2 Kolinito 8
8
Ola i he Olaga Limatō
1Te kau uho, ko kimātou e fofou ke iloa e koutou te alofa tūnoa o te Atua, tēia kua fakaalia e ala i nā Ekalehia i Maketonia.#8.1 Ekalehia i Maketonia Nā Ekalehia na fakatū e Paulo i Filipi ma Tehalonika. E ono aofia ai foki te Ekalehia i Peloea #Lom 15.26 2Nae āfāina kilātou i nā fakafītāuli, kae ko te lahi o to lātou fiafia na fakaātili ai to lātou limatō, e ui lava e mātitiva lahi lele. 3E lea atu au ma te fakamāoni, ko te lātou limatō na fai lava ki te mea na gata ai to lātou mafai, pe hili atu foki. I to lātou lava loto mālilie, 4na fakatagi mai ai ma te loto naunau, mo he avanoa ke mafai ai kilātou ke fehoahoani ki tagata o te Atua i Iutea. 5Kua lahi atu lele tēnei i lo te mea nae fakamoemoe kimātou ki ei. Na muamua oi ofo atu o lātou tagata ki te Aliki; ma ofo mai ai kia te kimātou, e vē lava ko te finagalo o te Atua. 6Ko te mea ia kua fakamālohi ai kimātou kia Tito, ona na ia kāmatagia te gāluega tēnei, ke fakaauau pea ma ke fehoahoani atu kia te koutou ke fakauma te gāluega lelei na ia kāmatagia. 7Kua tamaokāiga koutou i nā mea uma: i te fakatuatua, i te folafola, i te iloa ma te loto naunau ke fehoahoani, ma i te koutou alolofa mai kia te kimātou.#8.7 te koutou alolofa mai kia te kimātou ko iētahi tuhituhiga e vē mai to mātou alolofa atu kia te koutou Ma ko kimātou foki la e fofou ko koutou ke limatō i te gāluega tēnei o te alofa e feagai ma koutou.
8Ko koutou e hē kō fakatonua. Kae e fia kō iloa pe moni te koutou alolofa, kāfai e fakatuhatuha ki te naunau lahi o iētahi tino ke fehoahoani. 9Auā kua koutou iloa te alofa tūnoa o to tātou Aliki ko Iehu Keliho; e ui lava nae tamaokāiga, kae na mativa ona ko koutou, kae ke tamaokāiga ai koutou, e ala i tona mativa.
10I toku manatu, e hili te fakauma e koutou i te taimi nei, te mea na kāmata e koutou i te tauhaga kua teka. Ko koutou te na muamua, e hē gata i te fakatinoga o te gāluega, kae vēnā foki i te koutou loto naunau ke fai loa. 11Fakaauau pea la, ma fakauma te gāluega! Iviivinaki ke fakauma te gāluega, e vē ko te koutou iviivinaki ki te fuafuaga i te kāmataga, ma fai i nā mea kua i outou lima. 12Kāfai koutou e naunau ke fōki, ka talia e te Atua tautou meālofa, fua ki nā mea kua i nā lima o koutou, kae hē ki nā mea ko hēki ia te koutou.
13Ko au e hē lea atu ke fakamāmā te kavega mo iētahi tino, kae fakamamafa mo koutou, 14kae ona e lahi atu autou mea i te taimi nei, e tatau ai koutou ke fehoahoani ki nā tino e fia mauagia he fehoahoani. Oi ka faigōfie ai foki ke fehoahoani atu kilātou kia te koutou, kāfai kua lahi atu a lātou mea, ma e fia maua e koutou he fehoahoani. I te faiga tēnei, ka taufai tutuha uma ai lava koutou. 15E vē oi lea mai te tuhituhiga paia,
“Ko te tino na lahi ātili ana mea,
na hēki lahi ātili mo ia.
Ko te tino na taigole ātili ana mea,
na hēki taigole ātili mo ia.” #Eho 16.18
Ko Tito ma Ona Hoa
16Ko au e fakafetai ki te Atua ona ko ana faiga te kua lagona ai e Tito te agaga naunau e vē foki lava ko kimātou, ke fehoahoani atu kia te koutou. 17E hē gata la i te kua talia e ia o ta mātou fakatagi ake; ko tona naunau ke fehoahoani, na fai ai lava tana tonu i tona loto malie, ko ia ka fanatu kia te koutou. 18Fakatahi ma Tito, e uga atu e kimātou ma hētahi o kaukauna a te Aliki kua lauiloa i nā Ekalehia uma, i tana gāluega ko te folafolaga o te Tala Lelei. 19E hē gata i tēnā, kua filifilia foki ia ma tōfia e nā Ekalehia ke malaga fakatahi ma kimātou, i te fakatinoga o tēnei gāluega tāua, kae ke maua ai he vīkiga mo te Aliki, ma ke kitea ai foki to mātou agaga fia fehoahoani.
20E fakaetēte lele kimātou ke nahe kimātou faia ni mea e fakatupu ai ni fāitiogia ona ko te kikilaga e kimātou o nā meālofa e ofo e tagata. 21Ko te mea e fofou kimātou ki ei, ke kimātou faia te mea e hako, e hē gata i te kikila a te Aliki, kae vēnā foki i te kikila a tagata.#Alk 3.4 (LXX)
22Oi e uga atu ai e kimātou hētahi foki o uho o kimātou i te gāluega ke ōatu fakatahi kilātou; kua lahi lele nā mea a ia kua fai kua kimātou mautinoa ai te loto naunau o te uho tēnei, ke fehoahoani. Nei la, kua fakaātili lele tona naunau ke fehoahoani, ona e lahi tona talitonu kia te koutou. 23Kae e vē la kia Tito, ko he hoa e ōku ma e gālulue fakatahi kimāua ke tautua atu kia te koutou. Ko iētahi hoa i te gāluega, ni kavefekau e a nā Ekalehia, auā lava he vīkiga mo Keliho. 24Alolofa la ki ei, kae ke mautinoa ai ma iloa e nā Ekalehia, e hako lava o mātou fāfifia nae fai ake kia te kilātou e uiga kia te koutou.
Currently Selected:
2 Kolinito 8: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
2 Kolinito 8
8
Ola i he Olaga Limatō
1Te kau uho, ko kimātou e fofou ke iloa e koutou te alofa tūnoa o te Atua, tēia kua fakaalia e ala i nā Ekalehia i Maketonia.#8.1 Ekalehia i Maketonia Nā Ekalehia na fakatū e Paulo i Filipi ma Tehalonika. E ono aofia ai foki te Ekalehia i Peloea #Lom 15.26 2Nae āfāina kilātou i nā fakafītāuli, kae ko te lahi o to lātou fiafia na fakaātili ai to lātou limatō, e ui lava e mātitiva lahi lele. 3E lea atu au ma te fakamāoni, ko te lātou limatō na fai lava ki te mea na gata ai to lātou mafai, pe hili atu foki. I to lātou lava loto mālilie, 4na fakatagi mai ai ma te loto naunau, mo he avanoa ke mafai ai kilātou ke fehoahoani ki tagata o te Atua i Iutea. 5Kua lahi atu lele tēnei i lo te mea nae fakamoemoe kimātou ki ei. Na muamua oi ofo atu o lātou tagata ki te Aliki; ma ofo mai ai kia te kimātou, e vē lava ko te finagalo o te Atua. 6Ko te mea ia kua fakamālohi ai kimātou kia Tito, ona na ia kāmatagia te gāluega tēnei, ke fakaauau pea ma ke fehoahoani atu kia te koutou ke fakauma te gāluega lelei na ia kāmatagia. 7Kua tamaokāiga koutou i nā mea uma: i te fakatuatua, i te folafola, i te iloa ma te loto naunau ke fehoahoani, ma i te koutou alolofa mai kia te kimātou.#8.7 te koutou alolofa mai kia te kimātou ko iētahi tuhituhiga e vē mai to mātou alolofa atu kia te koutou Ma ko kimātou foki la e fofou ko koutou ke limatō i te gāluega tēnei o te alofa e feagai ma koutou.
8Ko koutou e hē kō fakatonua. Kae e fia kō iloa pe moni te koutou alolofa, kāfai e fakatuhatuha ki te naunau lahi o iētahi tino ke fehoahoani. 9Auā kua koutou iloa te alofa tūnoa o to tātou Aliki ko Iehu Keliho; e ui lava nae tamaokāiga, kae na mativa ona ko koutou, kae ke tamaokāiga ai koutou, e ala i tona mativa.
10I toku manatu, e hili te fakauma e koutou i te taimi nei, te mea na kāmata e koutou i te tauhaga kua teka. Ko koutou te na muamua, e hē gata i te fakatinoga o te gāluega, kae vēnā foki i te koutou loto naunau ke fai loa. 11Fakaauau pea la, ma fakauma te gāluega! Iviivinaki ke fakauma te gāluega, e vē ko te koutou iviivinaki ki te fuafuaga i te kāmataga, ma fai i nā mea kua i outou lima. 12Kāfai koutou e naunau ke fōki, ka talia e te Atua tautou meālofa, fua ki nā mea kua i nā lima o koutou, kae hē ki nā mea ko hēki ia te koutou.
13Ko au e hē lea atu ke fakamāmā te kavega mo iētahi tino, kae fakamamafa mo koutou, 14kae ona e lahi atu autou mea i te taimi nei, e tatau ai koutou ke fehoahoani ki nā tino e fia mauagia he fehoahoani. Oi ka faigōfie ai foki ke fehoahoani atu kilātou kia te koutou, kāfai kua lahi atu a lātou mea, ma e fia maua e koutou he fehoahoani. I te faiga tēnei, ka taufai tutuha uma ai lava koutou. 15E vē oi lea mai te tuhituhiga paia,
“Ko te tino na lahi ātili ana mea,
na hēki lahi ātili mo ia.
Ko te tino na taigole ātili ana mea,
na hēki taigole ātili mo ia.” #Eho 16.18
Ko Tito ma Ona Hoa
16Ko au e fakafetai ki te Atua ona ko ana faiga te kua lagona ai e Tito te agaga naunau e vē foki lava ko kimātou, ke fehoahoani atu kia te koutou. 17E hē gata la i te kua talia e ia o ta mātou fakatagi ake; ko tona naunau ke fehoahoani, na fai ai lava tana tonu i tona loto malie, ko ia ka fanatu kia te koutou. 18Fakatahi ma Tito, e uga atu e kimātou ma hētahi o kaukauna a te Aliki kua lauiloa i nā Ekalehia uma, i tana gāluega ko te folafolaga o te Tala Lelei. 19E hē gata i tēnā, kua filifilia foki ia ma tōfia e nā Ekalehia ke malaga fakatahi ma kimātou, i te fakatinoga o tēnei gāluega tāua, kae ke maua ai he vīkiga mo te Aliki, ma ke kitea ai foki to mātou agaga fia fehoahoani.
20E fakaetēte lele kimātou ke nahe kimātou faia ni mea e fakatupu ai ni fāitiogia ona ko te kikilaga e kimātou o nā meālofa e ofo e tagata. 21Ko te mea e fofou kimātou ki ei, ke kimātou faia te mea e hako, e hē gata i te kikila a te Aliki, kae vēnā foki i te kikila a tagata.#Alk 3.4 (LXX)
22Oi e uga atu ai e kimātou hētahi foki o uho o kimātou i te gāluega ke ōatu fakatahi kilātou; kua lahi lele nā mea a ia kua fai kua kimātou mautinoa ai te loto naunau o te uho tēnei, ke fehoahoani. Nei la, kua fakaātili lele tona naunau ke fehoahoani, ona e lahi tona talitonu kia te koutou. 23Kae e vē la kia Tito, ko he hoa e ōku ma e gālulue fakatahi kimāua ke tautua atu kia te koutou. Ko iētahi hoa i te gāluega, ni kavefekau e a nā Ekalehia, auā lava he vīkiga mo Keliho. 24Alolofa la ki ei, kae ke mautinoa ai ma iloa e nā Ekalehia, e hako lava o mātou fāfifia nae fai ake kia te kilātou e uiga kia te koutou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust