Ehoto 19
19
Nā Tino Ihalaelu i te Mauga ko Hinai
1I te aho muamua o te tolu o māhina talu te olo kehe o tagata Ihalaelu mai Aikupito, na taunuku atu ai kilātou ki te toafa ko Hinai. 2Na malaga atu kilātou mai Lepitimi, taunuku atu ki te toafa ko Hinai, ma fakatū ai te lātou api i tafa o te Mauga ko Hinai. 3Oi na fano ai ia Mohe ki te Atua i luga o te mauga, ma na vāgana vē mai ai te Aliki kia te ia, “Fōki nā fakahinoga iēnei ki te kāiga o Iakopo; fakailoa ki nā lāpuna o Ihalaelu: 4‘Kua kitea e koutou nā mea na fai e au ki nā tino Aikupito, ma i te kaumaiga o koutou e au e vē oi hiki e he āeto ana punua i ona kapahau, ma kaumai ke pa mai kia te au i kinei. 5#Teu 4.20; 7.6; 14.2; 26.18; Tit 2.14 #1 Pet 2.9Ko te mea la ia, kāfai koutou e uhitaki mai kia toku leo ma tauhi ki taku feagaiga, ka kavea koutou ma oku tagata. Ko te lalolagi kātoa e ōku, kae ko koutou ka kavea ma oku tagata filifilia; 6#Fkl 1.6; 5.10ma ka kavea koutou ko he mālō kua fakatō mo oku, ma ka tautua mai kia te au i nā tofi ohitāulaga.’ Mohe, ko nā kupu iēnei te ka tautala ai koe ki nā tino Ihalaelu.”
7Oi na fanaifo ai ia Mohe ki lalo ma fakamāopōpo fakatahi e ia nā takitaki o Ihalaelu, ma taku atu kia te kilātou nā kupu uma iēnei na fakatonu ake ai ia e te Aliki. 8Na tali fakatahi mai ia tagata uma o Ihalaelu, “Ko nā mea uma kua vāgana mai ai te Aliki, ka vēnā lava ona fai e kimātou.” Ma na fakailoa ai e Mohe nā kupu na lea ake ai nā tino Ihalaelu, ki te Aliki.
9Ma na vāgana mai ai te Aliki kia Mohe, “Ko au ka fanatu kia te koe i loto o he ao māfiafia, kae ke lagona toku leo e tagata kāfai au e tautala atu kia te koe, ma talitonu ai pea lava kilātou kia te koe.”
Oi na fakailoa ai e Mohe te tali a tagata Ihalaelu ki te Aliki. 10Ma na vāgana mai ai te Aliki kia Mohe, “Fano ki nā tino Ihalaelu ma lea ki ei ke fakamamā o lātou tagata i nā tu tau tāpuakiga, i te aho nei ma tāeao. E tatau ke ufi o lātou kofu, 11ma hāuni mo te aho i mua atu o tāeao. Ko te aho tēnā ka fanaifo ai au ki te mauga ko Hinai, ma ka kitea atu au e tagata uma lele. 12#Epe 12.18-20Ka fakailoga e koe ni tuākoi fakatakamilo i te mauga, ma fakatonu ai ia tagata ke nahe iei lele he tino e fano ki luga pe ke paki atu ki nā tuākoi. Ko ai lava e paki te lima ki te mauga, e tatau ke tāmate. 13Nahe iei lele he lima e paki atu ki he tino pe ki he manuvaefa e hopo atu i te tuākoi, kae ka fetogi i ni fatu, pe tafana i ni āū;#19.13 E hē i te tuhituhiga Epelu te i ni āū e tuha lava pe ko he manuvaefa pe ko he tagataola, e hē tatau lava ke ola. Kae kāfai te pu e ili, oi fātoā mafai ai kilātou ke olo ki luga o te mauga.”
14Oi na fanaifo ai ki lalo ia Mohe mai luga o te mauga. Kua fakamamā e ia ia tagata i nā itū tāpuakiga, ma ufi e tagata o lātou kofu. 15Ma na lea vē atu ai ia Mohe ki nā tino, “Tāpenapena mo te aho i mua atu o tāeao, ma nahe koutou momoe ma autou āvaga e kāmata atu nei ke pa ki te aho tēnā.”
16 #
Fkl 4.5
#Teu 4.11-12I te tāeao o te tolu o aho, na gāpāpā ai ia tāgulu ma kānapanapa ia uila, ma na iei foki he ao māfiafia i te mauga, ma na lagona ai te tagi leo lahi o he pu. Ko te tagi leo lahi o te pu na gatete ai i te mātataku nā tino uma lele nae i te api. 17Oi na takitaki ai e Mohe ia tagata mai te api, ke feiloaki ma te Atua, ma tutū ai kilātou i tafa o te mauga. 18Ko te Mauga kātoa ko Hinai na tatao uma i te ahu, ona ko te Aliki na fanaifo ki ei i he afi. Kua fanake te ahu ki luga e vē he ahu o he mātuā ogāumu, ma na lūlū lahi lele te mauga kātoa. 19Ko te tagi o te leo o te pu na gaholo lava e leo lahi, ma ko nā taimi uma lava na tautala ai ia Mohe, na tali mai te Atua i nā tāgulu. 20Kua fanaifo te Aliki ki te Mauga ko Hinai, ma na kalaga ifo ai kia Mohe ke fanake ki luga, ma na fano ai ia Mohe ki luga. 21Ma na vāgana atu ai te Aliki kia Mohe, “Fano ki lalo oi lapataki ki nā tino ke nahe hopoa lele e kilātou te tuākoi ke kilātou kitea ai au, kae feoti ai ni tino e tokalahi o kilātou. 22E pa foki ki nā ohitāulaga e fakatafapili mai kia te au, e tatau ke fakamamā kilātou, e tuha ai ma nā tu tau tāpuakiga. Kāfai e hē kilātou faia te mea tēnei, ka fakahala kilātou e au.”
23Kua lea atu ia Mohe ki te Aliki, “Ko nā tino e hē mafai ke ōake ki luga o te mauga, auā na lea koe ki ei ko te mauga e paia ma ke fakailoga ni tuākoi fakatakamilo ai.”
24Na tali mai te Aliki, “Fano ki lalo ma kaumai ki luga ia Alona. Kae ko nā ohitāulaga ma tagata, e fakahā ke hao mai ki loto o nā tuākoi. Ka fakahala e au kilātou e hao mai ki loto.” 25Oi na fano ai ia Mohe ki lalo ki nā tino, ma taku ki ei te mea kua poloaki ake ai te Aliki kia te kilātou.
Currently Selected:
Ehoto 19: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Ehoto 19
19
Nā Tino Ihalaelu i te Mauga ko Hinai
1I te aho muamua o te tolu o māhina talu te olo kehe o tagata Ihalaelu mai Aikupito, na taunuku atu ai kilātou ki te toafa ko Hinai. 2Na malaga atu kilātou mai Lepitimi, taunuku atu ki te toafa ko Hinai, ma fakatū ai te lātou api i tafa o te Mauga ko Hinai. 3Oi na fano ai ia Mohe ki te Atua i luga o te mauga, ma na vāgana vē mai ai te Aliki kia te ia, “Fōki nā fakahinoga iēnei ki te kāiga o Iakopo; fakailoa ki nā lāpuna o Ihalaelu: 4‘Kua kitea e koutou nā mea na fai e au ki nā tino Aikupito, ma i te kaumaiga o koutou e au e vē oi hiki e he āeto ana punua i ona kapahau, ma kaumai ke pa mai kia te au i kinei. 5#Teu 4.20; 7.6; 14.2; 26.18; Tit 2.14 #1 Pet 2.9Ko te mea la ia, kāfai koutou e uhitaki mai kia toku leo ma tauhi ki taku feagaiga, ka kavea koutou ma oku tagata. Ko te lalolagi kātoa e ōku, kae ko koutou ka kavea ma oku tagata filifilia; 6#Fkl 1.6; 5.10ma ka kavea koutou ko he mālō kua fakatō mo oku, ma ka tautua mai kia te au i nā tofi ohitāulaga.’ Mohe, ko nā kupu iēnei te ka tautala ai koe ki nā tino Ihalaelu.”
7Oi na fanaifo ai ia Mohe ki lalo ma fakamāopōpo fakatahi e ia nā takitaki o Ihalaelu, ma taku atu kia te kilātou nā kupu uma iēnei na fakatonu ake ai ia e te Aliki. 8Na tali fakatahi mai ia tagata uma o Ihalaelu, “Ko nā mea uma kua vāgana mai ai te Aliki, ka vēnā lava ona fai e kimātou.” Ma na fakailoa ai e Mohe nā kupu na lea ake ai nā tino Ihalaelu, ki te Aliki.
9Ma na vāgana mai ai te Aliki kia Mohe, “Ko au ka fanatu kia te koe i loto o he ao māfiafia, kae ke lagona toku leo e tagata kāfai au e tautala atu kia te koe, ma talitonu ai pea lava kilātou kia te koe.”
Oi na fakailoa ai e Mohe te tali a tagata Ihalaelu ki te Aliki. 10Ma na vāgana mai ai te Aliki kia Mohe, “Fano ki nā tino Ihalaelu ma lea ki ei ke fakamamā o lātou tagata i nā tu tau tāpuakiga, i te aho nei ma tāeao. E tatau ke ufi o lātou kofu, 11ma hāuni mo te aho i mua atu o tāeao. Ko te aho tēnā ka fanaifo ai au ki te mauga ko Hinai, ma ka kitea atu au e tagata uma lele. 12#Epe 12.18-20Ka fakailoga e koe ni tuākoi fakatakamilo i te mauga, ma fakatonu ai ia tagata ke nahe iei lele he tino e fano ki luga pe ke paki atu ki nā tuākoi. Ko ai lava e paki te lima ki te mauga, e tatau ke tāmate. 13Nahe iei lele he lima e paki atu ki he tino pe ki he manuvaefa e hopo atu i te tuākoi, kae ka fetogi i ni fatu, pe tafana i ni āū;#19.13 E hē i te tuhituhiga Epelu te i ni āū e tuha lava pe ko he manuvaefa pe ko he tagataola, e hē tatau lava ke ola. Kae kāfai te pu e ili, oi fātoā mafai ai kilātou ke olo ki luga o te mauga.”
14Oi na fanaifo ai ki lalo ia Mohe mai luga o te mauga. Kua fakamamā e ia ia tagata i nā itū tāpuakiga, ma ufi e tagata o lātou kofu. 15Ma na lea vē atu ai ia Mohe ki nā tino, “Tāpenapena mo te aho i mua atu o tāeao, ma nahe koutou momoe ma autou āvaga e kāmata atu nei ke pa ki te aho tēnā.”
16 #
Fkl 4.5
#Teu 4.11-12I te tāeao o te tolu o aho, na gāpāpā ai ia tāgulu ma kānapanapa ia uila, ma na iei foki he ao māfiafia i te mauga, ma na lagona ai te tagi leo lahi o he pu. Ko te tagi leo lahi o te pu na gatete ai i te mātataku nā tino uma lele nae i te api. 17Oi na takitaki ai e Mohe ia tagata mai te api, ke feiloaki ma te Atua, ma tutū ai kilātou i tafa o te mauga. 18Ko te Mauga kātoa ko Hinai na tatao uma i te ahu, ona ko te Aliki na fanaifo ki ei i he afi. Kua fanake te ahu ki luga e vē he ahu o he mātuā ogāumu, ma na lūlū lahi lele te mauga kātoa. 19Ko te tagi o te leo o te pu na gaholo lava e leo lahi, ma ko nā taimi uma lava na tautala ai ia Mohe, na tali mai te Atua i nā tāgulu. 20Kua fanaifo te Aliki ki te Mauga ko Hinai, ma na kalaga ifo ai kia Mohe ke fanake ki luga, ma na fano ai ia Mohe ki luga. 21Ma na vāgana atu ai te Aliki kia Mohe, “Fano ki lalo oi lapataki ki nā tino ke nahe hopoa lele e kilātou te tuākoi ke kilātou kitea ai au, kae feoti ai ni tino e tokalahi o kilātou. 22E pa foki ki nā ohitāulaga e fakatafapili mai kia te au, e tatau ke fakamamā kilātou, e tuha ai ma nā tu tau tāpuakiga. Kāfai e hē kilātou faia te mea tēnei, ka fakahala kilātou e au.”
23Kua lea atu ia Mohe ki te Aliki, “Ko nā tino e hē mafai ke ōake ki luga o te mauga, auā na lea koe ki ei ko te mauga e paia ma ke fakailoga ni tuākoi fakatakamilo ai.”
24Na tali mai te Aliki, “Fano ki lalo ma kaumai ki luga ia Alona. Kae ko nā ohitāulaga ma tagata, e fakahā ke hao mai ki loto o nā tuākoi. Ka fakahala e au kilātou e hao mai ki loto.” 25Oi na fano ai ia Mohe ki lalo ki nā tino, ma taku ki ei te mea kua poloaki ake ai te Aliki kia te kilātou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust