Ehoto 15
15
Ko te Pehe a Mohe
1 #
Fkl 15.3
Oi na pepehe ai ia Mohe ma tagata Ihalaelu ki te Aliki i te pehe tēnei:
“Ko au ka pehe ki te Aliki,
auā kua ia maua he manumālō uiga kehe;
ko nā holofanua ma nā tino e tiketike ai,
kua togi e ia ki loto o te tai.
2 #
Hal 118.14; Iha 12.2 Ko te Aliki ko toku mālohi ia ma ko taku pehe,
ma kua kavea ia ma oku fakaolataga.
Ko ia ko toku Atua, ma ka viviki au kia te ia,
te Atua o toku tamana, ma ka pehe ai au
e uiga ki tona mālohi hilihili.
3Ko te Aliki ko he toa;
ko te Aliki ko tona igoa.
4“Ko kaliota a Falao ma tana kautau,
kua ia togia ki loto o te tai,
ma ana takitakikau kua gōgoto i te Tai Kukula.
5Kua tatao kilātou e te tai loloto;
kua gōgoto ki te takele e vē ni fatu.
6“Ko tō lima taumatau te Aliki e,
e ofōfogia tona mālohi;
ko tō lima taumatau te Aliki e,
e tagau likilikia te fili.
7Ko te hilihili kehe o tō mamalu
e fakatō ai ki lalo nā fili o koe;
ko tō tōkahā e hahao e vē he afi
ma mū ai kilātou e vē ni kauhaito mamago.
8Ko te gapā o tau mānava mai tō ihu
e fakaputuputu ai te huāvai ki luga,
ma tū ai ki luga e vē he puipui;
ko te mea e pito hili te loloto o te tai
kua kavea ma kelekele mātūtū.
9Kua lea vē te fili, ‘Ka tuliloa e au, ka maua atu e au;
ka vāevae e au a lātou koloa
ma kave uma nā mea e fofou au ki ei.
Ka heki ake taku pelu ki luga,
ma fakatāugā kilātou i toku lima mālohi.’
10Kae e fokotahi tau mānava, te Aliki e,
e mālelemu ai nā tino Aikupito;
ma gōgoto ai e vē ni ukamea i te tai hou lahi.
11“Ko ai nei o nā atua e vē ko koe, te Aliki?
Ko ai nei e mamalu ma e paia e vē ko koe?
Ko ai te faia ni vāvega ofōfogia, e vē oi fai e koe?
12Kāfai e fālō atu tō lima taumatau,
e folo e te kelekele o mātou fili.
13“I tō alofa fakamāoni na kē takitakia ai
nā tino kua toe fakatau mai#15.13 toe fakatau mai pe togiola e koe;
i tō mālohi e kē takitakia ai kilātou ki tō nofoaga paia.
14Kua fakalogo ki ei ia mālō
ma kua gatete kilātou i te mātataku;
Kua logo ki tino o tagata Filihitia ia tīgā
ona ko to lātou mātataku lahi.
15Ko takitaki o Etoma e mātataku lahi;
ko toa o Moapi e tatapa lele;
ko tagata o Kanana e augapiu ma he fakamoemoe.
16Kua maua kilātou i te popole lahi.
E kilātou kitea te mālohi o tō lima,
ma hē mafai ai kilātou ke gāoioi e vē ni fatu,
ke pa ki te taimi e kui ake ai ō tagata i o lātou tafa—
nā tino e kē fakahaolotoa mai te nofo pologa.
17Ka kē kaumaia kilātou ma fakamautū i luga o tō mauga,
te mea, te Aliki e, kua kē filifilia ke fai ma ō nofoaga,
te nofoaga paia, te Aliki e, kua fau e koe i ō lava lima.
18Ko koe, te Aliki, ka pule pea lava
ke pa ki te hēgata, hēgata lava.”
Ko te Pehe a Miliama
19I te ologa o nā holofanua a Falao ma ana kaliota ma ana kave kaliota ki loto o te tai, na toe kaumai e te Aliki te huāvai o te tai ki luga o kilātou; kae ko tagata Ihalaelu na hāvavali i loto o te tai i luga o he kelekele mātūtū.
20Oi na kave ai e Miliama, te tuafafine o Alona, ma ko he pelofeta fafine, tana lūtagi ma kāmata kua ta ma hiva; kua mulimuli atu foki kia te ia iētahi fafine uma ma a lātou lūtagi, kua ta ma hihiva. 21Ma na pehe ai ia Miliama mo kilātou:
“Pepehe ki te Aliki,
auā kua ia maua he manumālō uiga kehe;
kua togi e ia ki te tai
nā holofanua ma nā tino e tiketike ai.”
Ko te Vai Mamala i Malaha
22Oi na takitaki ai e Mohe nā tino Ihalaelu mai te Tai Kukula ki te toafa o Hula. E tolu ia aho nae hāvavali ai kilātou i te toafa, kae e hēki maua e kilātou he vai. 23Oi na tau atu ai kilātou ki he nofoaga e igoa ko Malaha, kae ko te vai nae iei nae hē mafai ke inu auā e mamala. Ko te mea ia na fakaigoa ai ko Malaha.#15.23 Malaha Ko te uiga i te gagana Epelu mamala 24Ma kua mūimui nā tino kia Mohe, ma lea vē, “Heā nei ta kitātou ka inu?” 25Kua fakatagi ia Mohe ki te Aliki mo he fehoahoani, ma na fakahino ai ki ei e te Aliki he mea lākau. Kua togi e Mohe te mea lākau ki loto o te vai, oi na toe lelei ai te vai ke inu.
I kinā na tuku atu ai kia te kilātou e te Aliki ni tūlāfono ke takitaki ai o lātou olaga, ma ko kinā foki na tofotofo ai kilātou e ia. 26Na vāgana vē atu te Aliki kia te kilātou, “Kāfai koutou e uhitaki kātoatoa mai kia te au ma koutou faia nā mea e hako i taku kikila, ma mulimuli ma tauhi ki aku fakatonuga ma aku vāiniuga, ka hē kō fakahalā koutou i nā tauale na kō tuku atua ki nā tino Aikupito. Ko au ko te Aliki, tē e ia fakamālōlōa koutou.”
27Oi na taunuku atu ai kilātou ki Elima, te mea nae iei ai ni vaipuna e hefulu lua ma ni lākau pāma e fitu hefulu; ma na fakatū ai te lātou api i kinā, i tafa o nā vaipuna.
Currently Selected:
Ehoto 15: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Ehoto 15
15
Ko te Pehe a Mohe
1 #
Fkl 15.3
Oi na pepehe ai ia Mohe ma tagata Ihalaelu ki te Aliki i te pehe tēnei:
“Ko au ka pehe ki te Aliki,
auā kua ia maua he manumālō uiga kehe;
ko nā holofanua ma nā tino e tiketike ai,
kua togi e ia ki loto o te tai.
2 #
Hal 118.14; Iha 12.2 Ko te Aliki ko toku mālohi ia ma ko taku pehe,
ma kua kavea ia ma oku fakaolataga.
Ko ia ko toku Atua, ma ka viviki au kia te ia,
te Atua o toku tamana, ma ka pehe ai au
e uiga ki tona mālohi hilihili.
3Ko te Aliki ko he toa;
ko te Aliki ko tona igoa.
4“Ko kaliota a Falao ma tana kautau,
kua ia togia ki loto o te tai,
ma ana takitakikau kua gōgoto i te Tai Kukula.
5Kua tatao kilātou e te tai loloto;
kua gōgoto ki te takele e vē ni fatu.
6“Ko tō lima taumatau te Aliki e,
e ofōfogia tona mālohi;
ko tō lima taumatau te Aliki e,
e tagau likilikia te fili.
7Ko te hilihili kehe o tō mamalu
e fakatō ai ki lalo nā fili o koe;
ko tō tōkahā e hahao e vē he afi
ma mū ai kilātou e vē ni kauhaito mamago.
8Ko te gapā o tau mānava mai tō ihu
e fakaputuputu ai te huāvai ki luga,
ma tū ai ki luga e vē he puipui;
ko te mea e pito hili te loloto o te tai
kua kavea ma kelekele mātūtū.
9Kua lea vē te fili, ‘Ka tuliloa e au, ka maua atu e au;
ka vāevae e au a lātou koloa
ma kave uma nā mea e fofou au ki ei.
Ka heki ake taku pelu ki luga,
ma fakatāugā kilātou i toku lima mālohi.’
10Kae e fokotahi tau mānava, te Aliki e,
e mālelemu ai nā tino Aikupito;
ma gōgoto ai e vē ni ukamea i te tai hou lahi.
11“Ko ai nei o nā atua e vē ko koe, te Aliki?
Ko ai nei e mamalu ma e paia e vē ko koe?
Ko ai te faia ni vāvega ofōfogia, e vē oi fai e koe?
12Kāfai e fālō atu tō lima taumatau,
e folo e te kelekele o mātou fili.
13“I tō alofa fakamāoni na kē takitakia ai
nā tino kua toe fakatau mai#15.13 toe fakatau mai pe togiola e koe;
i tō mālohi e kē takitakia ai kilātou ki tō nofoaga paia.
14Kua fakalogo ki ei ia mālō
ma kua gatete kilātou i te mātataku;
Kua logo ki tino o tagata Filihitia ia tīgā
ona ko to lātou mātataku lahi.
15Ko takitaki o Etoma e mātataku lahi;
ko toa o Moapi e tatapa lele;
ko tagata o Kanana e augapiu ma he fakamoemoe.
16Kua maua kilātou i te popole lahi.
E kilātou kitea te mālohi o tō lima,
ma hē mafai ai kilātou ke gāoioi e vē ni fatu,
ke pa ki te taimi e kui ake ai ō tagata i o lātou tafa—
nā tino e kē fakahaolotoa mai te nofo pologa.
17Ka kē kaumaia kilātou ma fakamautū i luga o tō mauga,
te mea, te Aliki e, kua kē filifilia ke fai ma ō nofoaga,
te nofoaga paia, te Aliki e, kua fau e koe i ō lava lima.
18Ko koe, te Aliki, ka pule pea lava
ke pa ki te hēgata, hēgata lava.”
Ko te Pehe a Miliama
19I te ologa o nā holofanua a Falao ma ana kaliota ma ana kave kaliota ki loto o te tai, na toe kaumai e te Aliki te huāvai o te tai ki luga o kilātou; kae ko tagata Ihalaelu na hāvavali i loto o te tai i luga o he kelekele mātūtū.
20Oi na kave ai e Miliama, te tuafafine o Alona, ma ko he pelofeta fafine, tana lūtagi ma kāmata kua ta ma hiva; kua mulimuli atu foki kia te ia iētahi fafine uma ma a lātou lūtagi, kua ta ma hihiva. 21Ma na pehe ai ia Miliama mo kilātou:
“Pepehe ki te Aliki,
auā kua ia maua he manumālō uiga kehe;
kua togi e ia ki te tai
nā holofanua ma nā tino e tiketike ai.”
Ko te Vai Mamala i Malaha
22Oi na takitaki ai e Mohe nā tino Ihalaelu mai te Tai Kukula ki te toafa o Hula. E tolu ia aho nae hāvavali ai kilātou i te toafa, kae e hēki maua e kilātou he vai. 23Oi na tau atu ai kilātou ki he nofoaga e igoa ko Malaha, kae ko te vai nae iei nae hē mafai ke inu auā e mamala. Ko te mea ia na fakaigoa ai ko Malaha.#15.23 Malaha Ko te uiga i te gagana Epelu mamala 24Ma kua mūimui nā tino kia Mohe, ma lea vē, “Heā nei ta kitātou ka inu?” 25Kua fakatagi ia Mohe ki te Aliki mo he fehoahoani, ma na fakahino ai ki ei e te Aliki he mea lākau. Kua togi e Mohe te mea lākau ki loto o te vai, oi na toe lelei ai te vai ke inu.
I kinā na tuku atu ai kia te kilātou e te Aliki ni tūlāfono ke takitaki ai o lātou olaga, ma ko kinā foki na tofotofo ai kilātou e ia. 26Na vāgana vē atu te Aliki kia te kilātou, “Kāfai koutou e uhitaki kātoatoa mai kia te au ma koutou faia nā mea e hako i taku kikila, ma mulimuli ma tauhi ki aku fakatonuga ma aku vāiniuga, ka hē kō fakahalā koutou i nā tauale na kō tuku atua ki nā tino Aikupito. Ko au ko te Aliki, tē e ia fakamālōlōa koutou.”
27Oi na taunuku atu ai kilātou ki Elima, te mea nae iei ai ni vaipuna e hefulu lua ma ni lākau pāma e fitu hefulu; ma na fakatū ai te lātou api i kinā, i tafa o nā vaipuna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust