Fəə 9
9
Kpú nyàm se maʼtìn sí
1 Nyùy Tàr nèn sùúy e Mooser jii, «Du, e yèn Farao, e sùúy sho ji Nyùy Tàr woo Nyùy wìr vee Hibru suuy a jii, ‹Màʼtì wír vémé, aá du, e fíʼ cù mo. 2Aà tèn, a ker áwune, e làa yòʼ màʼtì ji á du, 3bo Nyùy Tàr yíi màʼ yàsí wo tavín e nyám sé se sí dzəə̀n é kwaʼ si, nyám se ŋkoʼ wùn à vimbèʼbìy ví, aàkameri, à nàʼ, à bvə́y si. 4Nyùy Tàr yíi dìn jeéyjeéy fo nyám se wìr veé Isray wùn à sé wìr veé Ejiv si, é la nyàm wìr woó Isray yòʼ kpù fə̀m e mòʼón.› »
5 Nyùy Tàr nèn sìysì ghán, e sùúy jii, «Mo woo Nyùy Tàr bvəə́shi e yiì kinyo kìn e nsay fèn kibvəə́shí.» 6Yì bvəə́shí e ràn, Nyùy Tàr yiì kinyo kìy. Wù‑uù yiì, nyám se wìr veé Ejiv si kpú sidzə̀m, yii bèy, fo nyám se wìr veé Isray si, bó ye mòʼón yòʼ fə̀m‑eè lo kpù. 7Farao túm wíri, á dù, e lèéy, e yèn a bó nyàm yoʼ kpù fó mvə̀m nyàm se wìr veé Isray. Yii bèy, Farao ku tàv kitú, e làa yòʼ màʼtì wíri ji á du.
Virom ve vinto
8 Nyùy Tàr suúy e Mooser wùn Aaron jii, «Vèn ŋeʼ kibvə́ ki fó kiy, é kí rún wó yén, é Mooser maʼ é yuv e Farao si. 9Kí yíi dzəʼ, e gbù woŋ Ejiv e dzə̀m moo kibvər ke kpuún kí bey. Kí yíi yiì, é wíri wùn à nyám si wáa ker vinto ve ví yíi bìnkìr e vivav.» 10Áwune nèn ŋèʼ kibvə́ fo kiy, e dù, e tìím e Farao si. Mooser wáŋ kibvə́ kìy e yuv, kí yiì, vinto vi wáa to wíri wùn à nyám si, a bìnkìr e vivav. 11Bó yòʼ‑oò dzə̀ vé səme kfə̀n yù fó tiím e Mooser si, bìʼ vinto ve ví‑iì toon áwune réŋréŋ mo ví‑iì toon wír veé Ejiv adzə̀m. 12Nyùy Tàr kfən yiì, Farao kú a táv kitú, e làa yòʼ yu Mooser wùn Aaron, kù mo Nyùy‑iì suuyin ne e Mooser.
Virom ve mentiy
13 Nyùy Tàr nèn yiì sùúy e Mooser jii, «Lò é yuv kijàvndzə kijàvndzə, e dù yèn Farao, e sùúy sho ji Nyùy Tàr woo Nyùy wìr vee Hibru suuy a jii, ‹Màʼtì wír vémé, aá du, e fíʼ cù mo. 14Ku kìíy ji lèn və̀n, m lo, e màʼ ŋgeʼ sém sidzə̀m sa e ké kee kitú ki mo m maʼ e vé saʼ vée kitu, e kfə̀n màʼ e wìr dzə̀m kitu, áà nèn kìíy ji nyùy wùmòʼ yòʼ kfə̀n dzə̀ á sho moo mo é kitu ke nsay. 15A dzə̀ ji m kì nàn ne kiwó kém ji m maʼ ŋgeʼ ye tavín e vèn à wír vée kitu, bo m kì laàr ne ven fó kitu ke nsay. 16Yii bèy, e fíʼ dìn vitaáví vém e wò, e kfə̀n yiì, aá samer yír yém kitú ke nsay kidzə̀m, m nen màʼtì wò, à wáa dzə sho e tin. 17À kù dzəə́ kóʼor wún wó, jívir wír vém, e làa yòʼ màʼtì áwune ji á wáa dù. 18Á bèy, bvəə́shi lòo dzə e ghan sin kibvəə́shí, é m yii, é mentíy mè gbu é Ejiv, me mè yòʼ‑oò yiì ne gbù, e kèʼ mo woŋ woo shoone‑eè kèʼèn, e wìy meé lán. 19Kí nén a dzə jii, fó sáʼa lèn, aá tsəʼ kifá ké kidzə̀m fo kwaʼ, à nyám si, à wíri, e wìy sho e laʼ, bìʼ fo mentíy mè yíi keèsì fo yuv, é wíri wùn à nyám se sí dzəə̀n é kwaʼ si kpúkír.› » 20Vé saʼ Farao ámóʼó ve vé‑eè yuun ntum Nyùy Tàr rə̀n, a fàne nèn bàʼtí akwàn vév wùn à nyám sév sí, e wìy sho e laʼ. 21Ve vé‑eè ŋwayin ntum Nyùy Tàrí nèn màʼtì vév vee akwàn wùn à nyám sév sí é kwaʼ.
22 Nyùy Tàr nèn sùúy e Mooser jii, «Nàn kiwó ké ki é yuv, é mentíy mè gbu woŋ Ejiv e dzə̀m, e gbù e wíri wùn à nyám sí kitu, e kfə̀n saà vifá vidzə̀m ve ví teʼ e kwaʼ e wòŋ Ejiv.» 23Mooser nàn mbàŋ rə é yuv, Nyùy Tàr tsə́nsí kishèv wùn à mentíy mè, kishèv ki wáa ŋwàŋ, a baykír, a to e nsay, mentíy mè wáa keèsì e wòŋ Ejiv. 24Mentíy mè‑eè shuʼùyì, a kishèv ki bavkìr fó fó. Yì‑iì dzə̀ kfə́ə mentiy me ghaʼán mè, me mè yòʼ‑oò yiì ne a dzə e Ejiv, e kèʼ mo fóo‑oò kèʼèn a dzə ji kitúm. 25Mentíy mè‑eè bvə̀ʼə́y kifá kidzə̀m ke kí‑iì dzəə̀n é kwaʼ e wòŋ Ejiv, wíri wùn à nyám si teèm, viŋgà ví foósí, vicí ví kérkír. 26Kù‑uù jòʼsì nsay Goshen fo wír veé Israyi‑iì dzəə̀n fo mentíy mè yòʼ‑oò lo gbù.
27Farao nèn tòóy Mooser wùn Aaron, e sùúy aáwune jii, «Kee lèn və̀n ki, m jày ne. Nyùy Tàr yoʼ jày, jay dzə̀ a dzə̀ e vèr à wír vémé. 28Ku lòn Nyùy Tàr, bìʼ fo kishèv wùn à mentíy me biibí mèn mè siìn é ŋàŋ. M lo, e màʼtì ven, é vèn wáa dù, vèn yòʼ kfə̀n dzəə́ goʼ fèn.»
29Mooser suúy jii, «Kù mo m yíi a fəə fo mvə̀mlaʼ, m nan wó yém é yuv, e bùnrì Nyùy Tàr. Kishèv ki yíi yàr, mentíy mè yíi mày, é Fòn fiʼ kìíy ji kér a Nyùy Tàr kitú ke nsay. 30Yii bèy, a m kì ji Fòn wùn aàtǎr saʼ vəə́ yòʼ sí fan a Nyùy Tàr, wun woo Nyùy.»
31Farao wáa lon bèy, a mentíy mèy mè‑eè gbù bey, e bìvír làvnte wùn à kfə́ə saŋ ye á yoŋ ji *barlìi, bìʼ fo làv‑iì boon ne, sáŋé kèʼ a wayrí. 32Mè yòʼ‑oò lo bìvír kfəə́ se saŋ seé liì *wit, bìʼ fo sí yii ndzəy fó a wayrí.
33Mooser màʼtì Farao, e fəə̀ fó mvə̀mlaʼ, e nàn wó rə́ é yuv, e lòn Nyùy Tàr, kishèv wùn à mentíy mè mày, wuú tín. 34Mo Farao yenen ji wuú wùn à mentíy mè, à kishèv ki mày a ne, wù nèn kù a jay vinyo jáyín, wùn aàtǎr saʼ vəə́ kú a tav a dzə̀ kitú, 35e làa yòʼ màʼtì wír veé Isray, aá du. Farao ku nèn yiì réŋréŋ mo Nyùy Tàr‑iì suuyin e Mooser ji á mo wù waà yíi yiì.
Currently Selected:
Fəə 9: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Fəə 9
9
Kpú nyàm se maʼtìn sí
1 Nyùy Tàr nèn sùúy e Mooser jii, «Du, e yèn Farao, e sùúy sho ji Nyùy Tàr woo Nyùy wìr vee Hibru suuy a jii, ‹Màʼtì wír vémé, aá du, e fíʼ cù mo. 2Aà tèn, a ker áwune, e làa yòʼ màʼtì ji á du, 3bo Nyùy Tàr yíi màʼ yàsí wo tavín e nyám sé se sí dzəə̀n é kwaʼ si, nyám se ŋkoʼ wùn à vimbèʼbìy ví, aàkameri, à nàʼ, à bvə́y si. 4Nyùy Tàr yíi dìn jeéyjeéy fo nyám se wìr veé Isray wùn à sé wìr veé Ejiv si, é la nyàm wìr woó Isray yòʼ kpù fə̀m e mòʼón.› »
5 Nyùy Tàr nèn sìysì ghán, e sùúy jii, «Mo woo Nyùy Tàr bvəə́shi e yiì kinyo kìn e nsay fèn kibvəə́shí.» 6Yì bvəə́shí e ràn, Nyùy Tàr yiì kinyo kìy. Wù‑uù yiì, nyám se wìr veé Ejiv si kpú sidzə̀m, yii bèy, fo nyám se wìr veé Isray si, bó ye mòʼón yòʼ fə̀m‑eè lo kpù. 7Farao túm wíri, á dù, e lèéy, e yèn a bó nyàm yoʼ kpù fó mvə̀m nyàm se wìr veé Isray. Yii bèy, Farao ku tàv kitú, e làa yòʼ màʼtì wíri ji á du.
Virom ve vinto
8 Nyùy Tàr suúy e Mooser wùn Aaron jii, «Vèn ŋeʼ kibvə́ ki fó kiy, é kí rún wó yén, é Mooser maʼ é yuv e Farao si. 9Kí yíi dzəʼ, e gbù woŋ Ejiv e dzə̀m moo kibvər ke kpuún kí bey. Kí yíi yiì, é wíri wùn à nyám si wáa ker vinto ve ví yíi bìnkìr e vivav.» 10Áwune nèn ŋèʼ kibvə́ fo kiy, e dù, e tìím e Farao si. Mooser wáŋ kibvə́ kìy e yuv, kí yiì, vinto vi wáa to wíri wùn à nyám si, a bìnkìr e vivav. 11Bó yòʼ‑oò dzə̀ vé səme kfə̀n yù fó tiím e Mooser si, bìʼ vinto ve ví‑iì toon áwune réŋréŋ mo ví‑iì toon wír veé Ejiv adzə̀m. 12Nyùy Tàr kfən yiì, Farao kú a táv kitú, e làa yòʼ yu Mooser wùn Aaron, kù mo Nyùy‑iì suuyin ne e Mooser.
Virom ve mentiy
13 Nyùy Tàr nèn yiì sùúy e Mooser jii, «Lò é yuv kijàvndzə kijàvndzə, e dù yèn Farao, e sùúy sho ji Nyùy Tàr woo Nyùy wìr vee Hibru suuy a jii, ‹Màʼtì wír vémé, aá du, e fíʼ cù mo. 14Ku kìíy ji lèn və̀n, m lo, e màʼ ŋgeʼ sém sidzə̀m sa e ké kee kitú ki mo m maʼ e vé saʼ vée kitu, e kfə̀n màʼ e wìr dzə̀m kitu, áà nèn kìíy ji nyùy wùmòʼ yòʼ kfə̀n dzə̀ á sho moo mo é kitu ke nsay. 15A dzə̀ ji m kì nàn ne kiwó kém ji m maʼ ŋgeʼ ye tavín e vèn à wír vée kitu, bo m kì laàr ne ven fó kitu ke nsay. 16Yii bèy, e fíʼ dìn vitaáví vém e wò, e kfə̀n yiì, aá samer yír yém kitú ke nsay kidzə̀m, m nen màʼtì wò, à wáa dzə sho e tin. 17À kù dzəə́ kóʼor wún wó, jívir wír vém, e làa yòʼ màʼtì áwune ji á wáa dù. 18Á bèy, bvəə́shi lòo dzə e ghan sin kibvəə́shí, é m yii, é mentíy mè gbu é Ejiv, me mè yòʼ‑oò yiì ne gbù, e kèʼ mo woŋ woo shoone‑eè kèʼèn, e wìy meé lán. 19Kí nén a dzə jii, fó sáʼa lèn, aá tsəʼ kifá ké kidzə̀m fo kwaʼ, à nyám si, à wíri, e wìy sho e laʼ, bìʼ fo mentíy mè yíi keèsì fo yuv, é wíri wùn à nyám se sí dzəə̀n é kwaʼ si kpúkír.› » 20Vé saʼ Farao ámóʼó ve vé‑eè yuun ntum Nyùy Tàr rə̀n, a fàne nèn bàʼtí akwàn vév wùn à nyám sév sí, e wìy sho e laʼ. 21Ve vé‑eè ŋwayin ntum Nyùy Tàrí nèn màʼtì vév vee akwàn wùn à nyám sév sí é kwaʼ.
22 Nyùy Tàr nèn sùúy e Mooser jii, «Nàn kiwó ké ki é yuv, é mentíy mè gbu woŋ Ejiv e dzə̀m, e gbù e wíri wùn à nyám sí kitu, e kfə̀n saà vifá vidzə̀m ve ví teʼ e kwaʼ e wòŋ Ejiv.» 23Mooser nàn mbàŋ rə é yuv, Nyùy Tàr tsə́nsí kishèv wùn à mentíy mè, kishèv ki wáa ŋwàŋ, a baykír, a to e nsay, mentíy mè wáa keèsì e wòŋ Ejiv. 24Mentíy mè‑eè shuʼùyì, a kishèv ki bavkìr fó fó. Yì‑iì dzə̀ kfə́ə mentiy me ghaʼán mè, me mè yòʼ‑oò yiì ne a dzə e Ejiv, e kèʼ mo fóo‑oò kèʼèn a dzə ji kitúm. 25Mentíy mè‑eè bvə̀ʼə́y kifá kidzə̀m ke kí‑iì dzəə̀n é kwaʼ e wòŋ Ejiv, wíri wùn à nyám si teèm, viŋgà ví foósí, vicí ví kérkír. 26Kù‑uù jòʼsì nsay Goshen fo wír veé Israyi‑iì dzəə̀n fo mentíy mè yòʼ‑oò lo gbù.
27Farao nèn tòóy Mooser wùn Aaron, e sùúy aáwune jii, «Kee lèn və̀n ki, m jày ne. Nyùy Tàr yoʼ jày, jay dzə̀ a dzə̀ e vèr à wír vémé. 28Ku lòn Nyùy Tàr, bìʼ fo kishèv wùn à mentíy me biibí mèn mè siìn é ŋàŋ. M lo, e màʼtì ven, é vèn wáa dù, vèn yòʼ kfə̀n dzəə́ goʼ fèn.»
29Mooser suúy jii, «Kù mo m yíi a fəə fo mvə̀mlaʼ, m nan wó yém é yuv, e bùnrì Nyùy Tàr. Kishèv ki yíi yàr, mentíy mè yíi mày, é Fòn fiʼ kìíy ji kér a Nyùy Tàr kitú ke nsay. 30Yii bèy, a m kì ji Fòn wùn aàtǎr saʼ vəə́ yòʼ sí fan a Nyùy Tàr, wun woo Nyùy.»
31Farao wáa lon bèy, a mentíy mèy mè‑eè gbù bey, e bìvír làvnte wùn à kfə́ə saŋ ye á yoŋ ji *barlìi, bìʼ fo làv‑iì boon ne, sáŋé kèʼ a wayrí. 32Mè yòʼ‑oò lo bìvír kfəə́ se saŋ seé liì *wit, bìʼ fo sí yii ndzəy fó a wayrí.
33Mooser màʼtì Farao, e fəə̀ fó mvə̀mlaʼ, e nàn wó rə́ é yuv, e lòn Nyùy Tàr, kishèv wùn à mentíy mè mày, wuú tín. 34Mo Farao yenen ji wuú wùn à mentíy mè, à kishèv ki mày a ne, wù nèn kù a jay vinyo jáyín, wùn aàtǎr saʼ vəə́ kú a tav a dzə̀ kitú, 35e làa yòʼ màʼtì wír veé Isray, aá du. Farao ku nèn yiì réŋréŋ mo Nyùy Tàr‑iì suuyin e Mooser ji á mo wù waà yíi yiì.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL