Efeho 4
4
Ko te Tahi o Kitātou i te Tino o Keliho
1Ko au la, tē kua kavea ma pāgotā ona ko au e tautua ki te Aliki, e fakatagi atu kia te koutou: ola kō i he olaga e talafeagai ma te tāua o te kalaga kua kalagagia ai koutou e te Atua. 2Ke maua pea koutou i taimi uma i te lotomaulalo, te agamalū, ma te onohai. Fakaali te koutou alofa e ala i te talia o nā uiga o tētahi e tētahi. #Klh 3.12-13 3Ko te Aliki te kua maua ai e koutou te tahi. Taumafai la ki te mea e gata ai te koutou mafai, ke tūmau pea te tahi o koutou. Ko te auala e mafai ai te mea tēnei, ko te fuhia fakatahi o koutou i te fīlēmū. 4E tahi te tino ma tahi te Agaga, e vē foki lava oi tahi te fakamoemoe kua kalagagia ai koutou e te Atua. 5E tahi te Aliki, tahi te talitonuga, tahi te papatihoga; 6e tahi te Atua ma te Tamana o kitātou uma, ko ia te Aliki o tagata uma, e galue i loto o tagata uma, ma e i loto o mea uma.
7Ko te alofa tūnoa kua fōki mai e te Atua kia te kitātou tau tokatahi, e vē foki lava ko te lahi o te meālofa a Keliho kia te kitātou. 8E vē oi leamai te tuhituhiga paia,
“I te fanakega o ia ki te mea maualuga,
na kave e ia ni pāgotā e tokalahi;
ma na fōki e ia nā meālofa ki tagata.” #Hal 68.18
9Heā la te uiga o te fakakupuga, “fanakega o ia?” Ko tona uiga ko Keliho na mua fanaifo ki lalo ki te lolotoga o te kelekele. 10Ko te tino la na fanaifo ki lalo, ko ia foki lava te na fanake ki luga ki te lagi pito hili te maualuga, ke fakatumu kātoatoa ai te vānimonimo i tona fakatahi ai. 11Ko ia te na ia “fōkia nā meālofa ki tagata”; na ia tōfiagia iētahi ke kavea ma apohitolo, ko iētahi ma pelofeta, ko iētahi ma tino tālaki, ko iētahi ma faifeau ma iētahi ma faiākoga. 12Na fai e ia te mea tēnei ke hāunia ai ia tagata uma o te Atua mo nā gāluega faka-Kelihiano, kae ke ati ake ai te tino o Keliho. 13Oi ko kitātou la ka fuhia fakatahi ke fai ma tino e tahi i to tātou talitonuga ma to tātou iloa o te Ataliki o te Atua; ka kavea kitātou ma tagata kua kātoatoa te mātutua i to tātou talitonu ki te Atua, e vē foki lava ko Keliho. 14Ka hē toe vē kitātou ni tamaiti e fetolifaki e nā galu, ma pūhia holo i matagi vale o nā akoakoga a nā tino faitogafiti kino, iēia e kilātou takitakia iētahi tino ki te mea hehē, e ala ia lātou togafiti popoto. 15Kae ko kitātou e tatau ke tautatala i te meamoni ma te agaga alofa o tētahi ki tētahi. Ko Keliho ko te ulu o te Ekalehia, e tatau ai la kitātou ke tuputupu ake ke vē ko ia i ho he itū. 16I lalo o tana taukikilaga, ko nā itūtino kehekehe uma o te tino e nofo tonu ma fetaui lelei, ma ko te tino kātoa e tamau fakatahi e nā hokoga takitahi uma kua hāunia e ia. Ko te mea ia, kāfai nā vāega kehekehe takitahi e gālulue e vē ona fuafuagia, ka vēnā foki oi tuputupu ake te tino kātoa ma fano e mālohi e ala i te alofa. #Klh 2.19
Ko te Ola Fōu ia Keliho
17I te igoa la o te Aliki e lapataki atu ai au kia te koutou: koutou nahe toe ola e vē ko tagata fakapaupau ma o lātou manatu e hēai he aogā, 18ma e pōuliuli o lātou māfaufau. E hēai ho lātou tofi i te ola e fōki mai e te Atua, auā e matuā hē mālamalama lava ma, e loto makaka. 19Kua hē kilātou lagona lele he mā; kua tuku haoloto atu e kilātou o lātou tino ki nā uiga kino ma itūkāiga faiāmio mātagā kehekehe.
20E hē ko iēnei nā mea na akoako ai koutou e uiga kia Keliho! 21Ko hēki fakalogo moni nei lava koutou e uiga kia te ia, ma akoakogia i te meamoni e ia Iehu? 22Ko te mea ia, tīaki loa outou uiga tuai nae ola ai koutou muamua—nā uiga tuai e fakaumatia ai koutou ona e maua mai ai e koutou nā tuinanauga e fakahehē ai.#Klh 3.9 23E tatau outou loto ma outou māfaufau ke toe fakafōugia kātoatoa, 24ma fakakitea outou tino fōu e vē ni kofu fōu, iēia e gaohia i te fakatuha o te Atua, ma fakaalia e ala i te olaga moni e tonu ma paia. #Ken 1.26; Klh 3.10
25Ko te mea ia, tuku loa te faitala pepelo. Ko kitātou uma ni vāega e o te tino o Keliho, e tatau la ke tautala te uho Kelihiano ki tētahi ona uho, i te meamoni. #Hkl 8.16 26Kāfai koutou e ita, nahe kavea te koutou ita ma mea e agahala ai koutou, ma nahe fano te aho kātoa koi ita koutou. #Hal 4.4 (LXX) 27Nahe tukua e koutou he avanoa ki te Tiāpolo. 28Kāfai koe he tino kaihohoa, tuku loa te kaihohoa kae kāmata galue mālohi ke ola koe i au gāluega ma mafai ai koe ke fehoahoani ki nā tino mātitiva. 29Nahe fakaaogā e koe ni kupu e ogohia ai hētahi tino, kae tautala i nā kupu e mafai ke fehoahoani ke ati ake ma maua ai ni fehoahoaniga, kae ke aogā ai autou kupu ki nā tino uma e fakalogo ki ei. 30Ma nahe koutou faia he mea ke fakanoanoa ai te Agaga Paia o te Atua. Auā ko te Agaga Paia ko te fakailoga ia a te Atua kua i outou luga e iloa ai ko koutou e a ia, ko he fakailoga mautinoa tēnā e iloa ai ka iei te Aho ka fakahaoloto ai koutou e te Atua. 31Tīaki te loto fekai, te nauloto ma te ita. Nahe toe taukekē pe faikupu fakakino, ma nahe toe iei lele ni lagona inoino ki iētahi tino. 32Kae ke agalelei ma loto lelei tētahi ki tētahi, ma fakamāgalo tētahi e tētahi e vē oi fakamāgalo koutou e te Atua e ala ia Keliho.#Klh 3.13
Currently Selected:
Efeho 4: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Efeho 4
4
Ko te Tahi o Kitātou i te Tino o Keliho
1Ko au la, tē kua kavea ma pāgotā ona ko au e tautua ki te Aliki, e fakatagi atu kia te koutou: ola kō i he olaga e talafeagai ma te tāua o te kalaga kua kalagagia ai koutou e te Atua. 2Ke maua pea koutou i taimi uma i te lotomaulalo, te agamalū, ma te onohai. Fakaali te koutou alofa e ala i te talia o nā uiga o tētahi e tētahi. #Klh 3.12-13 3Ko te Aliki te kua maua ai e koutou te tahi. Taumafai la ki te mea e gata ai te koutou mafai, ke tūmau pea te tahi o koutou. Ko te auala e mafai ai te mea tēnei, ko te fuhia fakatahi o koutou i te fīlēmū. 4E tahi te tino ma tahi te Agaga, e vē foki lava oi tahi te fakamoemoe kua kalagagia ai koutou e te Atua. 5E tahi te Aliki, tahi te talitonuga, tahi te papatihoga; 6e tahi te Atua ma te Tamana o kitātou uma, ko ia te Aliki o tagata uma, e galue i loto o tagata uma, ma e i loto o mea uma.
7Ko te alofa tūnoa kua fōki mai e te Atua kia te kitātou tau tokatahi, e vē foki lava ko te lahi o te meālofa a Keliho kia te kitātou. 8E vē oi leamai te tuhituhiga paia,
“I te fanakega o ia ki te mea maualuga,
na kave e ia ni pāgotā e tokalahi;
ma na fōki e ia nā meālofa ki tagata.” #Hal 68.18
9Heā la te uiga o te fakakupuga, “fanakega o ia?” Ko tona uiga ko Keliho na mua fanaifo ki lalo ki te lolotoga o te kelekele. 10Ko te tino la na fanaifo ki lalo, ko ia foki lava te na fanake ki luga ki te lagi pito hili te maualuga, ke fakatumu kātoatoa ai te vānimonimo i tona fakatahi ai. 11Ko ia te na ia “fōkia nā meālofa ki tagata”; na ia tōfiagia iētahi ke kavea ma apohitolo, ko iētahi ma pelofeta, ko iētahi ma tino tālaki, ko iētahi ma faifeau ma iētahi ma faiākoga. 12Na fai e ia te mea tēnei ke hāunia ai ia tagata uma o te Atua mo nā gāluega faka-Kelihiano, kae ke ati ake ai te tino o Keliho. 13Oi ko kitātou la ka fuhia fakatahi ke fai ma tino e tahi i to tātou talitonuga ma to tātou iloa o te Ataliki o te Atua; ka kavea kitātou ma tagata kua kātoatoa te mātutua i to tātou talitonu ki te Atua, e vē foki lava ko Keliho. 14Ka hē toe vē kitātou ni tamaiti e fetolifaki e nā galu, ma pūhia holo i matagi vale o nā akoakoga a nā tino faitogafiti kino, iēia e kilātou takitakia iētahi tino ki te mea hehē, e ala ia lātou togafiti popoto. 15Kae ko kitātou e tatau ke tautatala i te meamoni ma te agaga alofa o tētahi ki tētahi. Ko Keliho ko te ulu o te Ekalehia, e tatau ai la kitātou ke tuputupu ake ke vē ko ia i ho he itū. 16I lalo o tana taukikilaga, ko nā itūtino kehekehe uma o te tino e nofo tonu ma fetaui lelei, ma ko te tino kātoa e tamau fakatahi e nā hokoga takitahi uma kua hāunia e ia. Ko te mea ia, kāfai nā vāega kehekehe takitahi e gālulue e vē ona fuafuagia, ka vēnā foki oi tuputupu ake te tino kātoa ma fano e mālohi e ala i te alofa. #Klh 2.19
Ko te Ola Fōu ia Keliho
17I te igoa la o te Aliki e lapataki atu ai au kia te koutou: koutou nahe toe ola e vē ko tagata fakapaupau ma o lātou manatu e hēai he aogā, 18ma e pōuliuli o lātou māfaufau. E hēai ho lātou tofi i te ola e fōki mai e te Atua, auā e matuā hē mālamalama lava ma, e loto makaka. 19Kua hē kilātou lagona lele he mā; kua tuku haoloto atu e kilātou o lātou tino ki nā uiga kino ma itūkāiga faiāmio mātagā kehekehe.
20E hē ko iēnei nā mea na akoako ai koutou e uiga kia Keliho! 21Ko hēki fakalogo moni nei lava koutou e uiga kia te ia, ma akoakogia i te meamoni e ia Iehu? 22Ko te mea ia, tīaki loa outou uiga tuai nae ola ai koutou muamua—nā uiga tuai e fakaumatia ai koutou ona e maua mai ai e koutou nā tuinanauga e fakahehē ai.#Klh 3.9 23E tatau outou loto ma outou māfaufau ke toe fakafōugia kātoatoa, 24ma fakakitea outou tino fōu e vē ni kofu fōu, iēia e gaohia i te fakatuha o te Atua, ma fakaalia e ala i te olaga moni e tonu ma paia. #Ken 1.26; Klh 3.10
25Ko te mea ia, tuku loa te faitala pepelo. Ko kitātou uma ni vāega e o te tino o Keliho, e tatau la ke tautala te uho Kelihiano ki tētahi ona uho, i te meamoni. #Hkl 8.16 26Kāfai koutou e ita, nahe kavea te koutou ita ma mea e agahala ai koutou, ma nahe fano te aho kātoa koi ita koutou. #Hal 4.4 (LXX) 27Nahe tukua e koutou he avanoa ki te Tiāpolo. 28Kāfai koe he tino kaihohoa, tuku loa te kaihohoa kae kāmata galue mālohi ke ola koe i au gāluega ma mafai ai koe ke fehoahoani ki nā tino mātitiva. 29Nahe fakaaogā e koe ni kupu e ogohia ai hētahi tino, kae tautala i nā kupu e mafai ke fehoahoani ke ati ake ma maua ai ni fehoahoaniga, kae ke aogā ai autou kupu ki nā tino uma e fakalogo ki ei. 30Ma nahe koutou faia he mea ke fakanoanoa ai te Agaga Paia o te Atua. Auā ko te Agaga Paia ko te fakailoga ia a te Atua kua i outou luga e iloa ai ko koutou e a ia, ko he fakailoga mautinoa tēnā e iloa ai ka iei te Aho ka fakahaoloto ai koutou e te Atua. 31Tīaki te loto fekai, te nauloto ma te ita. Nahe toe taukekē pe faikupu fakakino, ma nahe toe iei lele ni lagona inoino ki iētahi tino. 32Kae ke agalelei ma loto lelei tētahi ki tētahi, ma fakamāgalo tētahi e tētahi e vē oi fakamāgalo koutou e te Atua e ala ia Keliho.#Klh 3.13
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust