Ehoto 17
17
Ko te Vai mai te Papa
(Nūm 20.1-13)
1 #
Nūm 20.2-13
Mai te toafa o Hini, na faimalaga ai te fakapotopotoga uma o tagata Ihalaelu mai tētahi koga ki tētahi koga, e vē ona fakatonu ai kilātou e te Aliki. Kua fakatū te lātou api i Lepitimi, kae nae hēai ni vai i kinā ke feinu ai ia tagata. 2Kua fāitio ia tagata kia Mohe ma lea vē atu kilātou, “Kaumai ni vai ke inu ai kimātou.” Na tali mai ia Mohe, “Heā te fāitio mai ai koutou kia te au? Heā te tofotofo ai e koutou te Aliki?”
3Kae ko nā tino ka mamate lele i te fia inu ma na fāitio ai lava kilātou kia Mohe ma lea vē atu ki ei, “Heā te na kē kaumaia ai kimātou mai Aikupito? Ke tāmate kimātou ma a mātou fānau ma lafumanu, i te fia inu?”
4Oi na fakatagi ai ia Mohe ki te Aliki mo he fehoahoani, kua lea atu, “Heā ta aku ka fai ki nā tino iēnei? Kua toeititi lele oi ōmamai oi fetogi au i ni fatu.”
5Kua vāgana mai te Aliki kia Mohe, “Fano ma kave ni toeaina o Ihalaelu, ma olo oi muamua i mua o nā tino. Kave i te lima o koe te tokotoko na ta ai e koe te Naila. 6Ko au ka tū i mua o koe i kinā i luga o te papa i Holepa. Ta te papa, ma ka puna mai ai te vai ke feinu ai ia tagata.” Na fai e Mohe te mea tēnei, kae kikila atu ki ei nā toeaina o Ihalaelu.
7Na fakaigoa e ia te nofoaga tēnā ko Mahaha ma Melipa,#17.7 Mahaha ma Melipa Ko te uiga o nā igoa iēnei i te gagana Epelu ko tofotofoga ma fāitioga auā ko nā tino Ihalaelu na fāitio ma tofotofo ki te Aliki, i te fehiliga vē o kilātou, “Ko te Aliki nei kō e i kinei ma kitātou, pe hēai?”
Ko te Taua ma nā Tino Amaleka
8Oi na ōmamai ai nā tino Amaleka kua ohofaki e kilātou ia tagata Ihalaelu i Lepitimi. 9Kua lea atu ia Mohe kia Iohua, “Filifili ni tāulelea mo kitātou ma olo oi tau ma nā tino Amaleka. Tāeao, ko au ka tū i luga o te mauga ma tāofi te tokotoko o te Atua i toku lima.” 10Oi na fai ai e Iohua e vē ona fakatonu ake ai ia e Mohe; kua tau ma nā tino Amaleka ka ko Mohe, Alona ma Hulo, kua olo ki luga o te mauga. 11Ho he taimi lava e hiki ai te lima o Mohe ki luga, ko tagata Ihalaelu e mālō, kae kāfai foki e tuku ki lalo, e mālō nā tino Amaleka. 12Kae ko nā lima o Mohe kua tau vāivai, oi na tuku ai e Alona ma Hulo he fatu ke nofo ki luga ia Mohe, ma tāofi e kilāua nā lima o Mohe ki luga, ko tētahi i tētahi itū ma tētahi i tētahi itū, ma na tāofi ai lava vēnā e kilāua ke pa ki te goto o te lā. 13I te faiga tēnei, na fakatōkilalo ai e Iohua nā tino Amaleka.
14 #
Teu 25.17-19; 1 Ham 15.2-9 Oi na vāgana ai te Aliki kia Mohe, “Tuhi ki loto o he tuhi te mea tēnei, ma faitau pea lava ke lagona e Iohua: Ko nā tino Amaleka uma lele ka matuā tafi kehe uma lele e au, ma ka hēai lele he tino i te lalolagi ka ia toe manatua kilātou.” 15Ma na fau ai e Mohe he fata faitāulaga ma fakaigoa e ia i te igoa, “Ko te Aliki ko toku Fuka o te Manumālō.” 16Ma na lea vē ai ia Mohe, “Hiki maualuga te fuka o te manumālō a te Aliki!#17.16 E hē manino te uiga o te fakakupuga i te tuhituhiga Epelu Ko te Aliki ka tau pea lava ma nā tino Amaleka, mai tēia tupulaga ki tēia tupulaga!”
Currently Selected:
Ehoto 17: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Ehoto 17
17
Ko te Vai mai te Papa
(Nūm 20.1-13)
1 #
Nūm 20.2-13
Mai te toafa o Hini, na faimalaga ai te fakapotopotoga uma o tagata Ihalaelu mai tētahi koga ki tētahi koga, e vē ona fakatonu ai kilātou e te Aliki. Kua fakatū te lātou api i Lepitimi, kae nae hēai ni vai i kinā ke feinu ai ia tagata. 2Kua fāitio ia tagata kia Mohe ma lea vē atu kilātou, “Kaumai ni vai ke inu ai kimātou.” Na tali mai ia Mohe, “Heā te fāitio mai ai koutou kia te au? Heā te tofotofo ai e koutou te Aliki?”
3Kae ko nā tino ka mamate lele i te fia inu ma na fāitio ai lava kilātou kia Mohe ma lea vē atu ki ei, “Heā te na kē kaumaia ai kimātou mai Aikupito? Ke tāmate kimātou ma a mātou fānau ma lafumanu, i te fia inu?”
4Oi na fakatagi ai ia Mohe ki te Aliki mo he fehoahoani, kua lea atu, “Heā ta aku ka fai ki nā tino iēnei? Kua toeititi lele oi ōmamai oi fetogi au i ni fatu.”
5Kua vāgana mai te Aliki kia Mohe, “Fano ma kave ni toeaina o Ihalaelu, ma olo oi muamua i mua o nā tino. Kave i te lima o koe te tokotoko na ta ai e koe te Naila. 6Ko au ka tū i mua o koe i kinā i luga o te papa i Holepa. Ta te papa, ma ka puna mai ai te vai ke feinu ai ia tagata.” Na fai e Mohe te mea tēnei, kae kikila atu ki ei nā toeaina o Ihalaelu.
7Na fakaigoa e ia te nofoaga tēnā ko Mahaha ma Melipa,#17.7 Mahaha ma Melipa Ko te uiga o nā igoa iēnei i te gagana Epelu ko tofotofoga ma fāitioga auā ko nā tino Ihalaelu na fāitio ma tofotofo ki te Aliki, i te fehiliga vē o kilātou, “Ko te Aliki nei kō e i kinei ma kitātou, pe hēai?”
Ko te Taua ma nā Tino Amaleka
8Oi na ōmamai ai nā tino Amaleka kua ohofaki e kilātou ia tagata Ihalaelu i Lepitimi. 9Kua lea atu ia Mohe kia Iohua, “Filifili ni tāulelea mo kitātou ma olo oi tau ma nā tino Amaleka. Tāeao, ko au ka tū i luga o te mauga ma tāofi te tokotoko o te Atua i toku lima.” 10Oi na fai ai e Iohua e vē ona fakatonu ake ai ia e Mohe; kua tau ma nā tino Amaleka ka ko Mohe, Alona ma Hulo, kua olo ki luga o te mauga. 11Ho he taimi lava e hiki ai te lima o Mohe ki luga, ko tagata Ihalaelu e mālō, kae kāfai foki e tuku ki lalo, e mālō nā tino Amaleka. 12Kae ko nā lima o Mohe kua tau vāivai, oi na tuku ai e Alona ma Hulo he fatu ke nofo ki luga ia Mohe, ma tāofi e kilāua nā lima o Mohe ki luga, ko tētahi i tētahi itū ma tētahi i tētahi itū, ma na tāofi ai lava vēnā e kilāua ke pa ki te goto o te lā. 13I te faiga tēnei, na fakatōkilalo ai e Iohua nā tino Amaleka.
14 #
Teu 25.17-19; 1 Ham 15.2-9 Oi na vāgana ai te Aliki kia Mohe, “Tuhi ki loto o he tuhi te mea tēnei, ma faitau pea lava ke lagona e Iohua: Ko nā tino Amaleka uma lele ka matuā tafi kehe uma lele e au, ma ka hēai lele he tino i te lalolagi ka ia toe manatua kilātou.” 15Ma na fau ai e Mohe he fata faitāulaga ma fakaigoa e ia i te igoa, “Ko te Aliki ko toku Fuka o te Manumālō.” 16Ma na lea vē ai ia Mohe, “Hiki maualuga te fuka o te manumālō a te Aliki!#17.16 E hē manino te uiga o te fakakupuga i te tuhituhiga Epelu Ko te Aliki ka tau pea lava ma nā tino Amaleka, mai tēia tupulaga ki tēia tupulaga!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust