nā mea iēnei auā e paia. 34Kāfai e iei ni kanofi manu pe ni falaoa na totoe ki te tāeao, e kave oi huhunu. E hē kaia e he tino auā e paia.
35“Oi e vēnā la te faiga o te fakaukuga o Alona ma ona ataliki, e vē lava ona fakatonu atu ai koe e au; e fitu ia aho e fai ai to lātou fakaukuga. 36I aho takitahi uma, e ofo atu e koe he pōvi poa ma tāulaga mo te fakamāgaloga o nā agahala a kilātou, ma te fakamamāgia o te fata faitāulaga i nā tu tau tāpuakiga. Oi lūlū ai ki luga te lolo olive ke fakauku ma fakapaia ai. 37Fai te mea tēnei mo ni aho e fitu. Oi ka kavea ai te fata faitāulaga ma mea e paia; ma ko ho he tino pe he mea e paki atu ki ei, ka vēnā foki ona paia.
Tāulaga i Aho Takitahi
(Nūm 28.1-8)
38“Ko tēnei te mea ka ofo atu e koe i luga o te fata faitāulaga i aho takitahi: e lua ia punuāmāmoe kua taki tauhaga te mātutua. 39E fokotahi te punuāmāmoe i te tāeao ma fokotahi i te afiafi; 40fakatahi ma te punuāmāmoe muamua, e ofo atu ma he kilokalama o te falaoa mata e hili te lelei, kua palu i he lita e fokotahi o te lolo olive e hili te mamā. Liligi ma he lita o te uaina ki luga o te fata faitāulaga ke fai ma tāulaga uaina. 41Ma ko tētahi punuāmāmoe e ofo atu ma tāulaga i te afiafi, fakatahi ai ma te aofaki o te falaoa mata, te lolo olive, ma te uaina e vē ona fai ai te tāulaga i te tāeao. Ko he meālofa meakai tēnei e ofo mai i te afi, ma ko tona manogi e fiafia ai au. 42Ka kavea tēnei ko he tāulaga mū e ofo mai pea kia te au e augā tupulaga uma, i te faitotoka o te Falekie Tapu e afio ai au. Ko kinā te feiloaki ai au ma oku tagata, ma e tautala atu ai au kia te koe. 43I kinā ka feiloaki ai au ma tagata Ihalaelu, ma ko te huhulu pupula o toku fakatahi ai i kinā, ka paia ai te mea tēnā. 44Ka fakapaia e au te Falekie ma te fata faitāulaga, ma ka fakatō e au ia Alona ma ona ataliki, ke fai ma ohitāulaga ke kaukauna mai kia te au. 45Ka nofo au i te mea e iei ai ia tagata Ihalaelu, ma ka fai au ma o lātou Atua. 46Ka iloa e kilātou ko au ko te Aliki to lātou Atua, tē na kaumaia kilātou mai Aikupito, kae ke iei ai au i te mea e iei ai kilātou. Ko au ko te Aliki to lātou Atua.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust