Fəə 37
37
Á fér ŋkùv mensàŋ
(Fəə 25.10‑22)
1Besalel nèn fèr ŋkùv mensàŋ e kicí kee *akaasia ki, vida vi wáa dzə ntàm se kiwo sitàn, mbvə̀ʼ wáa dzə ntàm se kiwo sitaár, vida ve koʼón ví wáa dzə sa ntàm se kiwo sitaár. 2Mo wù fèrìn, e nèn lì *kisha ke mbàm ke baar kí, e làʼtí e wùn wó fo ndzə wùn à fó mvəm, kí sə́tí, e kfə̀n giìmè gháŋ si e kisha ke mbàm ke baar kí, e kaàrí, e tàr. 3Wù nèn fèr dzə́ŋ sikweè e kisha ke mbàm ke baar kí, sí wáa dzə e kiŋkar, e tùúy e kor se ŋkùv see sikweè, sibaà fó mbìv fen, sibaà fó mbìv fésə. 4Wù kfən fèr sa vintoòr e kicí kee akaasia ki, e làʼtí kisha ke mbàm ke baar kí é wùn wó, kí sə́tí, 5e nèn lì, e tsə̀nsí e dzəŋ seé virəv vé ŋkùv vee vibaà, ji á wáa toór sho.
6Wù nèn fèr nsər ŋkùv e kisha ke mbàm ke baar kí, kíwun kíwun, vida vi wáa dzə ntàm se kiwo sitàn, mbvə̀ʼ wáa dzə ntàm se kiwo sitaár, 7e kfə̀n dzə̀vtì kisha ke mbàm ke baar kímóʼ kí, e fèr vifá veé yuv vímóʼ ví shó vibaà, a ví kér vav si, ví wáa tiynín e kitu ke nsər ŋkùv fo mbvə̀ʼ si. 8A wù fér vifá vìn, ví wáa dzə kilàŋsìn wùn à nsər ŋkùv, kímóʼ kí é mbìv yìmòʼ, kímóʼ kí e yìmòʼ, 9ví wáa kìʼnìn, a kiy nsər ŋkùv, aá nán vav sév, e sàŋrì, sí wáa kfəvsí kirə́ʼ ké kiman kìn.
Kidàŋ ke á neer kibán ke cù sho
(Fəə 25.23‑30)
10Wù‑uù fèr sá kidàŋ e kicí kee *akaasia ki, vida vi wáa dzə ntàm se kiwo sikweè, mbvə̀ʼ wáa dzə ntàm se kiwo sibaà, vida ve koʼón ví wáa dzə ntàm se kiwo sitaár, 11e nèn làʼtí kisha ke mbàm ke baar kee wúntí kíwun e wùn wó, kí sə́tí, e kfə̀n jùŋ shuu e kisha ke mbàm ke baar kí, e kaàrí, e tàr. 12Wù nèn kfə̀n fèr kikiŋ, kí kaárí kiyiy ke kidàŋ, e tàr, vikuʼùy ví wáa dzə̀ mbvə̀ʼ kiwo, e nèn kfə̀n lì kisha ke mbàm ke baar kí, e bàrír sho, e kaàrí, e tàr. 13Wù nèn fèr dzə́ŋ e kweè, a kù dzə̀ e kisha ke mbàm ke baar kí, e tùúy e kor see sikweè fo shwín sí‑iì dzə̀kìn. 14A wù tuúy a dzə̀ fó mbìv kùy e sar kiyìy mo dzə̀ sí ghàr vintoòr ve á toor kidàŋ sho. 15Vintoòr vìn vi‑iì dzə̀, aá fér e kicí kee akaasia ki, e làʼtí kisha ke mbàm ke baar kí é wùn wó, kí sə́tí. 16Wù nèn fèr vifá veé kidàŋ e kisha ke mbàm ke baar kí, kíwun kíwun, a ví dzə̀ jii, vikáŋ, aláŋ, vighín wùn aànsiŋ ve vé‑eè yíi a way meluʼ me cù shoo.
Kitiir ke làm
(Fəə 25.31‑40)
17Wù nèn fèr sa kifá ke á yíi a tiír lam si shó, kiyiy wùn à wún e dzə̀me wáa dzə kisha ke mbàm ke baar kí, kíwun kíwun, aá dzə́vtí dzə́vtin. Wù‑uù fèr, e nàŋsín vimboo wùn à vibuushì vé kifa vi, ví wáa dzə e wùn wó e kilàŋsìn, e virə̌ʼ virə̀ʼ.
18Kitiir kìn ki‑iì kér tám ntuùfú, e taár fo mbìv yee mòʼón, e taár fo yìmòʼ yee mbìv, 19a tám e mòʼón mòʼón fo woo ntuùfuú kér vibuushì vitaár, a ví dzə̀ moo kibuushì ké *almon mo kí fəən fó kirə̀ʼ ke boón kí, e nshwìnin wàn kighìn. 20Kiwóŋrín kfə́ kí wáa dzə, a vibuushì vé almon vìy vi dzə̀ shó vikweè wùn à kirə́ʼ ke boón kí fó sar. 21Kirə́ʼ kidzə̀m fo tám see ntuùfú sí jàvìn fó kiwoŋrín, kimboo ki‑iì dzə̀ fó. 22Kiwóŋrín wùn à tám si, à kifá ke boón kí‑iì dzə̀, aá dzə́vtí a dzə̀ kisha ke mbàm ke baar kí, kíwun kíwun, kitiir ke làm kìn kidzə̀m ki wáa dzə kilàŋsìn. 23Vimfar ve á náŋsin akfəə̀ shó, á kù‑uù fèr sá e kisha ke mbàm ke baar kí, kíwun kíwun, e fèr wón vikaŋ və́ vee saàmbà réŋréŋ bey. 24A kisha ke mbàm ke baar ke vé‑eè fèrìn kitiir ke làm kìn sho ki‑iì dzə̀ akilu nshòv sitàn e mtaár.
Kíy cù kilay
(Fəə 30.1‑5)
25Wù nèn fèr sa kíy cù wo á yíi a tòn kiláy shó, a wù fér a dzə̀ e kicí kee *akaasia ki. Wú‑uù dzə̀ réŋréŋ mbìv sidzə̀m, à fó vidà ve wavín ví, à fó mbvə̀ʼ, a dzə̀ ji ntàm se kiwo sibaà sibaà, a vida ve koʼón ví dzə̀ ntàm se kiwo sikweè. Wù lòo fèr, e fə̀ə́r kór see sikweè, sí wáa jaʼtín e kitu ke kiy cù moo loŋ se nàʼ bèy. 26Wù nèn lì kisha ke mbàm ke baar kee wúntí kíwun, e làʼtí e wùn wó, kí sə́tí kíy e dzə̀m, a dzə̀ jii, kiyiy, gháŋ si wùn à loŋ si. Wù nèn kfə̀n giìmè e kíwun kee kisha ki, e kaàrí, e tàr. 27Wù nèn fèr andzə̀ŋgwáŋ abaà e kisha ke mbàm ke baar kí, e tùúy e wǔn kiy, a dzə̀ é sar kikìŋ kee fó yuv, e yiì bèy, mbìv sidzə̀m. Dzə̀ fo á yíi a wayrí vintoòr, a toór sho. 28Vé‑eè sèm vintoòr vìn e kicí kee akaasia ki, e làʼtí kisha ke mbàm ke baar kí é wùn wó, kí sə́tí.
29Wù kfən fèr meŋgvə́r me yoʼ mee jeéy ji me Nyùy, e fèr sa kiláy ke rəʼtìn kí, kee wúntí kíwun, a vifá vìn vi rəʼtìn moo vé ŋgaà wo wù fer biʼ se rəʼtìn sí bey.
Currently Selected:
Fəə 37: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Fəə 37
37
Á fér ŋkùv mensàŋ
(Fəə 25.10‑22)
1Besalel nèn fèr ŋkùv mensàŋ e kicí kee *akaasia ki, vida vi wáa dzə ntàm se kiwo sitàn, mbvə̀ʼ wáa dzə ntàm se kiwo sitaár, vida ve koʼón ví wáa dzə sa ntàm se kiwo sitaár. 2Mo wù fèrìn, e nèn lì *kisha ke mbàm ke baar kí, e làʼtí e wùn wó fo ndzə wùn à fó mvəm, kí sə́tí, e kfə̀n giìmè gháŋ si e kisha ke mbàm ke baar kí, e kaàrí, e tàr. 3Wù nèn fèr dzə́ŋ sikweè e kisha ke mbàm ke baar kí, sí wáa dzə e kiŋkar, e tùúy e kor se ŋkùv see sikweè, sibaà fó mbìv fen, sibaà fó mbìv fésə. 4Wù kfən fèr sa vintoòr e kicí kee akaasia ki, e làʼtí kisha ke mbàm ke baar kí é wùn wó, kí sə́tí, 5e nèn lì, e tsə̀nsí e dzəŋ seé virəv vé ŋkùv vee vibaà, ji á wáa toór sho.
6Wù nèn fèr nsər ŋkùv e kisha ke mbàm ke baar kí, kíwun kíwun, vida vi wáa dzə ntàm se kiwo sitàn, mbvə̀ʼ wáa dzə ntàm se kiwo sitaár, 7e kfə̀n dzə̀vtì kisha ke mbàm ke baar kímóʼ kí, e fèr vifá veé yuv vímóʼ ví shó vibaà, a ví kér vav si, ví wáa tiynín e kitu ke nsər ŋkùv fo mbvə̀ʼ si. 8A wù fér vifá vìn, ví wáa dzə kilàŋsìn wùn à nsər ŋkùv, kímóʼ kí é mbìv yìmòʼ, kímóʼ kí e yìmòʼ, 9ví wáa kìʼnìn, a kiy nsər ŋkùv, aá nán vav sév, e sàŋrì, sí wáa kfəvsí kirə́ʼ ké kiman kìn.
Kidàŋ ke á neer kibán ke cù sho
(Fəə 25.23‑30)
10Wù‑uù fèr sá kidàŋ e kicí kee *akaasia ki, vida vi wáa dzə ntàm se kiwo sikweè, mbvə̀ʼ wáa dzə ntàm se kiwo sibaà, vida ve koʼón ví wáa dzə ntàm se kiwo sitaár, 11e nèn làʼtí kisha ke mbàm ke baar kee wúntí kíwun e wùn wó, kí sə́tí, e kfə̀n jùŋ shuu e kisha ke mbàm ke baar kí, e kaàrí, e tàr. 12Wù nèn kfə̀n fèr kikiŋ, kí kaárí kiyiy ke kidàŋ, e tàr, vikuʼùy ví wáa dzə̀ mbvə̀ʼ kiwo, e nèn kfə̀n lì kisha ke mbàm ke baar kí, e bàrír sho, e kaàrí, e tàr. 13Wù nèn fèr dzə́ŋ e kweè, a kù dzə̀ e kisha ke mbàm ke baar kí, e tùúy e kor see sikweè fo shwín sí‑iì dzə̀kìn. 14A wù tuúy a dzə̀ fó mbìv kùy e sar kiyìy mo dzə̀ sí ghàr vintoòr ve á toor kidàŋ sho. 15Vintoòr vìn vi‑iì dzə̀, aá fér e kicí kee akaasia ki, e làʼtí kisha ke mbàm ke baar kí é wùn wó, kí sə́tí. 16Wù nèn fèr vifá veé kidàŋ e kisha ke mbàm ke baar kí, kíwun kíwun, a ví dzə̀ jii, vikáŋ, aláŋ, vighín wùn aànsiŋ ve vé‑eè yíi a way meluʼ me cù shoo.
Kitiir ke làm
(Fəə 25.31‑40)
17Wù nèn fèr sa kifá ke á yíi a tiír lam si shó, kiyiy wùn à wún e dzə̀me wáa dzə kisha ke mbàm ke baar kí, kíwun kíwun, aá dzə́vtí dzə́vtin. Wù‑uù fèr, e nàŋsín vimboo wùn à vibuushì vé kifa vi, ví wáa dzə e wùn wó e kilàŋsìn, e virə̌ʼ virə̀ʼ.
18Kitiir kìn ki‑iì kér tám ntuùfú, e taár fo mbìv yee mòʼón, e taár fo yìmòʼ yee mbìv, 19a tám e mòʼón mòʼón fo woo ntuùfuú kér vibuushì vitaár, a ví dzə̀ moo kibuushì ké *almon mo kí fəən fó kirə̀ʼ ke boón kí, e nshwìnin wàn kighìn. 20Kiwóŋrín kfə́ kí wáa dzə, a vibuushì vé almon vìy vi dzə̀ shó vikweè wùn à kirə́ʼ ke boón kí fó sar. 21Kirə́ʼ kidzə̀m fo tám see ntuùfú sí jàvìn fó kiwoŋrín, kimboo ki‑iì dzə̀ fó. 22Kiwóŋrín wùn à tám si, à kifá ke boón kí‑iì dzə̀, aá dzə́vtí a dzə̀ kisha ke mbàm ke baar kí, kíwun kíwun, kitiir ke làm kìn kidzə̀m ki wáa dzə kilàŋsìn. 23Vimfar ve á náŋsin akfəə̀ shó, á kù‑uù fèr sá e kisha ke mbàm ke baar kí, kíwun kíwun, e fèr wón vikaŋ və́ vee saàmbà réŋréŋ bey. 24A kisha ke mbàm ke baar ke vé‑eè fèrìn kitiir ke làm kìn sho ki‑iì dzə̀ akilu nshòv sitàn e mtaár.
Kíy cù kilay
(Fəə 30.1‑5)
25Wù nèn fèr sa kíy cù wo á yíi a tòn kiláy shó, a wù fér a dzə̀ e kicí kee *akaasia ki. Wú‑uù dzə̀ réŋréŋ mbìv sidzə̀m, à fó vidà ve wavín ví, à fó mbvə̀ʼ, a dzə̀ ji ntàm se kiwo sibaà sibaà, a vida ve koʼón ví dzə̀ ntàm se kiwo sikweè. Wù lòo fèr, e fə̀ə́r kór see sikweè, sí wáa jaʼtín e kitu ke kiy cù moo loŋ se nàʼ bèy. 26Wù nèn lì kisha ke mbàm ke baar kee wúntí kíwun, e làʼtí e wùn wó, kí sə́tí kíy e dzə̀m, a dzə̀ jii, kiyiy, gháŋ si wùn à loŋ si. Wù nèn kfə̀n giìmè e kíwun kee kisha ki, e kaàrí, e tàr. 27Wù nèn fèr andzə̀ŋgwáŋ abaà e kisha ke mbàm ke baar kí, e tùúy e wǔn kiy, a dzə̀ é sar kikìŋ kee fó yuv, e yiì bèy, mbìv sidzə̀m. Dzə̀ fo á yíi a wayrí vintoòr, a toór sho. 28Vé‑eè sèm vintoòr vìn e kicí kee akaasia ki, e làʼtí kisha ke mbàm ke baar kí é wùn wó, kí sə́tí.
29Wù kfən fèr meŋgvə́r me yoʼ mee jeéy ji me Nyùy, e fèr sa kiláy ke rəʼtìn kí, kee wúntí kíwun, a vifá vìn vi rəʼtìn moo vé ŋgaà wo wù fer biʼ se rəʼtìn sí bey.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL