Fəə 30
30
Kibaʼrì ke kiy cù kilayí
(Fəə 37.25‑28)
1«À wíy fèr kíy cù wo á yíi a tòn kiláy shó, aà kù fer a dzə̀ e kicí kee *akaasia ki. 2Wú wíy a dzə réŋréŋ mbìv sidzə̀m fo vidà ve wavín ví wùn à fó mbvə̀ʼ, ntàm se kiwo sibaà sibaà, é vida ve koʼón ví wáa dzə ntàm se kiwo sikweè. À wíy fèr kór see sikweè, é sí fəə́kír moo loŋ se nàʼ bèy, e kitu ke kiy cù. 3À wíy laʼtí *kisha ke mbàm ke baar kí, kee wúntí kíwun e wùn wó, é kí sə́tí kíy e dzə̀m, kiyiy, gháŋ si, à loŋ si, áà nèn kfə̀n giìmè shuu, e kaàrí, e tar, kù e kisha kíwun ki. 4À wíy fèr andzə̀ŋgwáŋ abaà e kisha ke mbàm ke baar kí, e tuúy e wǔn kiy, a dzə̀ é sar kikìŋ kee fó yuv, e yiì bèy mbìv sidzə̀m. Dzə̀ fo á wíy a wayrí vintoòr, a beʼ sho. 5À wíy sem vintoòr vìn e kicí kee akaasia ki, e laʼtí kisha ke mbàm ke baar kí é wùn wó, é kí sə́tí. 6À wíy tiír kíy cù və̀n e mbìy ràŋ ye yí kìŋèn ŋkùv mensàŋ, é wú wáa tiy e mbìy kirə̀ʼ ké kiman ke kù dzəə̀n nsər ŋkùv, e kirə̀ʼ fóo fèy, fo wòsò wíy a tarnín.
7«Aaron kù wíy a tòn kiláy ke rəʼtìn kí é kiy cù fèn kijàvndzə kidzə̀m mo wù wìyìn, a naŋsín lam si. 8Wù kfə̀n wíy a tòn sa kiláy e ŋkuùr, a wù sí səʼ lam si. Kiláy kí kù wíy a shwi bèy e Nyùy Tǎr si kishiíy kidzə̀m. 9Á yòʼ kér fó wìy a tòn kiláy ke sən kí é kiy cù fèn, a bó yòʼ dzə̀ sá á tòn nyam cù fo, kìn meŋkfəŋ, a bó á yòʼ maʼ sa meluʼ fo. 10Wíy lóo dzə̀ e kitu ke kiya, Aaron kù kfə̀mrí#30.10: Wír veé Israyi‑iì kér Kishiíy ké Kiman e kitu ke kiya, a dzə̀ ke á mán ajay wíri, e kfəmrí vifá veé jeéy ve dzəə̀n vé Nyùy, a kí‑iì dzə́ e kishiíy kee ghvə̀m fo áwuné ŋwee woo saàmbà. *kíy cù kilay vən, a dzə̀ ji wù wíy a lì mensə́ me nyàm ye á yiìn cu ajay sho, a yoʼ e loŋ seé kiy cù fèn. Dzə̀ kíy cù Nyùy Tàr, a dzə̀ kifá kee jeéy kí ŋkuuŋkùŋ, a wú kér fó a dzə e ránén. Á kù wíy a yiì bèy, mo rám sí wíy a dzə.»
Mbàm se á maʼ bìʼ kibàn ké ntàsín
11 Nyùy Tàr kfən lò, e sùúy e Mooser jii, 12«À wíy lòo taŋ wír veé Isray e ghan sé kintaŋ, é wìr mòʼón mòʼón wáa fo kifá e Nyùy Tàr, e fíʼ tin kitú kfə́ é ghan se á taŋen wun. Á fó bèy, é la ŋgeʼ yòʼ dzəə wìy gbù e wírí kitu e ghan sé kintaŋ. 13A dzə̀ jii, wìr mòʼón mòʼón wo à wíy taŋ e ghan sé kintaŋ kù kér fó wìy fo kisha ke mbàm kintoʼnìn ke *shekel, aá kù fiʼ réŋréŋ mo shekel wo dzəə̀n wo cù yii dzə́ ji *gera mbaà fó shekel e mòʼón. 14Wìr dzə̀m wo à taŋen, e kèʼ fo kiya mbaà, kù kér fó fo cu Nyùy Tàr rən. 15Bó ŋgaà kav yòʼ wíy a fo, a bàŋrìn, a bó ghéʼncey yòʼ wíy a shoʼór kifá fo mbàm se á fó e Nyùy Tàr sin, e bóo tin kitú kfə́. 16À wíy a sə mbàm sìn fo wír veé Israyi, a lèm ji sé lìm yeé kibàn. M wíy a kuumé wír veé Isray bìʼ mbàm sìn, a teʼtín áwune fó ŋgeʼ.»
Màkìghìn woo brons
(Fəə 38.8)
17 Nyùy Tàr yòŋ e Mooser jii, 18«À wíy fèr màkìghìn e kisha kee *brons ki, é kiyiy ki wáa dzə sa kisha kee brons, e tiír e maàndzə e kintìntìn ke *kibàn ké ntàsín wùn à kíy cùu, e way mendzə́v me virə̀ʼ ve suùn ví shó. 19Dzə̀ fo Aaron wùn à wón vəə́ wíy a sù wó wùn à wuú. 20Áwune wíy lóo nəə́ e kibàn ké ntàsín, á sù virə́ʼ é mendzə̀v fen. Á lóo dù e ghaa kiy cù ji á tonri nyám si, a cù mo shó, á kù sù sa bèy. Áwune lóo yiì bèy, é la á yòʼ dzəə kpùkír. 21Á kù wíy a sù wuú wùn à wóo, e fíʼ a dzə, e làa yòʼ kpukír. Wíy a dzə nsər ye Aaron wùn à kfə́ə rəə́ wíy a lèm, e wìy dù, e mày.»
Meŋgvə́r me yoʼ
(Fəə 37.29)
22 Nyùy Tàr kfən lò, e sùúy e Mooser jii, 23«À wíy lì virə̀ʼtìn ve ví bòŋèn é ŋàŋ, *mer woó mendzə̀v kilu ntuùfú, é *sinnamon wùn à *ken wáa dzə akilu ataár ataár, 24vé *kaasia kilu ntuùfú, aá ku fìʼ vifá vìn vidzə̀m e shùu mfìʼ ye dzəə̀n yeé lav cù.#30.24: mfìʼ yeé lav cù: Mfìʼ rə̀n dzə̀ é Lǎm Hibru ji shekel, a kilu e mòʼón dzə̀ moo shekel nshòv sitaár e mwaamé (83) bey. Á kfən lì meŋgvə́r me *oliv alita akweè#30.24: alita akweè: Keé Lǎm Hibru ki dzə̀ jii, hin e mòʼón, a dzə̀ moo alita akweè bèy., e shwìr wùn à virə̀ʼtìn vìn vi, 25e fèr meŋgvə́r me yoʼ mee jeéy shó, é mè wáa rə̀ʼtìn moo me ŋgaà wo wù fer biʼ se rəʼtìn sí bey. 26Ferì, áà nèn yòʼ *kibàn ké ntàsín shó wùn à ŋkùv mensàŋ, 27à kidàŋ ki wùn à vifá və́ ví vidzə̀m, à kitiir ke làm ki wùn à və́ vee vifá vi, à *kíy cù kilayí, 28à *kíy cù woo wó cù ye tonèné wùn à vifá veé ghaŋ wo vi vidzə̀m, à màkìghìn woo wo mendzə̀v, à kiyiy kfə́ kí. 29Ku yòʼ bey, ji ví fíʼ a dzə jeéy féyì ji vé Nyùy ŋkuuŋkùŋ. Kifá ki kumè, kìn kùm wír, é wù ku nèn kfə̀n sá ji kifá ke siìn ké Nyùy.#30.29: Leéy: 29.37. 30À yii bèy, áà nèn yòʼ sá Aaron wùn à wón vəə́, e lèm, aáwune wáa lìm fo mò.
31«À wíy yòŋ e wír veé Israyi ji mo rám sév sí wíy a dzə e ŋgwàʼ sí ŋgwàʼ si, meŋgvə́r mèn mè kù sí wìy a dzə a jeéy ji méem me yoʼ. 32Áwune wáa yen a fo wìr yóʼ wír woo və̀y sho, e kfə̀n a yen sa fo wìr tátí kfəə́ se virə̀ʼtìn vìn, e fèr meŋgvə́r mvə shó. Dzə̀ meŋgvə́r mem mee jeéy, áwune ku nèn a ker a mee shoon jeéy. 33Wìr wo wù wíy mùm, e fèr meŋgvə́r moo mèn bèn, kìn wù yòʼ a dzə̀ wír woo və̀y sho, bo á kù fəər ŋgaàŋ fo wír vémé mvəm.»
Kiláy ké Nyùy Tàr
34 Nyùy Tàr nèn sùúy e Mooser jii, «À wíy lì virə̀ʼtìn vee jii, *stak, wùn à *onika, à *galbanum, e lì *frankinsen woo fèm, e lì vidzə̀m réŋréŋ, 35e tatí, e fèr kiláy shó, é kí wáa rə̀ʼtìn moo ké ŋgaà wo wù fer kiláy ke rəʼtìn kí bey. Wáy shiŋgwáŋ shi shó, é kí fíʼ a dzə jeéy, e kfə̀n a dzə ji rèéŋ. 36À wíy tsəy mbìv kilày yìmòʼ, é yì kfə́n é meŋkfə̀ŋ, áà ŋoʼ kímóʼ kí, e dù sho e *kibàn ké ntàsín, fo wòsò wíy a tarnín, e lèm e mbìy ŋkùv mensàŋ. Kin ki wíy a dzə kiláy kém kee jeéy kí féyì. 37Wìr wáa yen fó wìy fèr kiláy kfə́ réŋréŋ ben. Vèn kù wíy a ker ji kifá kee jeéy kí ke á cuùn mo shó. 38Wìr wo wù wíy mùm, e fèr bèy ji kfə́, bo á kù fəər ŋgaàŋ fo wír vémé mvəm.»
Currently Selected:
Fəə 30: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Fəə 30
30
Kibaʼrì ke kiy cù kilayí
(Fəə 37.25‑28)
1«À wíy fèr kíy cù wo á yíi a tòn kiláy shó, aà kù fer a dzə̀ e kicí kee *akaasia ki. 2Wú wíy a dzə réŋréŋ mbìv sidzə̀m fo vidà ve wavín ví wùn à fó mbvə̀ʼ, ntàm se kiwo sibaà sibaà, é vida ve koʼón ví wáa dzə ntàm se kiwo sikweè. À wíy fèr kór see sikweè, é sí fəə́kír moo loŋ se nàʼ bèy, e kitu ke kiy cù. 3À wíy laʼtí *kisha ke mbàm ke baar kí, kee wúntí kíwun e wùn wó, é kí sə́tí kíy e dzə̀m, kiyiy, gháŋ si, à loŋ si, áà nèn kfə̀n giìmè shuu, e kaàrí, e tar, kù e kisha kíwun ki. 4À wíy fèr andzə̀ŋgwáŋ abaà e kisha ke mbàm ke baar kí, e tuúy e wǔn kiy, a dzə̀ é sar kikìŋ kee fó yuv, e yiì bèy mbìv sidzə̀m. Dzə̀ fo á wíy a wayrí vintoòr, a beʼ sho. 5À wíy sem vintoòr vìn e kicí kee akaasia ki, e laʼtí kisha ke mbàm ke baar kí é wùn wó, é kí sə́tí. 6À wíy tiír kíy cù və̀n e mbìy ràŋ ye yí kìŋèn ŋkùv mensàŋ, é wú wáa tiy e mbìy kirə̀ʼ ké kiman ke kù dzəə̀n nsər ŋkùv, e kirə̀ʼ fóo fèy, fo wòsò wíy a tarnín.
7«Aaron kù wíy a tòn kiláy ke rəʼtìn kí é kiy cù fèn kijàvndzə kidzə̀m mo wù wìyìn, a naŋsín lam si. 8Wù kfə̀n wíy a tòn sa kiláy e ŋkuùr, a wù sí səʼ lam si. Kiláy kí kù wíy a shwi bèy e Nyùy Tǎr si kishiíy kidzə̀m. 9Á yòʼ kér fó wìy a tòn kiláy ke sən kí é kiy cù fèn, a bó yòʼ dzə̀ sá á tòn nyam cù fo, kìn meŋkfəŋ, a bó á yòʼ maʼ sa meluʼ fo. 10Wíy lóo dzə̀ e kitu ke kiya, Aaron kù kfə̀mrí#30.10: Wír veé Israyi‑iì kér Kishiíy ké Kiman e kitu ke kiya, a dzə̀ ke á mán ajay wíri, e kfəmrí vifá veé jeéy ve dzəə̀n vé Nyùy, a kí‑iì dzə́ e kishiíy kee ghvə̀m fo áwuné ŋwee woo saàmbà. *kíy cù kilay vən, a dzə̀ ji wù wíy a lì mensə́ me nyàm ye á yiìn cu ajay sho, a yoʼ e loŋ seé kiy cù fèn. Dzə̀ kíy cù Nyùy Tàr, a dzə̀ kifá kee jeéy kí ŋkuuŋkùŋ, a wú kér fó a dzə e ránén. Á kù wíy a yiì bèy, mo rám sí wíy a dzə.»
Mbàm se á maʼ bìʼ kibàn ké ntàsín
11 Nyùy Tàr kfən lò, e sùúy e Mooser jii, 12«À wíy lòo taŋ wír veé Isray e ghan sé kintaŋ, é wìr mòʼón mòʼón wáa fo kifá e Nyùy Tàr, e fíʼ tin kitú kfə́ é ghan se á taŋen wun. Á fó bèy, é la ŋgeʼ yòʼ dzəə wìy gbù e wírí kitu e ghan sé kintaŋ. 13A dzə̀ jii, wìr mòʼón mòʼón wo à wíy taŋ e ghan sé kintaŋ kù kér fó wìy fo kisha ke mbàm kintoʼnìn ke *shekel, aá kù fiʼ réŋréŋ mo shekel wo dzəə̀n wo cù yii dzə́ ji *gera mbaà fó shekel e mòʼón. 14Wìr dzə̀m wo à taŋen, e kèʼ fo kiya mbaà, kù kér fó fo cu Nyùy Tàr rən. 15Bó ŋgaà kav yòʼ wíy a fo, a bàŋrìn, a bó ghéʼncey yòʼ wíy a shoʼór kifá fo mbàm se á fó e Nyùy Tàr sin, e bóo tin kitú kfə́. 16À wíy a sə mbàm sìn fo wír veé Israyi, a lèm ji sé lìm yeé kibàn. M wíy a kuumé wír veé Isray bìʼ mbàm sìn, a teʼtín áwune fó ŋgeʼ.»
Màkìghìn woo brons
(Fəə 38.8)
17 Nyùy Tàr yòŋ e Mooser jii, 18«À wíy fèr màkìghìn e kisha kee *brons ki, é kiyiy ki wáa dzə sa kisha kee brons, e tiír e maàndzə e kintìntìn ke *kibàn ké ntàsín wùn à kíy cùu, e way mendzə́v me virə̀ʼ ve suùn ví shó. 19Dzə̀ fo Aaron wùn à wón vəə́ wíy a sù wó wùn à wuú. 20Áwune wíy lóo nəə́ e kibàn ké ntàsín, á sù virə́ʼ é mendzə̀v fen. Á lóo dù e ghaa kiy cù ji á tonri nyám si, a cù mo shó, á kù sù sa bèy. Áwune lóo yiì bèy, é la á yòʼ dzəə kpùkír. 21Á kù wíy a sù wuú wùn à wóo, e fíʼ a dzə, e làa yòʼ kpukír. Wíy a dzə nsər ye Aaron wùn à kfə́ə rəə́ wíy a lèm, e wìy dù, e mày.»
Meŋgvə́r me yoʼ
(Fəə 37.29)
22 Nyùy Tàr kfən lò, e sùúy e Mooser jii, 23«À wíy lì virə̀ʼtìn ve ví bòŋèn é ŋàŋ, *mer woó mendzə̀v kilu ntuùfú, é *sinnamon wùn à *ken wáa dzə akilu ataár ataár, 24vé *kaasia kilu ntuùfú, aá ku fìʼ vifá vìn vidzə̀m e shùu mfìʼ ye dzəə̀n yeé lav cù.#30.24: mfìʼ yeé lav cù: Mfìʼ rə̀n dzə̀ é Lǎm Hibru ji shekel, a kilu e mòʼón dzə̀ moo shekel nshòv sitaár e mwaamé (83) bey. Á kfən lì meŋgvə́r me *oliv alita akweè#30.24: alita akweè: Keé Lǎm Hibru ki dzə̀ jii, hin e mòʼón, a dzə̀ moo alita akweè bèy., e shwìr wùn à virə̀ʼtìn vìn vi, 25e fèr meŋgvə́r me yoʼ mee jeéy shó, é mè wáa rə̀ʼtìn moo me ŋgaà wo wù fer biʼ se rəʼtìn sí bey. 26Ferì, áà nèn yòʼ *kibàn ké ntàsín shó wùn à ŋkùv mensàŋ, 27à kidàŋ ki wùn à vifá və́ ví vidzə̀m, à kitiir ke làm ki wùn à və́ vee vifá vi, à *kíy cù kilayí, 28à *kíy cù woo wó cù ye tonèné wùn à vifá veé ghaŋ wo vi vidzə̀m, à màkìghìn woo wo mendzə̀v, à kiyiy kfə́ kí. 29Ku yòʼ bey, ji ví fíʼ a dzə jeéy féyì ji vé Nyùy ŋkuuŋkùŋ. Kifá ki kumè, kìn kùm wír, é wù ku nèn kfə̀n sá ji kifá ke siìn ké Nyùy.#30.29: Leéy: 29.37. 30À yii bèy, áà nèn yòʼ sá Aaron wùn à wón vəə́, e lèm, aáwune wáa lìm fo mò.
31«À wíy yòŋ e wír veé Israyi ji mo rám sév sí wíy a dzə e ŋgwàʼ sí ŋgwàʼ si, meŋgvə́r mèn mè kù sí wìy a dzə a jeéy ji méem me yoʼ. 32Áwune wáa yen a fo wìr yóʼ wír woo və̀y sho, e kfə̀n a yen sa fo wìr tátí kfəə́ se virə̀ʼtìn vìn, e fèr meŋgvə́r mvə shó. Dzə̀ meŋgvə́r mem mee jeéy, áwune ku nèn a ker a mee shoon jeéy. 33Wìr wo wù wíy mùm, e fèr meŋgvə́r moo mèn bèn, kìn wù yòʼ a dzə̀ wír woo və̀y sho, bo á kù fəər ŋgaàŋ fo wír vémé mvəm.»
Kiláy ké Nyùy Tàr
34 Nyùy Tàr nèn sùúy e Mooser jii, «À wíy lì virə̀ʼtìn vee jii, *stak, wùn à *onika, à *galbanum, e lì *frankinsen woo fèm, e lì vidzə̀m réŋréŋ, 35e tatí, e fèr kiláy shó, é kí wáa rə̀ʼtìn moo ké ŋgaà wo wù fer kiláy ke rəʼtìn kí bey. Wáy shiŋgwáŋ shi shó, é kí fíʼ a dzə jeéy, e kfə̀n a dzə ji rèéŋ. 36À wíy tsəy mbìv kilày yìmòʼ, é yì kfə́n é meŋkfə̀ŋ, áà ŋoʼ kímóʼ kí, e dù sho e *kibàn ké ntàsín, fo wòsò wíy a tarnín, e lèm e mbìy ŋkùv mensàŋ. Kin ki wíy a dzə kiláy kém kee jeéy kí féyì. 37Wìr wáa yen fó wìy fèr kiláy kfə́ réŋréŋ ben. Vèn kù wíy a ker ji kifá kee jeéy kí ke á cuùn mo shó. 38Wìr wo wù wíy mùm, e fèr bèy ji kfə́, bo á kù fəər ŋgaàŋ fo wír vémé mvəm.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL