Rom 14
14
Lá wìr yòʼ a sòv kinyo ke fər və
1Afə̀r vem, vèn kì sá jii, wír ámóʼó dzə̀ é vèsə́n mvəm, aá nyaʼ vinyo vímóʼ ví ve melív mev mè tún ji bó yòʼ dzə̀ áwune moo wír Nyùy, á wàa yiì. Vèn kú a lì wír vee shooyi líin e věn wùn mo á dzəə̀n, e làa yòʼ a sòv vinyo vév, é vèn áwune wáa rəsí, a bìʼ mbìʼ. 2Shilív shé wìr wùmòʼ shí biìmé ji wù wáa yi a vifá vidzə̀m. Shé wùmòʼ shí nen shàʼnín fo wù wáa yi nyám, wù nén a yi kfə́ a dzə̀ nyóo see siy. 3Kí nén a dzə jii, a wìr dzə̀ kfə́, a wù yí vifá là nyaʼ, lá wù yòʼ a kay ŋgaà kinyàʼ. Lá wun woo ŋgaà kinyàʼ yòʼ a dìn sa jay və̀y woo wír, bìʼ fo wù yí bèy, a bó Nyùy yòʼ sáʼ wun fo wùn shiliv. 4A bó yòʼ dzə̀ wìr wàa tàr kinyo ke wánlè wìr wo sən. Kìn wù jày, kìn bó wù jáy, bo dzə̀ kù sùúy Tàr wov. A dzə̀ Tàr wov sùúy ji wù yoʼ jày á kinyo.
5Kímóʼ kí nén a dzə jii, wír ámóʼó lem vishiíy vímóʼ ví jeéy ji vé Nyùy, aámóʼó yén kév ji vishiíy vidzə̀m vi dzə̀ réŋréŋ. Mo wíri sí yén vinyo vìn jeéy jeéy ben, wìr kú a yiì kfə́ ke shilív sə́ shí biimen. 6Wìr wo wù lem kishiíy kímóʼ kí jeéy, lem bèy, a wù kù ghvə́m a dzə̀ Nyùy. A wìr wo wù yí nyám wùn à wìr wo wù yí a dzə̀ nyóo see siy, yí bèy, ghvə́m sa Nyùy. A dzə̀ bìʼ fo áwune lóo yi, á kù a bùnrì, a beèrì Nyùy fo vifa foo fèy. 7Vèsən wáa kuumé jii, kìn wìr dzə̀ shó, kìn wù kpù, bo bó yòʼ yiì a ŋgaàŋ. 8Ke kí dzəə̀n kí dzə̀ jii, kìn vèsən dzə̀ shó, kìn á kpùkír, bo vèsən kù yú a dzə̀ fo Nyùy. Kí nén a dzə jii, kìn á dzə̀ shó, kìn á kpùkír, bo á kù dzə̀ a dzə̀ e Nyùy kiwo. 9A Jesus Kristu‑uù kpù fo wíri, e kfə̀n fəə̀ fó kpu ji wáa ker wun wír vee shooy adzə̀m, kìn dzə̀ ve á kpukin ne, kìn ve á dzə̀ə́ sho.
10Mo vèn kiìn sá vinyo vìn, yií ka, bo wìr kfə́n a dìn jay fər və, é wùmòʼ wáa kay wùmòʼ ji wù nyaʼ kinyàʼ, a bó wù yòʼ kì vinyo? Vèn wáa kiíy jii, vèsən adzə̀m kù wíy tiím a dzə̀ e Nyùy si, é sáʼ wun vèsən. 11#Aysaya 45.23 (Grik). A dzə̀ kinyo ke vé‑eè saŋen jii:
«Nyùy Tàr suuy jii, ‹Mo m dzəə̀n shó,
wìr dzə̀m kù wíy tsəm e mǒ si,
a binsí mo woo Nyùy e shuu wóví.› »
12Kí nén a dzə jii, wìr mòʼón mòʼón fo vèsən kù wíy tiím e Nyùy si, a fèr a mo wù‑uù yii.
Lá wìr yòʼ yiì, é fər və jáy kinyo
13Mo vinyo vìn vi dzəə̀n ben, vèsən ku bèr fo wìr wáa dìn jay wùmòʼ woo wír. Ke vèsən kú a yiì ki dzə̀ jii, vèsən lóo yiì kinyo ke kiìn vèsən, á wàa yen a fo kí yii, é fər wòsən wùmòʼ jáy kinyo ke shilív sə́ shí téné. 14Fo kém kí, mo moo wír wo wù tatin ne wùn Tàr wòsən Jesus Kristu, m kì kém jii, vifá ve yi vímóʼ ví yòʼ dzə̀ shó ve dzə̀ wìr wàa leʼ ji vé *kifàn. Yii bèy, a shilív shé wìr shi shàʼnín fo wù yí, wù yàr, bìʼ fo, a wù yì, bo wù jày ne fo wùn shiliv. 15A ké wìr wo wù kiìn kfə́ ji dzə̀ wun yì kí dzə̀ jii, a wù yí, kù yòʼ kiiy ji dzə̀ kí yiì, fər və tò é kinyò, wù kú a yi, bo bó wù yòʼ dzəə́ koŋ fə́r və woo shooy gheéy. Lá vèn yòʼ a yiì, é kifá ke wìr yí ki wáa bivír shilív shé fər və wùmòʼ, a Jesus Kristu‑uù lo kpù fo ŋgaàŋ ji shilív sə́ shí fíʼ a dzə nyaáŋ. 16Kí nén a dzə jii, wìr wáa yen a fo kinyo ke wù yii, yén ji dzə̀ ke juŋ ki kfə́n fo wùmòʼ woo wír ji ke bi kí. 17A bó wír ve á dzəə̀n e Nyùy mvə̀m saʼa yòʼ dzə̀ ji á wáa nonín, a yinín. Ké saʼ Nyùy ki dzə̀ jii, á wáa yiì kinyo a dzə̀ ke kí gheenen Nyùy, é melív mev mè wáa dzə nyaáŋ, é Kiyoy ke Ranén kí kfə́n a yiì, aá wáa yu vijuŋ. 18A wìr fò kitú kfə́ e Kristu, a yiì vinyo e dzəə foo fèn, Nyùy nèn a sheʼrí ŋgaàŋ, wíri kfə̀n a binsí sa wun.
19Vèsən ku nèn a yiì vinyo, a dzə̀ á ve ví wáa yiì, é vèsən aàfə́r vesəné wáa dzə kijuŋ, e kfə̀n yiì, é vèsən áwune maysi, e tùúy e Kristu kinyò. 20Wìr wáa yen fó bivír fə́r və wo naŋsin Nyùy ji wír və, e vifá ve ŋgaàŋ yí vi. A dzə̀ wìr yì vifá vidzə̀m. Yii bèy, a wù yí, yii, a fər və jáy kinyo, bo wù sí yii a dzə̀ kinyo ke bi kí. 21Kí nen ghèén ji vèsən léʼ á vifá vidzə̀m ve dzə̀ ví yiì, fər wòsən jày kinyo. Kìn dzə̀ meluʼ, lá wìr yòʼ dzə́ə a no, kìn dzə̀ nyám, lá wìr yòʼ dzə́ə a yi. 22Kinyo ke wìr kiìn fo wùn shiliv ji dzə̀ wun wàa yiì, wù màʼtì kee shooy, é wáa kiíy wùn Nyùy abaà. A bòŋ ké wìr wo wù yii kinyo a dzə̀ ke shilív sə́ shí biimen, a bó shí yòʼ sáʼ wun fo fo. 23Yii bèy, a wìr wo wù yí kifá, kér méŋnín, kì ji wun jáy a kinyo, bìʼ fo wù yòʼ yii mo shilív sə́ shí biimen ji Nyùy koŋ ji wù wáa yiì. Kinyo kidzə̀m ke wìr yii, a shilív sə́ shí túné ki dzə̀ kinyo ke bi kí.
Currently Selected:
Rom 14: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Rom 14
14
Lá wìr yòʼ a sòv kinyo ke fər və
1Afə̀r vem, vèn kì sá jii, wír ámóʼó dzə̀ é vèsə́n mvəm, aá nyaʼ vinyo vímóʼ ví ve melív mev mè tún ji bó yòʼ dzə̀ áwune moo wír Nyùy, á wàa yiì. Vèn kú a lì wír vee shooyi líin e věn wùn mo á dzəə̀n, e làa yòʼ a sòv vinyo vév, é vèn áwune wáa rəsí, a bìʼ mbìʼ. 2Shilív shé wìr wùmòʼ shí biìmé ji wù wáa yi a vifá vidzə̀m. Shé wùmòʼ shí nen shàʼnín fo wù wáa yi nyám, wù nén a yi kfə́ a dzə̀ nyóo see siy. 3Kí nén a dzə jii, a wìr dzə̀ kfə́, a wù yí vifá là nyaʼ, lá wù yòʼ a kay ŋgaà kinyàʼ. Lá wun woo ŋgaà kinyàʼ yòʼ a dìn sa jay və̀y woo wír, bìʼ fo wù yí bèy, a bó Nyùy yòʼ sáʼ wun fo wùn shiliv. 4A bó yòʼ dzə̀ wìr wàa tàr kinyo ke wánlè wìr wo sən. Kìn wù jày, kìn bó wù jáy, bo dzə̀ kù sùúy Tàr wov. A dzə̀ Tàr wov sùúy ji wù yoʼ jày á kinyo.
5Kímóʼ kí nén a dzə jii, wír ámóʼó lem vishiíy vímóʼ ví jeéy ji vé Nyùy, aámóʼó yén kév ji vishiíy vidzə̀m vi dzə̀ réŋréŋ. Mo wíri sí yén vinyo vìn jeéy jeéy ben, wìr kú a yiì kfə́ ke shilív sə́ shí biimen. 6Wìr wo wù lem kishiíy kímóʼ kí jeéy, lem bèy, a wù kù ghvə́m a dzə̀ Nyùy. A wìr wo wù yí nyám wùn à wìr wo wù yí a dzə̀ nyóo see siy, yí bèy, ghvə́m sa Nyùy. A dzə̀ bìʼ fo áwune lóo yi, á kù a bùnrì, a beèrì Nyùy fo vifa foo fèy. 7Vèsən wáa kuumé jii, kìn wìr dzə̀ shó, kìn wù kpù, bo bó yòʼ yiì a ŋgaàŋ. 8Ke kí dzəə̀n kí dzə̀ jii, kìn vèsən dzə̀ shó, kìn á kpùkír, bo vèsən kù yú a dzə̀ fo Nyùy. Kí nén a dzə jii, kìn á dzə̀ shó, kìn á kpùkír, bo á kù dzə̀ a dzə̀ e Nyùy kiwo. 9A Jesus Kristu‑uù kpù fo wíri, e kfə̀n fəə̀ fó kpu ji wáa ker wun wír vee shooy adzə̀m, kìn dzə̀ ve á kpukin ne, kìn ve á dzə̀ə́ sho.
10Mo vèn kiìn sá vinyo vìn, yií ka, bo wìr kfə́n a dìn jay fər və, é wùmòʼ wáa kay wùmòʼ ji wù nyaʼ kinyàʼ, a bó wù yòʼ kì vinyo? Vèn wáa kiíy jii, vèsən adzə̀m kù wíy tiím a dzə̀ e Nyùy si, é sáʼ wun vèsən. 11#Aysaya 45.23 (Grik). A dzə̀ kinyo ke vé‑eè saŋen jii:
«Nyùy Tàr suuy jii, ‹Mo m dzəə̀n shó,
wìr dzə̀m kù wíy tsəm e mǒ si,
a binsí mo woo Nyùy e shuu wóví.› »
12Kí nén a dzə jii, wìr mòʼón mòʼón fo vèsən kù wíy tiím e Nyùy si, a fèr a mo wù‑uù yii.
Lá wìr yòʼ yiì, é fər və jáy kinyo
13Mo vinyo vìn vi dzəə̀n ben, vèsən ku bèr fo wìr wáa dìn jay wùmòʼ woo wír. Ke vèsən kú a yiì ki dzə̀ jii, vèsən lóo yiì kinyo ke kiìn vèsən, á wàa yen a fo kí yii, é fər wòsən wùmòʼ jáy kinyo ke shilív sə́ shí téné. 14Fo kém kí, mo moo wír wo wù tatin ne wùn Tàr wòsən Jesus Kristu, m kì kém jii, vifá ve yi vímóʼ ví yòʼ dzə̀ shó ve dzə̀ wìr wàa leʼ ji vé *kifàn. Yii bèy, a shilív shé wìr shi shàʼnín fo wù yí, wù yàr, bìʼ fo, a wù yì, bo wù jày ne fo wùn shiliv. 15A ké wìr wo wù kiìn kfə́ ji dzə̀ wun yì kí dzə̀ jii, a wù yí, kù yòʼ kiiy ji dzə̀ kí yiì, fər və tò é kinyò, wù kú a yi, bo bó wù yòʼ dzəə́ koŋ fə́r və woo shooy gheéy. Lá vèn yòʼ a yiì, é kifá ke wìr yí ki wáa bivír shilív shé fər və wùmòʼ, a Jesus Kristu‑uù lo kpù fo ŋgaàŋ ji shilív sə́ shí fíʼ a dzə nyaáŋ. 16Kí nén a dzə jii, wìr wáa yen a fo kinyo ke wù yii, yén ji dzə̀ ke juŋ ki kfə́n fo wùmòʼ woo wír ji ke bi kí. 17A bó wír ve á dzəə̀n e Nyùy mvə̀m saʼa yòʼ dzə̀ ji á wáa nonín, a yinín. Ké saʼ Nyùy ki dzə̀ jii, á wáa yiì kinyo a dzə̀ ke kí gheenen Nyùy, é melív mev mè wáa dzə nyaáŋ, é Kiyoy ke Ranén kí kfə́n a yiì, aá wáa yu vijuŋ. 18A wìr fò kitú kfə́ e Kristu, a yiì vinyo e dzəə foo fèn, Nyùy nèn a sheʼrí ŋgaàŋ, wíri kfə̀n a binsí sa wun.
19Vèsən ku nèn a yiì vinyo, a dzə̀ á ve ví wáa yiì, é vèsən aàfə́r vesəné wáa dzə kijuŋ, e kfə̀n yiì, é vèsən áwune maysi, e tùúy e Kristu kinyò. 20Wìr wáa yen fó bivír fə́r və wo naŋsin Nyùy ji wír və, e vifá ve ŋgaàŋ yí vi. A dzə̀ wìr yì vifá vidzə̀m. Yii bèy, a wù yí, yii, a fər və jáy kinyo, bo wù sí yii a dzə̀ kinyo ke bi kí. 21Kí nen ghèén ji vèsən léʼ á vifá vidzə̀m ve dzə̀ ví yiì, fər wòsən jày kinyo. Kìn dzə̀ meluʼ, lá wìr yòʼ dzə́ə a no, kìn dzə̀ nyám, lá wìr yòʼ dzə́ə a yi. 22Kinyo ke wìr kiìn fo wùn shiliv ji dzə̀ wun wàa yiì, wù màʼtì kee shooy, é wáa kiíy wùn Nyùy abaà. A bòŋ ké wìr wo wù yii kinyo a dzə̀ ke shilív sə́ shí biimen, a bó shí yòʼ sáʼ wun fo fo. 23Yii bèy, a wìr wo wù yí kifá, kér méŋnín, kì ji wun jáy a kinyo, bìʼ fo wù yòʼ yii mo shilív sə́ shí biimen ji Nyùy koŋ ji wù wáa yiì. Kinyo kidzə̀m ke wìr yii, a shilív sə́ shí túné ki dzə̀ kinyo ke bi kí.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL