Cù 25
25
Nsər see kùm saàmbà kiya
(Remrí 15.1‑11)
1Yì‑iì dzə̀ é ghan se Mooser‑iì dzəə̀n é Gwan Sinay, Nyùy Tàr yòŋ wun, 2e fò sáʼ ye wù tiísí e wír veé Israyi, a yí dzə̀ jii, «Vèn wíy nəə e nsay ye m fó e vèn, kiyá ki lóo meé ji saàmbà, vèn màʼtì nsay, é yì meeme, é wáa dzə ghvə́m ye á ghvə́m Nyùy Tàr. 3Vèn wíy a lìm súm kiyá ntuùfú, a way vifá, a naŋsín vitiír vé *vayin, a kav vifá fo sum. 4Yii bèy, kiyá ki lóo meé ji saàmbà, vèn wàa kwiír súm sí, é sí wáa bonén, a meèmè. Dzə̀ kiyá ke Nyùy Tàr ké bam. Lá wìr wày kifá e sum. Lá wìr yòʼ nàŋsín vitiír vé vayin ve vèn limè. 5Vifá ve ví wíy a fəə fəə́n e wúné, lá ŋgaà sùm yòʼ dù ji wun ku kàv fo wun sum. Lá wù yòʼ kòy sa báŋ se vitiír vé vayin ve ví fəən e wúné mo á màʼtìn là náŋsín. Dzə̀ kiyá ke á maʼtì nsay, é yì bónén, e kfə̀nsí kijuŋ. 6Fə̀m mo á wíy kwiír súm sí, e làa yòʼ lìm e kiya fèn, nsay kù wíy a fəə́r viyíkìr ve a dzə̀ vèn wàa yi vèn aàkwàn vén vee vilume, à vee vikìyí, à wír ve á lim fo vèné, à viŋgwìy ve ví dzə́ vèn áwune ví. 7Kù dzə̀ sá mo súm sin si wíy a fəə́r viyíkìr ve nyàm sén, à vé nyàm seé kwaʼ se sí dzəə̀n e věn nsay si.
Kiyá ke Nsiìr Vifa
8«Vèn wíy a taŋ viyá saàmbà kàŋ saàmbà, é wáa dzə kiyá nshòv bvə̀ʼə̀ e mkweè. 9Kiyá ki kúmerì, lóo dzə e ŋwee woo saàmbà, e kishiíy ke kí meen ji ghvə̀m, ke dzəə̀n Kishiíy ké Kiman,#25.9: Leéy: 23.26‑32. aá túm wíri, aá tóŋ sóŋ, é yí ghánén nsay yen e dzə̀m. 10Á kù tóŋ bèy ji á shòʼ ne a kiyá ke kí meen ji mtàn kìn jeéy, e fo sáʼ ji wìr dzə̀m woó wòŋ sí kfə́n a e ghày wo yì‑iì dzəə̀n və́. Wíy a dzə *Kiyá ke Nsiìr Vifa, a nsay wíy a kfən e wìr wo wù‑uù fiìnèn, kìn e kfə́ə rəə́, é kwàné fəə́, a kfən e wír vəə́. 11Vèn kù wíy a lèm kiyá kee mtàn kìn ji Ké Nsiìr Vifa. Lá vèn yòʼ wày vifá e věn sum sí é kiya foo fèy. Lá ŋgaà sùm yòʼ kàv vifá ve ví fəən fəə́n e wun sum. Lá wù yòʼ kòy sa báŋ se vitiír vé vayin ve ví fəən e wúné mo à màʼtìn là náŋsín. 12Kiyá kìn ki wíy a dzə kee jeéy kí fo vèn, ke wír adzə̀me kù wíy a yi vifá ve ví wíy a fəə fəə́n fó nsay.
13«Wíy lóo dzə e kiya kee shó, kirə́ʼ kidzə̀m ke vé‑eè fiìnèn, á kù siìr e ŋgaà kirə̀ʼ. 14Kí nén a dzə jii, wìr lóo fiìnè kirə́ʼ e fər və, kìn wù yún yunén, lá kinshwìv ki yòʼ a dzə fo mvəm. 15Á kù wíy a sìysì káv a dzə̀ mo viyá vi dzəə́ bérí fo Kiya ke Nsiìr Vifa, à mo a dzə̀ vifá ve yi vi fəə̀ fó fo. 16A lò a dzə, a viyá vi dzəə́ bér vinín, bo kávi kúyí, ví wáa ber vishàr, bo kávi sə́yí, bìʼ fo á yún a dzə̀ vifá ve dzə̀ súmé fə̀ə́r. 17Lá wìr Isray yòʼ bòʼ wùmòʼ woo wír. Vèn kú a dzə, a fàn a dzə̀ Nyùy Tàr woo Nyùy won. Dzə̀ mo Nyùy Tàr woo Nyùy won.
Nyùy wíy a fo vifá ve yi e saàmbà kiya
18«Kí nén a dzə jii, vèn yú sáʼ yémé, a jùmrì ntò sém sé vinyò si, a yiì mo sí dzəə̀n, é vèn yiì a dzə e nsay akiŋsìn. 19Vèn wíy a dzə fo là kindzə́m, é nsay wáa fəə́r vifá ve yi, é vèn wáa yi, a kur, é ví wáa tsəə̀tìn.
20«Yii bèy, a tàm wìr lò, a moònìn ji á sà wíy a yi ka é saàmbà kiya, a bó á yòʼ wáy kifá, a bó á yòʼ káví a? 21Vèn kiíy jii, m kù wíy a waŋ kisəəvì kém é nsay mo kiyá ki meen ji ntuùfú, é nsay fíʼ a fəə́r vifá ve yi ve ví wáa dzə vigheénín ve a dzə̀ ví lì viyá vitaár. 22Vèn wíy a way vifá e kiya ke kí meen ji waamé, aá kù dzəə́ yí ve vé‑eè kavin é kiya kee ntuùfú, a ví kù wíy a dzə nyanyày, e meé mo á wíy a kav ve á wayin.
Mo á wíy a siìr kirə́ʼ ke yunén kí
23«Lá vèn yòʼ wìy a fiìnè nsay ŋkuuŋkùŋ, bìʼ fo yòʼ kér ven. Kér mo, a vèn dzə̀ viŋgwìy mo m lèmèn ji vèn wáa dzə sho. 24Á fiinè kirə́ʼ, a fə̀m dzə̀ feé e věn nsay, á kfə̀n wìy tìn é bàm.
25«A fər wìr lò, a dzə e kitàn, e fiìnè kirə́ʼ kfə́ kímóʼ kí, bo a dzə̀ wir kfəə woo fó mentsə̀m, wù tìn. 26Wìr wáa dzə là ŋgaà tin, e yiì lò, e kùʼ, e kòóy dzə́ə yée tin sho, 27bo á biʼ káv viya ve ŋgaà yun‑eè lìmèn, e kèʼ mo wù‑uù yunen, aá fə́tí ŋgaà wo vé‑eè fiìnèn shó, é kirə́ʼ kí kfə́n e ŋgaà kirə̀ʼ. 28Yii bèy, ŋgaà fiìnè wáa dzə, a bó wù yòʼ kér mbàm sée tin kirə́ʼ shó e bàm, bo kí kù goʼ e ŋgaà yun, e meé e Kiya ke Nsiìr Vifa. Lóo dzə e kiya foo fèy, aá maʼti kirə́ʼ kee shooy, é kí kfə́n e ŋgaà kirə̀ʼ.
29«A wìr lò, e fiìnè lav kishìíy, a yì dzə̀ é mvə̀m kày yeé ŋkàlaʼ, bo wù kér ghay kiyá kifur wóo tin, e kèʼ fo kishiíy ke wù‑uù fiìnèn. 30A yì dzə̀ là tín e bǎm kiya, bo ŋgaà fiìnè yòʼ dzəə́ wìy a ker ghay wóo tin sho. Bo lav kù sì ye ŋgaà yun wùn à rám rəə́ ŋkuuŋkùŋ. Bó yòʼ dzə̀ á dzəə siìr e Kiya ke Nsiìr Vifa. 31Yii bèy, a dzə̀ lav e ntèʼ yee là kay ye yí kaarin, bo lav yee shooy dzə̀ moo kifá keé kwaʼ bèy. A dzə̀ á tìn. A kí fə̀m bùŋ fó bèy, á kù wìy siìr e Kiya ke Nsiìr Vifa.
32«A ké wìr veé ram Levi ki dzə̀ kfə́ jii, áwune kù wíy a ker ghay ghán sidzə̀m wó a tin lav sév é ŋkà se laʼ se vé‑eè foon aáwune. 33Kí wáa dzə jii, a wìr woó ram Levi dzə̀, e làa yòʼ tin lav ye wù‑uù fiìnèn é mvə̀m ŋkàlaʼ fo dzəə̀n vitsə́ʼ vév, bo á kù wíy siìr e wun e Kiya ke Nsiìr Vifa, bìʼ fo lav se sí dzəə̀n e wír veé ram Levìí ŋkà se laʼ si dzə̀ vitsə́ʼ vév e wír veé Israyí mvəm. 34Yii bèy, fo ké kwaʼ sév sí, seé ghaŋ se ŋkàlaʼ, a dzə̀ la á yòʼ fiìnè, bìʼ fo dzəə̀n vitsə́ʼ vee ŋkuuŋkùŋ.
Mbàm see foòr ŋgaà kitàn sho
35«A wìr Isray wùmòʼ lò, a dzə e kitàn, ye bó yòʼ dzə̀ wù sə̀ kitú kfə́, bo wò wo à dzəə̀n fó ghaŋ yíi a tom wun, a geʼ sho mo kì dzə̀ à lèéy fo kiŋgwìy ki, kìn beèshaà, é wù nèn yù fó a dzə e věn mvəm. 36Lá wìr yòʼ a sə séʼ fo ŋgaàŋ, kìn vidzəsì. Vèn wáa dzə, a fàn Nyùy won, é ghéʼncey fiʼ yù fó a dzə e věn mvəm. 37Lá wìr yòʼ foòr wun mbàm, e wày séʼ, kìn ji wù fiine vifá ve yi sho e kilùm. 38Dzə̀ mo Nyùy Tàr woo Nyùy won wo wù‑uù fəərin ven fó vikwàn fó wòŋ Ejiv, ji m fó woŋ Kanan e vèn, a dzə ji Nyùy won.
Fəə́r yee fó vikwàn
39«A wìr won lò, a dzə e kitàn, e fiìnè kitú kfə́ e wò, lá à yòʼ lì ji wù wáa lìm moo kwàn. 40Yii bèy, ku lì, é wù wáa dzə vèn wun moo ŋgaà kilàʼ, kìn moo beèshaà. Wù kú a lìm vèn wun bèy, e meé mo Kiyá ke Nsiìr Vifa ki wíy wìy. 41Lóo dzə e ghan fóo fèy, é wùn à wón vəə́ nèn lò, e kfə̀n é bàm aáwuné kfəə, e nə̀ə́ aàtàr véví keŋ. 42Bìʼ fo kér mo wír veé Isray mo mò‑oò fəərin fó wòŋ Ejiv, a bó yòʼ dzə̀ á fiìnè áwune ji akwàn. 43Lá wìr yòʼ lì wír fo áwune, a nə̀ʼsì moo kwàn. Á bèy, vèn kú a dzə, a fàn Nyùy won. 44A dzə̀ ji vèn wáa ker akwàn vee vilum wùn à vee vikìyí, vèn wàa yun fo vitúm ve ví kaarin ven ví. 45A kfə̀n dzə̀ sá vèn wàa yun vitúm ve ví dzə́ e věn mvəm. A dzə̀ vèn wàa yun wón ve áwune dzəən é věn nsay, aáwune nèn a dzə wír vén kibàm. 46A kfə̀n dzə̀ vèn wìy a tumér áwune e wón véné ji vitsə́ʼ vév ŋkuuŋkùŋ, aá kú a ker ji akwàn, e wìy dù, e mày. Yii bèy, fo ké afə̀r vén vee wón Isray ki, lá wìr yòʼ a nə̀ʼsì wùmòʼ.
47«A wìr kitum wo vèn áwune dzə́, kìn dzə̀ beèshaà, wù lo, a ker mbàm, fər won wùmòʼ wáa tàn kitan, e fiìnè kitú kfə́ shó ji kwàn, kìn dzə̀ e wìr woo wír vìné kfəə, 48wù fiine bey, bo wù kér ghay wo dzə̀ á tìn wun e bàm. A dzə̀ fə̀r wùmòʼ tìn wun. 49Kìn dzə̀ fər tàr wov, kìn wan fər tàr wov, kìn dzə̀ wir kfəə woo fó mentsə̀m, bo dzə̀ wù tìn. Á bèy, kìn wù lò, e kòóy mbàm, bo a dzə̀ wù tìn kitú kfə́. 50Wù yíi yen wír wo wù‑uù yunen wun, é wùn wun táŋ viyá vee kèʼ fó ghan se wù‑uù fiìnèn kitú kfə́, e dù, e meé e Kiya ke Nsiìr Vifa, aá siysi káv mo á yii laʼ wir lìm, e làʼ viyá vee shooy vidzə̀m ve ví dzəə́ bérí. 51A viyá vi dzəə́ bér vinín, bo wù laʼ viyá ve ví bér vidzə̀m mo ví dzəə̀n. 52Viyá vi wáa ber vishàr, é bo Kiyá ke Nsiìr Vifa ki gheén, wù yiì nsìysì, e siìr mbàm fo viya ve ví bérí, e bóo tin kitú kfə́. 53Ké wìr kitum wo wù kér wun ki dzə̀ ji wù kú a ker wun moo ŋgaà lìm wo wù laʼ e kitu ke kiya. Vèn wáa yen fo wìr kitum wáa ker fə́r won, a nə̀ʼsì. 54A dzə̀ fó dzəə sí fen, la wù yòʼ tìn kitú kfə́, bo wùn à wón vəə́ wíy bòy e Kiya ke Nsiìr Vifa. 55A kí dzə̀ bey, bìʼ fo kér mo wír veé Isray mo mò‑oò fəərin áwune fó wòŋ Ejiv. Dzə̀ mo Nyùy Tàr woo Nyùy won.»
Currently Selected:
Cù 25: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Cù 25
25
Nsər see kùm saàmbà kiya
(Remrí 15.1‑11)
1Yì‑iì dzə̀ é ghan se Mooser‑iì dzəə̀n é Gwan Sinay, Nyùy Tàr yòŋ wun, 2e fò sáʼ ye wù tiísí e wír veé Israyi, a yí dzə̀ jii, «Vèn wíy nəə e nsay ye m fó e vèn, kiyá ki lóo meé ji saàmbà, vèn màʼtì nsay, é yì meeme, é wáa dzə ghvə́m ye á ghvə́m Nyùy Tàr. 3Vèn wíy a lìm súm kiyá ntuùfú, a way vifá, a naŋsín vitiír vé *vayin, a kav vifá fo sum. 4Yii bèy, kiyá ki lóo meé ji saàmbà, vèn wàa kwiír súm sí, é sí wáa bonén, a meèmè. Dzə̀ kiyá ke Nyùy Tàr ké bam. Lá wìr wày kifá e sum. Lá wìr yòʼ nàŋsín vitiír vé vayin ve vèn limè. 5Vifá ve ví wíy a fəə fəə́n e wúné, lá ŋgaà sùm yòʼ dù ji wun ku kàv fo wun sum. Lá wù yòʼ kòy sa báŋ se vitiír vé vayin ve ví fəən e wúné mo á màʼtìn là náŋsín. Dzə̀ kiyá ke á maʼtì nsay, é yì bónén, e kfə̀nsí kijuŋ. 6Fə̀m mo á wíy kwiír súm sí, e làa yòʼ lìm e kiya fèn, nsay kù wíy a fəə́r viyíkìr ve a dzə̀ vèn wàa yi vèn aàkwàn vén vee vilume, à vee vikìyí, à wír ve á lim fo vèné, à viŋgwìy ve ví dzə́ vèn áwune ví. 7Kù dzə̀ sá mo súm sin si wíy a fəə́r viyíkìr ve nyàm sén, à vé nyàm seé kwaʼ se sí dzəə̀n e věn nsay si.
Kiyá ke Nsiìr Vifa
8«Vèn wíy a taŋ viyá saàmbà kàŋ saàmbà, é wáa dzə kiyá nshòv bvə̀ʼə̀ e mkweè. 9Kiyá ki kúmerì, lóo dzə e ŋwee woo saàmbà, e kishiíy ke kí meen ji ghvə̀m, ke dzəə̀n Kishiíy ké Kiman,#25.9: Leéy: 23.26‑32. aá túm wíri, aá tóŋ sóŋ, é yí ghánén nsay yen e dzə̀m. 10Á kù tóŋ bèy ji á shòʼ ne a kiyá ke kí meen ji mtàn kìn jeéy, e fo sáʼ ji wìr dzə̀m woó wòŋ sí kfə́n a e ghày wo yì‑iì dzəə̀n və́. Wíy a dzə *Kiyá ke Nsiìr Vifa, a nsay wíy a kfən e wìr wo wù‑uù fiìnèn, kìn e kfə́ə rəə́, é kwàné fəə́, a kfən e wír vəə́. 11Vèn kù wíy a lèm kiyá kee mtàn kìn ji Ké Nsiìr Vifa. Lá vèn yòʼ wày vifá e věn sum sí é kiya foo fèy. Lá ŋgaà sùm yòʼ kàv vifá ve ví fəən fəə́n e wun sum. Lá wù yòʼ kòy sa báŋ se vitiír vé vayin ve ví fəən e wúné mo à màʼtìn là náŋsín. 12Kiyá kìn ki wíy a dzə kee jeéy kí fo vèn, ke wír adzə̀me kù wíy a yi vifá ve ví wíy a fəə fəə́n fó nsay.
13«Wíy lóo dzə e kiya kee shó, kirə́ʼ kidzə̀m ke vé‑eè fiìnèn, á kù siìr e ŋgaà kirə̀ʼ. 14Kí nén a dzə jii, wìr lóo fiìnè kirə́ʼ e fər və, kìn wù yún yunén, lá kinshwìv ki yòʼ a dzə fo mvəm. 15Á kù wíy a sìysì káv a dzə̀ mo viyá vi dzəə́ bérí fo Kiya ke Nsiìr Vifa, à mo a dzə̀ vifá ve yi vi fəə̀ fó fo. 16A lò a dzə, a viyá vi dzəə́ bér vinín, bo kávi kúyí, ví wáa ber vishàr, bo kávi sə́yí, bìʼ fo á yún a dzə̀ vifá ve dzə̀ súmé fə̀ə́r. 17Lá wìr Isray yòʼ bòʼ wùmòʼ woo wír. Vèn kú a dzə, a fàn a dzə̀ Nyùy Tàr woo Nyùy won. Dzə̀ mo Nyùy Tàr woo Nyùy won.
Nyùy wíy a fo vifá ve yi e saàmbà kiya
18«Kí nén a dzə jii, vèn yú sáʼ yémé, a jùmrì ntò sém sé vinyò si, a yiì mo sí dzəə̀n, é vèn yiì a dzə e nsay akiŋsìn. 19Vèn wíy a dzə fo là kindzə́m, é nsay wáa fəə́r vifá ve yi, é vèn wáa yi, a kur, é ví wáa tsəə̀tìn.
20«Yii bèy, a tàm wìr lò, a moònìn ji á sà wíy a yi ka é saàmbà kiya, a bó á yòʼ wáy kifá, a bó á yòʼ káví a? 21Vèn kiíy jii, m kù wíy a waŋ kisəəvì kém é nsay mo kiyá ki meen ji ntuùfú, é nsay fíʼ a fəə́r vifá ve yi ve ví wáa dzə vigheénín ve a dzə̀ ví lì viyá vitaár. 22Vèn wíy a way vifá e kiya ke kí meen ji waamé, aá kù dzəə́ yí ve vé‑eè kavin é kiya kee ntuùfú, a ví kù wíy a dzə nyanyày, e meé mo á wíy a kav ve á wayin.
Mo á wíy a siìr kirə́ʼ ke yunén kí
23«Lá vèn yòʼ wìy a fiìnè nsay ŋkuuŋkùŋ, bìʼ fo yòʼ kér ven. Kér mo, a vèn dzə̀ viŋgwìy mo m lèmèn ji vèn wáa dzə sho. 24Á fiinè kirə́ʼ, a fə̀m dzə̀ feé e věn nsay, á kfə̀n wìy tìn é bàm.
25«A fər wìr lò, a dzə e kitàn, e fiìnè kirə́ʼ kfə́ kímóʼ kí, bo a dzə̀ wir kfəə woo fó mentsə̀m, wù tìn. 26Wìr wáa dzə là ŋgaà tin, e yiì lò, e kùʼ, e kòóy dzə́ə yée tin sho, 27bo á biʼ káv viya ve ŋgaà yun‑eè lìmèn, e kèʼ mo wù‑uù yunen, aá fə́tí ŋgaà wo vé‑eè fiìnèn shó, é kirə́ʼ kí kfə́n e ŋgaà kirə̀ʼ. 28Yii bèy, ŋgaà fiìnè wáa dzə, a bó wù yòʼ kér mbàm sée tin kirə́ʼ shó e bàm, bo kí kù goʼ e ŋgaà yun, e meé e Kiya ke Nsiìr Vifa. Lóo dzə e kiya foo fèy, aá maʼti kirə́ʼ kee shooy, é kí kfə́n e ŋgaà kirə̀ʼ.
29«A wìr lò, e fiìnè lav kishìíy, a yì dzə̀ é mvə̀m kày yeé ŋkàlaʼ, bo wù kér ghay kiyá kifur wóo tin, e kèʼ fo kishiíy ke wù‑uù fiìnèn. 30A yì dzə̀ là tín e bǎm kiya, bo ŋgaà fiìnè yòʼ dzəə́ wìy a ker ghay wóo tin sho. Bo lav kù sì ye ŋgaà yun wùn à rám rəə́ ŋkuuŋkùŋ. Bó yòʼ dzə̀ á dzəə siìr e Kiya ke Nsiìr Vifa. 31Yii bèy, a dzə̀ lav e ntèʼ yee là kay ye yí kaarin, bo lav yee shooy dzə̀ moo kifá keé kwaʼ bèy. A dzə̀ á tìn. A kí fə̀m bùŋ fó bèy, á kù wìy siìr e Kiya ke Nsiìr Vifa.
32«A ké wìr veé ram Levi ki dzə̀ kfə́ jii, áwune kù wíy a ker ghay ghán sidzə̀m wó a tin lav sév é ŋkà se laʼ se vé‑eè foon aáwune. 33Kí wáa dzə jii, a wìr woó ram Levi dzə̀, e làa yòʼ tin lav ye wù‑uù fiìnèn é mvə̀m ŋkàlaʼ fo dzəə̀n vitsə́ʼ vév, bo á kù wíy siìr e wun e Kiya ke Nsiìr Vifa, bìʼ fo lav se sí dzəə̀n e wír veé ram Levìí ŋkà se laʼ si dzə̀ vitsə́ʼ vév e wír veé Israyí mvəm. 34Yii bèy, fo ké kwaʼ sév sí, seé ghaŋ se ŋkàlaʼ, a dzə̀ la á yòʼ fiìnè, bìʼ fo dzəə̀n vitsə́ʼ vee ŋkuuŋkùŋ.
Mbàm see foòr ŋgaà kitàn sho
35«A wìr Isray wùmòʼ lò, a dzə e kitàn, ye bó yòʼ dzə̀ wù sə̀ kitú kfə́, bo wò wo à dzəə̀n fó ghaŋ yíi a tom wun, a geʼ sho mo kì dzə̀ à lèéy fo kiŋgwìy ki, kìn beèshaà, é wù nèn yù fó a dzə e věn mvəm. 36Lá wìr yòʼ a sə séʼ fo ŋgaàŋ, kìn vidzəsì. Vèn wáa dzə, a fàn Nyùy won, é ghéʼncey fiʼ yù fó a dzə e věn mvəm. 37Lá wìr yòʼ foòr wun mbàm, e wày séʼ, kìn ji wù fiine vifá ve yi sho e kilùm. 38Dzə̀ mo Nyùy Tàr woo Nyùy won wo wù‑uù fəərin ven fó vikwàn fó wòŋ Ejiv, ji m fó woŋ Kanan e vèn, a dzə ji Nyùy won.
Fəə́r yee fó vikwàn
39«A wìr won lò, a dzə e kitàn, e fiìnè kitú kfə́ e wò, lá à yòʼ lì ji wù wáa lìm moo kwàn. 40Yii bèy, ku lì, é wù wáa dzə vèn wun moo ŋgaà kilàʼ, kìn moo beèshaà. Wù kú a lìm vèn wun bèy, e meé mo Kiyá ke Nsiìr Vifa ki wíy wìy. 41Lóo dzə e ghan fóo fèy, é wùn à wón vəə́ nèn lò, e kfə̀n é bàm aáwuné kfəə, e nə̀ə́ aàtàr véví keŋ. 42Bìʼ fo kér mo wír veé Isray mo mò‑oò fəərin fó wòŋ Ejiv, a bó yòʼ dzə̀ á fiìnè áwune ji akwàn. 43Lá wìr yòʼ lì wír fo áwune, a nə̀ʼsì moo kwàn. Á bèy, vèn kú a dzə, a fàn Nyùy won. 44A dzə̀ ji vèn wáa ker akwàn vee vilum wùn à vee vikìyí, vèn wàa yun fo vitúm ve ví kaarin ven ví. 45A kfə̀n dzə̀ sá vèn wàa yun vitúm ve ví dzə́ e věn mvəm. A dzə̀ vèn wàa yun wón ve áwune dzəən é věn nsay, aáwune nèn a dzə wír vén kibàm. 46A kfə̀n dzə̀ vèn wìy a tumér áwune e wón véné ji vitsə́ʼ vév ŋkuuŋkùŋ, aá kú a ker ji akwàn, e wìy dù, e mày. Yii bèy, fo ké afə̀r vén vee wón Isray ki, lá wìr yòʼ a nə̀ʼsì wùmòʼ.
47«A wìr kitum wo vèn áwune dzə́, kìn dzə̀ beèshaà, wù lo, a ker mbàm, fər won wùmòʼ wáa tàn kitan, e fiìnè kitú kfə́ shó ji kwàn, kìn dzə̀ e wìr woo wír vìné kfəə, 48wù fiine bey, bo wù kér ghay wo dzə̀ á tìn wun e bàm. A dzə̀ fə̀r wùmòʼ tìn wun. 49Kìn dzə̀ fər tàr wov, kìn wan fər tàr wov, kìn dzə̀ wir kfəə woo fó mentsə̀m, bo dzə̀ wù tìn. Á bèy, kìn wù lò, e kòóy mbàm, bo a dzə̀ wù tìn kitú kfə́. 50Wù yíi yen wír wo wù‑uù yunen wun, é wùn wun táŋ viyá vee kèʼ fó ghan se wù‑uù fiìnèn kitú kfə́, e dù, e meé e Kiya ke Nsiìr Vifa, aá siysi káv mo á yii laʼ wir lìm, e làʼ viyá vee shooy vidzə̀m ve ví dzəə́ bérí. 51A viyá vi dzəə́ bér vinín, bo wù laʼ viyá ve ví bér vidzə̀m mo ví dzəə̀n. 52Viyá vi wáa ber vishàr, é bo Kiyá ke Nsiìr Vifa ki gheén, wù yiì nsìysì, e siìr mbàm fo viya ve ví bérí, e bóo tin kitú kfə́. 53Ké wìr kitum wo wù kér wun ki dzə̀ ji wù kú a ker wun moo ŋgaà lìm wo wù laʼ e kitu ke kiya. Vèn wáa yen fo wìr kitum wáa ker fə́r won, a nə̀ʼsì. 54A dzə̀ fó dzəə sí fen, la wù yòʼ tìn kitú kfə́, bo wùn à wón vəə́ wíy bòy e Kiya ke Nsiìr Vifa. 55A kí dzə̀ bey, bìʼ fo kér mo wír veé Isray mo mò‑oò fəərin áwune fó wòŋ Ejiv. Dzə̀ mo Nyùy Tàr woo Nyùy won.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL