Cù 6
6
1 Nyùy Tàr kfən fò ntò se vinyò símóʼ sí e Mooser jii, 2a wìr kày Nyùy Tàr, e kùvrì kifá ke fər və, bo wù kù yíi siìr, e kfə̀n dzə̀sì. Kìn dzə̀ ji wìr shwìv fə́r və, e tèn fó siìr kifá ke fər və lèmèn e wun, kìn ke wù tiirin e wun, kìn ji wù shòŋ kifá ke fər və shóŋén, kìn wù bòʼ wun bóʼón, 3kìn ji wù bòŋ kifá ke wìr, e bòʼtí, e kàn yír Nyùy kisáŋ. Fo vinyò vìn vidzə̀m ve wíri lo, á wàa jay, 4a wìr lòo dzə, e jày, e lì njò, bo wù kù siir kifá kee shó. Kìn dzə̀ ke wù shoŋen shóŋén, kìn ke wù shwìvìn shwívin, kìn ke vé‑eè lèmèn e wun, wù kúvrí. Kìn dzə̀ kifá ke kí làyìn, wù bóŋ, e lìtì, 5kìn dzə̀ kifá kiné kí ke wù kùvrìn, e lìʼ, e kàn yír Nyùy kisáŋ. Wù kù siìr kifá kee shó e wun kishiíy ké cù yee bìʼ njò. Wù lóo siìr, é wù kfən dzə̀sì kintóʼ kímóʼ kí shó. Kintóʼ kee shooy ki kú a dzə moo, aá kì jàv kifá kee shooy virə́ʼ vitàn, á lì kee kimòʼón kí. Wù dzəsì, é wù nèn fò lèn kidzə̀m e ŋgaà kifa. 6Wù siirì, é wù kfən cù Nyùy Tàr, e fíʼ làʼ njò rə. Wù yíi wìy e kiyáʼ kee là nsem ki, a dzə̀ ke kí gheenen é cù yee bìʼ njò, e yen taà cù sho. 7Á bèy, é taà cù nèn cù Nyùy Tàr shó, e tàŋrí ŋgaàŋ, é Nyùy Tàr laysin kinyo ke wù‑uù yiìn fó vinyò fèy, e bóo lì njò.
Ntò se cù ye á ton nyám e dzə̀m
8 Nyùy Tàr yòŋ e Mooser ji 9wù naari á nsər see kùm cu ye tonèné e Aaron wùn à wón vəə́. Nsər sìn si dzə̀ jii, cu ye tonèné wíy a gòʼ e kiy cù, a shiíy fo, é və́yí kú a shwi e sar wo mo ndzə yíi ran. 10Yì ráné, é taà cù maʼ vikúm vé cù, e wày sə̀là wo tsəm, e dù, e kuúy kibvə́ ke cù ye və́yí tònèn, e baʼtí e ghaa kiy cù. 11Báʼti bèy, é wù nèn kùvsín ndzə̀y siy, e màʼ se sən sí, e bóo shàʼàr kibvə́ kìy, e fəə kibeey shó, e dù, e lèm e kirə̀ʼ ke nsər din ji kí dzə̀ là *kifàn. 12A wù fəər bèy, é və́yí kú a shwi e kiy cù, e kù wìy a shwi ghán sidzə̀m, e làa yòʼ ndzəmén, é taà cù kú a way meŋkaʼ e kiy vijàvndzə vidzə̀m, a koʼór və́y, a naŋsín, a neèr nyam cù yee ye cù ye tonèné, a neèr fóm se á fətin fo nyàm cù kikòŋnìn e kitu wo, a tòn fo. 13Və́yí kù wíy a shwi e kiy cù ghán sidzə̀m, e làa yòʼ ndzəmén.
Ntò se cù vifa ve yi
14Nsər se cù vifa ve yi si síne. Wón Aarone yii cu ye dzəə̀n vifá ve yi, á wìy shó e ghaa kiy cù, e dìn e Nyùy Tàr. 15Wìr wùmòʼ ŋeʼ kiwó ke meŋkfə̀ŋ me kpuún mèy, me á shwirin wùn à meŋgvə́r mè, e kfə̀n lì kiláy kee *frankinsen kidzə̀m ke kí néŋ e kitu wo, e tatí, e tòn e kiy cù ji sàʼ vifa ve cù. Kirəm ke cù rə̀n ki rəm, rəʼtìn, boŋ Nyùy Tàr. 16Fo kiber ke meŋkfə̀ŋ, é Aaron wùn à wón vəə́ wìy a yi, aá kù wíy a fèr, là nyaà, a yi e kirə̀ʼ kee jeéy kí, a dzə̀ é maàndzə *kibàn ké ntàsín. 17Bó á yòʼ wíy a fèr, a way nyaà shó. Nyùy Tàr fò ne yee shooy yee mbìv fo wun cù ye və́yí bin fo fo ji vidzə̀ vév. Dzə̀ kifá kee jeéy kí féyì, réŋréŋ mo cu yee bìʼ lǒn jayi dzəə̀n, à yee bìʼ njò ye suun. 18Wón Aaron vee vilum adzə̀me kù wíy a yi ji vidzə̀ vév fó cù vifa ve yi ve á fó e Nyùy Tàr, a yi ghán sidzə̀m mo ŋgwàʼ sév sí wíy a dzə. A wìr wo sən kùm vidzə̀ vin mo ví dzəə̀n jeéy bey ji kifá ke Nyùy, bo wù lì ne jiv.
19 Nyùy Tàr kfən yòŋ ntò se vinyò vímóʼ ví e Mooser, 20a dzə̀ sé kishiíy ke á yóʼ Aaron, kìn wán və ji taà cù. Á yóʼ ŋgaàŋ e kishiíy kee shó, é wù ku cù Nyùy Tàr e vifá ve yi ve á fèrìn e meŋkfəŋ me kpuún mè, kilu e mòʼón. Wù lóo cù, é wù tóʼnín, e lì kintóʼ kímóʼ kí, e yiì cu sho kijàvndzə, e lì kímóʼ kí, e yiì sho e ŋkuùr. 21Aá kù tóv meŋkfəŋ mèn e meŋgvə́r mè, e tòn e kikaŋ kee tèéter, e nèn lì, e bvəʼə́y ji cu vifa ve yi ve á yíi tòn e kiy cù, a kirəm kfə́ kí boŋ Nyùy Tàr. 22Cu rə̀ne dzə̀, a kù yii wan Aaron wo á yoʼon fo wón vəə́ mvəm ji njìlaʼ və, lóo yiì, é wù ton vifá ve yi vìn vidzə̀m ji cu Nyùy Tàr ye furi. 23Á mo á kù wíy a tòn cu vifa ve yi e dzə̀m ye taà cù fó, e làa yòʼ a yi kifá fo fo.
Naarì yímóʼó kùm cu jay woo yiì là kiíy
24 Nyùy Tàr yòŋ e Mooser ji 25wù naari á nsər see bìʼ cu ajay e Aaron wùn à wón vəə́. Nsər sìn si dzə̀ jii, a dzə̀ á kù seè nyám yee bìʼ cu ajay fo á yii seé nyám yee bìʼ cu ye tonèné e Nyùy Tǎr si. Dzə̀ cu yee jeéyí féyì. 26Taà cù wo wù yii cu ajay rə̀n wíy a yi, a wù wíy a yi a dzə̀ é kirə̀ʼ ke dzəə̀n kee jeéy kí é mvə̀m maàndzə *kibàn ké ntàsín. 27A wìr kùm nyam cù ajay rə̀n, mo yì siìn jeéy féyì, bo wù lì ne jiv. Kifá ki kum, bo kí kfə̀n ne sa ji kifá kee jeéy kí. Mensə́ mvə mè saámé, e dù e ndzə̀y, bo á kù su e kirə̀ʼ kee jeéy kí. 28Á naá a dzə̀ é ntòn mbóm, bo á bvə́ʼti. Wáa dzə ntòn kishà kee *brons, bo á kwaa, e sù e mendzə́v mè. 29A dzə̀ kù yì lumèn woo atàá cùú mvə̀m kfəə nyam cù rə̀n. Yì dzə̀ jeéy féyì feyì. 30Yii bèy, a bó yòʼ dzə̀ á yì kifá fo cù ajay ye á liìn mensə́ mvə, e dù sho e mvə̀m kibàn ké ntàsín fo dzəə̀n kirə́ʼ kee jeéy kí, aá mán ajay sho. Á kù yíi tòn yee shooy tónen, é yì shwí, e rèŋ.
Currently Selected:
Cù 6: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Cù 6
6
1 Nyùy Tàr kfən fò ntò se vinyò símóʼ sí e Mooser jii, 2a wìr kày Nyùy Tàr, e kùvrì kifá ke fər və, bo wù kù yíi siìr, e kfə̀n dzə̀sì. Kìn dzə̀ ji wìr shwìv fə́r və, e tèn fó siìr kifá ke fər və lèmèn e wun, kìn ke wù tiirin e wun, kìn ji wù shòŋ kifá ke fər və shóŋén, kìn wù bòʼ wun bóʼón, 3kìn ji wù bòŋ kifá ke wìr, e bòʼtí, e kàn yír Nyùy kisáŋ. Fo vinyò vìn vidzə̀m ve wíri lo, á wàa jay, 4a wìr lòo dzə, e jày, e lì njò, bo wù kù siir kifá kee shó. Kìn dzə̀ ke wù shoŋen shóŋén, kìn ke wù shwìvìn shwívin, kìn ke vé‑eè lèmèn e wun, wù kúvrí. Kìn dzə̀ kifá ke kí làyìn, wù bóŋ, e lìtì, 5kìn dzə̀ kifá kiné kí ke wù kùvrìn, e lìʼ, e kàn yír Nyùy kisáŋ. Wù kù siìr kifá kee shó e wun kishiíy ké cù yee bìʼ njò. Wù lóo siìr, é wù kfən dzə̀sì kintóʼ kímóʼ kí shó. Kintóʼ kee shooy ki kú a dzə moo, aá kì jàv kifá kee shooy virə́ʼ vitàn, á lì kee kimòʼón kí. Wù dzəsì, é wù nèn fò lèn kidzə̀m e ŋgaà kifa. 6Wù siirì, é wù kfən cù Nyùy Tàr, e fíʼ làʼ njò rə. Wù yíi wìy e kiyáʼ kee là nsem ki, a dzə̀ ke kí gheenen é cù yee bìʼ njò, e yen taà cù sho. 7Á bèy, é taà cù nèn cù Nyùy Tàr shó, e tàŋrí ŋgaàŋ, é Nyùy Tàr laysin kinyo ke wù‑uù yiìn fó vinyò fèy, e bóo lì njò.
Ntò se cù ye á ton nyám e dzə̀m
8 Nyùy Tàr yòŋ e Mooser ji 9wù naari á nsər see kùm cu ye tonèné e Aaron wùn à wón vəə́. Nsər sìn si dzə̀ jii, cu ye tonèné wíy a gòʼ e kiy cù, a shiíy fo, é və́yí kú a shwi e sar wo mo ndzə yíi ran. 10Yì ráné, é taà cù maʼ vikúm vé cù, e wày sə̀là wo tsəm, e dù, e kuúy kibvə́ ke cù ye və́yí tònèn, e baʼtí e ghaa kiy cù. 11Báʼti bèy, é wù nèn kùvsín ndzə̀y siy, e màʼ se sən sí, e bóo shàʼàr kibvə́ kìy, e fəə kibeey shó, e dù, e lèm e kirə̀ʼ ke nsər din ji kí dzə̀ là *kifàn. 12A wù fəər bèy, é və́yí kú a shwi e kiy cù, e kù wìy a shwi ghán sidzə̀m, e làa yòʼ ndzəmén, é taà cù kú a way meŋkaʼ e kiy vijàvndzə vidzə̀m, a koʼór və́y, a naŋsín, a neèr nyam cù yee ye cù ye tonèné, a neèr fóm se á fətin fo nyàm cù kikòŋnìn e kitu wo, a tòn fo. 13Və́yí kù wíy a shwi e kiy cù ghán sidzə̀m, e làa yòʼ ndzəmén.
Ntò se cù vifa ve yi
14Nsər se cù vifa ve yi si síne. Wón Aarone yii cu ye dzəə̀n vifá ve yi, á wìy shó e ghaa kiy cù, e dìn e Nyùy Tàr. 15Wìr wùmòʼ ŋeʼ kiwó ke meŋkfə̀ŋ me kpuún mèy, me á shwirin wùn à meŋgvə́r mè, e kfə̀n lì kiláy kee *frankinsen kidzə̀m ke kí néŋ e kitu wo, e tatí, e tòn e kiy cù ji sàʼ vifa ve cù. Kirəm ke cù rə̀n ki rəm, rəʼtìn, boŋ Nyùy Tàr. 16Fo kiber ke meŋkfə̀ŋ, é Aaron wùn à wón vəə́ wìy a yi, aá kù wíy a fèr, là nyaà, a yi e kirə̀ʼ kee jeéy kí, a dzə̀ é maàndzə *kibàn ké ntàsín. 17Bó á yòʼ wíy a fèr, a way nyaà shó. Nyùy Tàr fò ne yee shooy yee mbìv fo wun cù ye və́yí bin fo fo ji vidzə̀ vév. Dzə̀ kifá kee jeéy kí féyì, réŋréŋ mo cu yee bìʼ lǒn jayi dzəə̀n, à yee bìʼ njò ye suun. 18Wón Aaron vee vilum adzə̀me kù wíy a yi ji vidzə̀ vév fó cù vifa ve yi ve á fó e Nyùy Tàr, a yi ghán sidzə̀m mo ŋgwàʼ sév sí wíy a dzə. A wìr wo sən kùm vidzə̀ vin mo ví dzəə̀n jeéy bey ji kifá ke Nyùy, bo wù lì ne jiv.
19 Nyùy Tàr kfən yòŋ ntò se vinyò vímóʼ ví e Mooser, 20a dzə̀ sé kishiíy ke á yóʼ Aaron, kìn wán və ji taà cù. Á yóʼ ŋgaàŋ e kishiíy kee shó, é wù ku cù Nyùy Tàr e vifá ve yi ve á fèrìn e meŋkfəŋ me kpuún mè, kilu e mòʼón. Wù lóo cù, é wù tóʼnín, e lì kintóʼ kímóʼ kí, e yiì cu sho kijàvndzə, e lì kímóʼ kí, e yiì sho e ŋkuùr. 21Aá kù tóv meŋkfəŋ mèn e meŋgvə́r mè, e tòn e kikaŋ kee tèéter, e nèn lì, e bvəʼə́y ji cu vifa ve yi ve á yíi tòn e kiy cù, a kirəm kfə́ kí boŋ Nyùy Tàr. 22Cu rə̀ne dzə̀, a kù yii wan Aaron wo á yoʼon fo wón vəə́ mvəm ji njìlaʼ və, lóo yiì, é wù ton vifá ve yi vìn vidzə̀m ji cu Nyùy Tàr ye furi. 23Á mo á kù wíy a tòn cu vifa ve yi e dzə̀m ye taà cù fó, e làa yòʼ a yi kifá fo fo.
Naarì yímóʼó kùm cu jay woo yiì là kiíy
24 Nyùy Tàr yòŋ e Mooser ji 25wù naari á nsər see bìʼ cu ajay e Aaron wùn à wón vəə́. Nsər sìn si dzə̀ jii, a dzə̀ á kù seè nyám yee bìʼ cu ajay fo á yii seé nyám yee bìʼ cu ye tonèné e Nyùy Tǎr si. Dzə̀ cu yee jeéyí féyì. 26Taà cù wo wù yii cu ajay rə̀n wíy a yi, a wù wíy a yi a dzə̀ é kirə̀ʼ ke dzəə̀n kee jeéy kí é mvə̀m maàndzə *kibàn ké ntàsín. 27A wìr kùm nyam cù ajay rə̀n, mo yì siìn jeéy féyì, bo wù lì ne jiv. Kifá ki kum, bo kí kfə̀n ne sa ji kifá kee jeéy kí. Mensə́ mvə mè saámé, e dù e ndzə̀y, bo á kù su e kirə̀ʼ kee jeéy kí. 28Á naá a dzə̀ é ntòn mbóm, bo á bvə́ʼti. Wáa dzə ntòn kishà kee *brons, bo á kwaa, e sù e mendzə́v mè. 29A dzə̀ kù yì lumèn woo atàá cùú mvə̀m kfəə nyam cù rə̀n. Yì dzə̀ jeéy féyì feyì. 30Yii bèy, a bó yòʼ dzə̀ á yì kifá fo cù ajay ye á liìn mensə́ mvə, e dù sho e mvə̀m kibàn ké ntàsín fo dzəə̀n kirə́ʼ kee jeéy kí, aá mán ajay sho. Á kù yíi tòn yee shooy tónen, é yì shwí, e rèŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL