2 Kolinito 2
2
1Ko te mea ia kua tonu ai i toku māfaufau ke nahe toe fanatu haku malaga ke fakatupu ai he loto tīgā ia te koutou. 2Auā kāfai e kō fakatupua te loto tīgā ia te koutou, ko ai nei la he tino ke ia fakafiafiagia au, kae ko koutou lava iēnā na hē fiafia ona ko au? 3Ko te ala ia na tuhi atu ai taku tuhi tēnā kia te koutou—ko au e hē fofou ko au ke fanatu kia te koutou, ke fakatupu ai toku fakanoanoa e nā tino e tatau ke kilātou faia nā mea e fakafiafia mai kia te au. Auā e mautinoa lelei e au, kāfai au e fiafia, ko koutou uma foki e fiafia. 4Na tuhi atu au ma toku loto popole ma te fakanoanoa lahi, vēnā ma te lahi o te loimata maligi; e hē ke fakatupu ai houtou hē fiafia, kae ke koutou iloa ai te lahi o toku alofa kia te koutou.
Fakamāgalo te Tino kua Hehē
5Kāfai na fai e he tino he mea ke hē fiafia ai hētahi tino, e hēki ia faia oioti kia te au—kae i hētahi itū, na ia faia foki kia te koutou uma. (Ko au kua lea atu vēnei ona ko au e hē fofou ke mamafa ātili ni aku kupu e fai ki te tino tēnei). 6Kua uma te fakatonu e te tokalahi o koutou te tino tēnei, ma kua lava tona fakahalaga tēnā. 7Ma, i te taimi nei, kua tatau ke koutou fakamāgaloa ma fakamālohi atu kia te ia, kae ke nahe fakavāivai ai ona ko te māfatia lahi o tona loto. 8Ko au la e talohaga atu kia te koutou; fakailoa kō ki ei ko koutou e alolofa moni ake kia te ia. 9Ko te ala ia na tuhi atu ai taku tuhi tēnā. Nae fia kō tofotofoa koutou pe i na uhitaki mai koutou kia te au i ho he mea e lea atu ai au. 10Kāfai e fakamāgalo e koutou nā tino, e fakamāgalo foki koutou e au. Auā kāfai e kō fakamāgaloa —pe kāfai moni e iei he mea e tatau ke kō fakamāgaloa ai he tino—e fai e au i te fakatahi mai o Keliho ona ko koutou, 11kae ke nahe mafai ai ia Hatani ke manumālō ia te kitātou; auā kua kitātou iloa lelei ana fuafuaga.
Ko te Loto Popole o Paulo i Toloaha
12E taunuku atu au ki Toloaha ke tālaki te Tala Lelei e uiga kia Keliho, kua uma te hāunia e te Aliki te avanoa mo tana gāluega i kinā. #Gāl 20.1 13Kae ko au nae popole lahi ona e hēki kō maua i kinā, toku uho a kaukauna ko Tito. Oi na fakamāvae ai au ki nā tino nae i kinā, ma fano ai loa ki Maketonia.
Ko te Manumālō e Ala ia Keliho
14Kae fakafetai ki te Atua, auā i te māfutaga ma Keliho, ko kimātou e takitakia pea lava e ia e vē ni pāgotā, i te holo e fakailoa ai te manumālō o Keliho. Ko kimātou e fakaaogā e te Atua ke fakahalalaua te tala kia Keliho ke vē he meamanogi mānaia, ki ho he koga. 15Auā ko kimātou e vē ko he meamanogi mānaia kua ofo atu e Keliho ki te Atua, e fakahalalau kia te kilātou e fakaolagia ma kilātou e hē fakaolagia. 16Auā ko nā tino e hē fakaolagia, ko te manogi o te oti te kilātou hogitia ma e maua ai kilātou i te oti; kae ko nā tino e fakaolagia, ko te manogi o te ola te kilātou hogitia ma e maua ai e kilātou te ola. Ko ai la he tino e ia mafaia iēnei mea? 17Ko kimātou e hē vē ko te tokalahi o iētahi tino; e folafola e kilātou te fekau a te Atua kae ke maua ai ni a lātou tupe; kae ona ko kimātou na uga mai e te Atua, ko kimātou e tautatala ma te fakamāoni i mua o te Atua, e ala ia Keliho.
Currently Selected:
2 Kolinito 2: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
2 Kolinito 2
2
1Ko te mea ia kua tonu ai i toku māfaufau ke nahe toe fanatu haku malaga ke fakatupu ai he loto tīgā ia te koutou. 2Auā kāfai e kō fakatupua te loto tīgā ia te koutou, ko ai nei la he tino ke ia fakafiafiagia au, kae ko koutou lava iēnā na hē fiafia ona ko au? 3Ko te ala ia na tuhi atu ai taku tuhi tēnā kia te koutou—ko au e hē fofou ko au ke fanatu kia te koutou, ke fakatupu ai toku fakanoanoa e nā tino e tatau ke kilātou faia nā mea e fakafiafia mai kia te au. Auā e mautinoa lelei e au, kāfai au e fiafia, ko koutou uma foki e fiafia. 4Na tuhi atu au ma toku loto popole ma te fakanoanoa lahi, vēnā ma te lahi o te loimata maligi; e hē ke fakatupu ai houtou hē fiafia, kae ke koutou iloa ai te lahi o toku alofa kia te koutou.
Fakamāgalo te Tino kua Hehē
5Kāfai na fai e he tino he mea ke hē fiafia ai hētahi tino, e hēki ia faia oioti kia te au—kae i hētahi itū, na ia faia foki kia te koutou uma. (Ko au kua lea atu vēnei ona ko au e hē fofou ke mamafa ātili ni aku kupu e fai ki te tino tēnei). 6Kua uma te fakatonu e te tokalahi o koutou te tino tēnei, ma kua lava tona fakahalaga tēnā. 7Ma, i te taimi nei, kua tatau ke koutou fakamāgaloa ma fakamālohi atu kia te ia, kae ke nahe fakavāivai ai ona ko te māfatia lahi o tona loto. 8Ko au la e talohaga atu kia te koutou; fakailoa kō ki ei ko koutou e alolofa moni ake kia te ia. 9Ko te ala ia na tuhi atu ai taku tuhi tēnā. Nae fia kō tofotofoa koutou pe i na uhitaki mai koutou kia te au i ho he mea e lea atu ai au. 10Kāfai e fakamāgalo e koutou nā tino, e fakamāgalo foki koutou e au. Auā kāfai e kō fakamāgaloa —pe kāfai moni e iei he mea e tatau ke kō fakamāgaloa ai he tino—e fai e au i te fakatahi mai o Keliho ona ko koutou, 11kae ke nahe mafai ai ia Hatani ke manumālō ia te kitātou; auā kua kitātou iloa lelei ana fuafuaga.
Ko te Loto Popole o Paulo i Toloaha
12E taunuku atu au ki Toloaha ke tālaki te Tala Lelei e uiga kia Keliho, kua uma te hāunia e te Aliki te avanoa mo tana gāluega i kinā. #Gāl 20.1 13Kae ko au nae popole lahi ona e hēki kō maua i kinā, toku uho a kaukauna ko Tito. Oi na fakamāvae ai au ki nā tino nae i kinā, ma fano ai loa ki Maketonia.
Ko te Manumālō e Ala ia Keliho
14Kae fakafetai ki te Atua, auā i te māfutaga ma Keliho, ko kimātou e takitakia pea lava e ia e vē ni pāgotā, i te holo e fakailoa ai te manumālō o Keliho. Ko kimātou e fakaaogā e te Atua ke fakahalalaua te tala kia Keliho ke vē he meamanogi mānaia, ki ho he koga. 15Auā ko kimātou e vē ko he meamanogi mānaia kua ofo atu e Keliho ki te Atua, e fakahalalau kia te kilātou e fakaolagia ma kilātou e hē fakaolagia. 16Auā ko nā tino e hē fakaolagia, ko te manogi o te oti te kilātou hogitia ma e maua ai kilātou i te oti; kae ko nā tino e fakaolagia, ko te manogi o te ola te kilātou hogitia ma e maua ai e kilātou te ola. Ko ai la he tino e ia mafaia iēnei mea? 17Ko kimātou e hē vē ko te tokalahi o iētahi tino; e folafola e kilātou te fekau a te Atua kae ke maua ai ni a lātou tupe; kae ona ko kimātou na uga mai e te Atua, ko kimātou e tautatala ma te fakamāoni i mua o te Atua, e ala ia Keliho.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust