Rom 16
16
Por shaʼtì wíri
1M nén a tàʼ, é vèn kiíy fər wòsən woo wir Kristu wùmòʼ, aá yoŋ ji Febe. Dzə̀ wiíy wo wù rə́si leey fo vé ŋgeʼe e kintatì keé Sencuri. 2Wù wíy wiy fo věn wùn, vèn kù keèrí wun ji fə́r won wùmòʼ é kinyò ke Tàr wòsən Jesus Kristu réŋréŋ mo dzə̀ wír Nyùy, á wàa yiì. Vèn yén, a kinyo ki gháʼ wun, vèn kù sə̀ wun, a kiíy ji wù dzə̀ ben, a wù sə̀ ne wír anín feyì, e kfə̀n sə̀ sá mo.
3Vèn ku shàʼtì Piisila wùn lum və Akwila e fò e mò. Áwune dzə̀ wír ámóʼó ve vèr áwune tatin, a lìm fo Jesus Kristu. 4Aáwune‑eè lo wày féyì ji a fə̀m dzə̀ kpú, á kù kpù á fo mǒ kitu. A bó yòʼ jòʼsì mo wo m shéʼri áwune gheéy. Vintatì ve wìr Kristu ve ví dzəə̀n é vitum ve bó yòʼ dzəə̀n veé Juda vidzə̀m vi shéʼri sa áwune. 5Vèn lóo shàʼtì, á shàʼtì sá kintatì ke kí dzəʼə̀m aáwuné lav.
Vèn shaʼti ŋkar yem tìm yee Epanetur e fò e mò. Dzə̀ wun wir mbìy wo wù‑uù wayin shilív e Jesus Kristu wùn é wòŋ Asia. 6Vèn shaʼti sá Maria wo wù wayin ŋàŋ, a lìm fo vèn ji wun wáa sə ven. 7Vèn shaʼti Andonikur wùn Juniar ve dzəə̀n afə́r vém veé Juda ve vèr áwune‑eè lim sháŋ amòʼón. Áwune dzə̀ aŋgàa ntum Jesus Kristu ve á din vitú vév féyì ji á lim a fo Kristu. A vé‑eè biìmé kinyo kfə́, é bo m wìy sìíy, e biìmé.
8A m kfə̀n shaʼtì sa Ampilatur wo vèr wun koŋnìn bìʼ Tàr wòsən Jesus. 9Vèn shaʼti sá Ubanur wo wù tatin, vèr áwune wáa lìm kinyo ke Jesus Kristu, e shàʼtì sa Shitakir woo ŋkar yem tìm. 10Vèn shaʼti sá Apeler wo wù dìnèn ji wun tíy wùn Jesus Kristu kitávín. Vèn kfən shàʼtì wir dzə̀m wo wù dzəə̀n é Aritobulur laʼ. 11Vèn shaʼti sá Herodiyon woo fə́r wom woó Juda, e shàʼtì aŋgàa biimé adzə̀m ve á dzəə̀n e Nasisur laʼ.
12Vèn shaʼti sá vikìy vin, Tifena wùn Tifoosa ve á lim fo Tàr wòsən Jesus Kristu, à ŋkar yem Pesir wo wù lìmèn ne fo Tàr wòsən Jesus Kristu e ŋàŋ. 13A m shaʼtì Rufur wo wù dìnèn kitú kfə́ ji wun dzə̀ wir Tàr wòsən Jesus Kristu feyì, kfə̀n shaʼtì yè wov wo wù‑uù kér mo ghán sidzə̀m moo wán və. 14Vèn shaʼti Asəŋkritur wùn à Filegon, à Hemer, à Parobar, à Hemar wùn aàŋgàa biimé ve wùn à wír vìne dzəʼə̀me adzə̀m. 15A m kfə̀n shaʼtì sa Filoogur wùn Julia, shaʼtì Nerur wùn jèmèr rə, kfə̀n shàʼtì Olimpar wùn à wír Nyùy ve wùn à wír vìne dzəʼə̀m adzə̀m. 16Vèn shaʼnin, é wìr baámé wír moo fə́r və woo wir Nyùy. Vintatì ve Kristu vee fen vidzə̀m vi shaʼtì ven.
17Afə̀r vem, m nen kfə̀n a tir ven jii, vèn wáa baàmè a wír ve á ghán, yéʼey vinyo, a bó yòʼ dzə̀ ve vé‑eè yeʼeyin ven shó, bvəər vifií vé wíri, aá javsìn, dzə́ jeéy jeéy. Vèn wáa nyeŋ kfə́ə wìr vee bey, 18a kiíy jii, áwune yòʼ lim a dzə̀ á fo Tàr wòsən Jesus Kristu gheéy. Áwune diy a dzə̀ wóv woo shuu. Á lo, á wàa naŋsín kinyo, a fèr, kí wàa nyòm, e nèn a boʼtí wír ve bó á yóʼ ne kìíy vinyo. 19Mo wìr dzə̀m fə̀m kiìn ji vèn tíy kitávín é kinyò ke vé‑eè yeʼeyin ven shó, a m shéʼri ven féyì, m ku kfə̀n a tàʼ, e tir ven jii, vèn ku wày vifií, a tàr vinyo vidzə̀m, e fíʼ kiíy ke dzəə̀n ke juŋ ki, e baàmè ke bi kí. 20Vèn lóo yiì bèy, é Nyùy wo wù yii, a melív mèsən mè dzə́ nyaáŋ, ku nèn màʼ Satan, é vèn kóʼ é kitu wo. M nén a shàʼtì ven, a lon jii, Tàr wòsən Jesus Kristu kú a kòŋ ven, a leéy a fo vèn.#16.20: Aŋwàʼ vee fó ŋgùʼ ámóʼó yòʼ kér shaʼtì rə̀n.
21Timoti wo vèr wun lim lim e mòʼón shaʼtì sa ven. A Lushor, wùn à Jason, à Sosipatar woo fə́r wom woó Juda shaʼtì sa ven.
22Mo woo Titiyur wo Por shòŋrìn, m sáŋ ŋwàʼ və̀n, shaʼtì sa ven moo fə́r won woo wir Kristu.
23Gayur wo mo woo Por shiiy e wùn lav, shaʼtì sa ven, à kintatì ke kí tár a dzə̀ e wùn lav foo fèn ki. Eratur woo ŋgaà kitàv keé mvə̀mlaʼ fèn wùn fər wòsən Kwatur shaʼtì ven. [24A m kfə̀n lón ji Tàr wòsən Jesus Kristu kú a kòŋ ven, a leéy fo vèn. Amen.]
25M nén a way ven a dzə̀ e Nyùy kiwo. Dzə̀ wun wo dzə̀ wù yiì, vèn wàa tiy kitávín, e màysì, e wày shilív e wun wùn. A dzə̀ mo sáʼka Nyùy wo m fiʼtì wùn à vinyo ve á fiʼtì kùm Jesus Kristu vidzə̀m vi limè. Nsàv kinyò ke Kristu rə̀n‑eè dzə̀ é kilìr, e kèʼ fo yàŋgùʼ. 26Nyùy nen yiì, vèsən kiíy lèn, a dìn fo aŋwàʼ aŋgàa ntum Nyùy mo vé‑eè sí gáʼ fo ŋgùʼ, a fìʼtì lèn e vitúm vi vidzə̀m. Aá kù fiʼtì a dzə̀ mo wun woo Nyùy wo wù dzəə̀n shó ghán sidzə̀m suuyin, é wíri wáa bìnkìr, a way shilív e wun wùn, a yu a dzə̀ fo wun. 27Kù jòʼsì wun woo Nyùy wo wù kiìn móo sìysì kinyo. Vèsən ku nèn a beè Jesus Kristu, a burí Nyùy ghán sidzə̀m, là may. Amen.
Currently Selected:
Rom 16: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Rom 16
16
Por shaʼtì wíri
1M nén a tàʼ, é vèn kiíy fər wòsən woo wir Kristu wùmòʼ, aá yoŋ ji Febe. Dzə̀ wiíy wo wù rə́si leey fo vé ŋgeʼe e kintatì keé Sencuri. 2Wù wíy wiy fo věn wùn, vèn kù keèrí wun ji fə́r won wùmòʼ é kinyò ke Tàr wòsən Jesus Kristu réŋréŋ mo dzə̀ wír Nyùy, á wàa yiì. Vèn yén, a kinyo ki gháʼ wun, vèn kù sə̀ wun, a kiíy ji wù dzə̀ ben, a wù sə̀ ne wír anín feyì, e kfə̀n sə̀ sá mo.
3Vèn ku shàʼtì Piisila wùn lum və Akwila e fò e mò. Áwune dzə̀ wír ámóʼó ve vèr áwune tatin, a lìm fo Jesus Kristu. 4Aáwune‑eè lo wày féyì ji a fə̀m dzə̀ kpú, á kù kpù á fo mǒ kitu. A bó yòʼ jòʼsì mo wo m shéʼri áwune gheéy. Vintatì ve wìr Kristu ve ví dzəə̀n é vitum ve bó yòʼ dzəə̀n veé Juda vidzə̀m vi shéʼri sa áwune. 5Vèn lóo shàʼtì, á shàʼtì sá kintatì ke kí dzəʼə̀m aáwuné lav.
Vèn shaʼti ŋkar yem tìm yee Epanetur e fò e mò. Dzə̀ wun wir mbìy wo wù‑uù wayin shilív e Jesus Kristu wùn é wòŋ Asia. 6Vèn shaʼti sá Maria wo wù wayin ŋàŋ, a lìm fo vèn ji wun wáa sə ven. 7Vèn shaʼti Andonikur wùn Juniar ve dzəə̀n afə́r vém veé Juda ve vèr áwune‑eè lim sháŋ amòʼón. Áwune dzə̀ aŋgàa ntum Jesus Kristu ve á din vitú vév féyì ji á lim a fo Kristu. A vé‑eè biìmé kinyo kfə́, é bo m wìy sìíy, e biìmé.
8A m kfə̀n shaʼtì sa Ampilatur wo vèr wun koŋnìn bìʼ Tàr wòsən Jesus. 9Vèn shaʼti sá Ubanur wo wù tatin, vèr áwune wáa lìm kinyo ke Jesus Kristu, e shàʼtì sa Shitakir woo ŋkar yem tìm. 10Vèn shaʼti sá Apeler wo wù dìnèn ji wun tíy wùn Jesus Kristu kitávín. Vèn kfən shàʼtì wir dzə̀m wo wù dzəə̀n é Aritobulur laʼ. 11Vèn shaʼti sá Herodiyon woo fə́r wom woó Juda, e shàʼtì aŋgàa biimé adzə̀m ve á dzəə̀n e Nasisur laʼ.
12Vèn shaʼti sá vikìy vin, Tifena wùn Tifoosa ve á lim fo Tàr wòsən Jesus Kristu, à ŋkar yem Pesir wo wù lìmèn ne fo Tàr wòsən Jesus Kristu e ŋàŋ. 13A m shaʼtì Rufur wo wù dìnèn kitú kfə́ ji wun dzə̀ wir Tàr wòsən Jesus Kristu feyì, kfə̀n shaʼtì yè wov wo wù‑uù kér mo ghán sidzə̀m moo wán və. 14Vèn shaʼti Asəŋkritur wùn à Filegon, à Hemer, à Parobar, à Hemar wùn aàŋgàa biimé ve wùn à wír vìne dzəʼə̀me adzə̀m. 15A m kfə̀n shaʼtì sa Filoogur wùn Julia, shaʼtì Nerur wùn jèmèr rə, kfə̀n shàʼtì Olimpar wùn à wír Nyùy ve wùn à wír vìne dzəʼə̀m adzə̀m. 16Vèn shaʼnin, é wìr baámé wír moo fə́r və woo wir Nyùy. Vintatì ve Kristu vee fen vidzə̀m vi shaʼtì ven.
17Afə̀r vem, m nen kfə̀n a tir ven jii, vèn wáa baàmè a wír ve á ghán, yéʼey vinyo, a bó yòʼ dzə̀ ve vé‑eè yeʼeyin ven shó, bvəər vifií vé wíri, aá javsìn, dzə́ jeéy jeéy. Vèn wáa nyeŋ kfə́ə wìr vee bey, 18a kiíy jii, áwune yòʼ lim a dzə̀ á fo Tàr wòsən Jesus Kristu gheéy. Áwune diy a dzə̀ wóv woo shuu. Á lo, á wàa naŋsín kinyo, a fèr, kí wàa nyòm, e nèn a boʼtí wír ve bó á yóʼ ne kìíy vinyo. 19Mo wìr dzə̀m fə̀m kiìn ji vèn tíy kitávín é kinyò ke vé‑eè yeʼeyin ven shó, a m shéʼri ven féyì, m ku kfə̀n a tàʼ, e tir ven jii, vèn ku wày vifií, a tàr vinyo vidzə̀m, e fíʼ kiíy ke dzəə̀n ke juŋ ki, e baàmè ke bi kí. 20Vèn lóo yiì bèy, é Nyùy wo wù yii, a melív mèsən mè dzə́ nyaáŋ, ku nèn màʼ Satan, é vèn kóʼ é kitu wo. M nén a shàʼtì ven, a lon jii, Tàr wòsən Jesus Kristu kú a kòŋ ven, a leéy a fo vèn.#16.20: Aŋwàʼ vee fó ŋgùʼ ámóʼó yòʼ kér shaʼtì rə̀n.
21Timoti wo vèr wun lim lim e mòʼón shaʼtì sa ven. A Lushor, wùn à Jason, à Sosipatar woo fə́r wom woó Juda shaʼtì sa ven.
22Mo woo Titiyur wo Por shòŋrìn, m sáŋ ŋwàʼ və̀n, shaʼtì sa ven moo fə́r won woo wir Kristu.
23Gayur wo mo woo Por shiiy e wùn lav, shaʼtì sa ven, à kintatì ke kí tár a dzə̀ e wùn lav foo fèn ki. Eratur woo ŋgaà kitàv keé mvə̀mlaʼ fèn wùn fər wòsən Kwatur shaʼtì ven. [24A m kfə̀n lón ji Tàr wòsən Jesus Kristu kú a kòŋ ven, a leéy fo vèn. Amen.]
25M nén a way ven a dzə̀ e Nyùy kiwo. Dzə̀ wun wo dzə̀ wù yiì, vèn wàa tiy kitávín, e màysì, e wày shilív e wun wùn. A dzə̀ mo sáʼka Nyùy wo m fiʼtì wùn à vinyo ve á fiʼtì kùm Jesus Kristu vidzə̀m vi limè. Nsàv kinyò ke Kristu rə̀n‑eè dzə̀ é kilìr, e kèʼ fo yàŋgùʼ. 26Nyùy nen yiì, vèsən kiíy lèn, a dìn fo aŋwàʼ aŋgàa ntum Nyùy mo vé‑eè sí gáʼ fo ŋgùʼ, a fìʼtì lèn e vitúm vi vidzə̀m. Aá kù fiʼtì a dzə̀ mo wun woo Nyùy wo wù dzəə̀n shó ghán sidzə̀m suuyin, é wíri wáa bìnkìr, a way shilív e wun wùn, a yu a dzə̀ fo wun. 27Kù jòʼsì wun woo Nyùy wo wù kiìn móo sìysì kinyo. Vèsən ku nèn a beè Jesus Kristu, a burí Nyùy ghán sidzə̀m, là may. Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL