Fəə 18
18
Jetro dú, e ghàn Mooser
1Jetro wo yì‑iì dzəə̀n taà cù woó Midian, a kfə̀n dzə̀ sá tàr à wiiy Mooser yú vinyo vidzə̀m ve Nyùy yiìn e Mooser, e kfə̀n yiì sa e wír və́ veé Israyi mo wù‑uù fəərin áwune fó Ejiv. 2A Jetro‑oò dzə̀ wùn Tsippora woo wiiy Mooser mo Mooser‑iì tsənsin wùn à wóné fo Jetro wùn. 3Wóné‑eè dzə̀ abaà vilum vilum, a yír wo mòʼóne dzə̀ Gershom#18.3: Gershom: E Lǎm Hibru, yír rə́ne koó fo kisuŋnìn moo jí yee «kiŋgwìy.» (Leéy: 2.22).. A Mooser‑iì shu bèy, suuy jii, «M dzə̀ kiŋgwìy e nsay ye bó yòʼ dzəə̀n yéer.» 4Wù kfə̀n‑eè shù yír wùmòʼ ji Elieser#18.4: Elieser: E Lǎm Hibru, yír rə́ne koó fo kisuŋnìn moo jí see «Nyùy sə́ mo.» (Leéy: 4.27)., shu bèy, suuy jii, «Nyùy Tàr wor sə̀ ne mo, m bóy, la fòn woó Ejiv yòʼ yùyrí mo.»
5Jetro woo tàr à wiiy Mooser nèn lò, e lì wón Mooser vee abaà vin, wùn à ye wov, a dù sho e woʼ fo Mooser‑iì shiiyì e Gwan Nyùy#18.5: Gwan Nyùy: Leéy: 4.27.. 6Wù‑uù du, a wù tsə́nsí ne ntum e Mooser jii, «Mo woo Jetro woo sə́ wò wiy vèr à wiiy wò, à wón vé vee abàá.» 7Á meé, Mooser fəə́, wùn sə və tárnín, wù tsə́m ndzəə́, e làʼ kitú fo nsay e si wo, e lò, e baàmé wun. Wùn wun shàʼnìn, e nèn nə̀ə́ e Mooser kibàn. 8Mooser nèn fèr e tàr à wiiy və kinyo kidzə̀m ke Nyùy Tàr yiìn e Farao wùn à wír veé Ejivi bìʼ wír veé Isray. Wù kfən fèr sho mo wíri‑iì yén ŋgeʼ e dzəə, e naàrì mo Nyùy Tàr‑iì səən áwune fó ŋgeʼ foo fèy.
9Jetro yú vinyo ve juŋ vi vidzə̀m ve Nyùy Tàr‑iì yiìn e wír veé Israyi, e fə̀ə́r áwune fo wír veé Ejiví wo, wúné bòŋ wun, 10wù wáa suúy jii, «Búríi wáa dzə fo Nyùy Tàr. Wù‑uù fə̀ə́r ven fo fòn wùn à wír veé Ejiví wo, wír vəə́ bóy fó vikwàn ve vé‑eè reŋ e wír veé Ejiví wo. 11M kìíy ne lèn ji Nyùy Tàr kùʼ e shaà anyùy ve wíri cu adzə̀m, bìʼ fo wù yiìn ne, wír vəə́ bóy fo wír veé Ejiví wo ve vé‑eè ŋaʼ, táy áwune.» 12Jetro woo sə Mooser nèn tòn nyám si, a cù Nyùy Tàr shó. Aaron wùn à vilìmbìy ve wìr veé Isray vi wìy, wùn áwune wáa yi kibán e kirə̀ʼ ké cù.
Mooser lèm wír ve á kwaŋrì nsaʼ si
(Remrí 1.9‑18)
13Ndzə bvəə́shí, e ràn, Mooser dzə̀ʼə̀m, a tinén nsaʼ se wíri, á wáa tiy, a leéy wun, e kèʼ fo kijàvndzə, e dù, e meé e ŋkuùr. 14Jetro yén kinyo kidzə̀m ke Mooser‑iì yii e wíri, e nèn a dzər sho jii, «Ke à lim fo wíri ben ki dzə̀ ka? À yii kee shoon vèn mòʼón bìʼ ka, a wíri tíy e wò si, e kèʼ fo kijàvndzə, e dù, e meé e ŋkuùr?»
15Mooser bìnèr e sə və jii, «M yii bèn, bìʼ fo wíri lo, á wìy, e yèn mo ji á yú á kinyo ke Nyùy taʼ ji á wáa yiì. 16Áwune lóo ker ntàŋntàŋ, á nèn wìy, e neèr e mǒ si. M nəə aáwuné kinyò, tínenè, m nèn naàrì áwune nsər se Nyùy wùn à ntir sə́ sí.»
17Jetro suúy e Mooser jii, «Kinyo ke à yii kìn ki yòʼ dzə̀ tìítiy. 18À kù yíi a màyìr vitaáví vé máyirin, é wíri kfə́n a dor sa. Lim rə̀ne kùʼ feyì fo à wáa yiì vèn mòʼón. 19Yuúrí, é m fó wò ntir ye juŋ, é Nyùy yiì a dzə vèn wun. À kù yíi a dzə ké ji wír wo wù li kilíŋ ke wíri e Nyùy si, é wáa lì wò nsaʼ sév, a bi Nyùy sho, 20é kfə́n a yeʼéy wò áwune nsər se Nyùy, a naàrì ntir sə́, aá fiʼ kìíy mo dzə̀ á wàa ghan, e kfə̀n a kiíy kinyo ke dzə̀ á wàa yiì. 21Kiiyì, áà nèn nə̀ə́ e wìr dzə̀m mvəm, e shòʼtí wír vee jwáʼ ve á fan Nyùy, suuy suuyrú, kfə̀n ban yíkísáŋ, e lèm, aá wáa dzə vilìmbìy ve wíri. À shóʼti, áà javti é viliŋ viliŋ, é kilìmbìy kimòʼón kimòʼón fo kiliŋ kímóʼ kí wáa saʼ wír nsə̀kì nsə̀kì, é veé kiliŋ kímóʼ kí wáa saʼ wír wií wií, é vee kímóʼ kí wáa saʼ wír mtàn mtàn, é vee kímóʼ kí wáa saʼ wír e ghvə̀m ghvə̀m. 22Lèm áwune, aá wáa tinén nsaʼ se wíri ghán sidzə̀m. Áwune li nsaʼ se tavkín sí, aá wiy, e yèn wò sho, lóo dzə see fó tèr, aáwune wáa saʼ. Á bèy, aáwune nèn fàr kibeʼèy ké, é líme caár fo wò wùn. 23Aà yii mo Nyùy suuyì, mo m naàrìn ben, áà nèn yù fó a yiì lim rə̀n, é wír vìne nèn a dùkìr aáwuné melav ji nyaáŋ, bìʼ fo nsaʼ sév sí siìn sitínmén.»
24Mooser yú jí se sə və Jetro, e yiì kinyo kidzə̀m mo wù‑uù shu, 25e nèn shòʼtí vilum vee jwáʼ fo wír veé Israyí mvəm, e lèm ji vitú ve saʼ ve wíri. Vímóʼ ví wáa saʼ wíri nsə̀kì nsə̀kì, vímóʼ ví wií wií, vímóʼ ví mtàn mtàn, e lì ve ví‑iì sáʼ wír e ghvə̀m ghvə̀m. 26Áwune ku nèn a saʼ nsaʼ se wíri ghán sidzə̀m. Á li nsaʼ se tavkín sí, á dù, e yèn Mooser sho. Lóo dzə see fó tèr, áwune wàa saʼ áwune áwune.
27Mooser yiì lò, e tsəə̀né sə́ və Jetro, wù kfə́n é bàm e wun wòŋ.
Currently Selected:
Fəə 18: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Fəə 18
18
Jetro dú, e ghàn Mooser
1Jetro wo yì‑iì dzəə̀n taà cù woó Midian, a kfə̀n dzə̀ sá tàr à wiiy Mooser yú vinyo vidzə̀m ve Nyùy yiìn e Mooser, e kfə̀n yiì sa e wír və́ veé Israyi mo wù‑uù fəərin áwune fó Ejiv. 2A Jetro‑oò dzə̀ wùn Tsippora woo wiiy Mooser mo Mooser‑iì tsənsin wùn à wóné fo Jetro wùn. 3Wóné‑eè dzə̀ abaà vilum vilum, a yír wo mòʼóne dzə̀ Gershom#18.3: Gershom: E Lǎm Hibru, yír rə́ne koó fo kisuŋnìn moo jí yee «kiŋgwìy.» (Leéy: 2.22).. A Mooser‑iì shu bèy, suuy jii, «M dzə̀ kiŋgwìy e nsay ye bó yòʼ dzəə̀n yéer.» 4Wù kfə̀n‑eè shù yír wùmòʼ ji Elieser#18.4: Elieser: E Lǎm Hibru, yír rə́ne koó fo kisuŋnìn moo jí see «Nyùy sə́ mo.» (Leéy: 4.27)., shu bèy, suuy jii, «Nyùy Tàr wor sə̀ ne mo, m bóy, la fòn woó Ejiv yòʼ yùyrí mo.»
5Jetro woo tàr à wiiy Mooser nèn lò, e lì wón Mooser vee abaà vin, wùn à ye wov, a dù sho e woʼ fo Mooser‑iì shiiyì e Gwan Nyùy#18.5: Gwan Nyùy: Leéy: 4.27.. 6Wù‑uù du, a wù tsə́nsí ne ntum e Mooser jii, «Mo woo Jetro woo sə́ wò wiy vèr à wiiy wò, à wón vé vee abàá.» 7Á meé, Mooser fəə́, wùn sə və tárnín, wù tsə́m ndzəə́, e làʼ kitú fo nsay e si wo, e lò, e baàmé wun. Wùn wun shàʼnìn, e nèn nə̀ə́ e Mooser kibàn. 8Mooser nèn fèr e tàr à wiiy və kinyo kidzə̀m ke Nyùy Tàr yiìn e Farao wùn à wír veé Ejivi bìʼ wír veé Isray. Wù kfən fèr sho mo wíri‑iì yén ŋgeʼ e dzəə, e naàrì mo Nyùy Tàr‑iì səən áwune fó ŋgeʼ foo fèy.
9Jetro yú vinyo ve juŋ vi vidzə̀m ve Nyùy Tàr‑iì yiìn e wír veé Israyi, e fə̀ə́r áwune fo wír veé Ejiví wo, wúné bòŋ wun, 10wù wáa suúy jii, «Búríi wáa dzə fo Nyùy Tàr. Wù‑uù fə̀ə́r ven fo fòn wùn à wír veé Ejiví wo, wír vəə́ bóy fó vikwàn ve vé‑eè reŋ e wír veé Ejiví wo. 11M kìíy ne lèn ji Nyùy Tàr kùʼ e shaà anyùy ve wíri cu adzə̀m, bìʼ fo wù yiìn ne, wír vəə́ bóy fo wír veé Ejiví wo ve vé‑eè ŋaʼ, táy áwune.» 12Jetro woo sə Mooser nèn tòn nyám si, a cù Nyùy Tàr shó. Aaron wùn à vilìmbìy ve wìr veé Isray vi wìy, wùn áwune wáa yi kibán e kirə̀ʼ ké cù.
Mooser lèm wír ve á kwaŋrì nsaʼ si
(Remrí 1.9‑18)
13Ndzə bvəə́shí, e ràn, Mooser dzə̀ʼə̀m, a tinén nsaʼ se wíri, á wáa tiy, a leéy wun, e kèʼ fo kijàvndzə, e dù, e meé e ŋkuùr. 14Jetro yén kinyo kidzə̀m ke Mooser‑iì yii e wíri, e nèn a dzər sho jii, «Ke à lim fo wíri ben ki dzə̀ ka? À yii kee shoon vèn mòʼón bìʼ ka, a wíri tíy e wò si, e kèʼ fo kijàvndzə, e dù, e meé e ŋkuùr?»
15Mooser bìnèr e sə və jii, «M yii bèn, bìʼ fo wíri lo, á wìy, e yèn mo ji á yú á kinyo ke Nyùy taʼ ji á wáa yiì. 16Áwune lóo ker ntàŋntàŋ, á nèn wìy, e neèr e mǒ si. M nəə aáwuné kinyò, tínenè, m nèn naàrì áwune nsər se Nyùy wùn à ntir sə́ sí.»
17Jetro suúy e Mooser jii, «Kinyo ke à yii kìn ki yòʼ dzə̀ tìítiy. 18À kù yíi a màyìr vitaáví vé máyirin, é wíri kfə́n a dor sa. Lim rə̀ne kùʼ feyì fo à wáa yiì vèn mòʼón. 19Yuúrí, é m fó wò ntir ye juŋ, é Nyùy yiì a dzə vèn wun. À kù yíi a dzə ké ji wír wo wù li kilíŋ ke wíri e Nyùy si, é wáa lì wò nsaʼ sév, a bi Nyùy sho, 20é kfə́n a yeʼéy wò áwune nsər se Nyùy, a naàrì ntir sə́, aá fiʼ kìíy mo dzə̀ á wàa ghan, e kfə̀n a kiíy kinyo ke dzə̀ á wàa yiì. 21Kiiyì, áà nèn nə̀ə́ e wìr dzə̀m mvəm, e shòʼtí wír vee jwáʼ ve á fan Nyùy, suuy suuyrú, kfə̀n ban yíkísáŋ, e lèm, aá wáa dzə vilìmbìy ve wíri. À shóʼti, áà javti é viliŋ viliŋ, é kilìmbìy kimòʼón kimòʼón fo kiliŋ kímóʼ kí wáa saʼ wír nsə̀kì nsə̀kì, é veé kiliŋ kímóʼ kí wáa saʼ wír wií wií, é vee kímóʼ kí wáa saʼ wír mtàn mtàn, é vee kímóʼ kí wáa saʼ wír e ghvə̀m ghvə̀m. 22Lèm áwune, aá wáa tinén nsaʼ se wíri ghán sidzə̀m. Áwune li nsaʼ se tavkín sí, aá wiy, e yèn wò sho, lóo dzə see fó tèr, aáwune wáa saʼ. Á bèy, aáwune nèn fàr kibeʼèy ké, é líme caár fo wò wùn. 23Aà yii mo Nyùy suuyì, mo m naàrìn ben, áà nèn yù fó a yiì lim rə̀n, é wír vìne nèn a dùkìr aáwuné melav ji nyaáŋ, bìʼ fo nsaʼ sév sí siìn sitínmén.»
24Mooser yú jí se sə və Jetro, e yiì kinyo kidzə̀m mo wù‑uù shu, 25e nèn shòʼtí vilum vee jwáʼ fo wír veé Israyí mvəm, e lèm ji vitú ve saʼ ve wíri. Vímóʼ ví wáa saʼ wíri nsə̀kì nsə̀kì, vímóʼ ví wií wií, vímóʼ ví mtàn mtàn, e lì ve ví‑iì sáʼ wír e ghvə̀m ghvə̀m. 26Áwune ku nèn a saʼ nsaʼ se wíri ghán sidzə̀m. Á li nsaʼ se tavkín sí, á dù, e yèn Mooser sho. Lóo dzə see fó tèr, áwune wàa saʼ áwune áwune.
27Mooser yiì lò, e tsəə̀né sə́ və Jetro, wù kfə́n é bàm e wun wòŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL