Rom 3
3
Wír veé Judàa kér nsər, gbu nsər
1Mo kí dzəə̀n bey, a dzə̀ wír woó Juda, wù wàa ker rú vijuŋ vímóʼ ví, e shaà wír woo və̀y a? A náŋsín ye á náŋsin áwune ji wír Nyùyi kér séʼ wùmòʼ á? 2Vinyo vìn vi dzə̀, a ví fó rú vijuŋ. A ke kuʼùn kí dzə̀ jii, Nyùy‑iì wày kinyo kfə́ a dzə̀ aáwuné kiwo. 3Yii bèy, a bó ámóʼó yòʼ‑oò ló a way shilív shó. Mo áwune‑eè màʼàyìn kinyo ke Nyùy foon aáwune, a dzə̀ wù màʼày sá áwune, e làa yòʼ dzə́ə yiì kinyo ke wù‑uù kàʼàn áwune shó a? 4#Nsùyrì Nyùy 51.4 (Grik). Bó yòʼ dzə̀ wù yiì bey. Mo wír adzə̀me fə̀m dzəə̀n aŋgàa kimboʼtì, Nyùy kù yii tíy a dzə̀ e wùn jì réŋréŋ mo vé‑eè saŋen jii:
«Nyùy, à lóo suŋnín, á kù a yu, aà suuy a dzə̀ kinyo ke ru kí.
A bó yòʼ dzə̀ wìr tàr kinyo ké, e dìn jay.»
5Yii bèy, a tàm wír, wù nèn lò, a wovrí jii, «Yiì a liì kisaŋ wo vèsən kérí, bo liì Nyùy wo juŋ və̀n wáa yensín e ŋàŋ. Kí wáa dzə bèy, a dzə̀ vèsən sùúy jii, a Nyùy kfə̀n màʼ ŋgeʼ e vèsən fó liì kisaŋ foo fèy, bo bó wù yoʼ dzəə yiì réŋ a?» 6Bó yòʼ dzə̀ bey gheéy. A Nyùy dzə̀ là fóo yen kinyo ke bi kí, e saʼ ji jay, bo wù kfə̀n wíy a saʼ wír veé ndzə adzə̀m fo gha?
7Yii bèy, a tàm wìr kù a kìnèn jii, «Mo liì wom kisaŋ yii, a wíri maysì búri liì Nyùy wo juŋ, a dzə̀ Nyùy kfə̀n a saʼ mo fó jay ji m jày ka?» 8A wìr lò, a suúy kfə́ bey, wù kù yiì bvə̀ysín a dzə̀ jii, «Á kú a yiì a dzə̀ vinyo ve bi ví, é ve juŋ vi fíʼ a yensín, a shaà bèy.» A dzə̀ kinyo ke wír ámóʼó lór mo shó ji dzə̀ mo m yéʼey wíri. Aáwune kù wíy nəə́ e lòn wo dzə̀ á nə̀ə́ shó.
Wìr wo wù yii réŋ yòʼ dzə̀
9Mo Nyùy kù wíy a saʼ sa ver vee wír veé Juda fo věr ajay, bo vèr ghèén fo Nyùy e gha, e shaà wír ve bó yòʼ dzəə̀n veé Juda? Bó yòʼ dzə̀ vèr ghèén gheéy. A dzə̀ mo m kì dìnèn ne e vèn jii, kìn wìr dzə̀ wír woó Juda, kìn bó yòʼ dzə̀ wír woó Juda, bo melív mev mè kù sí tíy a dzə̀ é vinyò ve bi ví, a bó yòʼ dzə̀ á bùʼ, e sòr fo fo. 10#Nsùyrì Nyùy 14.1‑3; 53.1‑3. A dzə̀ kíwun ke vé‑eè saŋen jii:
«Wìr wo wù gheenen Nyùy yòʼ dzə̀ shó gheéy fə̀m, e mòʼón.
11A bó wìr yòʼ dzə̀ wo wù kiìn vinyo ve dzəə̀n ve ru ví,
kìn wo wù taʼ, e kiíy Nyùy.
12Wìr dzə̀m bìn ne ndzə̀m e Nyùy, e lày kisáŋ.
Wìr wo wù yii kinyo ke ru kí yòʼ dzə̀ shó gheéy, e mòʼón.
13 #
Nsùyrì Nyùy 5.9 (Grik); Nsùyrì Nyùy 140.3 (Grik). Shuu wóví dzə̀ wú wày wír e sày,
a kiliímé kév kí kù fer a dzə̀ kimboʼtì.
Jí se sí fəə́ fo áwuné kilayláy sí dzə̀ ndzəʼ,
ndzəʼ, wo dzə̀ wù yùyrí wír mo tè búv.
14 #
Nsùyrì Nyùy 10.7 (Grik). Kinyo ke kí fəə́ fo áwuné shuù ki kù dzə̀ ji lòné shóv wír,
aá kù fəər a dzə̀ jí se bi sí.
15Áwune ŋeʼrì gheéy, á yùy wír.
16Á nəə e kirə̀ʼ, bo fóo fòy ne, wíri wàa tuŋ akwiiròn.
17 #
Aysaya 59.8. Bó áwune yòʼ dzə̀ wír kimane gheéy,
18 #
Nsùyrì Nyùy 36.1. a bó á yòʼ yén Nyùy, a wù rún sí yév.»
19Á mo vé‑eè saŋen é Ŋwàʼ Nyùy, a vèsən kì jii, vinyo ve vé‑eè saŋen shó vidzə̀m vi dzə̀ á fo wír ve á kér ŋwàʼ woo shooy ji á wáa yu fo fo. Mo Nyùy din ajay wíri shó, bo bó yòʼ dzə̀ wìr kfə̀n a ker kinyo kée wovrí gheéy, aá kér fó wìy tiím e wùn si adzə̀m, é wù sáʼ nsaʼ yev. 20Wìr wo dzə̀ Nyùy wàa yen ji woo là jay ji bìʼ fo wun kì lim a mo nsər suuyì yòʼ dzə̀. Ke nsər yii ki dzə̀ jii, yì din, é wìr kiíy ji wun jày ne kinyo.
Mo Nyùy li wír ji wír woo là jay
21Á bèy, Nyùy dìn ne lèn kiránén mo dzə̀ yiì wun, e bóo lì wír ji woo là jay. A bó wù yòʼ li bèy ji bìʼ fo ŋgaàŋ kì lim mo nsər Nyùy suuyì. A nsər Nyùy wùn à kinyo ke aŋgàa ntum və́ kí‑iì ló a fìʼtì sa dzə́ə rə̀n. 22Yì dzə̀ jii, wír ve á wáy shilív e Jesus Kristu wùn lèn adzə̀me dzə̀ á ve Nyùy li ji wír vee là jay. A bó yòʼ dzə̀ Nyùy kfə̀n lì wír e dzəə yìmòʼ jeéy, 23bìʼ fo wìr dzə̀m kù‑uù jayin ne, la liì wov yòʼ mèé e wo Nyùy taʼà gheéy. 24Yii bèy, mo Jesus Kristu wìyìn ne, e tìn wíri fó lǒn vinyò ve bi ví, a dzə̀ Nyùy lì áwune lèn adzə̀m ji wír vee là jay, é wáa dzə fómo wo wù buʼ áwune shó kisáŋ. 25Wù‑uù tùm Jesus Kristu ji wù kpú fo wíri, e tàŋrí áwune, é wun fíʼ làysìn ajay wìr ve á biimen ntàŋrí woo shooy. A Nyùy‑iì yii bèy, fó dìn ji wun kù yii sáʼ ajay ve wíri jáy adzə̀m. Yii bèy, mo wíri kù‑uù jáy fo ŋgùʼ, la wù yòʼ a saʼ, wù‑uù kfə̀mén, e tìír nsaʼ yev. 26Wù nen dìn a dzə̀ lèn wo Jesus kpuun ji wun kù yòʼ sáʼ rú ajay wìr dzə̀m, aá wáa yen ji wù kù yii yii vinyo və́ tìítiy, là jay, e kfə̀n a yen mo wù li wír líin ji woo là jay, a dzə̀ woo shó wo wù wáy shilív e Jesus wùn.
27Mo kí dzəə̀n bey, bo kinyo ke dzə̀ wìr wàa sùmrì wún shó ki dzə̀ ka? Kí yòʼ dzə̀ gheéy shishàr. A shèm ka? Shèm nsər ye wìr lo, wù wàa dzə ji wun lèm ne à? Àáy, shèm ké ŋgaà wo wù wáy kfə́ a dzə̀ shilív e Kristu wùn. 28Kù dzə̀ mo kí dzəə̀n, bìʼ fo vèsən kiìn kijuŋ jii, a dzə̀ Nyùy lì wír ji woo là jay cáʼ bìʼ fo ŋgaàŋ wáy shilív e Kristu wùn, a bó yòʼ dzə̀ ji wù kì yii mo nsər wìr veé Juda suuyì. 29Mo dzə̀ ji Nyùy dzə̀ wo wír veé Juda cáʼ a? Bó yòʼ dzə̀ sá wo wìr ve bó yòʼ dzəə̀n veé Juda à? Dzə̀ sá wo wìr vee shooy. 30A kù dzə̀ wun Nyùy woo shó e mòʼón. Wù li wir dzə̀m líin ji woo là jay, a kù dzə̀ mo wìr wayin shilív e Jesus Kristu wùn, kìn ŋgaàŋ dzə̀ wír woó Juda, kìn bó yòʼ dzə̀ woó Juda. 31Mo kí dzəə̀n bey, bo dzə̀ ji nsər ye Nyùy‑iì foon yòʼ dzəə́ kér kilíŋ à? Bó yòʼ dzə̀ bey gheéy. Ke kí dzəə̀n kí dzə̀ jii, nsər kù tíy a fo, a vèsən tiir lèn a dzə̀ é kiliŋ ke Nyùy‑iì lèmèn ji yì wáa tiy sho.
Currently Selected:
Rom 3: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Rom 3
3
Wír veé Judàa kér nsər, gbu nsər
1Mo kí dzəə̀n bey, a dzə̀ wír woó Juda, wù wàa ker rú vijuŋ vímóʼ ví, e shaà wír woo və̀y a? A náŋsín ye á náŋsin áwune ji wír Nyùyi kér séʼ wùmòʼ á? 2Vinyo vìn vi dzə̀, a ví fó rú vijuŋ. A ke kuʼùn kí dzə̀ jii, Nyùy‑iì wày kinyo kfə́ a dzə̀ aáwuné kiwo. 3Yii bèy, a bó ámóʼó yòʼ‑oò ló a way shilív shó. Mo áwune‑eè màʼàyìn kinyo ke Nyùy foon aáwune, a dzə̀ wù màʼày sá áwune, e làa yòʼ dzə́ə yiì kinyo ke wù‑uù kàʼàn áwune shó a? 4#Nsùyrì Nyùy 51.4 (Grik). Bó yòʼ dzə̀ wù yiì bey. Mo wír adzə̀me fə̀m dzəə̀n aŋgàa kimboʼtì, Nyùy kù yii tíy a dzə̀ e wùn jì réŋréŋ mo vé‑eè saŋen jii:
«Nyùy, à lóo suŋnín, á kù a yu, aà suuy a dzə̀ kinyo ke ru kí.
A bó yòʼ dzə̀ wìr tàr kinyo ké, e dìn jay.»
5Yii bèy, a tàm wír, wù nèn lò, a wovrí jii, «Yiì a liì kisaŋ wo vèsən kérí, bo liì Nyùy wo juŋ və̀n wáa yensín e ŋàŋ. Kí wáa dzə bèy, a dzə̀ vèsən sùúy jii, a Nyùy kfə̀n màʼ ŋgeʼ e vèsən fó liì kisaŋ foo fèy, bo bó wù yoʼ dzəə yiì réŋ a?» 6Bó yòʼ dzə̀ bey gheéy. A Nyùy dzə̀ là fóo yen kinyo ke bi kí, e saʼ ji jay, bo wù kfə̀n wíy a saʼ wír veé ndzə adzə̀m fo gha?
7Yii bèy, a tàm wìr kù a kìnèn jii, «Mo liì wom kisaŋ yii, a wíri maysì búri liì Nyùy wo juŋ, a dzə̀ Nyùy kfə̀n a saʼ mo fó jay ji m jày ka?» 8A wìr lò, a suúy kfə́ bey, wù kù yiì bvə̀ysín a dzə̀ jii, «Á kú a yiì a dzə̀ vinyo ve bi ví, é ve juŋ vi fíʼ a yensín, a shaà bèy.» A dzə̀ kinyo ke wír ámóʼó lór mo shó ji dzə̀ mo m yéʼey wíri. Aáwune kù wíy nəə́ e lòn wo dzə̀ á nə̀ə́ shó.
Wìr wo wù yii réŋ yòʼ dzə̀
9Mo Nyùy kù wíy a saʼ sa ver vee wír veé Juda fo věr ajay, bo vèr ghèén fo Nyùy e gha, e shaà wír ve bó yòʼ dzəə̀n veé Juda? Bó yòʼ dzə̀ vèr ghèén gheéy. A dzə̀ mo m kì dìnèn ne e vèn jii, kìn wìr dzə̀ wír woó Juda, kìn bó yòʼ dzə̀ wír woó Juda, bo melív mev mè kù sí tíy a dzə̀ é vinyò ve bi ví, a bó yòʼ dzə̀ á bùʼ, e sòr fo fo. 10#Nsùyrì Nyùy 14.1‑3; 53.1‑3. A dzə̀ kíwun ke vé‑eè saŋen jii:
«Wìr wo wù gheenen Nyùy yòʼ dzə̀ shó gheéy fə̀m, e mòʼón.
11A bó wìr yòʼ dzə̀ wo wù kiìn vinyo ve dzəə̀n ve ru ví,
kìn wo wù taʼ, e kiíy Nyùy.
12Wìr dzə̀m bìn ne ndzə̀m e Nyùy, e lày kisáŋ.
Wìr wo wù yii kinyo ke ru kí yòʼ dzə̀ shó gheéy, e mòʼón.
13 #
Nsùyrì Nyùy 5.9 (Grik); Nsùyrì Nyùy 140.3 (Grik). Shuu wóví dzə̀ wú wày wír e sày,
a kiliímé kév kí kù fer a dzə̀ kimboʼtì.
Jí se sí fəə́ fo áwuné kilayláy sí dzə̀ ndzəʼ,
ndzəʼ, wo dzə̀ wù yùyrí wír mo tè búv.
14 #
Nsùyrì Nyùy 10.7 (Grik). Kinyo ke kí fəə́ fo áwuné shuù ki kù dzə̀ ji lòné shóv wír,
aá kù fəər a dzə̀ jí se bi sí.
15Áwune ŋeʼrì gheéy, á yùy wír.
16Á nəə e kirə̀ʼ, bo fóo fòy ne, wíri wàa tuŋ akwiiròn.
17 #
Aysaya 59.8. Bó áwune yòʼ dzə̀ wír kimane gheéy,
18 #
Nsùyrì Nyùy 36.1. a bó á yòʼ yén Nyùy, a wù rún sí yév.»
19Á mo vé‑eè saŋen é Ŋwàʼ Nyùy, a vèsən kì jii, vinyo ve vé‑eè saŋen shó vidzə̀m vi dzə̀ á fo wír ve á kér ŋwàʼ woo shooy ji á wáa yu fo fo. Mo Nyùy din ajay wíri shó, bo bó yòʼ dzə̀ wìr kfə̀n a ker kinyo kée wovrí gheéy, aá kér fó wìy tiím e wùn si adzə̀m, é wù sáʼ nsaʼ yev. 20Wìr wo dzə̀ Nyùy wàa yen ji woo là jay ji bìʼ fo wun kì lim a mo nsər suuyì yòʼ dzə̀. Ke nsər yii ki dzə̀ jii, yì din, é wìr kiíy ji wun jày ne kinyo.
Mo Nyùy li wír ji wír woo là jay
21Á bèy, Nyùy dìn ne lèn kiránén mo dzə̀ yiì wun, e bóo lì wír ji woo là jay. A bó wù yòʼ li bèy ji bìʼ fo ŋgaàŋ kì lim mo nsər Nyùy suuyì. A nsər Nyùy wùn à kinyo ke aŋgàa ntum və́ kí‑iì ló a fìʼtì sa dzə́ə rə̀n. 22Yì dzə̀ jii, wír ve á wáy shilív e Jesus Kristu wùn lèn adzə̀me dzə̀ á ve Nyùy li ji wír vee là jay. A bó yòʼ dzə̀ Nyùy kfə̀n lì wír e dzəə yìmòʼ jeéy, 23bìʼ fo wìr dzə̀m kù‑uù jayin ne, la liì wov yòʼ mèé e wo Nyùy taʼà gheéy. 24Yii bèy, mo Jesus Kristu wìyìn ne, e tìn wíri fó lǒn vinyò ve bi ví, a dzə̀ Nyùy lì áwune lèn adzə̀m ji wír vee là jay, é wáa dzə fómo wo wù buʼ áwune shó kisáŋ. 25Wù‑uù tùm Jesus Kristu ji wù kpú fo wíri, e tàŋrí áwune, é wun fíʼ làysìn ajay wìr ve á biimen ntàŋrí woo shooy. A Nyùy‑iì yii bèy, fó dìn ji wun kù yii sáʼ ajay ve wíri jáy adzə̀m. Yii bèy, mo wíri kù‑uù jáy fo ŋgùʼ, la wù yòʼ a saʼ, wù‑uù kfə̀mén, e tìír nsaʼ yev. 26Wù nen dìn a dzə̀ lèn wo Jesus kpuun ji wun kù yòʼ sáʼ rú ajay wìr dzə̀m, aá wáa yen ji wù kù yii yii vinyo və́ tìítiy, là jay, e kfə̀n a yen mo wù li wír líin ji woo là jay, a dzə̀ woo shó wo wù wáy shilív e Jesus wùn.
27Mo kí dzəə̀n bey, bo kinyo ke dzə̀ wìr wàa sùmrì wún shó ki dzə̀ ka? Kí yòʼ dzə̀ gheéy shishàr. A shèm ka? Shèm nsər ye wìr lo, wù wàa dzə ji wun lèm ne à? Àáy, shèm ké ŋgaà wo wù wáy kfə́ a dzə̀ shilív e Kristu wùn. 28Kù dzə̀ mo kí dzəə̀n, bìʼ fo vèsən kiìn kijuŋ jii, a dzə̀ Nyùy lì wír ji woo là jay cáʼ bìʼ fo ŋgaàŋ wáy shilív e Kristu wùn, a bó yòʼ dzə̀ ji wù kì yii mo nsər wìr veé Juda suuyì. 29Mo dzə̀ ji Nyùy dzə̀ wo wír veé Juda cáʼ a? Bó yòʼ dzə̀ sá wo wìr ve bó yòʼ dzəə̀n veé Juda à? Dzə̀ sá wo wìr vee shooy. 30A kù dzə̀ wun Nyùy woo shó e mòʼón. Wù li wir dzə̀m líin ji woo là jay, a kù dzə̀ mo wìr wayin shilív e Jesus Kristu wùn, kìn ŋgaàŋ dzə̀ wír woó Juda, kìn bó yòʼ dzə̀ woó Juda. 31Mo kí dzəə̀n bey, bo dzə̀ ji nsər ye Nyùy‑iì foon yòʼ dzəə́ kér kilíŋ à? Bó yòʼ dzə̀ bey gheéy. Ke kí dzəə̀n kí dzə̀ jii, nsər kù tíy a fo, a vèsən tiir lèn a dzə̀ é kiliŋ ke Nyùy‑iì lèmèn ji yì wáa tiy sho.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL