Kèʼlo 6:1-4
Kèʼlo 6:1-4 LNB
Mo wìr‑iì kèʼèn, a kùʼ e kitu ke nsay, á nèn a dzəə́ sa wón vee vikìy anín. Wón Nyùy ámóʼó yén, a wón wíri vee vikìyí bóŋkír é ŋàŋ, yén ve á toon sí yév, á kù nèn a lì liìn ji vikìy vév. NYùY TàR nèn sùúy jii, «Bó m yòʼ wíy màʼtì wír, é wù shaari gheéy, wù dzə̀ ben, a wù kér fóo wìy kpu. Kèʼ fo lèn, wù yòʼ dzəə́ wìy dzə̀ʼə̀m, e shaà kiyá kishóv mbaà é wiì (120).» Yì‑iì dzə̀ é ghan fóo fèy, e dù, e meé e ghan símóʼ sí, a viŋgáʼ ve wíri ví dzə̀ é kitu ke nsay, a dzə̀ rám ye wón Nyùy vìyi‑iì dzəən wùn à vikìy ve yì‑iì dzəə̀n wón wíri. Kù dzə̀ wír vìn ve yì‑iì dzəə̀n antav vee fó ŋgùʼ, ve wíri rə́si fer vimfèr vév.
Bible App
Bible App for Kids
