Fəə 2
2
Á dzəə́ Mooser
1Yì‑iì dzə̀ é ghan fen, wìr kfəə Levi wùmòʼ dù, e kòóy wiíy kù fó lav yìmòʼ yeé kfəə foo fèy. 2Wiíy woo shooy bóŋ bvəm, e dzə̀ə́ wán lumèn. Wù yén, a wàn bóŋ, wù nèn lìtì ŋwee e taár. 3Wù lòo yen, a kí gháʼ ne fo wù wáa lìtì wán, wù koóy ŋkaà ye á fèrìn e vikwiíy ve á yoŋ ji papirur#2.3: papirur: Dzə̀ kikwiíy keé ndzəv é njà ŋkiʼ, bó a boorí. Kí caar ye aá gwàr, e màʼ e kitu ke ndzəv, kí wàa laʼ laʼán fó yuv. vi, e teè e nə̀ne wùn à kiláy kí, e wày wán shó, e tìír e mvə̀m vikwìíy é ghaa meshavtí me ndzə̀v. 4Jèmèr#2.4: Jemèr: Jèmèr rə̀n dzə̀ Miriam. (Leéy: Kintaŋ 26.59). wàn wáa tiy kwaʼda, a leéy ji sà yíi koóy ka wán á.
5Wan Farao#2.5: Farao: Dzə̀ dzə́ə yìmòʼ ye vé‑eè yoŋ afon veé Ejiv sho, a nsàv dzə̀ aáwuné làm ji «ntoʼ ye kuʼùn.» woo wiíy nèn sə̀y é ndzəv ji wun su a wún, a wón və́ lìme ghán e ghaa ndzəv. Wù lòo nàn sí, e yèn ŋkaà e mvə̀m vikwìíy, e sùúy e wan və lìm wùmòʼ ji wù li, e wìy a sho. 6Wù mvə̀ʼ ŋkaà, e yèn wán shó, a wù tóŋé. Wù wáa ker mendzən fo fo, a suúy jii, «Və̀n fèn dzə̀ wan wìr *Hibru wùmòʼ.»
7Jèmèr wàn kóʼtí, e dzə̀r e wàn Farao jii, «A dzə̀ m dù, e tàʼ wir Hibru woo wiíy, wo wù wáa nyoór wán və̀n, e fòo wò a?» 8Wù biímé ji wù du á rì, e tàʼ. Jèmèr wàn nèn dù, e jàŋ yìy à wàn, wù wìy.
9Wàn Farao suúy shó jii, «Kò wán və̀n, a nyoór, e fò e mò, é m wìy làʼ wò.» Á bèy, wiíy və̀y nèn sə̀ wán, e lìy. 10Wàn kúy, wù lì, e dù, e fò e wan Farao və̀y, wù nèn lì ji wán və, e shù yír ji Mooser,#2.10: E Lǎm Hibru, yír yee Mooser rə̀ne koó fo kisuŋnìn moo kinyo kee jii, «sə̀ŋ fə̀ə́r.» shu bèy, suuy jii, «Mò‑oò fə̀ə́r wun fo ndzəv.»
Mooser léʼ, e dù e Midian
11Mooser kúy, wáa dzə e kishiíy kímóʼ kí, wù dù fo wír vəə́ wùn, e lèéy mo áwune túŋ akwiiròn. Wù yén, a wìr woó Ejiv dzəv wir *Hibru wùmòʼ, a dzə̀ wir à Mooser feyì, 12wù leéy mbìy, e lèéy bám, e làa yòʼ yen wír, e nèn yùyrí wir Ejiv və̀y, e lìtì e mvə̀m siy.
13Ndzə bvəə́shí, e ràn, wù fəə́, e yèn wír veé Hibru abaà, aá funènè, wù dzə́r e wo wù‑uù kér jay jii, «À dzəv fər wò bìʼ ka?»
14Wù bìnèr jii, «Lèm la wò ji à wáa dzə kitú kér, e kfə̀n a tinén nsaʼ sér? À taʼ e yuyrí mo mo wò‑oo yuyrin wír woó Ejiv à?»
Mooser nèn a fàn, a rə̀m jii, «Ábáy, á kìíy ne kinyo ke mò‑oo yiìn.» 15-16Kinyo kìy ki tó e Farao kitùʼùr, wù nèn a jwimér Mooser ji wun yúyrí. Mooser léʼ, e dù, a dzə e wòŋ Midian#2.15,16: Midian: Kirə́ʼ kin ki dzə̀ é shùu rìbà ndzə̀v wo á yoŋ ji Akaba..
Taà cù wùmòʼ wáa dzə fo, a wù kér wón vee vikìy saàmbà. Lòo dzə e kishiíy kímóʼ kí, Mooser dzə̀ʼə̀m e ghaa ndzəv ye tuŋén yímóʼó, wón víyi nèn lò, e wìy, a tu mendzə́v, a way e nyám sí vikoŋ ji nyám se tàr wov sí wàá nó. 17Anshìy bvəy ámóʼó nèn wìy, a jùm áwune fó fo. Mooser ŋáʼáy, e dù, e sə̀ áwune, e nòór nyám sév. 18Wón vee vikìy víyi kfə́n é bàm, tàr wov Ruel dzə́r jii, «Vèn ghàn é le, e bóo tav kfən e bàm lán bèn?»
19Áwune bìnèr jii, «Wìr woó Ejiv kì sə̀ ver fo anshìyí wo, e kfə̀n tù mendzə́v, e nòór nyám sér shó.»
20Wù nèn dzə̀r e wón vəə́ jii, «Wù bèé? Vèn màʼtì wun fo ji ka? Vèn jaŋ, é wù wiy, e yìkír.»
21Mooser wìy, e nèn yiì lò, a koŋ fó a dzə wùn wìr woo shooy. Wù nèn fò wán və woo Tsippora ji wíiy və. 22Tsippora koóy wán lumèn, Mooser shù yír ji Gershom,#2.22: Gershom: E Lǎm Hibru, yír rəne koó fo kisuŋnìn moo jí yee «kiŋgwìy.» a wù shu bèy, suuy jii, «M sì kiŋgwìy e kitum ke sən kí.»
Nyùy yú tóŋ wìr veé Isray
23Ghán sí dàrnìn, fòn woó Ejiv nèn lày, a wír veé Israyi kù dzəə́ shwíkir shwìkín é vikwàn ve vé‑eè reŋè. Áwune wáa toŋ ji Nyùy ku fə̀ə́r a áwune fó vikwàn. 24Nyùy yú ndzə́kír ye vé‑eè ndzə́kir e mvə̀m vikwàn, e kuùmé *mensaŋ me wù‑uù gwàrìn wùn à Abraham, à Aysi, à Jakov,#2.24: Leéy: Kèʼlo 12.1‑3; 26.2‑5; 28.13‑15; Fəə 6.4. 25mendzən me wìr veé Isray mè wáa rər wun.
Currently Selected:
Fəə 2: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Fəə 2
2
Á dzəə́ Mooser
1Yì‑iì dzə̀ é ghan fen, wìr kfəə Levi wùmòʼ dù, e kòóy wiíy kù fó lav yìmòʼ yeé kfəə foo fèy. 2Wiíy woo shooy bóŋ bvəm, e dzə̀ə́ wán lumèn. Wù yén, a wàn bóŋ, wù nèn lìtì ŋwee e taár. 3Wù lòo yen, a kí gháʼ ne fo wù wáa lìtì wán, wù koóy ŋkaà ye á fèrìn e vikwiíy ve á yoŋ ji papirur#2.3: papirur: Dzə̀ kikwiíy keé ndzəv é njà ŋkiʼ, bó a boorí. Kí caar ye aá gwàr, e màʼ e kitu ke ndzəv, kí wàa laʼ laʼán fó yuv. vi, e teè e nə̀ne wùn à kiláy kí, e wày wán shó, e tìír e mvə̀m vikwìíy é ghaa meshavtí me ndzə̀v. 4Jèmèr#2.4: Jemèr: Jèmèr rə̀n dzə̀ Miriam. (Leéy: Kintaŋ 26.59). wàn wáa tiy kwaʼda, a leéy ji sà yíi koóy ka wán á.
5Wan Farao#2.5: Farao: Dzə̀ dzə́ə yìmòʼ ye vé‑eè yoŋ afon veé Ejiv sho, a nsàv dzə̀ aáwuné làm ji «ntoʼ ye kuʼùn.» woo wiíy nèn sə̀y é ndzəv ji wun su a wún, a wón və́ lìme ghán e ghaa ndzəv. Wù lòo nàn sí, e yèn ŋkaà e mvə̀m vikwìíy, e sùúy e wan və lìm wùmòʼ ji wù li, e wìy a sho. 6Wù mvə̀ʼ ŋkaà, e yèn wán shó, a wù tóŋé. Wù wáa ker mendzən fo fo, a suúy jii, «Və̀n fèn dzə̀ wan wìr *Hibru wùmòʼ.»
7Jèmèr wàn kóʼtí, e dzə̀r e wàn Farao jii, «A dzə̀ m dù, e tàʼ wir Hibru woo wiíy, wo wù wáa nyoór wán və̀n, e fòo wò a?» 8Wù biímé ji wù du á rì, e tàʼ. Jèmèr wàn nèn dù, e jàŋ yìy à wàn, wù wìy.
9Wàn Farao suúy shó jii, «Kò wán və̀n, a nyoór, e fò e mò, é m wìy làʼ wò.» Á bèy, wiíy və̀y nèn sə̀ wán, e lìy. 10Wàn kúy, wù lì, e dù, e fò e wan Farao və̀y, wù nèn lì ji wán və, e shù yír ji Mooser,#2.10: E Lǎm Hibru, yír yee Mooser rə̀ne koó fo kisuŋnìn moo kinyo kee jii, «sə̀ŋ fə̀ə́r.» shu bèy, suuy jii, «Mò‑oò fə̀ə́r wun fo ndzəv.»
Mooser léʼ, e dù e Midian
11Mooser kúy, wáa dzə e kishiíy kímóʼ kí, wù dù fo wír vəə́ wùn, e lèéy mo áwune túŋ akwiiròn. Wù yén, a wìr woó Ejiv dzəv wir *Hibru wùmòʼ, a dzə̀ wir à Mooser feyì, 12wù leéy mbìy, e lèéy bám, e làa yòʼ yen wír, e nèn yùyrí wir Ejiv və̀y, e lìtì e mvə̀m siy.
13Ndzə bvəə́shí, e ràn, wù fəə́, e yèn wír veé Hibru abaà, aá funènè, wù dzə́r e wo wù‑uù kér jay jii, «À dzəv fər wò bìʼ ka?»
14Wù bìnèr jii, «Lèm la wò ji à wáa dzə kitú kér, e kfə̀n a tinén nsaʼ sér? À taʼ e yuyrí mo mo wò‑oo yuyrin wír woó Ejiv à?»
Mooser nèn a fàn, a rə̀m jii, «Ábáy, á kìíy ne kinyo ke mò‑oo yiìn.» 15-16Kinyo kìy ki tó e Farao kitùʼùr, wù nèn a jwimér Mooser ji wun yúyrí. Mooser léʼ, e dù, a dzə e wòŋ Midian#2.15,16: Midian: Kirə́ʼ kin ki dzə̀ é shùu rìbà ndzə̀v wo á yoŋ ji Akaba..
Taà cù wùmòʼ wáa dzə fo, a wù kér wón vee vikìy saàmbà. Lòo dzə e kishiíy kímóʼ kí, Mooser dzə̀ʼə̀m e ghaa ndzəv ye tuŋén yímóʼó, wón víyi nèn lò, e wìy, a tu mendzə́v, a way e nyám sí vikoŋ ji nyám se tàr wov sí wàá nó. 17Anshìy bvəy ámóʼó nèn wìy, a jùm áwune fó fo. Mooser ŋáʼáy, e dù, e sə̀ áwune, e nòór nyám sév. 18Wón vee vikìy víyi kfə́n é bàm, tàr wov Ruel dzə́r jii, «Vèn ghàn é le, e bóo tav kfən e bàm lán bèn?»
19Áwune bìnèr jii, «Wìr woó Ejiv kì sə̀ ver fo anshìyí wo, e kfə̀n tù mendzə́v, e nòór nyám sér shó.»
20Wù nèn dzə̀r e wón vəə́ jii, «Wù bèé? Vèn màʼtì wun fo ji ka? Vèn jaŋ, é wù wiy, e yìkír.»
21Mooser wìy, e nèn yiì lò, a koŋ fó a dzə wùn wìr woo shooy. Wù nèn fò wán və woo Tsippora ji wíiy və. 22Tsippora koóy wán lumèn, Mooser shù yír ji Gershom,#2.22: Gershom: E Lǎm Hibru, yír rəne koó fo kisuŋnìn moo jí yee «kiŋgwìy.» a wù shu bèy, suuy jii, «M sì kiŋgwìy e kitum ke sən kí.»
Nyùy yú tóŋ wìr veé Isray
23Ghán sí dàrnìn, fòn woó Ejiv nèn lày, a wír veé Israyi kù dzəə́ shwíkir shwìkín é vikwàn ve vé‑eè reŋè. Áwune wáa toŋ ji Nyùy ku fə̀ə́r a áwune fó vikwàn. 24Nyùy yú ndzə́kír ye vé‑eè ndzə́kir e mvə̀m vikwàn, e kuùmé *mensaŋ me wù‑uù gwàrìn wùn à Abraham, à Aysi, à Jakov,#2.24: Leéy: Kèʼlo 12.1‑3; 26.2‑5; 28.13‑15; Fəə 6.4. 25mendzən me wìr veé Isray mè wáa rər wun.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL