Rom 9
9
Nyùy shóʼ wír, buʼ mo kiìn wun
1-3Kinyo kímóʼ kí nén a dzə sho ke kí yii, la m yòʼ a yu vijuŋ gheéy, a m rə́si sov kitú, a mendzən mè rə́r mo féyì. A dzə̀ bìʼ afə́r vém vee wír veé Isray ve á tenen fó way shilív e Jesus Kristu wùn. A m suuy a dzə̀ kinyo ke ru kí jii, a yì‑iì dzə̀ ji vèr Kristu javsin, é lòn wo wú dzəə̀n aáwuné kitu və̀ne kfə́n a dzə̀ e mǒ kitu, é wùn à Kristu tátí, aá fíʼ lùŋ, m wàa kòŋ kee shooy. A m suuy kinyo kìn moo wir wun woo Kristu, a Kiyoy ke Ranén ke kí dzəə̀n e mǒ shiliv kí kì sá ji m yòʼ waà bóʼti.
4Dzə̀ wír veé Isray vìn ve Nyùy‑iì liìn ji wón və́, a wìy e mvə̀m mbàʼ, á wáa yen rán rə́. Wù kfə́n a gwàr *mensaŋ wùn áwune akàŋ akàŋ, e wày nsər sə́ a dzə̀ aáwuné kiwo. Kfə́n a dzə áwune ve á kiìn móo bùnrì wun woo Nyùy e dzəə yee réŋ, wù kfən kàʼ áwune vinyo vinín, 5aá ràm a dzə̀ fo wír ve vé‑eè súŋnin wùn à Nyùyi. Jesus Kristu woo *Mfə̀ə́r wìy wìy, e lì mbom wìr, á dzəə́ wun a dzə̀ aáwuné ram, a dzə̀ wun wo Nyùy lèmèn lèn ji vitú ve saʼ. Á ku nèn a burí Nyùy ghán sidzə̀m. Amen.
6Mo kùʼùn wìr veé Isray fə̀m tén fó way shilív e Kristu və̀n wùn, bo bó yòʼ dzə̀ ji kinyo ke Nyùy‑iì kàʼàn ji áwune wíy a dzə wón və́, kí shaà fó ghaŋ. Ke kí dzəə̀n kí dzə̀ jii, wù‑uù kàʼ a dzə̀ á wír ve dzəə̀n wón Isray ve ruú. A bó wír ve dzəə̀n rám Isray adzə̀me yòʼ fə̀m dzə̀ wón wun woo Isray ve ruú gheéy. 7#Kèʼlo 21.12. Kù dzə̀ réŋréŋ sá mo wír ve á ràmèn fo Abraham bvə̀me yòʼ dzəə̀n wón və́ vee rú adzə̀m. Nyùy‑iì sùúy e Abraham jii, «Á wíy a kiíy rám yé, a dzə̀ fo wan wò woo Aysi.» 8Mo Aysi və̀n dzəə̀n wán wo Nyùy‑iì kàʼàn Abraham sho, wù wáa shìy, kí nén a dzə jii, bó yòʼ dzə̀ á wír ve dzəə̀n bvə́m Abraham adzə̀m ve dzəə̀n wón Nyùy. Ve Nyùy li ji wón vəə́ kù jòʼsì ve á tíy sa e ŋkàʼmé wo Nyùy‑iì kàʼàn tàr wov Abraham, wù wáa tiy sho. 9#Kèʼlo 18.10,14. A kinyo ke wù‑uù kàʼàn Abraham sho kìn ki dzə̀ jii, «M wíy a kfən e bàm ji m yén wò e ghan sin, e kiya ke kí wiyì, a Sara sí kér wán lumèn.»
10A bó yòʼ jòʼsì Aysi cáʼ wo Nyùy shoʼon mo wù‑uù kàʼàn. Kí kfə̀n‑eè kòóy sá wón wun woo Aysi ve wiiy və Rebeka‑aà sanen abaà. 11-12#Kèʼlo 25.23. Mo áwune adzə̀m fə̀m‑eè dzəə̀n wón wun woo Aysi wo Nyùy‑iì shoʼon, Nyùy‑iì yiì ne sùúy e Rebeka, é bo wù wìy a dzəə́ jii, «Wan woo ŋgàywìr wíy a yu fo wo terí.» A wù‑uù shòʼ wo mòʼón woo wán, é bo á fəm wìy a yen liì wov bey, ji kinyo ke wù‑uù kèʼèn kí kú a dù a fo mbìy, é wun wáa shoʼ wír, a lì ji wír və, a dzə̀ mo kòŋèn wun, a bó yòʼ dzə̀ bìʼ kinyo kímóʼ kí ke ŋgaàŋ yiìn. 13#Malakay 1.2,3. A dzə̀ kíwun ke vé‑eè saŋen ji Nyùy suuy a jii, «M shòʼ a dzə̀ Jakov, e tèn Esav.»
Nyùy kù yii yii vinyo və́ réŋ
14Mo Nyùy yii bèy, a dzə̀ wìr wùmòʼ wàa suúy kfə́ ji wù yòʼ yii a réŋ. A bó yòʼ dzə̀ bey gheéy. 15#Fəə 33.19. A wù‑uù lo sùúy e Mooser jii, «M yíi rər mendzən me wìr wo m koŋ e rər, e sham wír wo m koŋ e sham.» 16Kí nén a dìn ji bó Nyùy yòʼ shóʼ wír ji wír və, a dzə̀ á bìʼ fo ŋgaàŋ kì koŋ ji wù shóʼ, kìn bìʼ fo wù kì sòrkìn. Wù shóʼ a dzə̀ bìʼ fo wù rə́r mendzən fo ŋgaàŋ. 17#Fəə 9.16 (Grik). A dzə̀ mo vé‑eè saŋen é Ŋwàʼ Nyùy ji Nyùy‑iì sùúy e Farao a jii, «M kòʼór wò ji Fon woó Ejiv bèn ji m shaa fo wò e dìn mo vitaáví vém ví dzəə̀n, aá samer yír yém kitú ke nsay kidzə̀m.» 18Kee shoon ki nén a dìn ji Nyùy lo, wù shàm wír a dzə̀ á mo wù kòŋèn. Wù koŋ, wù yiì, wùmòʼ wàa tav a dzə̀ kitú.
19A tàm wìr lo, wù wàa suúy jii, mo yii Nyùy bo wìr wáa tav kitú bèy, a sà dzə̀ wù kfə̀n a bashí ŋgaàŋ fo gha, a bó yòʼ dzə̀ wù kàr kinyo ke yiìn Nyùy a? 20#Aysaya 29.16; 45.9. Wìr wáa yen fó a suúy bèy. Bó yòʼ dzə̀ wìr wàa bìʼtì kinyo wùn Nyùy, bìʼ fo bó yòʼ dzə̀ kíŋ, yí lò, e kfə̀n a bìʼ wùn wìr wo wù bomen wun jii, «Wò‑oò bòm mo ben ji ka?» 21Kù kì wír wo wù bóm kíŋ kifá ke dzə̀ wù bòm e ntuʼ mbóm. A wù kòŋ, wù lì ntuʼ e mòʼón, e bòm kíŋ shó e baà jeéy jeéy, yímóʼó yé kinyò, ye á wáa geʼ sho, yímóʼó fó tèr ye dzə̀ á wàa nyàvrì sho. 22Kù dzə̀ réŋréŋ sá mo Nyùy yii yii e wíri. Wù‑uù sìysì ne ji wun kù wíy dìn mo dzə̀ wun shwìíy kilòŋ fó vinyò ve wíri yii, aá yén mo wun kér vitaáví. Yii bèy, wù ku yòʼ kfə̀mén, a dzə, a leéy wír ve dzə̀ wù kù laàr vìy ji nyaáŋ. 23A wù‑uù yii bèy ji wun rə́r á mendzən me wìr ve wù‑uù yiìn ne shòʼ fó ŋgùʼ ji wun wíy bùʼ e vijuŋ və́ ví, é wìr dzə̀m yén á mo wun woo Nyùy yii koŋ wíri, rə́r mendzən mev é ŋàŋ. 24A dzə̀ vèsən wír vee shó. Wù‑uù lì vèsən adzə̀m ji wír və́. A bó wù yòʼ‑oò lì a dzə̀ wír ve dzəə̀n veé Isray cáʼ. Wù‑uù lì sá ve bó yòʼ dzəə̀n veé Isray. 25#Hosea 2.23. A dzə̀ kíwun ke *ŋgaà ntum Nyùy woo Hosea‑aà saŋen ji Nyùy suuy a jii:
«M sí wìy a yòŋ wír ve bó yòʼ‑oò dzəə̀n wír vém lèn ji vém vee wír.
A m wíy a yòŋ kitúm ke bó m yòʼ‑oò ló a kòŋ lèn ji ‹Ŋkar sém sé tim.› »
26 #
Hosea 1.10. Kímóʼ kí jii:
«E kirə̀ʼ fo Nyùy‑iì yòŋèn áwune ji vèn yòʼ dzə̀ə́ wír vém,
kù dzə̀ fó, fo á wíy a yòŋ áwune ji ‹Wón Nyùy wo wù gòʼòn kàŋ mòʼón.› »
27 #
Aysaya 10.22,23 (Grik). Ŋgaà ntum Nyùy woo Aysaya nèn kfə̀n yìysí kee kùm wír veé Isray jii, «A wír veé Israyi fə̀m sén moo síy seé ghaa rìbà ndzə̀v, bo kù wíy lùŋ wír ashàr. 28A kí dzə̀ jii, Nyùy wíy màʼ ŋgeʼ e woŋ dzə̀mé kitu mo dzə̀ wù kù màʼ, é yì sasin, e gbù ji rìŋ.» 29#Aysaya 1.9 (Grik). A kfə̀n dzə̀ mo wun woo Aysaya‑aà suuyin fómóʼó jii, «A là fo Nyùy Tàr woo Taà Mànjòŋ wáa ber wír ámóʼó fo věr ram, bo vèr‑iì lày ne moo wír veé Sodom wùn Gomorra.»
30Mo vinyo vìn vi dzəə̀n ben, vèsən nèn a yen jii, Nyùy li a wír ve bó yòʼ dzəə̀n veé Isray lèn ji wír ve á gheenen fo wun, a bó á yòʼ fə̀m mum ji á wáa lèm nsər, e bóo fíʼ gheén. Á gheen a dzə̀ á mo áwune wáy shilív e Jesus Kristu wùn. 31A bó wír veé Isray ve á mum kév a dzə̀ fó nsər ji á fiʼ yèn dzə́ə ye dzə̀ á ghèén fo Nyùyi yòʼ yéné gheéy. Á nen jàáy. 32Sà bìʼ ka á? Bìʼ fo bó á yòʼ wáy shilív a dzə̀ e Nyùy wùn ji dzə̀ kù yiì wun, é bo á gheén. Á kù tíy kév ji á kù ghèén ji bìʼ lim ye á lim ji á mo nsər suuyì. Áwune yií bey, e nèn a dzə moo wír wo wù bàyrìn é tiy, yí máʼ wun e dzəə. 33#Aysaya 8.14; 28.16 (Grik). A dzə̀ tíy ye vé‑eè saŋen ji Nyùy suuy a jii:
«Vèn yuúrí, m neer tíy é *Sion, a wíri wíy a bàyrìn sho,
kilán, a wíri wíy a gbùkìr sho.
Yii bèy, wìr wo wù wáy shilív a dzə̀ é wùn wó yòʼ wíy jaáy gheéy.»
Currently Selected:
Rom 9: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Rom 9
9
Nyùy shóʼ wír, buʼ mo kiìn wun
1-3Kinyo kímóʼ kí nén a dzə sho ke kí yii, la m yòʼ a yu vijuŋ gheéy, a m rə́si sov kitú, a mendzən mè rə́r mo féyì. A dzə̀ bìʼ afə́r vém vee wír veé Isray ve á tenen fó way shilív e Jesus Kristu wùn. A m suuy a dzə̀ kinyo ke ru kí jii, a yì‑iì dzə̀ ji vèr Kristu javsin, é lòn wo wú dzəə̀n aáwuné kitu və̀ne kfə́n a dzə̀ e mǒ kitu, é wùn à Kristu tátí, aá fíʼ lùŋ, m wàa kòŋ kee shooy. A m suuy kinyo kìn moo wir wun woo Kristu, a Kiyoy ke Ranén ke kí dzəə̀n e mǒ shiliv kí kì sá ji m yòʼ waà bóʼti.
4Dzə̀ wír veé Isray vìn ve Nyùy‑iì liìn ji wón və́, a wìy e mvə̀m mbàʼ, á wáa yen rán rə́. Wù kfə́n a gwàr *mensaŋ wùn áwune akàŋ akàŋ, e wày nsər sə́ a dzə̀ aáwuné kiwo. Kfə́n a dzə áwune ve á kiìn móo bùnrì wun woo Nyùy e dzəə yee réŋ, wù kfən kàʼ áwune vinyo vinín, 5aá ràm a dzə̀ fo wír ve vé‑eè súŋnin wùn à Nyùyi. Jesus Kristu woo *Mfə̀ə́r wìy wìy, e lì mbom wìr, á dzəə́ wun a dzə̀ aáwuné ram, a dzə̀ wun wo Nyùy lèmèn lèn ji vitú ve saʼ. Á ku nèn a burí Nyùy ghán sidzə̀m. Amen.
6Mo kùʼùn wìr veé Isray fə̀m tén fó way shilív e Kristu və̀n wùn, bo bó yòʼ dzə̀ ji kinyo ke Nyùy‑iì kàʼàn ji áwune wíy a dzə wón və́, kí shaà fó ghaŋ. Ke kí dzəə̀n kí dzə̀ jii, wù‑uù kàʼ a dzə̀ á wír ve dzəə̀n wón Isray ve ruú. A bó wír ve dzəə̀n rám Isray adzə̀me yòʼ fə̀m dzə̀ wón wun woo Isray ve ruú gheéy. 7#Kèʼlo 21.12. Kù dzə̀ réŋréŋ sá mo wír ve á ràmèn fo Abraham bvə̀me yòʼ dzəə̀n wón və́ vee rú adzə̀m. Nyùy‑iì sùúy e Abraham jii, «Á wíy a kiíy rám yé, a dzə̀ fo wan wò woo Aysi.» 8Mo Aysi və̀n dzəə̀n wán wo Nyùy‑iì kàʼàn Abraham sho, wù wáa shìy, kí nén a dzə jii, bó yòʼ dzə̀ á wír ve dzəə̀n bvə́m Abraham adzə̀m ve dzəə̀n wón Nyùy. Ve Nyùy li ji wón vəə́ kù jòʼsì ve á tíy sa e ŋkàʼmé wo Nyùy‑iì kàʼàn tàr wov Abraham, wù wáa tiy sho. 9#Kèʼlo 18.10,14. A kinyo ke wù‑uù kàʼàn Abraham sho kìn ki dzə̀ jii, «M wíy a kfən e bàm ji m yén wò e ghan sin, e kiya ke kí wiyì, a Sara sí kér wán lumèn.»
10A bó yòʼ jòʼsì Aysi cáʼ wo Nyùy shoʼon mo wù‑uù kàʼàn. Kí kfə̀n‑eè kòóy sá wón wun woo Aysi ve wiiy və Rebeka‑aà sanen abaà. 11-12#Kèʼlo 25.23. Mo áwune adzə̀m fə̀m‑eè dzəə̀n wón wun woo Aysi wo Nyùy‑iì shoʼon, Nyùy‑iì yiì ne sùúy e Rebeka, é bo wù wìy a dzəə́ jii, «Wan woo ŋgàywìr wíy a yu fo wo terí.» A wù‑uù shòʼ wo mòʼón woo wán, é bo á fəm wìy a yen liì wov bey, ji kinyo ke wù‑uù kèʼèn kí kú a dù a fo mbìy, é wun wáa shoʼ wír, a lì ji wír və, a dzə̀ mo kòŋèn wun, a bó yòʼ dzə̀ bìʼ kinyo kímóʼ kí ke ŋgaàŋ yiìn. 13#Malakay 1.2,3. A dzə̀ kíwun ke vé‑eè saŋen ji Nyùy suuy a jii, «M shòʼ a dzə̀ Jakov, e tèn Esav.»
Nyùy kù yii yii vinyo və́ réŋ
14Mo Nyùy yii bèy, a dzə̀ wìr wùmòʼ wàa suúy kfə́ ji wù yòʼ yii a réŋ. A bó yòʼ dzə̀ bey gheéy. 15#Fəə 33.19. A wù‑uù lo sùúy e Mooser jii, «M yíi rər mendzən me wìr wo m koŋ e rər, e sham wír wo m koŋ e sham.» 16Kí nén a dìn ji bó Nyùy yòʼ shóʼ wír ji wír və, a dzə̀ á bìʼ fo ŋgaàŋ kì koŋ ji wù shóʼ, kìn bìʼ fo wù kì sòrkìn. Wù shóʼ a dzə̀ bìʼ fo wù rə́r mendzən fo ŋgaàŋ. 17#Fəə 9.16 (Grik). A dzə̀ mo vé‑eè saŋen é Ŋwàʼ Nyùy ji Nyùy‑iì sùúy e Farao a jii, «M kòʼór wò ji Fon woó Ejiv bèn ji m shaa fo wò e dìn mo vitaáví vém ví dzəə̀n, aá samer yír yém kitú ke nsay kidzə̀m.» 18Kee shoon ki nén a dìn ji Nyùy lo, wù shàm wír a dzə̀ á mo wù kòŋèn. Wù koŋ, wù yiì, wùmòʼ wàa tav a dzə̀ kitú.
19A tàm wìr lo, wù wàa suúy jii, mo yii Nyùy bo wìr wáa tav kitú bèy, a sà dzə̀ wù kfə̀n a bashí ŋgaàŋ fo gha, a bó yòʼ dzə̀ wù kàr kinyo ke yiìn Nyùy a? 20#Aysaya 29.16; 45.9. Wìr wáa yen fó a suúy bèy. Bó yòʼ dzə̀ wìr wàa bìʼtì kinyo wùn Nyùy, bìʼ fo bó yòʼ dzə̀ kíŋ, yí lò, e kfə̀n a bìʼ wùn wìr wo wù bomen wun jii, «Wò‑oò bòm mo ben ji ka?» 21Kù kì wír wo wù bóm kíŋ kifá ke dzə̀ wù bòm e ntuʼ mbóm. A wù kòŋ, wù lì ntuʼ e mòʼón, e bòm kíŋ shó e baà jeéy jeéy, yímóʼó yé kinyò, ye á wáa geʼ sho, yímóʼó fó tèr ye dzə̀ á wàa nyàvrì sho. 22Kù dzə̀ réŋréŋ sá mo Nyùy yii yii e wíri. Wù‑uù sìysì ne ji wun kù wíy dìn mo dzə̀ wun shwìíy kilòŋ fó vinyò ve wíri yii, aá yén mo wun kér vitaáví. Yii bèy, wù ku yòʼ kfə̀mén, a dzə, a leéy wír ve dzə̀ wù kù laàr vìy ji nyaáŋ. 23A wù‑uù yii bèy ji wun rə́r á mendzən me wìr ve wù‑uù yiìn ne shòʼ fó ŋgùʼ ji wun wíy bùʼ e vijuŋ və́ ví, é wìr dzə̀m yén á mo wun woo Nyùy yii koŋ wíri, rə́r mendzən mev é ŋàŋ. 24A dzə̀ vèsən wír vee shó. Wù‑uù lì vèsən adzə̀m ji wír və́. A bó wù yòʼ‑oò lì a dzə̀ wír ve dzəə̀n veé Isray cáʼ. Wù‑uù lì sá ve bó yòʼ dzəə̀n veé Isray. 25#Hosea 2.23. A dzə̀ kíwun ke *ŋgaà ntum Nyùy woo Hosea‑aà saŋen ji Nyùy suuy a jii:
«M sí wìy a yòŋ wír ve bó yòʼ‑oò dzəə̀n wír vém lèn ji vém vee wír.
A m wíy a yòŋ kitúm ke bó m yòʼ‑oò ló a kòŋ lèn ji ‹Ŋkar sém sé tim.› »
26 #
Hosea 1.10. Kímóʼ kí jii:
«E kirə̀ʼ fo Nyùy‑iì yòŋèn áwune ji vèn yòʼ dzə̀ə́ wír vém,
kù dzə̀ fó, fo á wíy a yòŋ áwune ji ‹Wón Nyùy wo wù gòʼòn kàŋ mòʼón.› »
27 #
Aysaya 10.22,23 (Grik). Ŋgaà ntum Nyùy woo Aysaya nèn kfə̀n yìysí kee kùm wír veé Isray jii, «A wír veé Israyi fə̀m sén moo síy seé ghaa rìbà ndzə̀v, bo kù wíy lùŋ wír ashàr. 28A kí dzə̀ jii, Nyùy wíy màʼ ŋgeʼ e woŋ dzə̀mé kitu mo dzə̀ wù kù màʼ, é yì sasin, e gbù ji rìŋ.» 29#Aysaya 1.9 (Grik). A kfə̀n dzə̀ mo wun woo Aysaya‑aà suuyin fómóʼó jii, «A là fo Nyùy Tàr woo Taà Mànjòŋ wáa ber wír ámóʼó fo věr ram, bo vèr‑iì lày ne moo wír veé Sodom wùn Gomorra.»
30Mo vinyo vìn vi dzəə̀n ben, vèsən nèn a yen jii, Nyùy li a wír ve bó yòʼ dzəə̀n veé Isray lèn ji wír ve á gheenen fo wun, a bó á yòʼ fə̀m mum ji á wáa lèm nsər, e bóo fíʼ gheén. Á gheen a dzə̀ á mo áwune wáy shilív e Jesus Kristu wùn. 31A bó wír veé Isray ve á mum kév a dzə̀ fó nsər ji á fiʼ yèn dzə́ə ye dzə̀ á ghèén fo Nyùyi yòʼ yéné gheéy. Á nen jàáy. 32Sà bìʼ ka á? Bìʼ fo bó á yòʼ wáy shilív a dzə̀ e Nyùy wùn ji dzə̀ kù yiì wun, é bo á gheén. Á kù tíy kév ji á kù ghèén ji bìʼ lim ye á lim ji á mo nsər suuyì. Áwune yií bey, e nèn a dzə moo wír wo wù bàyrìn é tiy, yí máʼ wun e dzəə. 33#Aysaya 8.14; 28.16 (Grik). A dzə̀ tíy ye vé‑eè saŋen ji Nyùy suuy a jii:
«Vèn yuúrí, m neer tíy é *Sion, a wíri wíy a bàyrìn sho,
kilán, a wíri wíy a gbùkìr sho.
Yii bèy, wìr wo wù wáy shilív a dzə̀ é wùn wó yòʼ wíy jaáy gheéy.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL