2 Kolinito 4
4
Koloa Faka-te-Agaga i loto o nā Hiā Ele
1Ko te alofa tūnoa o te Atua kua tuku mai ai e ia tana gāluega ke fai e kimātou, oi ko kimātou e hē fakavāivai lele. 2Kua tuku kehe e kimātou nā uiga mātagā uma ma nā faiga fakalilolilo; e hē taumafai kimātou ke fakahehē he tino, pe fakaliliu hehē te fekau a te Atua. E molimau te Atua ko kimātou e tautatala oioti i te meamoni, ma ko te mea ia ka mafai ai ke talitonu mai nā tino kia te kimātou. 3Auā kāfai te tala lelei e kimātou tālakia e mumuni, e mumuni oioti mai nā tino e tuku e fakaumatia. 4Ko nā tino iēnei e hē talitonu, auā kua fakapoulitia o lātou māfaufau e Hatani, te atua kino o te lalolagi. E ia tāofiofia kilātou ke nahe kilātou kiteagia te mālama e huhulu ake kia te kilātou, te mālama e hau mai te Tala Lelei e uiga ki te mamalu o Keliho, tē e vē lava ko te Atua. 5Auā e hē tālakia e kimātou e uiga kia te kimātou lava; e tālaki e kimātou ko Iehu Keliho ko ia ko te Aliki, ma ko kimātou ni kaukauna kia te koutou ona ko Iehu. 6Auā ko te Atua lava te na vāgana, “Mai te pōuli ka huhulu mai ai te mālama.” Nei kua fakahuhulu e te Atua tona mālama i nā loto o kimātou, kae ke iloa ai e koutou ko te mamalu o te Atua e kitea i nā fōliga o Iehu Keliho.#Ken 1.3
7Ko kimātou, iēia kua iei nā koloa faka-te-agaga, e vē kimātou ko nā hiā ele fakatauvā, kae ke iloa ai ko te mālohi hilihili, e hau mai te Atua, kae hē mai ia te kimātou. 8E maua ho kimātou i nā fakafītāuli, kae e hē fakafiti ai kimātou; e hē mautonu i iētahi taimi, kae e hē fakavāivai ai kimātou; 9e maua i nā fakahāuāga, kae e hē tuku tīakia ai kimātou; ma e ui e kini ogohia kimātou, kae e hē fakatāugā ai kimātou. 10E taukave pea lava i o kimātou tino e fano e pala, te mate o Iehu, kae ke mafai ai foki ke kitea tona ola, i loto o nā tino o kimātou. 11I te olaga kātoa, e lamatia pea lava o mātou ola mo Iehu, kae ke mafai ai ke kitea tona ola, i loto o nā tino o kimātou e fano e pala. 12Ko tona uiga, ko te oti e galue i loto ia te kimātou, kae ko te ola e galue i loto ia te koutou.
13E leamai te tuhituhiga paia, “Ko au na tautala ona ko au kua talitonu.” I te agaga foki lava tēnā e fokotahi, kua tautatala ai kimātou ona ko kimātou kua talitonu.#Hal 116.10 (LXX) 14E iloa e kimātou ko te Atua, tē na ia fakatūa te Aliki ko Iehu ki te ola, ka ia fakatutūa foki kimātou ma Iehu, ma ia kavea ai kimātou fakatahi ma koutou, ki te mea e iei ia. 15Ko nā mea uma iēnei kua fai mo koutou; ma ko te tokalahi o tagata e iloa e kilātou te alofa tūnoa o te Atua, ko te lahi foki ia o nā tatalo o te fakafetai ma nā vīkiga ki te Atua.
Ola i te Fakatuatua
16Ko kimātou la e hē fakavāivai lele. E ui lava ko o mātou tino faka-te-tagata e fano e pala, kae ko o mātou tino faka-te-agaga, e fakafōugia pea lava i aho takitahi. 17Ma ko nā tamā fakafītāuli iēnei e fetaiaki ma kimātou, ka kimātou maua ai nā vīkiga e fakavavau e lahi mamao lele atu, i lo nā fakafītāuli. 18Auā ko kimātou e hē kikila ki nā mea e kitea, kae e kikila ki nā mea e hē kitea. Ko nā mea e kitea e hē tūmau, kae ko nā mea e hē kitea, e tūmau ke pa ki te fakavavau.
Currently Selected:
2 Kolinito 4: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
2 Kolinito 4
4
Koloa Faka-te-Agaga i loto o nā Hiā Ele
1Ko te alofa tūnoa o te Atua kua tuku mai ai e ia tana gāluega ke fai e kimātou, oi ko kimātou e hē fakavāivai lele. 2Kua tuku kehe e kimātou nā uiga mātagā uma ma nā faiga fakalilolilo; e hē taumafai kimātou ke fakahehē he tino, pe fakaliliu hehē te fekau a te Atua. E molimau te Atua ko kimātou e tautatala oioti i te meamoni, ma ko te mea ia ka mafai ai ke talitonu mai nā tino kia te kimātou. 3Auā kāfai te tala lelei e kimātou tālakia e mumuni, e mumuni oioti mai nā tino e tuku e fakaumatia. 4Ko nā tino iēnei e hē talitonu, auā kua fakapoulitia o lātou māfaufau e Hatani, te atua kino o te lalolagi. E ia tāofiofia kilātou ke nahe kilātou kiteagia te mālama e huhulu ake kia te kilātou, te mālama e hau mai te Tala Lelei e uiga ki te mamalu o Keliho, tē e vē lava ko te Atua. 5Auā e hē tālakia e kimātou e uiga kia te kimātou lava; e tālaki e kimātou ko Iehu Keliho ko ia ko te Aliki, ma ko kimātou ni kaukauna kia te koutou ona ko Iehu. 6Auā ko te Atua lava te na vāgana, “Mai te pōuli ka huhulu mai ai te mālama.” Nei kua fakahuhulu e te Atua tona mālama i nā loto o kimātou, kae ke iloa ai e koutou ko te mamalu o te Atua e kitea i nā fōliga o Iehu Keliho.#Ken 1.3
7Ko kimātou, iēia kua iei nā koloa faka-te-agaga, e vē kimātou ko nā hiā ele fakatauvā, kae ke iloa ai ko te mālohi hilihili, e hau mai te Atua, kae hē mai ia te kimātou. 8E maua ho kimātou i nā fakafītāuli, kae e hē fakafiti ai kimātou; e hē mautonu i iētahi taimi, kae e hē fakavāivai ai kimātou; 9e maua i nā fakahāuāga, kae e hē tuku tīakia ai kimātou; ma e ui e kini ogohia kimātou, kae e hē fakatāugā ai kimātou. 10E taukave pea lava i o kimātou tino e fano e pala, te mate o Iehu, kae ke mafai ai foki ke kitea tona ola, i loto o nā tino o kimātou. 11I te olaga kātoa, e lamatia pea lava o mātou ola mo Iehu, kae ke mafai ai ke kitea tona ola, i loto o nā tino o kimātou e fano e pala. 12Ko tona uiga, ko te oti e galue i loto ia te kimātou, kae ko te ola e galue i loto ia te koutou.
13E leamai te tuhituhiga paia, “Ko au na tautala ona ko au kua talitonu.” I te agaga foki lava tēnā e fokotahi, kua tautatala ai kimātou ona ko kimātou kua talitonu.#Hal 116.10 (LXX) 14E iloa e kimātou ko te Atua, tē na ia fakatūa te Aliki ko Iehu ki te ola, ka ia fakatutūa foki kimātou ma Iehu, ma ia kavea ai kimātou fakatahi ma koutou, ki te mea e iei ia. 15Ko nā mea uma iēnei kua fai mo koutou; ma ko te tokalahi o tagata e iloa e kilātou te alofa tūnoa o te Atua, ko te lahi foki ia o nā tatalo o te fakafetai ma nā vīkiga ki te Atua.
Ola i te Fakatuatua
16Ko kimātou la e hē fakavāivai lele. E ui lava ko o mātou tino faka-te-tagata e fano e pala, kae ko o mātou tino faka-te-agaga, e fakafōugia pea lava i aho takitahi. 17Ma ko nā tamā fakafītāuli iēnei e fetaiaki ma kimātou, ka kimātou maua ai nā vīkiga e fakavavau e lahi mamao lele atu, i lo nā fakafītāuli. 18Auā ko kimātou e hē kikila ki nā mea e kitea, kae e kikila ki nā mea e hē kitea. Ko nā mea e kitea e hē tūmau, kae ko nā mea e hē kitea, e tūmau ke pa ki te fakavavau.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust