Fəə 13
13
Kifá ke mbìy ke á dzəən kí dzə̀ kinshoʼ ke Nyùy Tàr
1 Nyùy Tàr kfən sùúy e Mooser jii, 2«Fó kifá kidzə̀m ke dzəə̀n dzə́ə mbìyi kee lumèn ki ji kinshoʼ kém. Wìr woó Isray dzəə wan mbìy, a dzə̀ lumèn, bo dzə̀ wóom. Nyàm dzəə wan mbìy woo lumèn, bo kù dzə̀ sá wóom.»
Ŋkǎʼ Kiban kee là Nyaà
3Mooser nèn sùúy e wíri jii, «Vèn kù wíy a kuumé kishiíy kin, kishiíy ke vèn‑eè fəən fó Ejiv, e bòy fo vikwàn. Dzə̀ kishiíy ke Nyùy Tàr‑iì fəərin ven fó fèn e vitaáví və́ ve ghaʼán ví. Lá vèn yòʼ wìy yì kibán ke kí kér nyaà e kishiíy fen. 4Dzə̀ kishiíy ké lán ki, e ŋwee *Abiv wo vèn sí ŋáʼay fo Ejiv. 5Nyùy Tàr wíy yii, vèn nəə e wòŋ wo wù‑uù kàʼàn atàr vén shó, e lìʼ, vèn kù a lèm ŋkàʼ vən e ŋwee mbìyi viyá vidzə̀m. Woŋ və̀ne dzə̀ e juŋ, a vín nàʼ wùn à vilu vi tsəətìn sho, a dzə̀ nsay wìr veé Kanan, wùn à veé Hiti, à veé Amori, à veé Hivi, à veé Jebusi. 6Lóo dzə e ŋkàʼ fen, bo vèn kù wíy yi kibán kee là nyaà kishiíy saàmbà. Lóo dzə e kishiíy ke kí meen ji saàmbà, é vèn ku yiì kiŋkàʼ kée ghvəm Nyùy Tàr shó. 7Á wíy yi kibán kee là nyaà kishiíy saàmbà, aá yòʼ taʼ e wìy yen, a wìr kér kibán ke nyaà kí. A bó á yòʼ taʼ sa, e yen, a wìr kér nyaà, fə̀m feé fo vèn dzəə̀n. 8Lóo dzə e kishiíy fóo fèy, vèn naàrì e wón véné ji ŋkàʼ və́ne dzə̀ á bìʼ kinyo ke Nyùy Tàr‑iì yiìn e vèn é ghan se vé‑eè fəən fó Ejiv. 9Ŋkàʼ və́ne wíy a dzə kisəəm fo vèn moo kifá ke wìr səəyin é koy, kìn ke wù kurin é yírvishi, é kí wáa kuumé ven kinyo ke Nyùy‑iì yiìn, é vèn fíʼ a remrí ntir se Nyùy Tàr, wun woo Nyùy Tàr wo wù‑uù fəərin ven fó Ejiv e vitaáví və́ ve wiy ví. 10Vèn kù wíy a lèm ŋkàʼ vən e ghan fen viyá vidzə̀m.
Cu kifa ke dzəə̀n dzə́ə mbìyi
11«Nyùy Tàr kù wíy lì ven, e dù sho e wòŋ wìr veé Kanan wo wù‑uù kàʼàn vèn aàtàr véné shó. Wù wíy fó fó e vèn, 12vèn nèn a fo wun kifá kidzə̀m ke dzəə̀n dzə́ə mbìyi, kee lumèn. Wón nyàm vee vilum adzə̀m ve dzəə̀n dzə́ə mbìyi kù sì və́. 13Yii bèy, lóo dzə wan kimbèʼbìy, vèn kù tìn e wàn bvəy. Lóo dzə, a bó á yòʼ‑óò tín, á tòy kilòŋ fó fo. Vèn wíy a tin sa wón vén vee vilum adzə̀m. 14Wíy lóo dzə e ghan see shó, wan wìr dzə́r jii, ‹Nsàv kinyò kìn dzə̀ ka,› wù bìnèr jii, ‹Nyùy Tàr‑iì fə̀ə́r ver e vitaáví və́ ve ghaʼán ví fó wòŋ Ejiv fo vèr‑iì reŋ vikwàn. 15Fòn woó Ejiv‑iì tàv kitú, e tèn fó màʼtì, é vèr lo, Nyùy Tàr nèn yùyrí kifá kidzə̀m kee lumèn ke dzəə̀n dzə́ə mbìyi e wòŋ Ejiv, kìn wír, kìn nyám. Bìʼ bey, vèr nén a cù Nyùy Tàr e kifá kee lumèn ki kidzə̀m ke dzəə̀n dzə́ə mbìyi. Yii bèy, a vèr tín wón vér.› »
16Mooser nèn màysì jii, «Cu rə̀ne wíy a dzə kisəəm fo vèn moo kifá ke wìr səəyin é koy, kìn wù kùr é yírvishi, é vèn fíʼ a kuumé ji Nyùy Tàr‑iì fə̀ə́r á vèsən fó Ejiv e vitaáví və́ ve ghaʼán ví.»
Nyùy tsəə́ne wír və́
17Ghán se Farao‑oò màʼtìn ne wír veé Isray ji á wáa dù, Nyùy yòʼ‑oò lo tsəə̀né áwune, e shaà sho fo dzəə ye yì du, tósin woŋ Filistia, mo fə̀m‑eè dzəə̀n dzə́ə ye tsəm. Wù‑uù sùúy jii, «Aá lòo dù, e tò é rər, bo á lo, a rə̀m ntéŋ, e nèn bìnkìr, a kfən a e Ejiv.» 18Wù nèn a tsəəné áwune a dzə̀ fó dzəə ye yì‑iì kaári wóʼ, kfə̀n kiʼ Rìbà Ndzə̀v wo Baar#13.18: Rìbà Ndzə̀v wo Baar: Lám Hibrùu kér ji Rìbà Ndzə̀v wo Kwiiyín..
Wír veé Israyi‑iì lò fó Ejiv, aá dzə̀ kibáʼtín fó rər. 19Á lòo lò, Mooser lì vighvə́r vé Joosev ji á wáa dù sho, bìʼ fo Joosev‑iì yiìn, wír veé Israyi yiì kilìʼ bìʼ víwun.#13.19: Leéy: Kèʼlo 50.25. Vé‑eè liʼ bèy, a wù yoŋ jii, «Ké ru kí, Nyùy wíy wìy, e sham ven. Wíy lòo dzə e ghan fóo fèy, é vèn li vighvə́r vém fó fèn, a dù sho.»
20Mo wír veé Israyi duùn, e mèé e Sukkot, e nèn yiì lò lò, e dù, e tàm táv sí é Etam, e ghaa woʼ, a beè fo. 21A vé‑eè ghán bèy, a Nyùy Tàr danèr áwune. Lóo dzə e shùy, Nyùy Tàr wàa dù aáwuné mbìy e mbàʼ ye yì‑iì dzəə̀n é njà kitom. Lóo dzə vitsə́ʼ, wù shèm fó mbìy e njà kitom ke dzəə̀n və́y, e fíʼ a kàʼày virə́ʼ. Á bèy, áwune nèn yù fó a ghan e shùy wùn à vitsə́ʼə́. 22Bó mbàʼ ye yì‑iì dzəə̀n moo kitóm e shùy, kìn və́y wo wú‑uù dzəə̀n moo kitóm vitsə́ʼə́ yòʼ‑oò lo ghàn sìíy bùú fo wír vìné mbìy e ghan símóʼ sí gheéy.
Currently Selected:
Fəə 13: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Fəə 13
13
Kifá ke mbìy ke á dzəən kí dzə̀ kinshoʼ ke Nyùy Tàr
1 Nyùy Tàr kfən sùúy e Mooser jii, 2«Fó kifá kidzə̀m ke dzəə̀n dzə́ə mbìyi kee lumèn ki ji kinshoʼ kém. Wìr woó Isray dzəə wan mbìy, a dzə̀ lumèn, bo dzə̀ wóom. Nyàm dzəə wan mbìy woo lumèn, bo kù dzə̀ sá wóom.»
Ŋkǎʼ Kiban kee là Nyaà
3Mooser nèn sùúy e wíri jii, «Vèn kù wíy a kuumé kishiíy kin, kishiíy ke vèn‑eè fəən fó Ejiv, e bòy fo vikwàn. Dzə̀ kishiíy ke Nyùy Tàr‑iì fəərin ven fó fèn e vitaáví və́ ve ghaʼán ví. Lá vèn yòʼ wìy yì kibán ke kí kér nyaà e kishiíy fen. 4Dzə̀ kishiíy ké lán ki, e ŋwee *Abiv wo vèn sí ŋáʼay fo Ejiv. 5Nyùy Tàr wíy yii, vèn nəə e wòŋ wo wù‑uù kàʼàn atàr vén shó, e lìʼ, vèn kù a lèm ŋkàʼ vən e ŋwee mbìyi viyá vidzə̀m. Woŋ və̀ne dzə̀ e juŋ, a vín nàʼ wùn à vilu vi tsəətìn sho, a dzə̀ nsay wìr veé Kanan, wùn à veé Hiti, à veé Amori, à veé Hivi, à veé Jebusi. 6Lóo dzə e ŋkàʼ fen, bo vèn kù wíy yi kibán kee là nyaà kishiíy saàmbà. Lóo dzə e kishiíy ke kí meen ji saàmbà, é vèn ku yiì kiŋkàʼ kée ghvəm Nyùy Tàr shó. 7Á wíy yi kibán kee là nyaà kishiíy saàmbà, aá yòʼ taʼ e wìy yen, a wìr kér kibán ke nyaà kí. A bó á yòʼ taʼ sa, e yen, a wìr kér nyaà, fə̀m feé fo vèn dzəə̀n. 8Lóo dzə e kishiíy fóo fèy, vèn naàrì e wón véné ji ŋkàʼ və́ne dzə̀ á bìʼ kinyo ke Nyùy Tàr‑iì yiìn e vèn é ghan se vé‑eè fəən fó Ejiv. 9Ŋkàʼ və́ne wíy a dzə kisəəm fo vèn moo kifá ke wìr səəyin é koy, kìn ke wù kurin é yírvishi, é kí wáa kuumé ven kinyo ke Nyùy‑iì yiìn, é vèn fíʼ a remrí ntir se Nyùy Tàr, wun woo Nyùy Tàr wo wù‑uù fəərin ven fó Ejiv e vitaáví və́ ve wiy ví. 10Vèn kù wíy a lèm ŋkàʼ vən e ghan fen viyá vidzə̀m.
Cu kifa ke dzəə̀n dzə́ə mbìyi
11«Nyùy Tàr kù wíy lì ven, e dù sho e wòŋ wìr veé Kanan wo wù‑uù kàʼàn vèn aàtàr véné shó. Wù wíy fó fó e vèn, 12vèn nèn a fo wun kifá kidzə̀m ke dzəə̀n dzə́ə mbìyi, kee lumèn. Wón nyàm vee vilum adzə̀m ve dzəə̀n dzə́ə mbìyi kù sì və́. 13Yii bèy, lóo dzə wan kimbèʼbìy, vèn kù tìn e wàn bvəy. Lóo dzə, a bó á yòʼ‑óò tín, á tòy kilòŋ fó fo. Vèn wíy a tin sa wón vén vee vilum adzə̀m. 14Wíy lóo dzə e ghan see shó, wan wìr dzə́r jii, ‹Nsàv kinyò kìn dzə̀ ka,› wù bìnèr jii, ‹Nyùy Tàr‑iì fə̀ə́r ver e vitaáví və́ ve ghaʼán ví fó wòŋ Ejiv fo vèr‑iì reŋ vikwàn. 15Fòn woó Ejiv‑iì tàv kitú, e tèn fó màʼtì, é vèr lo, Nyùy Tàr nèn yùyrí kifá kidzə̀m kee lumèn ke dzəə̀n dzə́ə mbìyi e wòŋ Ejiv, kìn wír, kìn nyám. Bìʼ bey, vèr nén a cù Nyùy Tàr e kifá kee lumèn ki kidzə̀m ke dzəə̀n dzə́ə mbìyi. Yii bèy, a vèr tín wón vér.› »
16Mooser nèn màysì jii, «Cu rə̀ne wíy a dzə kisəəm fo vèn moo kifá ke wìr səəyin é koy, kìn wù kùr é yírvishi, é vèn fíʼ a kuumé ji Nyùy Tàr‑iì fə̀ə́r á vèsən fó Ejiv e vitaáví və́ ve ghaʼán ví.»
Nyùy tsəə́ne wír və́
17Ghán se Farao‑oò màʼtìn ne wír veé Isray ji á wáa dù, Nyùy yòʼ‑oò lo tsəə̀né áwune, e shaà sho fo dzəə ye yì du, tósin woŋ Filistia, mo fə̀m‑eè dzəə̀n dzə́ə ye tsəm. Wù‑uù sùúy jii, «Aá lòo dù, e tò é rər, bo á lo, a rə̀m ntéŋ, e nèn bìnkìr, a kfən a e Ejiv.» 18Wù nèn a tsəəné áwune a dzə̀ fó dzəə ye yì‑iì kaári wóʼ, kfə̀n kiʼ Rìbà Ndzə̀v wo Baar#13.18: Rìbà Ndzə̀v wo Baar: Lám Hibrùu kér ji Rìbà Ndzə̀v wo Kwiiyín..
Wír veé Israyi‑iì lò fó Ejiv, aá dzə̀ kibáʼtín fó rər. 19Á lòo lò, Mooser lì vighvə́r vé Joosev ji á wáa dù sho, bìʼ fo Joosev‑iì yiìn, wír veé Israyi yiì kilìʼ bìʼ víwun.#13.19: Leéy: Kèʼlo 50.25. Vé‑eè liʼ bèy, a wù yoŋ jii, «Ké ru kí, Nyùy wíy wìy, e sham ven. Wíy lòo dzə e ghan fóo fèy, é vèn li vighvə́r vém fó fèn, a dù sho.»
20Mo wír veé Israyi duùn, e mèé e Sukkot, e nèn yiì lò lò, e dù, e tàm táv sí é Etam, e ghaa woʼ, a beè fo. 21A vé‑eè ghán bèy, a Nyùy Tàr danèr áwune. Lóo dzə e shùy, Nyùy Tàr wàa dù aáwuné mbìy e mbàʼ ye yì‑iì dzəə̀n é njà kitom. Lóo dzə vitsə́ʼ, wù shèm fó mbìy e njà kitom ke dzəə̀n və́y, e fíʼ a kàʼày virə́ʼ. Á bèy, áwune nèn yù fó a ghan e shùy wùn à vitsə́ʼə́. 22Bó mbàʼ ye yì‑iì dzəə̀n moo kitóm e shùy, kìn və́y wo wú‑uù dzəə̀n moo kitóm vitsə́ʼə́ yòʼ‑oò lo ghàn sìíy bùú fo wír vìné mbìy e ghan símóʼ sí gheéy.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL